Feeds:
ჩანაწერები
კომენტარები

Posts Tagged ‘ქართველი ჯარისკაცები’

mask of mourning black
მესამე წელია, ბლოგი მაქვს და არ მახსოვს, როდესმე ასე გამჭირვებოდეს სიტყვების პოვნა.

არადა, როგორც ყოველთვის, დღევანდელი პოსტი ჯერ კიდევ გუშინ მქონდა მზად; სახალისო ტექსტი იყო, ძილის წინ კარგ გუნებაზე რომ დააყენებს ადამიანს.

საუბედუროდ, დღე ისე შავად დაღამდა, ხასიათს პოსტი კი არა, ვეღარაფერი გამომიკეთებს; ვერც მე და ვერც იმ ხალხს, ვისაც ავღანეთის მიწაზე დაღვრილი ქართული სისხლის თითოეული წვეთი სტკივა და ემძიმება; ვისაც ესმის, რომ ახლა პოლიტიკური თამაშების განხილვის და მიზეზების ძიების კი არა, იმ ბიჭების გლოვის დროა, საქართველოში რომ ვეღარასოდეს დაბრუნდებიან; შინაურებს რომ ვეღარ მოესიყვარულებიან; დედებს ვეღარ გაახარებენ და ვერც შინმოუსვლელი მეგობრების შესანდობარს დალევენ პირთამდე გალიცლიცებული სასმისებით…

ისინი ვიღაცისთვის შვილები იყვნენ, ვიღაცისთვის – ქმრები, ვიღაცისთვის მამები, ვიღაცისთვის – მტრები და თითოეული ქართველისთვის – სულისა და ხორცის ნაწილი, ახლა უკვე სამუდამოდ მოგლეჯილი და დაკარგული.

ვეღარ დაბრუნდებიან-მეთქი, წეღან ვთქვი და შემეშალა… როგორ არ დაბრუნდებიან, მაგრამ ვაი, ამისთანა დაბრუნებას…

და ვაი ჩვენ, თუ ოდესმე დავივიწყებთ მათ, ვისთვისაც დღეს უკანასკნელად გათენდა…

Advertisements

Read Full Post »

%d bloggers like this: