Feeds:
ჩანაწერები
კომენტარები

Posts Tagged ‘სიგარეტი’

at night

ჭამა სიამოვნებაა. დიდი სიამოვნება.

გავკადნიერდები და დავამატებ – სხვა რამ ძნელად რომ შეედრება, ისეთი.

ახლა მთლად თათქარიძეობის აპოლოგიას ნუ დამწამებთ, იმ სხვა რაღაცების გემოც კარგად ვიცი, მაგრამ კულინარიული ორგია მაინც სულ სხვაა.

ყველგან და ყოველთვის. წყალი არ გაუვაო, სწორედ ამისთანა ჭეშმარიტებებზეა ნათქვამი.

დილით საწოლში რომ მოგართმევენ ქაფქაფა ყავას და თბილ-თბილ კრუასანს, შაბათ დღეს თორმეტი საათისთვის რომ აიზლაზნები საწოლიდან და მაგიდაზე ახალგამომცხვარი აჭარული ხაჭაპური დაგხვდება,  ლანჩზე საყვარელ კაფეში რომ გავარდები სამსახურიდან, პარასკევ საღამოს სტეიკის თანხლებით რომ ატარებ, პირველ თოვლს “შუბით”, რუსული ბლინებით და სტროგანინით აღნიშნავ და ახალ ბლოგპოსტს მექსიკური კარტოფილისა და Lungo Leggero-ს თანხლებით წერ, საღამოს კი კომპიუტერს უზიხარ ჩაის გამჭვირვალე ფინჯნითა და ქიშმიშიანი კექსის ბარაქიანი ულუფით ხელში…

(more…)

Advertisements

Read Full Post »

ბათუმი "ეშმაკის ბორბლიდან". ალექსანდრე რუსიას ფოტოჩემს ქალაქზე უსასრულოდ რომ შემიძლია ქაქანი, აქაურებს კი გეცოდინებათ, მაგრამ ზაფხულის მიწურულს ყველა ზღვისპირეთსა და არდადეგებზე წერს და ახალი ბლოგერული სეზონის პირველი პოსტი სტანდარტულ პოსტსაშვებულებო რევიუს რომ არ დაემსგავსოს, მხოლოდ იმას მოგიყვებით, რაც ჩემი ბავშვობის ქუჩებში ერთკვირიანი ხეტიალისას ყველაზე მეტად დამამახსოვრდა.

მატარებელში, თურმე, თამბაქო აკრძალულია და პირველი, ყველაზე გემრიელი ღერი იქითობისას წიფის უკაცრიელ ბაქანზე მოვწიე, აქეთობისას – ზესტაფონში.

ბათუმისკენ ესტონელი წყვილი დამემგზავრა. რამდენიმე სიტყვით მოვიკითხეთ ერთმანეთი და მომდევნო ხუთი საათი, როგორც ჭეშმარიტ ესტონელებს შეეფერებათ, ხმა აღარ ამოუღიათ – ეძინათ.

ჩასვლის ღამესვე, სამის ნახევარზე, ნამდვილმა წარღვნამ გამაღვიძა. ღუნღულა ხალათში გავეხვიე, აივანზე, სავარძელში მოვკალათდი, გავაბოლე და კიდევ ერთხელ დავრწმუნდი, რომ ადამიანს ბედნიერებისთვის მართლაც ძალიან ცოტა ჰყოფნის.

ჩემი ფანჯრებიდან სოფლის მეჩეთის მინარეთი ჩანდა და ყოველღამე იმ იმედით ვიძინებდი, რომ უთენია მუეძინი გამაღვიძებდა. სამწუხაროდ, მის ენერგიულ მოძახილს მხოლოდ ერთხელ მოვუსმინე.

(more…)

Read Full Post »

welcome to reality

მე, მოლი ლანისტერ ბლუმი, ღვთის, ერის და სრულიად ქართული ბლოგოსფეროს წინაშე ვაცხადებ, რომ:

არ ვკითხულობ ე.წ. საბავშვო წიგნებს;

სიგარეტის მოწევა უზნეობაა;

ძილი – დროის ფუჭად ფლანგვა;

შავი ჩემი საყვარელი ფერია;

Sci Fi & Fantasy არასერიოზული, მდარე და უპერსპექტივო ჟანრია;

“ქინდლი” ეშმაკის მანქანაა;

თამარ ივერი ჩემი ფავორიტი მომღერალია;

(more…)

Read Full Post »

crash of coffee jar

ნოემბრისთვის უჩვეულოდ მზიანი შაბათია. ვზივარ “Coffee Room”-ში, გვერდით სურნელოვანი “ლუნგო ფორტეს” ჭიქა მიდგას და მეგობარს ველოდები. აუჩქარებლად ვაგემოვნებ არომატულ სითხეს და ვფიქრობ, რომ დროა კარგა ხნის წინანდელი განზრახული განვახორციელო – ჩემი მკითხველები ვერანდაზე დავპატიჟო და ფინჯან ყავასთან ერთად საინტერესო ამბებითაც გავუმასპინძლდე.

ამქვეყნად ლეგენდა ყველაფერს გააჩნია და არც ყავაა გამონაკლისი. გაგიკვირდებათ და ამ არისტოკრატული სასმელის აღმოჩენას კაცობრიობა ეთიოპიელ მწყემს კალდის და მის მსუნაგ თხებს უნდა უმადლოდეს. ცნობისმოყვარე ბეკეკებს ჯერ მწვანე ბალახით უჯერებიათ გული, მერე კი უცნობ ხეს მისდგომიან და მოწითალო ნაყოფით ჩაუკოკლოზინებიათ ყელი. ცოტა ხანში, გაოცებული პატრონის თვალწინ ისეთი კუნტრუში გაუმართავთ, რომ კალდი საგონებელში ჩავარდნილა და რჩევისთვის ადგილობრივი მონასტრის წინამძღვართან გაქცეულა.

თხებზე ნაკლებად ცნობისმოყვარე არც ბერები გამომდგარან – უცნაური მცენარის ფოთლებისა და ნაყოფებისგან ნაყენი დაუმზადებიათ…

(more…)

Read Full Post »

პორტუგალიის სამეფოში საფრანგეთის ელჩს – ჟან ნიკოს, ფრიად ნაყოფიერი დიპლომატიური მოღვაწეობის გარდა, თავის დროზე, ფრანგული ენის ერთ-ერთი პირველი ლექსიკონიც შეუდგენია, მაგრამ მისი სახელი ისტორიას 1560 წელს, ეკატერინე მედიჩისათვის საჩუქრად მირთმეული თამბაქოს ფოთლების წყალობით შემორჩა. ეგზოტიკურმა ძღვენმა მესირ ჟანს დედოფლის კეთილგანწყობა, ალბათ, მოუტანა კიდეც, აი, შთამომავლობის მადლიერებისა კი რა მოგახსენოთ…

ცრურწმენებით დახუნძლულ შუა საუკუნეებში იმ უცნაურ ადამიანებს, პირიდან კვამლს რომ უშვებდნენ, თან იმასაც ამტკიცებდნენ – სიამოვნებას ვიღებთო, ეჭვის თვალით უცქერდნენ და არც თუ პატივისცემით ეპყრობოდნენ –  თურქეთში მოწევა სიკვდილით ისჯებოდა, სპარსეთში – ნესტოების ამოგლეჯით; “თავისუფლების დიდი ქარტიის” სამშობლოში – ინგლისში – ყელზე თოკშებმულ მწეველებს ქუჩა-ქუჩა დაატარებდნენ, რომის პაპი ურბან VIII თამბაქოს სიყვარულს ეკლესიიდან განკვეთით ებრძოდა; 1692 წელს, სანტიაგოში, ხუთი ბერი ცოცხლად ჩაატანეს კედელში – ისევ და ისევ მოწევის გამო.

(more…)

Read Full Post »

 

პირველი სიგარეტი და  ნაღებიანი ყავის პირველი ჭიქა მიყვარს.

აჭარული ხაჭაპური მიყვარს.

დილის ძილი მიყვარს.

კუბოკრული სამოსი მიყვარს.

თბილისიდან რამდენიმე დღით გამგზავრება მიყვარს.

და მერე თბილისში დაბრუნება მიყვარს.

კინო მიყვარს. სეანსის დაწყებამდე “ამირანის” ლიტკაფეში ყავის დალევა მიყვარს.

ლიტკაფეს “ჩუბიკა” და ნიგვზის ტორტიც მიყვარს.

შაბათ-კვირა მიყვარს.

ტრანსპორტში კითხვა მიყვარს.

ჩემი ახალი სათვალეც მიყვარს.

ჩართულ ტელევიზორთან ჩაძინება მიყვარს.

უცნაური ფორმის ქუდები მიყვარს.

უცხო ქალაქში უმისამართოდ ხეტიალი მიყვარს.

ბათუმი მიყვარს.

(more…)

Read Full Post »

%d bloggers like this: