Feeds:
ჩანაწერები
კომენტარები

Posts Tagged ‘ჩორვენი’

დაბადების დღეები, ზოგადად, ძალიან მიყვარს. ჩემიც, სხვისიც. რა სჯობს ათასნაირი სასუსნავით დახუნძლულ სუფრას, ფერად–ფერად ქაღალდებში შეფუთულ საჩუქრებს, ტორტზე ანთებულ სანთლებსა და საზეიმო აურზაურს?! არც არაფერი.

საკმაოდ კარგად აღზრდილი ადამიანი გახლავართ და დაუპატიჟებლად ვინმეს დღესასწაულზე კი არა, ჭიქა ყავაზე არ ვესტუმრები. თუმცა, აქედან ძალიან შორს, ჩრდილოეთში, 110 წლის წინ ისეთი ქალი დაიბადა, რომ შემძლებოდა, მოსაწვევს ნამდვილად არ დაველოდებოდი, დავადებდი თავს და რომელიმე 14 ნოემბერს გაუფრთხილებლად მივადგებოდი კარზე. არ გეგონოთ, ხელცარიელი ვაპირებდე მისვლას – უზარმაზარ ტორტს შევუკვეთდი და ზედ აუცილებლად წამოვასკუპებდი იმ პერსონაჟებს, მარტო ბავშვობა კი არა, მთელი ცხოვრება რომ გამითბეს და გამიხალისეს.

(more…)

Advertisements

Read Full Post »

Ну, погоди! Олимпиада

ერთი ძველი ხუმრობის თანახმად, უკაცრიელ კუნძულზე მოხვედრილი ინგლისელი, უპირველეს ყოვლისა, ორ კლუბს აშენებს – იმას, სადაც არასოდეს ივლის და იმას, რომელსაც ყოველ საღამოს ესტუმრება.

თქვენი მასპინძელი, კი გეცოდინებათ, გამოუსწორებელი ანგლოფილია. ამას ირლანდიური გვარ-სახელიც დაუმატეთ და აღარ გაგიკვირდებათ, თუ გეტყვით, რომ დღემდე ათასი ჯურის კლუბში ვარ გაწევრებული – ვირტუალურშიც და ნამდვილზე ნამდვილშიც :)

ჰოდა, დღეს ერთ-ერთ მათგანზე მოგიყვებით. სულ ახალი დაარსებულია, მაგრამ ფრიად პერსპექტიული, სახალისო და, რაც მთავარია, სასარგებლო – ტყუილად ხომ არ ამბობდნენ ძველი ბერძნები, ჯანსაღ სხეულში ჯანსაღი სულიაო. მართალია, ამ აფორიზმს მეორე ნაწილიც აქვს, თანაც არცთუ ოპტიმისტური, მაგრამ მთლად ნუ დავწვრილმანდებით.

(more…)

Read Full Post »

Ilon Wikland. Seacrow island
ზაფხული რომ მოახლოვდა, ალბათ, ყველა იგრძნობდით.

ვზივარ ახლა და ვფიქრობ, საით წავიდოდი ყველაზე მეტი სიხარულით შვებულების გასატარებლად.

ჰოდა, როგორ გგონიათ, ბორა-ბორასკენ ან მალდივის კუნძულებისკენ გამიწია გულმა, რომ ოქროსფერ ქვიშაზე მევლო და ბუნგალოებში ეგზოტიკური კოქტეილები მეწრუპა? ან ევროპაში მოგზაურობა და არქიტექტურული ძეგლების დათვალიერება მომინდა?

ოლოლი თქვენ, ვერ გამოიცანით.

აი, რომ შემეძლოს, წუთით არ შევყოყმანდებოდი, მოვიკიდებდი ზურგჩანთას და პირდაპირ იმ ნავსადგომისკენ გავქანდებოდი, პატარა თეთრი თბომავალი “სალტკროკა I” რომ დგას. საყვირს დავაგუგუნებდით, აფრებს ავუშვებდით და სულ მალე მივადგებოდით ნაპირს, სადაც ჩაკუპატებული პატარა ჩორვენი დაგვხვდებოდა ბოცმანთან ერთად.

(more…)

Read Full Post »

Astrid Lindgren

რამდენიც არ უნდა დავწერო ამ ავტორზე, როგორც არ უნდა გამოვხატო ჩემი დამოკიდებულება, მაინც ყოველთვის ვალში ვიქნები მის წინაშე.

ვალში ვიქნები იმის გამო, რომ ოცნება, სიკეთე, სიყვარული და მეგობრობა ვისწავლე…

“ლამაზი, ჭკვიანი, ზომიერად ფერხორციანი, მოწიფული მამაკაცის“ გამო…

ჭორფლიანი, კიკინებაპრეხილი, უზომოდ მარტოსული და სიკეთით სავსე უშიშარი გოგოს გამო…

ბიულერბიუელი ბავშვების წყალობით ჩემს ცხოვრებაში შემოჭრილი სინათლის და ჰარმონიის გამო…

ძმები ლომგულების სიბრალულით დაღვრილი ცრემლის გამო…

ლიონებერგელი ემილის ოინებით მოგვრილი ხალისის და მხიარულების გამო…

იმ ბედნიერი წუთების გამო, მისი ახალი წიგნის ხელში ჩაგდებით რომ განვიცდიდი.

(more…)

Read Full Post »

pippi longstocking

ერთთვიანი ტაიმ-აუტის შემდეგ მოლი ბლუმის ბლოგზე კვლავ ჯეოპარდი იღებს სტარტს. თქვენი არ ვიცი და მე ძალიან მომენატრა ტრადიციული ოთხშაბათი, კითხვების მზადება, პასუხების გადამოწმება, ქულების დათვლა-დაჯამება და ამ ყველაფერთან დაკავშირებული ფაცი-ფუცი.

ბლოგის მუდმივმა სტუმრებმა უკვე შეამჩნიეს, რომ მათ რიცხვს ერთი ნორჩი, მაგრამ მეტად ჭკვიანი, განათლებული და აქტიური ახალგაზრდა შეემატა ლუკიანეს ნიკით. მართალია, ჩემთვის ყველა მკითხველი თანაბრად ძვირფასია, მაგრამ არ შემიძლია არ ავღნიშნო, რომ ლუკასავით გონიერი, ნაკითხი და ერთგული ვიზიტორებით ბევრი ბლოგი ვერ დაიტრაბახებს. დღევანდელი ჯეოპარდი სწორედ მას ეძღვნება და თემაც მისი ასაკის შესაფერი ავარჩიე (თუმცა, ბატონი ლუკიანე გაცილებით სერიოზულ ლიტერატურაშიც ერკვევა). მაშ, ასე, გეთაყვა,

Good luck!

(more…)

Read Full Post »

მოლი ბლუმის ბლოგის ერთ–ერთმა ყველაზე ერთგულმა მკითხველმა, გამოცდილმა ბლოგერმა და ექსტრემალური შეგრძნებების მოყვარულმა ჩორვენმა გასული კვირის  Jeopardy!-ის თემა გააპროტესტა, სანაცვლოდ კი საკუთარი ვერსია შემოგვთავაზა. მე, როგორც სტუმართმოყვარე მასპინძელმა, საპატიო მოვალეობად ჩავთვალე, მუდმივი მკითხველის სურვილი და მოსაზრება გამეთვალისწინებინა, მით უმეტეს, რომ თემა ჩემთვისაც მეტად აქტუალური და სასიამოვნოა.

მაშ, ასე – ფიგურაზე მზრუნველ და დიეტაზე მყოფ სტუმრებს გულწრფელად ვთხოვ პატიებას  – მოლი ბლუმი, ჩორვენის პატივსაცემად, გასტრონომიულ ორგიას მართავს.

Bon appetit!

(more…)

Read Full Post »

ლიტერატურული და არტ თემების კვალდაკვალ მოლი ბლუმის ბლოგზე მუსიკალური ვიქტორინის დროც დადგა. დღევანდელი პაკეტი, ვფიქრობ, განსაკუთრებით  კლასიკის მოყვარულებს დააინტერესებს. კითხვებს როკისა და ჯაზის შესახებ მოგვიანებით შემოგთავაზებთ.

ვიქტორინას მეორე ტურში მონაწილეობა ექვსმა ინტელექტუალმა – მერი პოპინსმა, ლიბიკა სილვესტრისმა, ჩორვენმა, თამარამ, მატილდამ და ანონიმმა მიიღო. საუკეთესო შედეგით – თხუთმეტი სწორი პასუხით – პირველ ადგილზე მერი პოპინსი აღმოჩნდა, თუმცა თავი არც სხვებს შეურცხვენიათ. დღეს კი ერთმანეთს მელომანი ბლოგერები შეერკინებიან.

Good luck!

(more…)

Read Full Post »

%d bloggers like this: