მოლი და ბიბლიოთეკა

თებერვალი 17, 2012 by Molly Bloom's Day

მოლი ბლუმის ბლოგზე, კარგად მოგეხსენებათ, მეტწილად, ინტელექტუალები იკრიბებიან და, რამდენიმე განსხვავებულ მიმართულებას თუ არ ჩავთვლით, ყველაზე ხშირად მაინც წიგნებზე საუბრობენ – მთავარ კატეგორიას შემთხვევით როდი ჰქვია “მოლის ბიბლიოთეკა”.

ამ ათიოდე დღის წინ, პატარა ბიბლიოფილის – როკერმელომანის ეს მშვენიერი პოსტი წავიკითხე და ბავშვობა გამახსენდა – ახლა ძნელი დასაჯერებელია, მაგრამ ოდესღაც არც ინტერნეტი არსებობდა, არც ონლაინ-რესურსები, მე და ჩემი თაობის მკითხველები კი სტელაჟების, კატალოგების, გაცრეცილი ფორმულარების, ფურცლების შრიალსა და სიჩუმეში ჩაძირული სამკითხველო დარბაზებისა და მუდამ შუბლშეკრული ბიბლიოთეკარების ეპოქაში გავიზარდეთ.

ბათუმში, ჩემი სახლის ყველა ოთახში წააწყდებოდით წიგნებით გაძეძგილ თითო კარადას მაინც, თბილისიდან და მოსკოვიდან ჩამოტანილი რუსულენოვანი ლიტერატურით და “საბჭოთა აჭარის” მეტნაკლებად ღირებული ყველა გამოცემით დახუნძლულს. ჰოდა, რა გასაკვირია, რომ მესამე კლასამდე ჩემთვის საინტერესო საკითხავის გარეთ მოძიება არც დამჭირვებია. თუმცა, უსასრულო და ამოუწურავი სხვა რა არის, ეს რომ ყოფილიყო… ამიტომაც, ერთ მშვენიერ კვირა დღეს, კინოდან მომავალმა, საბავშვო ბიბლიოთეკაშიც შევყავი ცხვირი და შინ პირველი “ნადავლით” – “ბარონ მიუნჰაუზენის თავგადასავალით” ხელდამშვენებული დავბრუნდი.

ყველაზე პატარებისთვის ადაპტირებული, უხვად დასურათებული “მიუნჰაუზენი”, აბა, რამდენ ხანს მეყოფოდა. ორიოდე საათში მოვუღე ბოლო და ისევ უკან წავცუხცუხდი – რაიმე ახალი შემირჩიეთ–მეთქი… ბიბლიოთეკარებმა ერთი კვირა კი ითმინეს ჩემი უმსგავსო საქციელი და მერე მკაცრად გამაფრთხილეს – წიგნის იმავე დღეს დაბრუნება არ შეიძლება, ცოტა მაინც დაიცადეო…

სკოლის სამკითხველოთი, კაცმა რომ თქვას, მაინცდამაინც აქტიურად არ მისარგებლია. დიუმას, მაინ რიდის, ჟიულ ვერნის, ფენიმორ კუპერის წიგნები, “სათავგადასავლო ბიბლიოთეკის” ყველა ტომი და ქართული საყმაწვილო ლიტერატურა შინ მქონდა და სხვაგან რა უნდა მომეძებნა… ერთი ის არის, ხელს რაღაც-რაღაცები გამოვაყოლე, მაგრამ ამაზე უკვე დავწერე და აღარ გავიმეორებ – ვერაფერი შვილი საამაყო საქციელია.

მოსწავლეობის ბოლო წლები ყველა გაგებით “შავბნელ” პერიოდს დაემთხვა – ხალხი არსებობისთვის იბრძოდა და საკითხავად ვის ეცალა, მაგრამ უნივერსიტეტის პირველ კურსზე, პირველივე სემინარზე, ენგელსის ღრმად უინტერესო ნაშრომიდან ორასი გვერდი რომ მოგვინიშნეს საზეპიროდ, მე და ჩემმა მეგობრებმა ვიკადრეთ და საჯარო ბიბლიოთეკას მივაკითხეთ, ძველი ყაიდის, სალათისფერი მკითხველის ბილეთებით შევიარაღდით და მას შემდეგ, ოთხი წელი ფეხი არ მოგვიცვლია – პერიოდიკის განყოფილებაში ძველ ჟურნალებს ვკითხულობდით, დიდ დარბაზში კი, მეცადინეობის პარალელურად, დეტექტივების დაგემოვნებას, ბოსხის და ეშერის ალბომების ფურცვლას, ლიტერატურულ და იურიდიულ საკითხებზე ჩურჩულით კამათს და, თქვენ წარმოიდგინეთ, ჭადრაკის თამაშსაც ვახერხებდით.

დამამთავრებელ კურსზე უკვე ვმუშაობდი და საჯაროში ხანგრძლივი სტუმრობისთვის დრო აღარ მრჩებოდა, ამიტომ მაშინდელ დირექტორს – ლევან ბერძენიშვილს ვთხოვე და მანაც აბონემენტის განყოფილებით სარგებლობის ნება დამრთო. იქაურ თანამშრომლებს ისე გავუშინაურდი, გამგეს – ქალბატონ ნანას კრისტის, შელდონის, ჰეილის ამერიკიდან და ინგლისიდან ჩამოტანილი ფოქეთბუკები საგანგებოდ ჩემთვის, საკუთარი ბიბლიოთეკიდან მოჰქონდა.

ამას წინათ, საუბარს მოჰყვა და დავთვალე – ერთდროულად თორმეტი სხვადასხვა ბიბლიოთეკის მკითხველი გახლდით. დღეს ზოგი კარგად მახსენდება, ზოგი – არც ისე… ერთ ზაფხულს, უსაქმურობის ჟამს, ჩემი უბნის ბიბლიოთეკარს სამი სხვადასხვა სამკითხველოდან შეკრებილი ტომების დახარისხებაში დავეხმარე და ჯილდოდ ორი თვის ლიტერატურული მარაგი მერგო. უნივერსიტეტის სამეცნიეროს წიგნსაცავშიც არაერთხელ ვყოფილვარ, უშუქობის, ბნელისა და უკუნის პერიოდში და შეკვეთილი მასალა, ჯიბის ფარანმომარჯვებულს, თავად მიძებნია. ისიც კარგად მახსოვს, როგორ ვიჩხუბე – დაუდევრად მიყრილ წიგნებს საინვენტარიზაციო ნომრები ყდაზე, ცარცით ჰქონდა მიწერილი.

მერე მოუცლელობამ თავისი გაიტანა და ბიბლიოთეკებში სტუმრობაც გავაიშვიათე. ამასობაში ინტერნეტის, ელექტრონული ფორმატის, lib.ru-ს, ალდებარანის და lib.ge-ს დროც მოვიდა, წიგნის მაღაზიებიც სრული დატვირთვით ამუშავდა და სასურველი გამოცემის მოძიებაც გაიოლდა…

ახლა, როდესაც ვირტუალური ბიბლიოთეკიდან წიგნის ჩემს “ქინდლში” მოხვედრას ხუთი წუთიც არ სჭირდება, ქართულენოვან სიახლეებს ფერადი კატალოებიდან ვირჩევ, საფულეში რამდენიმე დაგროვებითი ბარათი მიდევს და გაკრიალებულ, საღებავის სასიამოვნო სუნით გაჟღენთილ მაღაზიებში მონატრებული მეგობარივით მხვდებიან, ხანდახან ის ძველი დრო მახსენდება, შუა ზამთარში, საჯაროს დიდ დარბაზში, ერთადერთ ნელთბილ გამათბობელს ჩახუტებულები, საცავიდან შეკვეთის ამოსვლას რომ ველოდებოდით. არა, კომფორტული გარემო ნამდვილად მირჩევნია, მაგრამ მაშინ ბიბლიოთეკას სულ სხვა ეშხი ჰქონდა – ახალგაზრდები ვიყავით და, ალბათ, ამიტომ. ან იქნებ წვალებით მოპოვებულ წიგნებს ვატანდით სხვა გემოს, ვინ იცის…

114 Responses

on თებერვალი 17, 2012 at 12:10 AM | პასუხი niineliashvili

ახლა დავთვალე და, ჯერ-ჯერობით 7 ბიბლიოთეკა ჩემს აქტივზე :)

LikeLike
- on თებერვალი 17, 2012 at 12:11 AM | პასუხი მოლი ბლუმი
  
  დღევანდელი დღისთვის ცოტა არ არის, ნინო.
  
  LikeLike
on თებერვალი 17, 2012 at 12:13 AM | პასუხი Author

გემრიელი, სასიამოვნო, ფამილარული, ნოსტალგიური პოსტია: შენ რომ გჩვევია და მე რომ მიყვარს, ისეთი! :)

LikeLike
- on თებერვალი 17, 2012 at 12:15 AM | პასუხი მოლი ბლუმი
  
  მაგას რა ჯობია :) მადლობა, თაბუ :)
  
  LikeLike
on თებერვალი 17, 2012 at 12:18 AM | პასუხი faifuris angelozi

სადმე რამე საჩემო ანტიკვარ წიგნს არ წაწყდომიხარ? ყოველთვის ისეთ წიგნებს ვითხოვდი რომლის გამოტანაც არ შეიძლებოდა და დარჩენით ვერ ვრჩებოდი,მე ხომ ერთ ადგილზე დიდხანს ჯდომა არ შემიძლია))) ჰოოდაა,ეჰ,ფანრის კი არა სანთის შუქზე გადავქექავდი საინტერესო ბიბლიოთეკას ჩემთვის საინტერესო წიგნების მოძიებაში.
პ.ს. წავედით მე და შენ ვატიკანის ბიბლიოთეკაში.

LikeLike
- on თებერვალი 17, 2012 at 12:22 AM | პასუხი მოლი ბლუმი
  
  აბონემენტით ის წიგნებიც გამომქონდა, რომელთა გამოტანაც აკრძალული იყო :) მაგრამ ვატიკანში არ გაგვივა ეს ხრიკები. მანდ კარგი დაცვაა.
  
  LikeLike
  - on თებერვალი 17, 2012 at 12:27 AM | პასუხი faifuris angelozi
    
    მეც მინდა ეგ აბონიმენტი,ვატკანის საცავში ვინ შეგვიშვებს,მე შეპარვას ვიგულისხმე,ხომ იცი ცოდნისთვის დანაშაულის ჩადენაც მოსულაო სადღაც წავიკითხე ამ შინაარსის ფრაზა.
    
    LikeLike
    - on თებერვალი 17, 2012 at 12:28 AM მოლი ბლუმი
      
      მოსულა, როგორ არ მოსულა, უბრალოდ, ძვირი ღირს. ცოტა ხნით (ან დიდი ხნით) დაგასვენებენ სახელმწიფოს ხარჯზე, მეტი არაფერი.
      
      LikeLike
    - on თებერვალი 17, 2012 at 12:31 AM faifuris angelozi
      
      ოო აღარც მაოცნებო((( ისე ცოტახნითაც დავისვენებდი,ისე მინდა მანდ შეძვრომა.
      
      LikeLike
    - on თებერვალი 17, 2012 at 12:33 AM მოლი ბლუმი
      
      მაშინ პრობლემაც არ ყოფილა :) ოღონდ, იქედან ბლოგზე ვეღარ დაპოსტავ.
      
      LikeLike
    - on თებერვალი 17, 2012 at 12:34 AM faifuris angelozi
      
      აი ფრთებიც წამაჭერი ოცნებაში რა)) არაუშავს,მოვითმენ,მერე რამდენი სიახლით მოვალ და დამხვდებით)
      
      LikeLike
    - on თებერვალი 17, 2012 at 12:36 AM მოლი ბლუმი
      
      კი, კი… წარმოიდგინე, რა ანშლაგი იქნება. “ფაიფურის ანგელოზის ციხის დღიურები”, მხოლოდ ჩვენთან, ექსკლუზიური მასალა თვითმხილველისგან.
      
      LikeLike
on თებერვალი 17, 2012 at 2:24 AM | პასუხი Meme

მიუხედავად იმისა, რომ კარგი მკითხველობას ვერაფრით დავიბრალებ, ბიბლიოთეკა ჩემთვისაც გამორჩეული დაწესებულებაა. პოსტი კიდევ კარგზე კარგი და მეტად სასიამოვნო:)

LikeLike
- on თებერვალი 17, 2012 at 11:09 AM | პასუხი მოლი ბლუმი
  
  დანკე,რა თქმა უნდა, მაგრამ კარგ მკითხველობაზე უარს რატომ ამბობ? :) მე რომ სხვანაირად გიცნობ? :)
  
  LikeLike
  - on თებერვალი 17, 2012 at 3:33 PM | პასუხი ანონიმური
    
    რაც მართალია, შენს მკითხველებს შორის ვერც ერთს შევედრები ბიბლიოფილობაში:) თუმცა ეს კია, გამოსწორებას ვცდილობ:)
    
    LikeLike
  - on თებერვალი 17, 2012 at 3:43 PM | პასუხი Meme
    
    რაც მართალია, შენს მუდმივ მკითხველებს შორის ვერც ერთს შევედრები ბიბლიოფილობაში:) ეს კია, გამოსწორებას ვცდილობ:)
    
    LikeLike
    - on თებერვალი 17, 2012 at 3:54 PM მოლი ბლუმი
      
      არა მგონია, ასე იყოს. აქ მეტი და ნაკლები არ არსებობს და არც არის საჭირო.
      
      LikeLike
    - on თებერვალი 17, 2012 at 8:50 PM Meme
      
      შემოსული მეგონა თავი, არ გამიკვირდა, არადა, დავწერე-თქო:))
      
      LikeLike
    - on თებერვალი 17, 2012 at 8:53 PM მოლი ბლუმი
      
      :))))))))) ჩვენთან არაფერი იკარგება :) ანონიმური კომენტარებიც კი :)
      
      LikeLike
on თებერვალი 17, 2012 at 2:53 AM | პასუხი tamara

რა კარგი დრო გაგიტარებიათ ბიბლიოთეკაში თურმე :) ისე, პირველ კურსზე დავდიოდი საჯაროში რეგულარულად, მერე საჭიროებამაც იკლო და ამოვიკვეთე ფეხი იქიდან… აი, სკოლის ბიბლიოთეკა კი გადაღეჭილი მქონდა, გახანგრძლივებულ ჯგუფში ვსწავლობდი, მივჯდებოდი ჩემთვის და ვკითხულობდი, შენი არ იყოს, იმ დღესვე ჩამქონდა წიგნები :)
პოსტი, რა თქმა უნდა, ძალიან კარგია :)

LikeLike
- on თებერვალი 17, 2012 at 11:11 AM | პასუხი მოლი ბლუმი
  
  უჰ :) შენ იზამდი მაგას… რომელი წიგნი გადაგირჩებოდა? :) საჯაროში უარეს რაღაცებსაც ვაკეთებდით, მაგრამ ყველაფერს აქ ხომ არ დავწერ :) :)
  
  LikeLike
on თებერვალი 17, 2012 at 9:53 AM | პასუხი orange

რა კარგი პოსტია, გამაჟრჟოლა :) ჩემი წიგნებთან პირველი შეხება გამახსენდა… ,,ბარონ მიუნჰაუზენის თავგადასავალი” ეს ერთ–ერთი პირველთაგანია რაც წავიკითხე, მგონი :დ ჯეიმს ფენიმორ კუპერი, ჟიულ ვერნი, მაინ რიდი, ჰენრი რაიდერ ჰაგარდი, სულ ბავშვობის იმ ტკბილ პერიოდს მახსენებენ, როდესაც ჩემთვის ჩავუჯდებოდი ხოლმე წიგნებს და დიდი ინტერესით აღვსილი ვკითხულობდი საინტერესო თავგადასავლებს, განსაკუთრებით ჟიულ ვერნით ვიყავი მოხიბლული :)

LikeLike
- on თებერვალი 17, 2012 at 11:13 AM | პასუხი მოლი ბლუმი
  
  შენ სათავგადასავლო ლიტერატურა გყვარებია, ნათია :) რუსული ტომეულები მქონდა. ლამაზი ყდით, ვერნი, რიდი, კუპერი, რუსი ავტორები… ერთ-ერთი საუკეთესო გამოცემა. ჰოდა, იმდენჯერ გადავიკითხე, დავიზეპირე :)
  
  LikeLike
  - on თებერვალი 17, 2012 at 11:22 AM | პასუხი orange
    
    კიი, მიყვარდა, მიყვარდა რა ახლაც მიყვარს :დ მეც რამდენჯერმე მაქვს წაკითხული მაინ რიდი და ჟიულ ვერნი, ოღონდ მე ქართულად :)
    
    LikeLike
    - on თებერვალი 17, 2012 at 11:23 AM მოლი ბლუმი
      
      ძალიან კარგი, რომ გიყვარს :) თორემ, ისიც მომისმენია, რაღა დროს ჟიულ ვერნია ამ ციფრულ ეპოქაშიო. არადა, ვერნის დრო ყოველთვის იქნება.
      
      LikeLike
    - on თებერვალი 17, 2012 at 11:27 AM orange
      
      ჰო, მეც მომისმენია და, რა თქმა უნდა, არ ვიზიარებ მსგავს დამოკიდებულებას :)
      
      LikeLike
    - on თებერვალი 17, 2012 at 11:32 AM მოლი ბლუმი
      
      არც მე :) ვერნი შეიძლება მოგწონდეს ან არ მოგწონდეს, ყველას საკუთარი გემოვნება აქვს, მაგრამ ციფრული ეპოქა რა შუაშია, ვერ ვხვდები და ვერც ვერასოდეს გავიგებ.
      
      LikeLike
on თებერვალი 17, 2012 at 10:07 AM | პასუხი finiki

რა კარგი პოსტი იყო მოლი, იმდენი რამ გამახსენდა, ბავშვობის ყველაზე სასიამოვნო მოგონებად ის დღე დარჩა მაინ რიდის უთავო მხედარს, რომ ვკითხულობდი ბებიაჩემის ოთახში და ფარულად კასიუს კოლჰაუნისა და ისიდორას გულშემატკივარი, რომ ვიყავი :)
საჯარო ბიბლიოთეკაშ იმდენი წიგნი წავიკითხე, დიდი ბლოკნოტით შეიარაღებული ვიყავი და სასურველ მომენტებს ვიწერდი. პრახტის “ოკულტიზმი” არსად იშოვებოდა და მკაცრად მქონდა გადაწყვეტილი მისი წიგნის მნიშვნელოვანი ასპეტქები ერთ რვეულში მომეგროვებინა.
ყველაფერს თავისი ეშხი აქვს ნამდვილად, ჩემი ქინდლი სულ ოთხი დღეა რაც ჩამოვიდა და უკვე იმდენ წიგნს ითვლის :)

LikeLike
- on თებერვალი 17, 2012 at 11:18 AM | პასუხი მოლი ბლუმი
  
  ოკულტიზმი რომ ითხოვე, იქაურებმა ეჭვის თვალით არ შემოგხედეს? :) მე მახსოვს, დე სადს და ზახერ მაზოხს რომ მატანდნენ, თვალები ჰქონდათ გაფართოებული :))))
  
  ქინდლი ჩამოვიდა? :) რა მაგრობაა… მშვიდობაში და წიგნების კითხვით გაცვეთაში :)))
  
  LikeLike
  - on თებერვალი 17, 2012 at 11:44 AM | პასუხი finiki
    
    გაოცებულები მიყურებდნენ, ერთდროულად გამომქონდა იურიდიული ლიტერატურა (საკონფერენციო თემას ვწერდი პატივისა და ღირსების ხელშეუხებლობაზე), ბორის აკუნინის აზაზელი და პრახტის ოკულტიზმი :) სხვათაშორის დღემდე მაქვს ის ბლოკნოტი სადაც ჩანაწერებს ვაკეთებდი და ერთი ჩანაწერი მაქვს წინ 60 წლამდე ჭაღარა მამაკაცი მიზის, გამჭვირვალე “ბრეტელიანი” მაისური აცვია, დიდი ჯაჭვი აქვს კისერზე ჩამოკიდებული და ხუთ წიგნს ერთდროულად კითხულობს მეთქი, საინტერესო საზოგადოება იკრიბებოდა.
    ჰო, ჩემი ქინდლი ნაირ–ნაირი წიგნებით გავტენე “Life is a joke”–დან დაწყებული დანტეს ღვთაებრივი კომედიით დამთავრებული (გადაკითხვა გადავწყვიტე) :) ეს პირველი უიკენდი იქნება ქინდლთან ერთად :)
    მადლობა :)
    
    LikeLike
    - on თებერვალი 17, 2012 at 11:50 AM მოლი ბლუმი
      
      გაგიგიჟებია ხალხი :))))) მეც მასე ვიყავი, აბსოლუტურად სხვადასხვა თემატიკის წიგნები მქონდა ერთად შენახული. ვერც მიხვდებოდი, რას ვმეცადინეობდი და რას ვკითხულობდი.
      
      პუბლიკა მართლაც ბევრნაირი იყო მანდ. აკა მორჩილაძეც მინახავს, პერიოდიკაში რომ იჯდა და ძველ გაზეთებს კითხულობდა. თინეიჯერებიც ბლომად იყვნენ (ნუ, მაშინ მე თავად გახლდით თინეიჯერი) განსაკუთრებით, სესიების დროს… სამეცნიერო განყოფილებაში არ გვიშვებდნენ, სერიოზული ხალხი მუშაობს და ხელს შეუშლითო… ერთხელ წიგნი მომპარეს :(( უნის იურიდიული ბიბლიოთეკიდან მქონდა წამოღებული. სანამ გარეთ ვეწეოდი, დაავლო ვიღაცამ ხელი და წაიღო. დიპლომს ვწერდი მაშინ.
      
      მშვენიერი უიკენდი გელოდება წინ. ფრიად ისიამოვნებ :)
      
      LikeLike
on თებერვალი 17, 2012 at 11:04 AM | პასუხი იალინდა

ძალიან, ძალიან, ძალიან დადებითი ემოცია მოდის ამ პოსტიდან, თან ნოსტალგიური სიოც უბერავს:)
მემუარული ჟანრი განსაკუთრებულად მიზიდავს მეც და დარწმუნებული ვარ, უამრავ შენს მკითხველს მოლი. კარგი იქნება, თუ ამ სახის პოსტებით მომავალშიც გაგვანებივრებ:*
პირადად მე, ყველაზე კარგად უნივერსიტეტის სამეცნიერო ბიბლიოთეკის ბნელ საცავებში გატარებული დრო მახსენდება, რამდენი საინტერესო და რარიტეტული წიგნი აღმოვაჩინე რომ იცოდე. საცავებში არანაირი პირობები არ არის, წიგნები დანესტილია და ლპობამდეა მისული. ხშირად წამომიღია სახლში განადგურებამდე მისული წიგნი, ყდებს სპირტით ვწმენდდი, ამოვარდნილ ფურცლებს ვაწებებდი და მერე ვაბრუნებდი:)
თუ დაგაინტერესებს, ეს ძველი პოსტი წაიკითხე, სულაკაურის გამომცემლობის კრებულშიცაა გამოქვეყნებული: http://ialinda.wordpress.com/2011/01/18/%E1%83%94%E1%83%A1%E1%83%94-%E1%83%90%E1%83%9B%E1%83%91%E1%83%90%E1%83%95%E1%83%98-%E1%83%A1%E1%83%90%E1%83%AF%E1%83%90%E1%83%A0%E1%83%9D-%E1%83%91%E1%83%98%E1%83%91%E1%83%9A%E1%83%98%E1%83%9D/

LikeLike
- on თებერვალი 17, 2012 at 1:48 PM | პასუხი მოლი ბლუმი
  
  კრებულიდან მახსოვს ეს პოსტი. საჯაროში მეც ბევრ უგვან ბიბლიოთეკარს შევხვედრივარ, მაგრამ საბოლოო ჯამში, მაინც ძალიან მიყვარს იქაურობა და ერთი-ორი იმბეცილის გამო ამხელა ბიბლიოთეკას ცუდად ნამდვილად ვერ მოვიხსენიებ. მითუმეტეს, საჭირო წიგნს ყოველთვის ვაგნებდით ხოლმე და არც თუ იშვიათად, იქაური სპეციალისტებიც გვეხმარებოდნენ.
  
  LikeLike
on თებერვალი 17, 2012 at 12:19 PM | პასუხი rockermeloman

ბიბლიოთეკის დალაგებაზე გამახსენდა, სკოლას რომ გვირემონტებდნენ მუშებმა დაავლეს ხელი ამ წიგნებს და პირდაპირ ჩაყარეს სარდაფში, რომ გაიგო ბიბლიოთეკარმა კინაღამ ინფარქტი მიიღო, სულ ტიროდა. ხოდა მე მთხოვა დახმარება. მეც სამი კლასელი გოგონა ავიყოლიე და ორ თვეში დავალაგეთ ბიბლიოთეკა. ამაზე კარგი სამუშაო არ მეგულება რა, თანაც ეხლა ბიბლიოგრაფიას მშვენივრად ვიცნობ. საუბედუროდ ბევრი წიგნი არ გვაქვს ათი ათასამდე ეგზემპლარი ავღრიცხეთ :(
კარგი პოსტი გამოვიდა მოლი, საინტერესო იქნებოდა სხვებსაც დაეწერათ თავისი ბიბლიოგრაფიული მოგონებები :)
პ.ს. ესე იგი ბავშვობაში ბათუმში ცხოვრობდი? :)

LikeLike
- on თებერვალი 17, 2012 at 1:27 PM | პასუხი მოლი ბლუმი
  
  კარგი პოსტი გამოვიდა, კი :))))
  
  ჩემი ბავშვობის ბათუმზე ერთი დიდი პოსტი მაქვს დაწერილი.
  
  LikeLike
  - on თებერვალი 17, 2012 at 1:39 PM | პასუხი rockermeloman
    
    მოვძებნი… არ წამიკითხავს :)
    
    LikeLike
    - on თებერვალი 17, 2012 at 1:41 PM მოლი ბლუმი
      
      ისიც კარგი პოსტია :)))) ნუ, იმედი მაქვს…
      
      LikeLike
    - on თებერვალი 17, 2012 at 1:47 PM rockermeloman
      
      მე ეჭვიც არ მეპარება :)
      
      LikeLike
    - on თებერვალი 17, 2012 at 1:49 PM მოლი ბლუმი
      
      მაგას რა ჯობია :)))
      
      LikeLike
on თებერვალი 17, 2012 at 12:39 PM | პასუხი nancygaladriel

წვალებით მოპოვებულ წიგნს მართლაც სხვა “გემო” აქვს :)
აი მე კი მიყვარს წიგნის მაღაზიებში ბოდიალი და ყველა ცუდი ისაა,რომ ხშირ შემთხვევაში ცარიელი ჯიბით შევდივარ და შესაბამისად ხელცარიელი გამოვდივარ :დ

LikeLike
- on თებერვალი 17, 2012 at 1:28 PM | პასუხი მოლი ბლუმი
  
  შენს ასაკში მეც მასე ვიყავი, ნენსი :) და უარესადაც, იმიტომ, რომ მაშინ მაღაზიებიც არ იყო. ასე რომ, ყველაფერი წინ გაქვს :)
  
  LikeLike
on თებერვალი 17, 2012 at 12:56 PM | პასუხი Butterfly

“ბიბლიოთეკარებმა ერთი კვირა კი ითმინეს ჩემი უმსგავსო საქციელი და მერე მკაცრად გამაფრთხილეს – წიგნის იმავე დღეს დაბრუნება არ შეიძლება, ცოტა მაინც დაიცადეო…” ჩემი ბავშვობა გამახსენდა… ზუსტად ასე მითხრეს ერთხელ… სამწუხაროდ ახლა ყველაფერი შეიცვალა :(

LikeLike
- on თებერვალი 17, 2012 at 1:29 PM | პასუხი მოლი ბლუმი
  
  ახლა აღარ დავდივარ ბიბლიოთეკებში :( და ზოგჯერ საშინლად მენატრება და მაკლია :(
  
  LikeLike
  - on თებერვალი 17, 2012 at 1:30 PM | პასუხი Butterfly
    
    ახლა ფუნქცია დაკარგა(მე ასე მგონია) მეც მენატრებაა მართლაა ძალიან ძალიან :/
    
    LikeLike
    - on თებერვალი 17, 2012 at 1:33 PM მოლი ბლუმი
      
      თუ ბოლომდე არ დაკარგა, მნიშვნელოვნად მაინც შეეკვეცა. რა წიგნს უნდა ეძებდე, ნეტში რომ ვერ იპოვნო. ან მაღაზიაში. ალბათ, უფრო, სამეცნიერო და სპეციალურ ლიტერატურას, თორემ საკითხავისთვის არა მგონია, ბიბლიოთეკაში დადიოდეს ხალხი. ყოველი შემთხვევისთვის, იმ ოდენობით ნამდვილად აღარ დადის. ახლა ელექტრონული ბიბლიოთეკების დროა.
      
      LikeLike
on თებერვალი 17, 2012 at 3:58 PM | პასუხი სანდრო

გუშინ ველოდე მაგრამ 12 საათამდე ვეღარ მოვითმინე და დამეძინა ახლა ვნანობ, როგორც ყოველთვის სასიამოვნოდ წასაკითხი იყო :) ცოტა შემშურდა ჩემთან სულ 3 ბიბლიოთეკაა და სკოლის ბიბლიოთეკაში მარტო “ჟარგონების ლექსიკონი” და მარკესის “პატრიარქის შემოდგომის” ძველი გამოცემა დევს :(

LikeLike
- on თებერვალი 17, 2012 at 4:02 PM | პასუხი მოლი ბლუმი
  
  მძიმე დღეში ყოფილა შენი სკოლის ბიბლიოთეკა :( მე ჩემსას დიდად არ ვწყალობდი და არც ვსტუმრობდი, მაგრამ წიგნები რომ ბევრი იყო, მახსოვს. თუმცა, მაშინ ბიბლიოთეკას სხვა დანიშნულება ჰქონდა და დაფინანსებაც უკეთესი იყო.
  
  LikeLike
- on თებერვალი 18, 2012 at 12:48 AM | პასუხი rockermeloman
  
  შემთან სამი მაინც ყოფილა :) ჩემთან ერთია და პლიუს სკოლის, ანუ ორი :) მაგრამ რაც არის იმას წავიკითხავ–თქო ჯერ, მაგით ვიმხნევებ თავს :)
  
  LikeLike
on თებერვალი 17, 2012 at 6:23 PM | პასუხი tsotnee

კარგი იყო.
პ,ს, შენ ჯერ ისევ ახალგაზრდა ხარ! ;)

LikeLike
- on თებერვალი 17, 2012 at 6:41 PM | პასუხი მოლი ბლუმი
  
  რაღა დროს ჩემი ახალგაზრდობაა :) ახალი თაობა აგერ თქვენ ხართ, თაია, მელომანი, შენ, მარიშკალია…
  
  LikeLike
  - on თებერვალი 17, 2012 at 9:53 PM | პასუხი tsotnee
    
    :) :) :) ხო კიდე მეც გამოვიტანე ერთხელ წიგნი, იმ დღესვე წავიკითხე და დავაბრუნე. რომ მივიტანე, არ დაიბრუნა, წაკითხული არ გაქვსო. ეჰ!
    
    LikeLike
    - on თებერვალი 17, 2012 at 9:55 PM მოლი ბლუმი
      
      აი, ტუტუცი!
      
      LikeLike
    - on თებერვალი 18, 2012 at 12:50 AM rockermeloman
      
      კი, კი, მეც გამომატან უკან, ოღონდ მე მეორე დღეს მივუტანე :)
      
      LikeLike
    - on თებერვალი 18, 2012 at 12:54 AM მოლი ბლუმი
      
      ეგ ორმაგი ტუტუცობა ყოფილა :) ფუნკეს ქურდების მბრძანებელი, დილით დაწყებული, ექვს საათამდე არ მეყო და რას ჰქვია, ვერ წაიკითხავდიო..
      
      LikeLike
    - on თებერვალი 18, 2012 at 1:01 AM rockermeloman
      
      ჰო რა ვიცი, რატომ არ უნდა სჯეროდეთ… ჰარი პოტერის არც ერთ წიგნზე დღეზე მეტი არ დამჭირვებია და… გახსენებაზე, როგორ მიყვარს პოტერიადა :)
      
      LikeLike
    - on თებერვალი 18, 2012 at 1:04 AM მოლი ბლუმი
      
      შენ, ზოგადად, ჩქარა კითხულობ. თან, ჩვენ, დიდებს, ამდენი თავისუფალი დრო ვერ გვაქვს :)
      
      LikeLike
    - on თებერვალი 18, 2012 at 1:07 AM rockermeloman
      
      შენც ხომ იყავი პატარა :) მე სხვა რამეში ვარ უსაქმური, ამისთვის ვიცლი მარტო :) ჯერჯერობით დედა მინახავს :) შენსავით რომ მომიწევს საკუთარი თავის შენახვა, მერე მეც ვეღარ წავიკითხავ ბევრს
      
      LikeLike
    - on თებერვალი 18, 2012 at 1:13 AM მოლი ბლუმი
      
      ძალიან კარგი საქმისთვის იცლი :) და თუ ასე გააგრძელე, მერეც მონახავ დროს, გამორიცხულია, ვერ მონახო.
      
      LikeLike
    - on თებერვალი 18, 2012 at 9:11 PM tsotnee
      
      აუ რა მაგრად მომეწონა. ზუსტი შეფასებაა!
      
      LikeLike
    - on თებერვალი 18, 2012 at 9:12 PM მოლი ბლუმი
      
      უტუტუცესი და თავკერძა :) სხვა რა უნდა უწოდო :)
      
      LikeLike
    - on თებერვალი 18, 2012 at 9:20 PM tsotnee
      
      მეცინება! კი აი ზუსტად ეგრე! :)))
      
      LikeLike
  - on თებერვალი 18, 2012 at 10:41 PM | პასუხი marishkalia
    
    უიჰ მეც გაგახსენდი! :P მე სკოლის ბიბლიოთეკა სანამ მქონდა ერთხელ ძალიათ გამომატანეს წიგნი! :დ შემოვიდნენ და წაიღეო! წამოვიღე და 1 დღეში დავამთავრე.. :( არადა არ მომეწონა! სახელიც კი არ მახსოვს, მაგრამ საბჭოთა კავშირი ისეთი გავლენა ჰქონდა, რომ 10 წლისასაც კი არ მესიამოვნა! საჯაროს აბონიმეტი კი მაქვს, მაგრამ იქ ჯდომა არ მიყვარს.. მე და დედაჩემს ოცნებად გვქონდა ოდესმე დიიდი ბიბლიოთეკა გაგვეხსნა სადაც პატარა კაფეც იქნებოდა და ხალხი იქ წაიკითხავდა-ხოლმე! <3 პოსტს რაც შეეხება ტრადიციულად ერთი ამოსუნთქვით წავიკითხე! :P
    
    LikeLike
    - on თებერვალი 18, 2012 at 10:46 PM მოლი ბლუმი
      
      რას ჰქვია, გაგახსენდი :) ვისაც ვკითხულობ, ყველა მახსოვს მე :) ბიბლიოთეკიდან წიგნის ძალად გამოტანება რაღაც ახალია…. აქამდე პირიქით ვიცოდი :) მე წიგნის მაღაზიის გახსნა მაქვს ოცნებად :(
      
      LikeLike
    - on თებერვალი 18, 2012 at 11:02 PM marishkalia
      
      ოდესმე ოცნებები ახდება! :D (კი არ მჯერა, მაგრამ შენ გისურვებ ახდენას!) ეჰ ხომ გეუბნები ჩემი სკოლა არის საგანმანათლებლო დაწესებულების პროვოკაცია!
      
      LikeLike
    - on თებერვალი 18, 2012 at 11:03 PM მოლი ბლუმი
      
      ახდება, მარიშკალია, აუცილებლად ახდება :) ჩემიც და შენიც :) ჰოდა, მე შენს ბიბლიოთეკაში მოვალ, შენ ჩემს მაღაზიაში შემოიარე ;)))
      
      LikeLike
    - on თებერვალი 20, 2012 at 5:51 PM marishkalia
      
      დიდი სიამოვნებით მოლი! <3
      
      LikeLike
    - on თებერვალი 20, 2012 at 5:58 PM მოლი ბლუმი
      
      შევთანხმდით :)
      
      LikeLike
    - on თებერვალი 20, 2012 at 6:00 PM marishkalia
      
      პირობა დადებულია!
      
      LikeLike
    - on თებერვალი 20, 2012 at 6:03 PM მოლი ბლუმი
      
      აბა რა :) შენ ბიბლიოთეკა გახსენი და მკითხველი ხომ თავისთავად გავხდები, საპრეზენტაციო პოსტიც ჩემზე იყოს :)
      
      LikeLike
    - on თებერვალი 20, 2012 at 6:04 PM marishkalia
      
      მოკლედ მთავარია გავხსნა! :)
      
      LikeLike
    - on თებერვალი 20, 2012 at 6:05 PM მოლი ბლუმი
      
      მთავარია, გახსნა და გაგვაგებინო :)
      
      LikeLike
on თებერვალი 17, 2012 at 6:52 PM | პასუხი Kejeradze

სკოლის ბიბლიოთეკა გამახსენდა :) რატომღაც ყველა წიგნი საბჭოთა მოსწავლეებზე იყო :)
სტუდენტობის ჟამს მხოლოდ ერთხელ ვესტუმრე ბიბლიოთეკას და ისიც წარუმატებელი აღმოჩნდა. სამკითხველოში ჯდომის პერსპექტივამ არ მომხიბლა :)
P.S. Forget the cooking მომეწონა :D

LikeLike
- on თებერვალი 17, 2012 at 6:57 PM | პასუხი მოლი ბლუმი
  
  ტიტუს ლივიუსის “ომი ჰანიბალთან” სკოლის ბიბლიოთეკას ვესესხე.
  
  მე მომწონდა დიდი დარბაზი. ხალხმრავლობის დროსაც არაუშავდა და სესიები რომ ჩათავდებოდა, მერე ხომ მითუმეტეს. მშვენივრად ვკითხულობდით და სხვა რაღაცებსაც ვაკეთებდით. ახლა უკვე აღარ ვიცი, საუკუნეა, საჯაროში არ ვყოფილვარ.
  
  LikeLike
on თებერვალი 17, 2012 at 10:30 PM | პასუხი გრაფინია

ჩემი პირველი წიგნი არ მახსოვს რომელი იყო :(
სამაგიეროდ კარგად მახსოვს, რომ სკოლის ბიბლიოთეკით ვსარგებლობდი საკმაოდ დიდხანს მიუხედავად იმისა, რომ სახლშიც არ მაკლდა წიგნები, მაგრამ ბიბლიოთეკიდან გამოტანა მერჩივნა რატომღაც.
უნივერსიტეტის და საჯარო ბიბლიოთეკით არ მისარგებლია ჯერ :)
“ბარონ მიუნჰაუზენის თავგადასავლი” კიდევ წელს წავიკითხე რატომღაც :D

LikeLike
- on თებერვალი 17, 2012 at 10:51 PM | პასუხი მოლი ბლუმი
  
  პირველი წიგნის გახსენება მეც გამიჭირდება, მაგრამ ბიბლიოთეკიდან პირველად ნამდვილად “მიუნჰაუზენი” გამოვიტანე.
  
  ახლა არც თუ პოპულარულია, ახლა უბრალოდ, სხვა საბავშვო წიგნებიც ბლომადაა და ადრე არ იყო ასე :)
  
  LikeLike
  - on თებერვალი 18, 2012 at 12:52 AM | პასუხი rockermeloman
    
    პირველ წიგნში ზღაპრები არ ითვლება და მე ზუსტად მახსოვს “უთავო მხედარი” წავიკითხე პირველად, მეორე კლასი რომ დავამთავრე მაშინ :) მაგაზე სერიოზული არაფერი წამეკითხა :)
    
    LikeLike
on თებერვალი 18, 2012 at 11:45 AM | პასუხი kevana

რა მაგარი პოსტია ^^

ჩემი პირველი წიგნი ზღაპრები იყო, ოღონდ არ მახსოვს რომელი :(

LikeLike
- on თებერვალი 18, 2012 at 1:49 PM | პასუხი მოლი ბლუმი
  
  აი, ახლა მეც მომინდა პირველი წაკითხული წიგნის გახსენება, მაგრამ ვერა ჯერ :((( ძალიან ადრინდელები კი მახსენდება, მაგრამ პირველი – არა.
  
  LikeLike
- on თებერვალი 18, 2012 at 6:34 PM | პასუხი teennewson
  
  მე სათაური არ მახსოვს, მარა მახსობს ზღაპარი იყო… ვიღაც ბიჭი სახლიდან წავიდა და ისეთ ადგილს ეძებდა, სადაც არ დაბედრდებოდა.. ბოლოს იპოვა კიდევ, მარა მთელი ამბები დატრიალდა… :დ მახსოვს ნაწილობრივ… : ))) ყვეაზე დიდი წიგნი პირველი რაც წავიკითხე იყო ”კრაზანა”, მე-3 კლასში მგონი…. : )
  
  LikeLike
  - on თებერვალი 18, 2012 at 6:53 PM | პასუხი kevana
    
    მიწა თავისას მოითხოვს :)
    
    LikeLike
    - on თებერვალი 18, 2012 at 7:32 PM teennewson
      
      აი ეგ წავიკითხე პირველი ზუსტად და მერე რწყილი და ჭიანწველა მგონი :დ მადლობა, რომ გამახსენე… : ))
      
      LikeLike
on თებერვალი 18, 2012 at 12:09 PM | პასუხი Mallorie

ასეთი გემრიელი და ძველი წიგნის სუნით გაჟღენთილი პოსტი, არც არასდროს წამიკითხავს და დარწმუნებული ვარ, ვერც წავიკითხავ სხვაგან( შენს ბლოგზე შეიძლება კიდევ შევხვდე).
მოლი, ისეთ პოსტებს აქვეყნებ, რომელიც მუდამ წიგნის ხელში აღებისკენ მიბიძგებს. რამდენჯერ წამიკითხავს შენი პოსტი, დამიხურავს გუგლ ქრომი და მივჯდომივარ წიგნს, რომელიც კარგა ხნის დაწყებული მქონდა.
ერთ მეგობარს ვესაუბრებოდი ამ რამდენიმე კვირის წინათ და ორივემ ერთხმად ვაღიარეთ, რომ მოლი ბლუმის ბლოგი ყველაზე განათლებულია.

