Feeds:
ჩანაწერები
კომენტარები

Archive for სექტემბერი, 2013

"არილი". 2013 წლის აგვისტო და სექტემბერიძველი ამბით დავიწყებ.

2001 წელი იყო თუ 2002, ზუსტად არ მახსოვს. პარლამენტში ვმუშაობდი. საქმე ცოტა მქონდა, თავისუფალი დრო – ბევრი. ჰოდა, მოცალეობის ჟამს იქაურ ბიბლიოთეკაში დავდიოდი. იყო ამაში რაღაცა ეკოს ლაბირინთისეული – ოთხი სართულით ქვემოთ უნდა ჩასულიყავი, ხიდი გადაგევლო და ორი ლიფტი გამოგეცვალა; სამაგიეროდ, იჯექი შენთვის წყნარად და არავინ გიშლიდა ხელს.

უბედურება ის იყო, სტანდარტული, “საპარლამენტო“ წიგნები ჰქონდათ იქ – სქელ-სქელები და მოსაწყენები… კიდევ – რამდენიმე სულელური, ფერადი ჟურნალი და “არილი”. ორად ორი ნომერი.

არადა, ის დროა, ლიტერატურული პერიოდიკა კი არა, ხეირიანი გამოცემაც სანთლით არის საძებარი და საკითხავს საჯარო ბიბლიოთეკის საცავებიდან ვეზიდები. და უცებ – “არილი”. ახალი თარგმანები, ახალი ავტორები, უჩვეულოდ გემოვნებიანი გარეკანი. დავინტერესდებოდი, აბა, რა იქნებოდა.

ერთხელ ჩავედი იმ “არილის” ხათრით, მეორედ ჩავედი და მესამედ ბიბლიოთეკარს ვთხოვე, ამათ ზევით წავიღებ-მეთქი. კი, ბატონოო, – მაინცდამაინც არ გაუპროტესტებია.

(more…)

Advertisements

Read Full Post »

დათო ტურაშვილი. "ტყეების მეფე". ლეგენდები დავით აღმაშენებელზე. ბაკურ სულაკაურის გამომცემლობა. თბილისი, 2013

დავით აღმაშენებელზე ახალი რაღა უნდა დაწეროს კაცმაო – ალბათ, ბევრი მკითხველი გაივლებს გულში.

თითქოსდა, მართლაც… რაღა უნდა თქვა ლეგენდარულ მეფეზე, რომლის საქმენი საგმირონი და ზნენი სამამაცონი პატარა ბავშვებმაც იციან.

რუის-ურბნისის საეკლესიო კრების, კლდეკარის საერისთავოს დამარცხების, სააჯო კარის, ყივჩაღთა ჩამოსახლების, თბილისის აღების და დიდგორის ბრძოლის ამბავს ვინ არ გიამბობს.

გელათის აკადემიაზეც ჩამოაგდებენ სიტყვას, “გალობანი სინანულისანიც“ გაახსენ­დებათ.

დარუბანდის კარის ჩამოხსნას და გელათში ჩამოტანასაც სიამაყით მოიგონებენ.

ოღონდ საკუთარი სამეფოს დედაქალაქში მალულად შეპარული უფლისწულის შესახებ არ გეტყვიან არაფერს…

(more…)

Read Full Post »

Auschwitz. Karl-Friedrich Höckerმეოცე საუკუნის ფოტოისტორია მოლი ბლუმის ბლოგზე, ალბათ, ყველაზე დაჩაგრული თემაა. ისე ნუ გამიგებთ, თითქოს ნაკლებად მიყვარდეს; უბრალოდ, სხვა, უფრო აქტუალური სიახლეები ეცილება და ამის გამო ზოგჯერ თამაშგარე მდგომარეობაში აღმოჩნდება ხოლმე. ფაქტი ჯიუტია – საინტერესო ფოტოკადრზე ბოლოს ხუთი თვის წინ მოგიყევით.

ჰოდა, ალბათ, კიდევ კარგა ხანს იქნებოდა ასე, მალინას ერთი ფოტო რომ არ გამოეგზავნა – იქნებ გამოგადგეს და პოსტი დაგაწერინოს, სიამოვნებით წავიკითხავდიო.

ამ სურათზე, ერთი შეხედვით, ბევრს ვერაფერს იტყვი – არც სახელგანთქმული ფოტოგრაფის ნამუშევარია, არც განსაკუთრებული, უნიკალური მომენტია დაჭერილი; კადრზე აღბეჭდილთა უმრავლესობაზეც ვერაფერს მოგახსენებთ (თუ, რა თქმა უნდა, მავანმა გერმანელმა სტუმარმა რომელიმე მათგანში საკუთარი დიდი ბებია ან ბაბუა არ ამოიცნო); ვიღაცები შეკრებილან და მხიარულობენ. ჩვეულებრივზე ჩვეულებრივი ფოტოა.

სამაგიეროდ, ის ვიცით, რომ ფოტო 1944 წელს არის გადაღებული.

ცენტრში მდგარი სანდომიანი მამაკაცი კი კარლ-ფრიდრიჰ ჰოკერია, ოსვენციმის კომენდანტის ადიუტანტი.

(more…)

Read Full Post »

ასტრიდ ლინდგრენი. "მაწანწალა რასმუსი". ბაკურ სულაკაურის გამომცემლობა. თბილისი, 2013

აბა, მითხარით, კარტოფილი როგორ არ უნდა უყვარდეს ბავშვს?!

ეგეთი ბავშვი დედამიწის ზურგზე არ დადისო, მეტყვით.

ოლოლო თქვენ – ძალიანაც დადის და თქვენი უმრავლესობა მას მშვენივრად იცნობს.

ვინც არ იცნობს, დარწმუნებული ვარ, იფიქრებს – ერთი ჭირვეული, გაზულუქებული არსება იქნება, თორემ შემწვარ-შეპიწკინებულ, ტყემალმოსხმულ და პურის ცხელ ყუასთან ერთად მორთმეულ კარტოფილზე უარს ვინ იტყვისო?

ჰოდა, გვარიანადაც შეცდება; მერწმუნეთ, როცა ვესტერჰაგის თავშესაფარში ცხოვრობ და მთელ ზაფხულს, მდინარეზე ჭყუმპალაობის ნაცვლად, კარტოფილის ასაღებად მინდვრებზე ხოხვაში ატარებ, რაც კი ამქვეყნად ბოლქვია, ყველა შეგძულდება.

ეჭვი არ მეპარება, ასტრიდ ლინდგრენის ამ წიგნს მრავალი თქვენგანი სიამოვნებით გაიხსენებს ჩემთან ერთად. აბა, მარტო მე ხომ არ მეყვარებოდა ბავშვობაში პერსონაჟის ტყავში თავფეხიანად შეძვრომა და იმდენ ხანს დარჩენა, სანამ ახალი წიგნის ეშხი არ გამომიტყუებდა გარეთ?!

(more…)

Read Full Post »

წიგნები ბათუმში/Books in Batumi

არსებობს თემები, წერა განსაკუთრებით რომ გსიამოვნებს.

ისეთი სიხარულით აწიკწიკებ, თითქოს საკუთარ წარმატებებზე უამბობდე მკითხველს.

არც იმაზე გეფიქრება, არაფერი გავაზვიადო, ვინმემ ყალბ აჟიტირებაში არ ჩამომართვასო.

პირიქით, ემოციით ისე ხარ დატვირთული, ის უფრო გაწუხებს, რამე არ გამომრჩეს, სათქმელს არ დავაკლოო…

ჰოდა, დღეს ზუსტად ასეთი თემა მაქვს თქვენთვის შერჩეული.

მესამე წელია, თვალს მადევნებთ და კი იცით, სადმე ორი წიგნი მაინც თუ დევს ერთად, აუცილებლად შევყოფ ცხვირს, იქაურობას საფუძვლიანად დავათვალიერებ და არც შთაბეჭდილებების გაზიარება დამეზარება.

ოღონდ ახლა განსაკუთრებული მოლოდინით ვიფშვნეტ ხელებს – იმ მაღაზიაზე უნდა გიამბოთ, სრულიად ჯინეტი რომ აალაპარაკა.

(more…)

Read Full Post »

Kathryn Stockett. The Helpსიმართლე გითხრათ, არ მეგონა, თუ ამ წიგნში ახალი დამხვდებოდა რამე – თემამ, ღრმად პატივცემული ქალბატონი ჰარიეტიდან მოყოლებული, იმდენ ხელში გამოიარა, უკვე საკმაოდ მოძველებული და გაცვეთილი მეჩვენებოდა.

არა, რასაკვირველია, ვიცოდი, რომ სხვა ეპოქას ეხებოდა და საკითხიც სხვა ჭრილში იქნებოდა დანახული, მაგრამ მაინც… სკეპტიკურად განწყობილმა გადავფურცლე.

გადავფურცლე და სანამ ბოლომდე არ ჩავედი, ხელი აღარც გამიშვია.

ძალიან, ძალიან მომეწონა.

მწვავე სოციალურ პრობლემას კი ეხება, მაგრამ კარგი რომანივით საკითხავია და, პირველად მრავალი წლის განმავლობაში, წიგნის წყალობით ჩემს გაჩერებას გავცდი.

(more…)

Read Full Post »

mollybloomsday.com news

მოლი ბლუმის ვირტუალურ სამფლობელოში ერთი კარგი ტრადიციაა დამკვიდრებული – ბლოგისთვის მეტ-ნაკლებად აქტუალურ საკითხებს სტუმრებთან განვიხილავ და გადაწყვეტილებებსაც მათთან ერთად ვიღებ. არც არის გასაკვირი – ათასჯერ მითქვამს, აქაურობა მკითხველებზეა გათვლილი და მათი წყალობით არსებობს, უკეთესს ვის ვკითხავ-მეთქი.

ჰოდა, დღესაც ერთ ახალ და, გულახდილად გეტყვით, ფრიად საჭოჭმანო განზრახვას გაგიმხელთ, თან, რა თქმა უნდა, თქვენს აზრსაც დიდი ყურადღებით მოვისმენ.

ძირძველმა სტუმრებმაც იციან და არც სხვებისთვის უნდა იყოს ახალი ამბავი, რომ ცინცხალი ჩანაწერები აქ კვირაში სამჯერ – ორშაბათს, ოთხშაბათს და პარასკევს – ქვეყნდება.  გაგანია სიცხესა თუ თავსხმა წვიმაში, ჰიჩკოკური დიეტის დროს თუ ლუკულუსის ნადიმზე, შინ თუ სამსახურში, ავადმყოფობისას თუ კარგად ყოფნისას, სიხარულისა თუ მწუხარების ჟამს დედლაინისთვის არ გადამიცილებია და მკითხველისთვის არ მიღალატია.

დღეიდან კი, არც მეტი, არც ნაკლები, ამ რკინის გრაფიკის შეცვლას ვაპირებ. თუ რატომ, ახლავე მოგახსენებთ.

(more…)

Read Full Post »

Older Posts »

%d bloggers like this: