Feeds:
ჩანაწერები
კომენტარები

Posts Tagged ‘ჯეიმს ფენიმორ კუპერი’

Cocktail Party. Jokulo Cooper

მართალია, მოლის ვერანდაზე მხიარული თავყრილობა საგანგებო მიზეზების გარეშეც საკმაოდ ხშირია, მაგრამ, დამეთანხმეთ, საიუბილეო თარიღების აღნიშვნას ამ მყუდრო, მწვანეში ჩაფლულ ტერასაზე მაინც სხვა ეშხი აქვს.

ალბათ, გემახსოვრებათ, რა ჟრიამულით და შუშხუნა შამპანურის ბათქა-ბუთქით ავღნიშნეთ მეასე პოსტი… არც ის აურზაური დაგავიწყდებოდათ, ბლოგის პირველი დაბადების დღე რომ ვიზეიმეთ და ვისკის ნამდვილი ფესტივალი გავმართეთ. ჰოდა, იმ ძველი და ყველასთვის საყვარელი ფილმისა არ იყოს, ახლა უკვე ტრადიციად გვექცა, განსაკუთრებული მოვლენების აბანოში… უჰ, უკაცრავად, ვერანდაზე აღნიშვნა ხარისხიანი ალკოჰოლის თანხლებით.

ამაღამ მოლი ბლუმი მეორასე პოსტს აქვეყნებს და, ვფიქრობ, აუცილებელიც კია, მცირე კოქტეილ-ფართი მოვაწყო და სტუმრებს ცივზე ცივი, უგემრიელესი სასმელით გავუმასპინძლდე.

(more…)

Advertisements

Read Full Post »

ჩვენი ბავშვობის წიგნები

რვა წლის ვიყავი, დედამ ჰანს ქრისტიან ანდერსენის ზღაპრების  მომცრო, წითელყდიანი ტომი რომ მაჩუქა. იმ დროს ზღაპარი ჩემთვის ჯადოსნური პერსონაჟებით დასახლებული, საოცარი, მაგრამ მაინც რაციონალური  სამყარო იყო  – მთავარი გმირი, უამრავი  ფათერაკის მიუხედავად, გამარჯვებული რჩებოდა, ავი ძალები კი მარცხდებოდნენ. რა გასაკვირია, რომ ანდერსენის მინორული, “არაზღაპრულად” სევდიანი სიუჟეტები თავიდან მეუცხოვა კიდეც.

ხვალ  დანიელ მეზღაპრეს დაბადებიდან 206 წელი უსრულდება, თუმცა ლიტერატურული სამყარო, 1967 წლიდან, 2 აპრილს კიდევ ერთ იუბილეს აღნიშნავს. ვინც ერთხელ მაინც შეხვედრია კალის მედგარ ჯარისკაცს,  ქალთევზას, კაის და გერდას,  გულუბრყვილო მეფეს, უგვან იხვის ჭუკს, შეყვარებულ პრინცს და ნაზ პრინცესას, დამეთანხმება, საბავშვო წიგნის საერთაშორისო დღისათვის უკეთესი თარიღის შერჩევა მართლა ძნელია.

მოლი ბლუმის ბლოგზე, ძირითადად, ლიტერატურაზე ვსაუბრობთ. მეტიც – დიდი იმედი მაქვს, რომ მკითხველის სიმპათიას და კეთილგანწყობას სწორედ ამის წყალობით ვიმსახურებ, რადგან ამ ბლოგის სტუმრების აბსოლუტური უმრავლესობა ისეთივე ბიბლიოფილია, როგორიც თავად გახლავართ. ბუ­ნებ­რივია, ამ  ორმაგ თარიღს გვერდს ვერაფრით  ავუვლიდი. ამიტომ მინდა, პატარა ექსკურსია შემოგ­თავაზოთ ზოგისთვის ახლო, ზოგისათვის კი უკვე შორეულ წარსულში და ჩვენი ბავშვობის წიგნები გავიხსენოთ.

(more…)

Read Full Post »

%d bloggers like this: