წიგნი, რომელსაც უკაცრიელ კუნძულზე წაიღებდით

“ფალიაშვილის ქუჩის ძაღლები” და “ადიბასი” »

წიგნი, რომელსაც უკაცრიელ კუნძულზე წაიღებდით

ნოემბერი 9, 2012 ავტორი Molly Bloom's Day

დარწმუნებული ვარ, ამ პოსტის სათაურზე – ათასგზის გამეორებულ ფორმულაზე – გაგეღიმებოდათ, რამე უფრო კრეატიულის შერჩევაც შეიძლებოდაო… სიახლეების ნაკლებობას აქაურობა ნამდვილად არ უჩივის, მაგრამ რა ვქნათ, როცა ძველი ისე ზუსტად გადმოსცემს სათქმელს, რომ ალტერნატივის ძიება ზედმეტიც კია. თანაც, თუ სახელგანთქმულ მარკიზა დე პომპადურს დავუჯერებთ, “ყველაფერი ახალი კარგად დავიწყებული ძველი” ყოფილა…

მოლი ბლუმის ბლოგზე, კარგად მოგეხსენებათ, უმთავრესად ბიბლიოფილები ვიკრიბებით და წიგნებზე ვსაუბრობთ. თუმცა, კაცმა რომ ვთქვას, მხოლოდ აკადემიური რევიუების წერა-განხილვა ოდნავ მოსაწყენია და არც გართობა აუკრძალავს ჩვენთვის ვინმეს.

ამას წინათ კოშმარი მესიზმრა – დაუსახლებელ კუნძულზე ვიყავი და ყველასთვის საყვარელი, რუსული ფილმის გმირისა არ იყოს, ცეცხლმოკიდებულივით დავრბოდი აქეთ–იქით და განწირული ხმით ვითხოვდი შველას. რაც მთავარია, შოკირებული იმ ფაქტით კი არ გახლდით, რომ მარტოდმარტო აღმოვჩნდი მიწის პაწაწინა ნაგლეჯზე, არა… მთავარი საშინელება ის იყო, რომ ირგვლივ ვერც ერთი წიგნი ვერ ვიპოვნე! სულ, სულ ვერც ერთი! რაღა გასაკვირია, რომ ისეთს გავყვიროდი, ჩემიანები გულგახეთქილები შემოცვივდნენ – ეგონათ, ვინმე დამესხა თავს.

ამ ამბის მერე რამდენჯერმე ვიფიქრე – მართლაც რომ მოვხვდე ასეთ სიტუაციაში, ნეტავ, რომელი წიგნის წაღებას ვარჩევდი-მეთქი, მერე ვთქვი – ნეტავ, ჩემი მკითხველები რას იტყოდნენ-მეთქი. ჰოდა, ერთი სახალისო ინტერაქტივის იდეაც მომივიდა თავში.

ჩემო ბიბლიოგურმანო მეგობრებო, ნუ დამზარდებით, გონება დაძაბეთ, ბიბლიოთეკას გადახედეთ და ის ერთადერთი წიგნი შეარჩიეთ, უკაცრიელ კუნძულზეც რომ თამამად წაიღებდით.

გასაგებია, რომ კითხვა არც ისე მარტივია, როგორც ერთი შეხედვით ჩანს. დარწმუნებული ვარ, ნებისმიერ თქვენგანს, ათი, ორმოცდაათი ან თუნდაც ასი ფავორიტის ჩამოწიკწიკება ოდნავადაც არ გაგიჭირდებოდათ, მაგრამ ერთადერთის, განსაკუთრებულის და სრულიად გამორჩეულის დასახელება, ცოტა არ იყოს და, რთულია. თუმცა, მე თუ მკითხავ, მთელი ხიბლიც ამაშია.

მოდით, მასპინძლის პრივილეგიით ვისარგებლებ და დავიწყებ. სიმართლე გითხრათ, კარგა ხანს ვიმტვრიე თავი და ბოლოს გადავწყვიტე, რომ ასტრიდ ლინდგრენის “ბიჭუნა და სახურავის ბინადარი კარლსონის” გარეშე ცხოვრება არც უკაცრიელ კუნძულზე შემეძლო და არც შუაგულ მანჰეტენზე.

ახლა თქვენი ჯერია. თაროებს ჩამოუარეთ, რჩეული წიგნები ჩამოწერეთ და “უკაცრიელი კუნძულის ბიბლიოთეკაც” ერთად შევადგინოთ.

Posted in მოლის ბიბლიოთეკა | Tagged ასტრიდ ლინდგრენი, ინტერაქტივი, კარლსონი, მოლის ბიბლიოთეკა, საყვარელი წიგნი, უკაცრიელი კუნძული | 72 Comments

72 Responses

on ნოემბერი 9, 2012 at 12:06 AM | პასუხი tamara

ჰოო, ნამეტნავად რთული კითხვაა! :)
რაშია საქმე, იცი? ჩემი უსაყვარლესი წიგნები იმდენჯერ მაქვს გადაკითხული, რომ უმეტესობა ზეპირად მახსოვს და წაკითხვას ვეღარ ვახერხებ – აზრობრივად უკვე წინ ვუსწრებ თვალს და იმიტომ :)))

ასე რომ, გარდა იმისა, რაც თავში უკვე მტკიცედ მაქვს ჩალაგებული, რომელს წავიღებდი, ცოტას დავფიქრდები და მოგახსენებთ.

LikeLike
on ნოემბერი 9, 2012 at 12:06 AM | პასუხი Mariam Kvitsiani

ბეჭდების მბრძანებლის და სილმარილიონის ომნიბუსს. მარტოობისგან რომ გავრეკავ სხვა სამყაროში გადასასვლელი მაინც მექნება :3

LikeLike
on ნოემბერი 9, 2012 at 12:06 AM | პასუხი rockermeloman

რა რთული კითხვა ესაა, დიდი ხანია მოფიქრებული მაქვს, დიუმას “სამი მუშკეტერი”, უყოყმანოდ და ყოველგვარი ალტერნატივის გარეშე <3

LikeLike
on ნოემბერი 9, 2012 at 12:15 AM | პასუხი როდე

ჰერმან ჰესეს “დემიანს”

LikeLike
on ნოემბერი 9, 2012 at 12:16 AM | პასუხი chvanca

თუ მხოლოდ ერთი უნდა იყოს, მაშინ დაუფიქრებლად: “სამოსელი პირველი” ეს იმ უიშვიათეს წიგნთაგანია, რომელსაც ცხოვრების ყველა ეტაპზე სხვნაირად კითხულობ და ყოველ ჯერზე, რაღაც ახალს და საოცრად შენს პოულობ მასში.
პ.ს. ისე დაუსახლებელ კუნძულს დაუსახლებელი ბიბლიოთეკაც დაამშვენებდა :)

LikeLike
on ნოემბერი 9, 2012 at 12:16 AM | პასუხი PorcupineD

ჰოოო რთული შეკითხვაა.
ერთი ის ვიცი რომ ასეთ შემთხვევაში პოეზიის კრებულს წავიღებდი აუცილებლად, მიუხედავად იმისა, რომ პროზა 100000ჯერ უფრო მიყვარს.
აი პოეზიიდანაც დავვიწროვდეთ და ქართულ პოეზიას წავიღებდი.
აი ვაჟა-ფშაველა თუ ოთარ ჭილაძე მანდ უკვე ვეღარ ვიყოფი.

და თუ მაინც და მაინც პროზა, მაშინ თომას მანის ჯადოსნურ მთას წავიღებდი, იქ ბევრი დრო მექნებოდა და არ დამეზარებოდა მაგ წიგნის 900ჯერ წაკითხვა რომ 900-ვე გვერდი კარგად გამეგო :დ ^_^

LikeLike
on ნოემბერი 9, 2012 at 12:20 AM | პასუხი თამუნა

“იყო და არა იყო რა”

LikeLike
on ნოემბერი 9, 2012 at 12:21 AM | პასუხი Kejeradze

გემთმშენელობის სახელმძღვანელო დამჭირდება ნამდვილად :) მაგრამ შიგადაშიგ გართობაც აუცილებელია… შემთხვევით კუნძულზე დიდხანს რომ შევრჩე, მარაგი გამომელევა. თან მეორედ წაკითხვას ისეთი”მუღამი” არ აქვს… მგონი, ქინდლის წაღება ჯობია. … :) …ოღონდ მზის ენერგიაზე უნდა მუშაოდეს :) მაშინ ბანანებს რომ გავანადგურებ და კოცონს დავანთებ, ყოველთვის მექნება ახალი საინტერესო წიგნი :)

LikeLike
- on ნოემბერი 9, 2012 at 12:24 AM | პასუხი მოლი ბლუმი
  
  ქინდლი არ ითვლება :)))))) დარჩი შენ გემთმშენებლობის სახელმძღვანელოს ამარა :)
  
  LikeLike
on ნოემბერი 9, 2012 at 12:21 AM | პასუხი ნატო დავითაშვილი

ბიბლიას. ასეთი მრავალფეროვანი სიუჟეტები სხვა წიგნში არსად მეგულება. ბევრი საკითხავი და ბევრი საფიქრელი მექნებოდა. ჩემი ხელგარჯილობის ამბავი რომ ვიცი, წესით ”ხელმარჯვე ოსტატის ჩანაწერები” უნდა წამეღო. აბა რისი გამკეთებელი ვარ იქ? :)))

LikeLike
- on ნოემბერი 9, 2012 at 12:31 AM | პასუხი როდე
  
  ამ იდეამაც ძალიან მომხიბლა…
  
  LikeLike
on ნოემბერი 9, 2012 at 12:21 AM | პასუხი thakusha

ერიხ მარია რემარკის ,,ტრიუმფალურ თაღს”.

LikeLike
on ნოემბერი 9, 2012 at 12:22 AM | პასუხი Nini Bikova

ბიბლიას

LikeLike
on ნოემბერი 9, 2012 at 12:22 AM | პასუხი katerina

კუნძულზე, თანაც უკაცრიელზე, ნამდვილად ჩემი ასტრიდი დამჭირდებოდა, სრული კრებული!!! ყველაფრის ნაკლებობას შემივსებდა, ასე მგონია, კიდეც გამახალისებდა, სევდასაც ზომიერად მომგვრიდა, ნოსტალგიასაც შემომყრიდა და გამიქარწყლებდა და კეთილ ღიმილს დამიტოვებდა მზით გაჩახჩახებულ კუნძულზე <3

LikeLike
on ნოემბერი 9, 2012 at 12:22 AM | პასუხი Tjorven-ჩორვენი

ჰმ რა თქმა უნდა ჟიულ ვერნის საიდუმლო კუნძულს : ) თემატურია და გამოსადეგი ნიუანსებიც არის, რომლის საშუალებითაც მინიმუმ ცეცხლს დაანთებ კაცი ^^

LikeLike
on ნოემბერი 9, 2012 at 12:26 AM | პასუხი Tamta Basheleishvili

სახელმძღვანელოს “როგორ დავაღწიო თავი უკაცრიელ კუნძულს”:)

LikeLike
on ნოემბერი 9, 2012 at 12:27 AM | პასუხი anakobakhidze

მარადისობის კანონს

LikeLike
on ნოემბერი 9, 2012 at 12:29 AM | პასუხი whitefaceclown

ვაჟა-ფშაველას კრებულს უყოყმანოდ.

LikeLike
on ნოემბერი 9, 2012 at 12:29 AM | პასუხი luckiane

ლილე იროელს, მოლი, პოტერსა და ლილეს შორის ვარჩევდი, მაგრამ ლილემ გადაწონა:)

LikeLike
- on ნოემბერი 9, 2012 at 9:27 PM | პასუხი ნატო დავითაშვილი
  
  ისე გამახარე, პირობას გაძლევ, წელიწადში ერთხელ ჩამოვალ და ახალ წიგნს მოგიყვები :)
  
  LikeLike
on ნოემბერი 9, 2012 at 12:34 AM | პასუხი mecmikvarkhar

ვფიქრობ სამართლიანი იქნება პროზის და პოეზიაის წაღების უფლება მოგვცე :) ასეთ შემთხვევაში ბეჭდების მბრძანებელს და შექსპირის სონეტებს წავიღებდი სიამოვნებით :)

LikeLike
on ნოემბერი 9, 2012 at 12:53 AM | პასუხი ანონიმური

იოგას სახელმძღვანელოს წავიღებდი, რამდენი ხანია ვარჯიშის დაწყება მინდა.დავჯდებოდი ხის ძირას ლოტოსის პოზაში და ეგება გასხივოსნებისთვისაც ქე გამომეკრა ხელი..:) ვახ, ბიჯო, კუნძულზე მომინდა!:))

LikeLike
on ნოემბერი 9, 2012 at 1:08 AM | პასუხი ანონიმური

ჰარი პოტერს… ოღონდ შვიდივეს! ვერცერთს ვერ დავთმობ:)

LikeLike
on ნოემბერი 9, 2012 at 1:09 AM | პასუხი იაკომ თქვა

პირველად ამ კითხვაზე – მზად მაქვს პასუხი: Bear Grylls’ Survival Guide For Life :) მართალია ჯერ–ჯერობით ჩემს ბიბლიოთეკას აკლია ეს შესანიშნავი სახელმძღვანელო, მაგრამ დღე–დღეზე ველოდები და იმედია იქამდე არ წამიღებს ზღვა :))

LikeLike
on ნოემბერი 9, 2012 at 1:18 AM | პასუხი Isaac Clarke

ბეჭდების მბრძანებელს უყოყმანოდ. რა თქმა უნდა ჩემს საკუთარ ეგზემპლიარს, სადაც სილმარილიონიც და ჰობიტიც შედის!

LikeLike
- on ნოემბერი 9, 2012 at 2:05 AM | პასუხი მოლი ბლუმი
  
  აუჰ, რა მაგარი ეგზემპლარია!
  
  LikeLike
on ნოემბერი 9, 2012 at 8:02 AM | პასუხი Griffin...

“რობინზონ კრუზოს” :) უკაცრიელ კუნძულზე უკეთესი რა უნდა წავიღო.

LikeLike
on ნოემბერი 9, 2012 at 8:05 AM | პასუხი tami

მარტოობის ასი წელიწადი და ტრამალის მგელი

LikeLike
on ნოემბერი 9, 2012 at 8:37 AM | პასუხი მერი პოპინსი

“ჩვენც სალტკროკელები ვართ” – უპირობოდ :)

LikeLike
on ნოემბერი 9, 2012 at 9:42 AM | პასუხი თამთა

ისეთ წიგნს, რომელიც უცხო გარემოში საჭმლის, მტკნარი წყლის მოპოვებში და ასეთი პრაქტიკულ საკითხბის მოგვარებაში დამეხმარებოდა. და კიდევ, მეორის უფლებაც მომეცი რაა: ))) ეს მეორე იქნებოდა ბიბლია : ))))

LikeLike
on ნოემბერი 9, 2012 at 10:42 AM | პასუხი Author

გულის კარნახით პირველი რაც მომაგონდა, ჩემი უპირობო ფავორიტი “სამოსელი პირველია”. ასე არცერთი წიგნი არ მეახლობლება და მიყვარს…
შემდეგ კომენტარების კითხვისას “ბიბლიამ” გადაწონა – სხვა რომელმა წიგნმა უნდა ისეთი სიმშვიდე… რომელი დამაიმედებს. ბოლოსდაბოლოს, “ბიბლიის” კარგად წაკითხვის და გეგბის დრო და ინტერესი მექნებოდა.
მაგრამ პრაქტიკული მოსაზრებით ალბათ მაინც ჟიულ ვერნის “საიდუმლო კუნძლს” (ან, “რობინზონ კრუზოც” შეიძლება) გავაყოლებდი ხელს.

LikeLike
on ნოემბერი 9, 2012 at 10:42 AM | პასუხი finiki

ძალიან რთული კითხვაა (ნუ ეს ისედაც ცხადია), ჰოდა დავფიქრდები. მაქვს ფავორიტი წიგნები მაგრამ არ ვარ დარწმუნებული რომ მაინც და მაინც რომელიმე მათგანის კითხვა შემიძლია უკაცრიელ კუნძულზე. ჰოდა, ცოტა ფიქრის შემდეგ ერთ წიგნს მივადექი, საოცარია თუმცა ვერ ვიტყვი რომ ჩემი საყვარელი წიგნია, გამიკვრიდა და ალბათ ყველას გაუკვირდებოდა ვინც მიცნობს, მაგრამ ჯეინ ოსტინის “Pride and Prejudice”-წავიღებდი (არ მიყვარს ამ წიგნის სათაურის ქართული თარგმანი). თუმცა დაფიქრება კიდევ შეიძლება :)

LikeLike
on ნოემბერი 9, 2012 at 11:22 AM | პასუხი Jane

ო რთულია….
კარლსონის ხსენებამ ”სალტკროკელები” გამახსენა, კუნძულზე სიამოვნებით გავერთოდბოდი უფრო მხიარული კუნძულის ამბების კითხვით… იმედია დროებით მიშვებთ უკაცრიელ ადგილზე და გემი 2-3 კვირაში მაინც მომაკითხავს :) ამ დროში კარგად დასვენებას მოვასწრებდი.

LikeLike
on ნოემბერი 9, 2012 at 11:51 AM | პასუხი Lord Vader

ქალი, რომელსაც უკაცრიელ კუნძულზე წაიყვანდით

LikeLike
- on ნოემბერი 9, 2012 at 11:59 AM | პასუხი მოლი ბლუმი
  
  მუღამი არ აქვს, მილორდ. ვერავინ გაიგებს, ვინ გყავს და… :))))
  
  LikeLike
on ნოემბერი 9, 2012 at 12:38 PM | პასუხი სანდრო

მე დაუფიქრებლად ჩავავლებდი ხელს ჰიუგოს ”კაცი რომელი იცინისს” :)

LikeLike
on ნოემბერი 9, 2012 at 2:54 PM | პასუხი PerfectCook

მსოფლიო ისტორიის უზარმაზარ წიგნს ვისურვებდი. არა, დიდხანს სულაც არ ვაპირებ იქ დარჩენას, მაგრამ … თუ არჩევანი შეიძლება – ფურცელსა და ფანქარს წავიღებდი, ასე უფრო საინტერესო იქნებოდა..

LikeLike
on ნოემბერი 9, 2012 at 4:26 PM | პასუხი anabell

hm! სხვადასხვა ვარიანტები მაქვს:
1. წიგნს სადაც მცენარეები რა იჭმევა, რომელია გამოსადეგი რომ ეწეროს,
2. მხატვრული ლიტერატურიდან, მაინც ”სამოსელი პირველი”.
3. თუმცა, ისეთი საინტერესო თავგადასავალი იქნება უკაცრიელი კუნძულზე აღმოჩენა, რომ წავიღებდი ფანქარს და ბევრ ცარიელ ფურცელს და ჩემით დავწერდი საინტერესო აბებს, და მერე წავიკითხავდი, და უკაცრიელ კუნძულზე შევქმნიდი ჩემ საკუთარ მხატვრულ ნაწარმოებს : ))))) დანაშაულიც იქნებოდა რომ ვინც არ უნდა გარიყულიყო იგივე არ გაეკეთებინა : )))

LikeLike
- on მარტი 17, 2014 at 12:55 PM | პასუხი lilikolilac
  
  ეგაა… თან ფანქარს. რამე წყალგაუმტარი მასალის ფურცელს და აზრებს
  
  LikeLike
on ნოემბერი 9, 2012 at 5:26 PM | პასუხი რუსა

მოლი რა კარგი იდეაა… სიმართლე გითხრა ბევრი არ მიფიქრია, იმიტომ, რომ ვფიქრობ წიგნთა წიგნი ეს ბიბლიაა…. ბიბლიას წავიღებდი!

LikeLike
on ნოემბერი 9, 2012 at 6:17 PM | პასუხი tamara

გამახსენდა, ვაშა, ვაშაააა! :)
შმიტჰოფს წავიღებდი, დავჯდებოდი და დავწერდი დისერტაციას სრულ იზოლაციასა და სიმშვიდეში :)

LikeLike
on ნოემბერი 9, 2012 at 7:44 PM | პასუხი Lord Vader

LikeLike
- on ნოემბერი 9, 2012 at 9:31 PM | პასუხი kevana
  
  ქინდლის ბატარეებიც უნდა წაიღო მაშინ :დდდ
  აბა როგორ დატენი უკაცრიელ კუნძულზე? :დდ
  
  LikeLike
  - on ნოემბერი 10, 2012 at 12:06 AM | პასუხი Lord Vader
    
    მთავარია, ქალს არ დაუჯდეს ბატარეები :) და წიგნს მე თავად დავწერ დიზრაელის პრინციპით.
    
    LikeLike
    - on ნოემბერი 10, 2012 at 11:22 AM kevana
      
      true Lord’s answer :D
      
      LikeLike
on ნოემბერი 9, 2012 at 8:13 PM | პასუხი rusa111

ალბათ ჰესსეს ზღაპარ-მოთხრობებს. ოღონდ დიდ ხანს ვერ გავძლებდი ერთი წიგნის ამარა.

LikeLike
on ნოემბერი 9, 2012 at 9:26 PM | პასუხი salomeaa

სათაური ბანალურია თუმცა მართალი ხარ სხვა ამაზე უკეთ ვერ გამოხატავს იმ იდეას რაც გინდოდა, რომ გაგეზიარებინა.
ბევრჯერ მიფიქრია იმ ერთ წიგნზე ნოეს კიდობანში რომ შევიტანდი, მაგრამ ვერც ერთხელ ვერ მივედი სწორ პასუხამდე იმიტომ რომ მე რომ წიგნები მიყვარს – ყველა მარტოობაზე და სიცივეზეა. კუნძულზე მათი წაკითხვა თვითმკვლელობის ტოლფასი იქნება. ამიტომ ახალ აღთქმას წავიღებდი, იესოს იგავებზე ღრმა მე ჯერ არაფერი წამიკითხავს:)))

მოლი მერე ათეული შეადგინე, ხმების მიხედვით სანტერესო იქნება:)

LikeLike
- on ნოემბერი 9, 2012 at 9:31 PM | პასუხი მოლი ბლუმი
  
  არა, ხმების მიხედვით დაჯგუფებას აზრი არ აქვს, 50 საუკეთესო ხომ არ არის, კენჭისყრა მოვაწყოთ… უბრალოდ, შევკრებ ყველა წიგნს და ნოუთად გამოვაქვეყნებ.
  
