მოგეხსენებათ, ადამიანებს ფეხბურთთან არაერთგვაროვანი დამოკიდებულება აქვთ – ზოგი თავგადაკლული ქომაგია, ზოგიც აბსოლუტურად გულგრილადაა განწყობილი. ზოგი მწვანე მინდორზე გაგორებული ბურთის ცქერით მხოლოდ მოცალეობის ჟამს იქცევს თავს. მოკლედ, როგორც ამბობენ, კაცია და გუნებაო… თუმცა, დარწმუნებული ვარ, მოლი ბლუმის ბლოგის ყველაზე არასპორტულმა მკითხველმაც კი იცის, რომ დღეს უკრაინასა და პოლონეთში დიდი ზეიმი იწყება – ევროპის ჩემპიონატი.
ჭადრაკის გარდა არაფერი მითამაშია, თუმცა ამას გულშემატკივრობისთვის ხელი არასოდეს შეუშლია – რამდენიმე, განსაკუთრებით მოსაწყენი სახეობის გარდა, ყველაფერს დიდი ინტერესით ვადევნებ თვალს, უპირობო ფავორიტი კი მაინც ფეხბურთია – La Liga და პრემიერლიგა, ათასგზის რეფორმირებული ევროთასები და რა თქმა უნდა, მუნდიალი და ევრო…
“ჩემი” მსოფლიო ჩემპიონატების ათვლას მექსიკით ვიწყებ. სულ რაღაც რვა წლის გახლდით და, რა გასაკვირია, რომ სპორტულ პერიპეტიებზე მეტად ტელეტრანსლაციების შთამბეჭდავი “ქუდი”, მწვანესომბრეროიანი ბიჭუნა ჩილი, ბულგარელების სიმპატიური ფორმა და მარადონას სიხარულის ცრემლები დამამახსოვრდა. სხვათა შორის, შინ საკმაოდ სქელი და ინფორმატიული, საგანგებოდ მსოფლიოს თასისთვის გამოცემული ჟურნალი მქონდა და სტატისტიკას გულმოდგინედ, მონდომებისგან ენაგამოყოფილი ვავსებდი კიდეც.
მერე და მერე გამოცდილებაც შევიძინე, წესებშიც გავერკვიე და მომდევნო ჩემპიონატებს უკვე “სპეციალისტის’ თვალით ვუყურებდი. ამერიკულ პირდაპირ რეპორტაჟებს ნაშუაღამევს ველოდებოდი, კორეა-იაპონიის
მუნდიალის დროს ჩანთაში მომცრო რადიო მეგდო – თამაშები ლამის შუადღისას იწყებოდა, მე კი მაშინ უკვე ვმუშაობდი, ოღონდ, სამსახურში არც კაბინეტი გამაჩნდა და არც ტელევიზორი.
ბუნებრივია, არც ევროპის ჩემპიონატები გამომიტოვებია. 1988 წელს, მართალია, ჯერ ისევ საბჭოეთში ვცხოვრობდით, მაგრამ ფინალში მაინც ჰოლანდიელებს ვქომაგობდი. ბნელით და უკუნით მოცულ ოთხმოცდათორმეტში საქართველოში ფეხბურთისთვის ბევრს არ ეცალა, მაგრამ, იუგოსლავიის დისკვალიფიცირებული ნაკრების ნაცვლად ბოლო წუთს დამატებული დანიელების ბენეფისი მაინც ვნახე. მოქმედი მსოფლიო ჩემპიონების – ფრანგების ევროგამარჯვებაზე, ბერძნების სამარცხვინო, სულელური “ოქროს გოლის” წყალობით მოპოვებულ ჩემპიონობაზე და “Furia Roja”-ს ბოლო ტრიუმფზე არაფერს ვამბობ – სულ ახლახანს იყო და ყველაფერი მისხალ-მისხალ მახსოვს.
ერთი სიტყვით, მუნდიალის და ევროს ერთგული მაყურებელი გახლავართ. ტრიბუნებზე შეკრებილი გულშემატკივრის კი მთელი გულით მშურს – ჩემგან განსხვავებით, საკუთარ გუნდებს ქომაგობენ და იმიტომ. თუმცა, ვინ იცის, იქნებ ოდესმე, ხალხით გაძეძგილ სტადიონზე, თეთრ-წითელი, ხუთჯვრიანი დროშების აფრიალების დროც დაგვიდგეს. არ გეგონოთ, ბევრს ვითხოვდე – მანდ მოვხვდეთ და ჯგუფური ეტაპის სამ წაგებაზეც თანახმა ვარ…
ჰოდა, დღეიდან პირველ ივლისამდე, საღამოებს ტელევიზორთან გავატარებ და ერთ პირდაპირ რეპორტაჟსაც არ გამოვტოვებ. თქვენთან კი ფრიად სახალისო წინადადება მაქვს – მოდით, საყოველთაო საფეხბურთო ციებ-ცხელების დაწყებამდე სულ რამდენიმე საათით ადრე, ყველამ ფავორიტი ნაკრები დავასახელოთ და ვნახოთ, ვისი პროგნოზი გაამართლებს.
ანა და ფეხვურთი – ცა და დედამიწა,კი არა უფრო უარესი. :)
LikeLike
სპორტი საერთოდ არ გიყვარს, ანა? :))
LikeLike
მიყვარს,მხოლოდ ფეხბურთი არა. :) კალათბურთი მიყვარს განსაკუთრებით და ფიგურული სრიალი.
მე და ფეხბურთი ვერ ვუგებთ ერთმანეთს. :)
LikeLike
კალათბურთიც მიყვარს და სრიალიც :) იმდენად მიყვარს, რომ ტანცი ნა ლდუ-საც ვუყურებდი რამდენიმე წლის წინ.
LikeLike
მეც :)) დღემდე რჩება ჩემს უსაყვარლეს სახეობად.
LikeLike
ოდესმე ფიგურულ სრიალზეც დავწერ :)))
LikeLike
მე გულზე ხელის დადებით ვამბობ, რომ არც ერთ თამაშს არ ვნახავ :) არც კი დავინტერესდები. თუ როდესმე ჩვენ ვითამაშებთ, მაშინ არ ვიცი, ეგებ კიდც გამიჩნდეს სურვილი, თორემ ისე მე და ფეხბურთი ნამეტანი შორს ვართ და საერთოდ, სპორტი და მე :)
LikeLike
ნუ, თუ შორს ხართ, მაშინ, რა თქმა უნდა, არ უნდა ნახო, კატერინა.
LikeLike
ესპანეთი – მე და მამიკო
LikeLike
ესეც პირველი პროგნოზი, თან რა სასიამოვნო <3
LikeLike
არ მიყვარს ფეხბურთი :)
ერთადერთი სპორტი, რომლის დიდი მიმდევარიც ვიქნებოდი ცურვაა :)
LikeLike
ერთხელ, ოთხი დღე გადაბმულად ვუყურებდი ცურვაში ევროპის ჩემპიონატს. შვებულება მქონდა :) “არენას” შაპოჩკები და სათვალეები მომეწონა ძალიან.
LikeLike
:დ ასეთი აზარტულიც არ ვარ. თუ არ დამავიწყდა, მაშინ ვუყურებ :)
LikeLike
სამაგიეროდ, სხვა რაღაცებისთვის დაგრჩება მეტი დრო :)
LikeLike
:დ :დ ჰო, ეგ მართალია :დ
LikeLike
მე ნარინჯისფერი ვარ 1998-დან <3
LikeLike
უჰ.. ბოლო მსოფლიოს ფინალს მძიმედ განიცდიდი აბა შენ…
LikeLike
“მძიმედ” ? მსუბუქი სიტყვაა. მძულდა ყველა ესპანელი და ყველა ესპანეთის ფანი.
http://porcupinemike.wordpress.com/2012/04/17/iniesta/ აგერ აქ მიწერია დამპალი ინიესტას შესახებ :|
“თამაში დაიწყო და საფეხბურთო სამყაროც ადუღდა. მსაჯი – ბავშვობიდანვე საძულველი ჰოვარდ ვები! მატჩს ჰოლანდიის ფანკლუბში ვუყურებდი, ნარინჯისფერ გარემოში. იყო ულევი ემოცია, დაძაბული მომენტები და გარდამავალი უპირატესობები.
ძირითადი დრო : 0-0
დამატებითი ნახევარი საათიც იწურებოდა და თითქოს თასის ბედი თერთმეტმეტრიანების სერიაში უნდა გადაწყვეტილიყო, როცა საფინალო სასტვენამდე 3 წუთით ადრე ინიესტამ დაარტყა.
იმ ღამით ვიტირე !”
LikeLike
მეც ვიტირე :) ოღონდ, სიხარულისგან :))
LikeLike
(მტრისბლოგიშემყვარებიაღმერთმანი :))
წელსაც ფინალში დავეჯახებით. შურს ვიძიებთ !!!
LikeLike
საქართველოს ნაკრები, ესპანეთის ნაკრები და ბარსელონა :)
ვნახოთ… შორია ფინალამდე. ისე, უარს ნამდვილად არ ვიტყოდი.
LikeLike
უარს ვინ იტყვის ფინალში გასვლაზე ?!
დაველოდოთ კიევს ^_^
LikeLike
დაველოდოთ… ისე, მხოლოდ ფინალს ესპანელებს მარცხად ჩაუთვლიან. მე არ მგონია მარცხი, მაგრამ ძალიან ბევრს ელოდებიან ამ გუნდისგან და ეს, სადღაც, მაშინებს კიდეც.
LikeLike
ფეხბურთის მოყვარული ნამდვილად არ ვარ. ერთადერთხელ 2006-ში ვუყურე მსოფლიო ჩემპიონატს და არგენტინას ვგულშემატკივრობდი :)
LikeLike
და იმ ერთხელაც ჩააფლავა არგენტინამ…
LikeLike
ჩემნაირი ფანის ხელში აბა რა დაემართებოათ.
LikeLike
:))) მაი აფერი :)
LikeLike
ფეხბურთი რომ არ არსებობდეს, ცხოვრება უფრო საინტერესო იქნებოდა :/
LikeLike
ვისთვის როგორ
LikeLike
ეგეც არის
LikeLike
ეგ არის. ყველას საკუთარი ცხოვრება აქვს. ზოგისთვის ფეხბურთითაც საინტერესოა და ზოგისთვის ფეხბურთის გარეშეც უაზრო.
LikeLike
ჩემთვის უფრო საინტერესო იქნებოდა. :)
სხვების კიდე სხვებმა იდარდონ
LikeLike
ჰო, პირველი კომენტარს “ჩემთვის” მოუხდებოდა.
ჩემთვის ფეხბურთის გარეშეც ძალიან საინტერესოა და ფეხბურთით – კიდევ უფრო საინტერესო.
სხვების სხვებმა იდარდონ (c)
LikeLike
არა ზუსტად ისე დავწერე პირველი კომენტარი, როგორიც მინდოდა ^_^
LikeLike
ნუ, შენი საქმისა შენ იცი. ჩემი და იმათი ცხოვრება, ვინც მაინტერესებს, როგორია და ფეხბურთი რას აშავებს, კი ვიცი და სხვისი რა ჩემი საქმეა..
LikeLike
:D
LikeLike
Spain – ყველაზე მეტი ბარსელონელია )))
LikeLike
ორმაგი agree :)
LikeLike
ჩემი ფეხბურთის სიყვარული 1994 წლის მსოფლიო ჩემპიონატიდან იწყება, მაშინ არგენტინას ვგულშემატკივრობდი, ამის შემდეგ დაიწყო ჩემი და გერმანიის სიყვარული. კანიჯა და მარადონა მახსოვს, განსაკუთრებით მიყვარდა კანიჯა, თავისი გრძელი თმით.
ამის შემდეგ გერმანიის გარდა აღარავის ქომაგი ვყოფილვარ. ჩემთვის ევროპა და მსოფლიო იმხელა მოვლენებია რომ გული მიფართხალებს :)
ფეხბურთის სიყვარული მემკვიდრეობით გადმომეცა მგონი, მამაჩემის სამსახურიდან გამომდინარე საქართველოს შიდა ჩემპიონატების მატჩებსაც კი ვესწრებოდი ხოლმე :)
ჩემი ფავორიტი რა თქმა უნდა გერმანიაა :)
პ.ს. ლაიქ ფუნქცია აქვს გაფუჭებული ჩემ ბრაუზერს, თორემ ათასჯერ დავალაიქებდი ამ პოსტს. სახლში რომ მივალ გამოვასწორებ :)
LikeLike
კანიჯა მეც მომწონდა და არგენტინაც მესიმპატიურება ;)
ჰო, დღეს დიდი დღეა. ერთი სული მაქვს საღამომდე :)
LikeLike
აუ რა საფეხბურთო ისტორია გქონია, მშურს :) მე 2002 მუნიდალიდან ვუყურებ, 10 წლის ვიყავი მაგ დროს..
ცოტა რთულია, საფრანგეთს აქვს პოტენციალი, თან ფავორიტად არ მიიჩნევენ და ესეც დაეხმარებათ, მაგრამ ეს ევრო მაინც გერმანიის მგონია..
ჩემი ინგლისი ალბათ ისევ ჩაბანძდება :|
LikeLike
ისტორია მთლად ჩემი დამსახურებაც არ არის :) ასაკის ბრალია :)
ინგლისი მართლა მძიმე დღეშია. ლამპარდი დაიმტვრა, თან მწვრთნელი გამოცვალეს და არა მგონია, ამან გუნდი გააძლიეროს.
LikeLike
მე ფეხბურთი არ მიყვარს და ვერც ვერკვევი :/
LikeLike
წელს ცხელი ივნისი გვექნება :) ჩემი და ფეხბურთის ახლობლობის 10წლისთავის აღსანიშნავად ევროპის ჩემპიონატზე უკეთესი საჩუქარი რა უნდა იყოს :)
საქართველოს არყოფნის და ბრაზილიის “არაევროპელობის” გამო ნეიტრალური ვარ და შესაბამისად დიდი სიამოვნება მელოდება :))) ჯერ ადრეა პროგნოზები, მაგრამ გერმანია და ჰოლანდია იმსახურებენ გამარჯვებას – რამდენი ხანია არაფერი მოუგიათ, არადა იმსახურებენ…
LikeLike
რა თქმა უნდა, იმსახურებენ :) ორივე გუნდი, პლიუს ესპანეთი.
LikeLike
მე 2006 წლიდან ვითვლი ჩემს გამოცდილებას, რა ვქნა პატარა ვარ ჯერ :( ჩემი ფავორიტი რომ გერმანიაა, ვინც არ იცის ახლა გაიგებს :) დამსახურებით ყველა გუნდი იმსახურებს, მაგრამ მე ჩემს ფავორიტს უნდა ვუგულშემატკივრო და ძალიან გახარებული ვარ გერმანია და ჰოლანდია ერთ ჯგუფში რომ არიან, ორ წელზე მეტია მათ შეხვედრას ველოდები, სიამოვნებით ვნახავდი გერმანია საფრანგეთსაც, თუ ფრანგებმა არ ივაჟკაცეს როგორც მსოფლიოზე… :(
მოკლედ დიდ იმედებს ვამყარებ (ფულსაც ვამყარებ მგონი :) ) ამ ჩემპიონატზე, ჩემი საგამოცდო წარმატებები მთლიანად მას ემყარება :)
LikeLike
შენ მართლა პატარა ხარ :) სადღაც შემშურდა კიდეც :)
ფინალურ ეტაპზე ვინც მოხვდა, ყველა ღირსეულია, რა თქმა უნდა (ისევ და ისევ სპორტული პრინციპიდან გამომდინარე), მაგრამ დამსახურებით, ალბათ, ეს სამი გუნდი იმსახურებს. ინგლისი ის ინგლისი აღარ არის, საფრანგეთი დიდი ხანია, მხოლოდ სახელია… მოკლედ, ვნახოთ.
LikeLike
გეთანხმები მოლი, თუმცა შევხედოთ წელს რა მოხდება, არც იტალიაა მოწოდების სიმაღლეზე… თუმცა ერთის მხრივ სულ ერთი და იმავე გუნდების ყურება არცაა აუცილებელი, მაგალითად წელს ხორვატიის დიდი იმედი მაქვს, რუსეთის რა მოგახსენო და საბერძნეთს და ჩეხეთს უნდა დავაკვირდე აგრეთვე…
მსოფლიოზე ძალიან მაინტერესებდა შარშანწინ თუ როცა იყო არგენტინა ესპანეთი და გერმანია ჰოლანდია :) მხოლოდ ერთი ამიხდა მოუთმენლად ველოდები :) დღეს საუბედუროდ ვერ ვასწრებ გადაბარგებას ჩემს მეორე სახლში და ვერ ვუყურებ თამაშებს, არ ვიცი როგორ გავათენებ, მაგრამ ხვალიდან იწყება არდავიწყება :)
ესპანეთს წარმატებები :*
LikeLike
რუსეთი დიდი ამბიციებითაა ჩასული და სულ მცირე, წინა ევროს შედეგების გამეორება უნდა. ჩეხებს და ხორვატებს მეც ინტერესით დავაკვირდები, თუმცა მაინც ანდერდოგები არიან. ანუ, ამ გუნდების წარმატება სენსაცია იქნება. გერმანია-ჰოლანდია კლასიკაა :) ინგლისი-საფრანგეთიც, ესპანეთი-იტალიაც… ევროს ეშხი ასეთ თამაშებშია. ბევრია ხოლმე. უკვე ჯგუფურ ეტაპებზე.
გერმანიას წარმატებები :))
LikeLike
ესპანეთი! ეს ის იშვიათი შემთხვევაა, ბარსელონას გულშემატკივრებს უპირობოდ რომ ვეთანხმები.
LikeLike
მსოფლიოზე და ევროზე ბლანკოსიც კი ჩემიანია…
LikeLike
vaime dges leqtormac shemogvifriala furclebi, es safexburto “Wortschatz”-io es gundebis chamonatvalio da tqveni prognozebi dawereto, me ki gavaproteste magram…mokled fexburtis moyvarulebs gilocavt da favoriti gundebis warmatebasac gisurvebt :)
LikeLike
მადლობა ფეხბურთის მოყვარულების სახელით :)
LikeLike
მე პას თან ნამეტანი პას. :)))
თქვენ კიდევ ყველას გისურვებთ თქვენი ფავორიტი გუნდების გამარჯვება გეზეიმოთ ამ ჩემპიონატზე :)))
LikeLike
მადლობა, ჯეინ :) მთელი ეშხი იმაშია, რომ ყველას ვერ გაგვიმართლებს :) მხოლოდ ერთს :)
LikeLike
tarmoidgine rogor ar miyvars fexburti rom sheni postidan gavige chempionatis datyeba.
LikeLike
ეს ისეთი გამონაკლისია, თამი, წესს რომ ადასტურებს!
LikeLike
მე როგორც ვთქვი ფბ–ზე, გულგრილი გავხდი ევროჩემპიონატის მიმართ. ჩეხებს ეტყობა აღარ ჰყავთ გოლის გამტანი და ა, დაეტყოთ.. :(
LikeLike
არც მთლად გულგრილი ყოფილხარ, რაკი ჩეხების ამბავი გცოდნია, ქევან.
LikeLike
ფეხბურთზე დღეს შენგან გავიგე, მოლი. ყველაზე არასპორტულმაც იცისო, – რომ ახსენე, ცოტა ჩამეღიმა. ჩემსა და ფეხბურთს შორის განხეთქილება მას შემდეგ დაიწყო, რაც სრულწლოვანი გავხდი. თუმცა მთელი სკოლის პერიოდი ინგლისის ბე კლასის მატჩებსაც ვადევნებდი თვალს და ამჯერადაც, თუ ჩემი ხმა ხმად ჩაითვლება, იგივეს მოვნიშნავ :)
LikeLike
შენ და თამი ერთ გუნდში ხართ :)) ჩემპიონშიპს უყურებდი? მაგას დღესაც აჩვენებს ნტვ პლიუსი. არ არის ცუდი ლიგა, სხვათა შორის.
LikeLike
არა, ხომ ვთქვი, კაი ხანია, თვალიც არ მომიკრავს. თუმცა რომ გავიგე, ინგლისური გუნდის ფინალი, ქვეცნობიერად გავიხარე. ცუდი არ არის, მე ვარ მოღალატე :)
LikeLike
ასე იცის ახალმა გატაცებებმა…
LikeLike
ძალიან მიყვარს და ვწუხვარ, რომ კოლოქვიუმების და გამოცდების პერიოდს ემთხვევა:(
ინგლისის გულშემატკივარი ვარ და იმედია არ გამაწბილებენ:)))))))))
მოლი, შენ უეჭველი ბარსელონელებით გაძეძგილ ესპანეთის თამაშს ელოდები, ხო? :D :)
LikeLike
ჰო, სტუდენტებისთვის ცოტა არ იყოს, მოუხერხებელ დროს ტარდება…
აბა რა, თამთა :) დღეს ვეთამაშებით იტალიელებს და უკვე ვნერვიულობ :)
LikeLike
და მოუგებთ კიდეც ;) ;)
LikeLike
შენს პირს შაქარი :)
LikeLike
აჰა! დიდად არ ვგიჟდები თუმცა ყურება ნამდვილად ღირს. ;) წელს ალბათ გერმანია მოიგებს და მე კი ისე ჰოლანდიის ნაკრები მევასება, მაგათზე უფრო მეტად კი მაგათი ფორმები. :)
LikeLike
ნუ, აშკარაა, რომ არ გიჟდები :)
LikeLike
ოოო მოლი ფეხბურთი მაგარი რამეა, ზუსტად გუშინ წავიკითხე რომელიღაცა სპორტსმენის გამონათქვამი ,, ადამიანმა თავისი ცხოვრები მანძილზე შეიძლება შეიცვალოს ცოლი, პოლიტიკური პარტია, რელიგია, მაგრამ ის ვერასოდეს შეიცვლის საყვარელ საფეხბურთო გუნდს”,:;დდ; ჰოდა ეგრე ვარ მე ბავშვობიდან იტალიის თავგადაკლული ტიფოზი:დ;დ არსდროს დამავიწყდება ბაჯოს არგატანილი პენალტი მიუხედავად იმისა რომ მაგ დროს ძალიან პატარა ვიყავი და ვისაც ვეუბნები არ სჯერათ რომ ეგ მომენტი ეგეთ პატარას შეიძლებოდა მხსომებოდა, მერე იყო ამომავალი მზის ქვეყანა და იმ მახინჯი კოორეელის მიერ თავით გატანილი ოქროს გოლი:დდ; ოსეთი ცხარე ცრემლებით ვტიროდი, ცხონებულმა ბებიაჩემმა მითხრა, შვილო ჩემს სატირალზე ამის ნახევარ ცრემლებს თუ დამაყრი ბედნიერი ვიქნებიო(:(;:;დ;დ დიდი სიმპათიები გამაჩნია არგენტინის ნაკრების მიმართაც, მესი არ იყო მაშინ ისეთი ვარსკვლავი და იმდენად მომწონდა რომ ჩემს ახლდაბდებულ ლეკვს ავდექი და მესიტო დავარქვი, ძალიან დავაფასე თურმე მომავალში დიდი არგენტინელი;დ;; ამ ჩემტიონატს რაც შეეხება ხვდები ალბათ ვისაც ვგულშემატკივრობ , მაგრამ მე პესიმისტი რეალისტი ვარ და რუსეთის მოგებას ვვარაუდობ:)))
LikeLike
ეგ გამონათქვამი, დიდ ფრანგ ფეხბურთელს ერიკ კანტონას ეკუთვნის :)))))
LikeLike
მე მხოლოდ თამაშს ვუყურებ, საერთოდ არ მაინტერესებს მსოფლიოს თასისთვის იბრძვიან თუ ზესტაფონის პირველობისთვის. ჰოდა წელს ესპანეთი იყო ლოგიკურად ყველაზე კარგად მომზადებული, საინტერესოდ თამაშობდნენ თორემ საფრანეგთისთვის როგორ არ უნდა მეგულშემატკივრა, საყვედურებიც კი მივიღე მაგრამ..
LikeLike
შენ ჭეშმარიტი გულშემატკივარი ყოფილხარ ;)
LikeLike
მშვენიერი საფეხბურთო გამოცდილება… თან წელს ესპანელებმა სიამაყის კიდევ ერთი მიზეზი გაგიჩინეს–გილოცავ მცირედი დაგვიანებით ;)
მე და გერმანია კი მოვდიოდით მშვენივრად ამ ევროპაზე, მაგრამ ისევ ოქროსთან შეუთავსებლობა დაგვემართა, მგონი…
ერთხელაც მოვიგებთ და ის ჩემპიონატი ყველაზე მაგარი ჩემპიონატი იქნება, მჯერა : ))
LikeLike
მადლობა :)
ეს ევრო მართლა მეამაყება. ამხელა ტურნირი ერთადერთი გაშვებული გოლით მოვიგეთ. კასილასი რომელიმე ბარსელონელში თუ გამომერჩეოდეს, უსინდისო დამიძახეთ.
სამაგიეროდ, ახალგაზრდული ჩაფლავდა ოლიმპიადაზე. იაპონიასთან და ჰონდურასთან წააგო :(((
გერმანია უმაგრეს ფეხბურთს თამაშობს (ახლა) და სათქმელს კიდევ იტყვის.
LikeLike
კი, მე მთელი გულით მჯერა…
(რომ არ მჯეროდეს, არასოდეს ვუგულშემატკივრებდი, პრინციპში)
ერთხელაც დადგება დრო, მეორე-მესამე ადგილების გაუთავებელ რიგს ჩემპიონობა დაუსვამს წერტილს : ))
და მაგ დღეს უჰ, როგორი ბედნიერი ვიქნები <3
LikeLike
დადგება :) საცოდაობა იქნება, ასეთი სიმპატიური გუნდი, ასეთი საინტერესო სტილით, ერთხელ მაინც არ გახდეს ჩემპიონი.
LikeLike
გერმანიის გულშემატკივრობის ხიბლიც მაგაშია–ვისაც მოთმინება ეყოფა, ის იზეიმებს ბოლოს გამარჯვებას : ))
LikeLike