  სათაური ბანალური არ მეჩვენება. გავრცელებული კითხვაა ძალიან, ბევრგან შემხვედრია, მაგრამ ბანალური არა.
  
  ისე, ჩვენში დარჩეს, “წიგნი, რომელსაც უკაცრიელ კუნძულზე წაიღებდით” სხვა არაფერია, თუ არა “თქვენი უსაყვარლესი წიგნის” პერიფრაზი, მაგრამ, რატომღაც, მკითხველთა დიდმა ნაწილმა ზედმეტად პირდაპირ აღიქვა და მართლა კუნძულზე დაიწყო ფიქრი. ენივეი, ძალიან კარგი ინტერაქტივი გამოვიდა და მადლობა ყველას.
  
  LikeLike
  - on ნოემბერი 9, 2012 at 9:32 PM | პასუხი kevana
    
    მე მართლა კუნძულზე დავიწყე ფიქრი :დდდდდ
    
    ხოდა, მივჩოთკე–მოვჩოთკე.. მაინც ჟიულ ვერნი :უსერ:
    
    LikeLike
  - on ნოემბერი 9, 2012 at 9:36 PM | პასუხი salomeaa
    
    ვერ დაგეთანხმები, რომ “წიგნი, რომელსაც უკაცრიელ კუნძულზე წაიღებდით”იგივეა, რაც “თქვენი უსაყვარლესი წიგნი” იმიტომ რომ პოსტში გიწერია კუნძული დამესიზმრაო და იქ არც ერთი წიგნი არ იყოო. მე მიყვარს ფოლკნერის ,,ხმაური და მძვინვარება დაა კვენტინი, წარმოიდგინე კუნძულზე რომ წავიღო ეს წიგნი და სრულ მარტოობაში რომ ვიკითხო და ვიკითხო, კვენტინივით მეც თავს მოვიკლავ. ,,და როცა იტყვიან აღსდექითო უთო ამოტივტივდება”
    ამიტომ დავწერე, რომ ჩემი საყვარელი წიგნის წაღება კუნძულზე არ შეიძლება ჩემთვისთქო:))))
    
    LikeLike
    - on ნოემბერი 9, 2012 at 9:40 PM მოლი ბლუმი
      
      ვერც მე დაგეთანხმები. სიზმარზე კი მიწერია, მაგრამ ეს იმას არ ნიშნავს, მაინცდამაინც უკაცრიელ კუნძულზე წასაღებ წიგნებს ვარჩევდე. პოსტში ესეც წერია:
      
      “დარწმუნებული ვარ, ნებისმიერ თქვენგანს, ათი, ორმოცდაათი ან თუნდაც ასი ფავორიტის ჩამოწიკწიკება ოდნავადაც არ გაგიჭირდებოდათ, მაგრამ ერთადერთის, განსაკუთრებულის და სრულიად გამორჩეულის დასახელება, ცოტა არ იყოს და, რთულია.”
      
      “უკაცრიელი კუნძული” მხოლოდ ფონია და იმას ნიშნავს, რომ წიგნი უნდა იყოს უსაყვარლესი, იმდენად უსაყვარლესი, რომ არასოდეს მოგწყინდეს და სრული იზოლაციის და ალტერნატივის არარსებობის პირობებშიც სიამოვნებით იკითხო.
      
      LikeLike
    - on ნოემბერი 12, 2012 at 11:21 AM anabell
      
      მოლი, ჩემთვის იცი რატომაა სხვადასხვა? აი მაგალითად აქ გეტყვი რომ ჩემი უსაყვარლესი წიგნი ”სამოსელი პირველი”-ა მაგრამ უკაცრიელ კუნძულზე არ წავიღებდი, იმიტომ რომ ზეპირად ვიცი და ნებისმიერ დროს გავიხსენებ საკვანძო ნაწყვეტებს. უკაცრიელ კუნძულზე უფრო ისეთ წიგნს წავიღებდი, რომელიც მიყვარს, მაგრამ ბევრი ფიქრი ვერ მოვასწარი და კიდევ ისეთს, გვერდში რომელიც დამიდგებოდა იქ : ) ანუ კუნძულზე წასაღებ წიგნს სხვა კრიტერიუმებით შევარჩევდი რა, აბლათ : )
      
      LikeLike
on ნოემბერი 9, 2012 at 9:32 PM | პასუხი tamara

დისერტაციის დაწერა თუ გადავიფიქრე, “ასე იტყოდა ზარატუსტრა” შეიძლებოდა… დავჯდებოდი და ჩავუღრმავდებოდი, როგორც წესი და რიგია.
ბიბლია – აბსოლუტურად იგივე მოტივით, ეს ორი წიგნია დღემდე, რომლებსაც ვერ ჩავუჯექი და ბოლომდე ვერ წავიკითხე.
ნუ, კუნდერაც არ წამიკითხავს ჯერ, მაგრამ სურვილიც არ მაქვს და ამიტომ, გამოვრიცხე :)))

LikeLike
on ნოემბერი 9, 2012 at 9:41 PM | პასუხი »♥» ana «♥«

ნამდვილად მშვენიერი თემაა,მოლი. :)
ბევრი ვიფიქრე თუ ცოტა და ფავორიტების თაროსკენაც გავაქციე თვალი,ისე ბწჭყვიალებდა იგი თავისი მრავალფეროვანი სამყაროთი,რომ მივხვდი,აუცილებლად მას წავიღებდი და გადავიკითხავდი მოუბეზრებლად მრავალჯერ..
“მარტოობის ასი წელიწადი”
და ვიცხოვრებით მე და ბუენდიები მაკონდოში მთელი საუკუნე და მეტიც. ^^

LikeLike
on ნოემბერი 9, 2012 at 11:37 PM | პასუხი xat

ისე მე დიდი სიამოვნებით მოვხვდებოდი კუნძულზე ბევრი წიგნით. იქ მაინც არავინ შემიშლიდა ხელს, ოღონდ დაბრუნების ალტერნატივა უნდა იყოს აუცილებლად :)

LikeLike
on ნოემბერი 10, 2012 at 2:23 AM | პასუხი faifuris angelozi

მდაა, ყველა კომენტარი წავიკითხე და ამ კითხვას მაგნუმში კი გავეცი პასუხი ( გურჯიევის რომელიმე წიგნს წავიღებ-თქო მაგრამ ეს იმიტომ რომ ყველაზე შინაარსობრივია, ყოველ ჯერზე რაღაც ახალს იპოვი, სულიერადაც დაგამშვიდებს, ძალების აღდგენაშიც დაგეხმარება და ა.შ..) მაგრამ ახლა იმ პრინციპით რომ უკაცრიელ კუნძულზე მივდივარ და მოწყენილობისგან მოვკვდები, რას წავიღებ და… თუ ვიცი რომელ კუნძულზე მივდივარ ამ კუნძულის შესახებ ჩემს მიერ აკინძულ წიგნს, ძალიან გამომადგება.(რუქა, როგორია ფლორა-ფაუნა, და ა.შ…)

თუ მაინცდამაინც საყვარელ წიგნზეა საუბარი რომელიც არასოდეს მომბეზრდება შექსპირის პოემებია, ნამეტანი მართობს და მწყვეტს მის მიერ აღჭერილი ეპოქა თანამედროვე გარემოს. (უეჭველი იმ ეპოქიდან ვარ რეინკარნირებული :დ)

ჰოდა დავიჯერო იქ პარასკევას ვერ ვნახავ? ფოტოაპარატი გამატანეთ რა.

LikeLike
on ნოემბერი 10, 2012 at 2:49 AM | პასუხი Sgt. Pepper

რიუნოსკე აკუტაგავას მოთხრობების კრებულს

LikeLike
on ნოემბერი 10, 2012 at 2:52 AM | პასუხი glamtaia

“მარტოობის ასი წელი”. მაგრამ თუ უფრო პრაქტიკულად განვსჯი ან “რობინზონ კრუზო” უნდა წავიღო ან “საიდუმლო კუნძული :))

LikeLike
on ნოემბერი 10, 2012 at 3:05 AM | პასუხი მერც ანნა ბლუმი

საკუთარ წიგნს დავწერდი :)

LikeLike
on ნოემბერი 10, 2012 at 3:12 AM | პასუხი natia121

harry potters ყველას <3

LikeLike
on ნოემბერი 10, 2012 at 11:24 AM | პასუხი kevana

:დდდ გითხრათ ეხლა ამ თემის გამო რა დამემართა :დდ <3
წუხელ დამესიზმრა ვითომ წიგნს ვყიდულობდი ბუკინისტურ მაღაზიაში, მოხუცი ქალი იყო გამყიდველი.. სტენდებზე, მაგიდაზე წიგნები იყო გადაშლილი და მე ვიდექი და ვარჩევდი; ისტორიულ მონოგრაფიებს ვეძებდი და რატომღაც რუსულ-ინგლისურ ენოვანები იყო :(

LikeLike
on ნოემბერი 10, 2012 at 3:14 PM | პასუხი გრაფინია

ასტრიდ ლინდგრენის ძველ გამოცემას, აი ბევრი ნაწარმოები რომ არის ერთად იმას წავიღებდი ან დუმბაძეს ^_^

LikeLike
on ნოემბერი 10, 2012 at 10:32 PM | პასუხი rusa111

ჩემთან რატომ აღარ შემოისეირნე?

LikeLike
on ნოემბერი 11, 2012 at 1:54 AM | პასუხი თაკოს ბლოგი

აკა მორჩილაძის რომანების კრებულს ^^

LikeLike
on ნოემბერი 11, 2012 at 1:41 PM | პასუხი ...

აუ მე ყველაფერს წავიღებდი მარა ალბათ უფრო ჰარი პოტერს ყველას, შეიძლება ასტრიდ ლინდგრენიც, არ მოვიწყენდი… აუ მთლიანი საჯარო ბიბლიოთეკა გამატანეთ რააა :დ :დ ყველაფერს წავიკითხავდი თან ჩემი ძმაც ხელს არ შემიშლიდა პროსტა მერე უკან რო დამაბრუნოთ სახლში რო წავიკითხავ მერე

LikeLike
on ნოემბერი 12, 2012 at 3:16 PM | პასუხი PerfectCook

იცით რა მაინტერესებს? – “საყვარელი წიგნის” სტატუსი მხოლოდ ერთ წიგნს აქვს თქვენთვის?.. ჩენთან იცვლება, მაგალითად: ასაკის, წაკითხული წიგნების თანმიმდევრობის ან უბრალოდ, ცხოვრების ეტაპის მიხედვით (ზოგჯერ, კი სულაც მწერალია, ბევრი წიგნით) ..

LikeLike
- on ნოემბერი 12, 2012 at 3:19 PM | პასუხი მოლი ბლუმი
  
  რა თქმა უნდა, იცვლება :) ერთ წიგნს როგორ ექნება? აი, ჩემთვის, ახლა, კარლსონია. სხვაც ძალიან მიყვარს (თან, არა ერთი და ორი) მაგრამ რომ მითხრან, ერთადერთი წიგნი დაიტოვე ბიბლიოთეკაშიაო, კარლსონს დავიტოვებდი. ხუთი წლის წინ სხვა იყო. ათი წლის წინ – სხვა.
  
  LikeLike
- on ნოემბერი 12, 2012 at 4:30 PM | პასუხი Lord Vader
  
  ჩემს შემთხვევაში არ იცვლება. :)
  
  LikeLike
- on ნოემბერი 12, 2012 at 4:31 PM | პასუხი Lord Vader
  
  ისა და დეგუსტაციაზე რომ დამპატიჟოთ რა იქნება? :)
  
  LikeLike
on ნოემბერი 29, 2012 at 4:47 PM | პასუხი რატი

რობინზონ კრუზოს :P რამეში მაინც გამომადგებოდა :D

LikeLike
on დეკემბერი 7, 2012 at 12:30 PM | პასუხი mari

მხატვრულ ლიტერატურას ნამდვილად არ წავიღებდი. უფრო, თავის გადარჩენის ხერხების შესახებ სახელმძღვანელოს.

LikeLike
on დეკემბერი 17, 2012 at 7:38 PM | პასუხი შეაყარე კედელს ცერცვი… « ბლოგერები პლაგიატის წინააღმდეგ

[…] და უკაცრიელ კუნძულზე წასაღებ წიგნზე, […]

LikeLike

Comments RSS

გაიარეთ ავტორიზაცია კომენტარის დასამატებლად: როდე კომენტარის გაუქმება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი Jeopardy! – ჰარი პოტერი და ცეც… ჩანაწერზე
	დიანა კომენტარი მარკ შაგალის სიყვარულის ს… ჩანაწერზე
	სანდრო ვარშანიძე კომენტარი ასტრიდი – ღიმილის ორდენი… ჩანაწერზე
	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე

ნოემბერი 2012

ო ს ო ხ პ კ კ

1 2 3 4

5 6 7 8 9 10 11

12 13 14 15 16 17 18

19 20 21 22 23 24 25

26 27 28 29 30

« ოქტ დეკ »
Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 912 other followers

Email Address:
Blog Stats
- 1,236,924 hits

ნოემბერი 2012
ო	ს	ო	ხ	პ	კ	კ
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

Molly Bloom's Day™

ასტრიდ ლინდგრენი – 111