LikeLike
- on თებერვალი 18, 2012 at 1:46 PM | პასუხი მოლი ბლუმი
  
  ჩემთვის ფრიად სასიამოვნო დასკვნამდე მისულხართ შენ და შენი მეგობარი :) სენს ე ლოთ :)
  
  LikeLike
on თებერვალი 18, 2012 at 4:51 PM | პასუხი Lord Vader

0 ბიბლიოთეკა.
ნუ საჯაროდან გამომიტანია 1-2 წიგნი სტუდენტობისას.

LikeLike
- on თებერვალი 18, 2012 at 4:52 PM | პასუხი Lord Vader
  
  არ მითხრათ ახლა საჯაროდან წიგნის გამოტანა არ შეიძლებოდაო :)
  
  LikeLike
  - on თებერვალი 18, 2012 at 4:57 PM | პასუხი kevana
    
    შენროდის გამოგატანეს.. და რატო მე არ გამომატანეს? :( ეგ კი არა ქსეროქსებზე რომ გავდიოდი მეთვალყურე დამსდევდა :დ
    
    LikeLike
    - on თებერვალი 18, 2012 at 9:07 PM მოლი ბლუმი
      
      ჩემს დროსაც არ შეიძლებოდა. გამონაკლისები იყვნენ მეცნიერები და აბონემენტის განყოფილების მკითხველები. ოთხი წელი დარბაზში ვკითხულობდი. მერე უკვე, აბონემენტით გამომქონდა.
      
      LikeLike
  - on თებერვალი 18, 2012 at 6:32 PM | პასუხი teennewson
    
    ეხლა გამოტანა აღარ შეიძლება სამწუხაროდ.. :(
    
    LikeLike
    - on თებერვალი 19, 2012 at 1:30 AM Lord Vader
      
      მე რო სტუდენტი ვიყავი წიგნს კი არა მთელ საჯაროს გამოიტანდი თუ გინდოდა. :)
      დრო იყო ეგეთი.
      
      LikeLike
    - on თებერვალი 19, 2012 at 1:32 AM მოლი ბლუმი
      
      მერეც იყო ეგ დრო :)) დაახლოებით, 92-დან 95-ის ჩათვლით :)
      
      LikeLike
    - on თებერვალი 19, 2012 at 1:53 AM Lord Vader
      
      ჰოდა მთელი 90-იანები სტუდენტი ვიყავი მე :)
      
      LikeLike
    - on თებერვალი 19, 2012 at 2:08 AM მოლი ბლუმი
      
      მძიმე დრო მოგსწრებია. მე 95-დან ვსწავლობდი და უშუქობა, უტრანსპორტობა, წიგნების არარსებობა და მსგავსი რაღაცები ჩემს დროსაც იყო. წარმომიდგენია, უფრო ადრე რა იქნებოდა.
      
      LikeLike
    - on თებერვალი 19, 2012 at 2:00 PM rockermeloman
      
      :) მე კიდე მაგ დროს დაბადებულიც არ ვიყავი :) ნუ კი ვიყავი, 94-ში მაგრამ ფაქტიურად არ ვითვლებოდი :)
      ზატო დუშეთში ბოლო ორ წელს თუ არ ჩავთვლით სულ 90-იანები იყო :) ეხლა იწყება ორიათასიანებიიი :)
      
      LikeLike
    - on თებერვალი 19, 2012 at 2:42 PM kevana
      
      ეჰ, მაგ დროს მე სკოლაში ვიყავი :( ჩვენს სკოლაში :(
      
      LikeLike
    - on თებერვალი 19, 2012 at 2:45 PM მოლი ბლუმი
      
      მეც :(
      
      LikeLike
    - on თებერვალი 19, 2012 at 4:08 PM teennewson
      
      როგორ ვინატრო მაგის გამო ეხლა ეგ დრო…. მაგრამ ჩემს მშობლიურ ქალაქში ყველა ბიბლიოთეკიდან გამომაქ წიგნები უპრობლემოდ. თანაც აქაურ ავტორებსაც ვიცნობ და ახალი წიგნის გამოსვლას უმალვე ვიგებ ხოლმე.. : )))
      
      LikeLike
on თებერვალი 18, 2012 at 6:30 PM | პასუხი teennewson

სკოლის ბიბლიოთეკიდან წიგნები გამომქონდა და მერე მიტანა სულ მავიწყდებოდა.. :) ჩემს სახლთანაც იყო ბიბლიოთეკა. ბავშვობაში გამოვიტანდი პატარა წიგნს, წავიკითხავდი და იმ დღესვე მიმქონდა. მერე უკვე დიდი ხნით წამოვიღებდი ხოლმე, თუ მიტანა დამავიწყდებოდა სახლშ მადგებოდნენ. ამ ბოლო ხანს დედაჩემი მიეხმარა წიგნების დახარისხებაში და თან ჩემთვის რამდენიმე კარგი წიგნიც გამოატანეს. ძალიან გამიხარდა…. : )

LikeLike
on თებერვალი 19, 2012 at 3:57 PM | პასუხი »♥» ana «♥«

როგორ მიყვარს ბიბლიოთეკის სურნელი. <3 ის კი ფაქტია ყოველ დღე ნამდვილად ვერ ვკითხულობ,თანაც სამარცხვინო,რადგან ვერ ვახერხებ,მაგრამ ეს სულაც არ ნიშნავს რომ წიგნებზე,გაბერილ ფურცლების დასტაზე არ ვგიჟდები.. <3 სიმართლე გითხრა,მოლი ბიბლიოთეკის ხშირი სტუმარი არც ვარ,უფრო წიგნის მაღაზიის.მაგრამ რომ ვიცი,რომ ის ძველი,რაღაც წარმოუდგენლად მიმზიდველი სურნელით გაჟღენთილი წიგნი ვიცი მერე უკან უნდა დავაბრუნო,ამიტომ წამოღებაც აღარ მინდება. :(

LikeLike
- on თებერვალი 19, 2012 at 4:00 PM | პასუხი მოლი ბლუმი
  
  ახლა უკვე მეც აღარ ვარ, ანა. სამწუხაროდ… და მეც მესაკუთრე ვარ მაგ ამბავში :) წიგნი, მითუმეტეს, თუ მომეწონა, საჩემოდ მინდა და დასაბრუნებლად არ მემეტება :)
  
  LikeLike
  - on თებერვალი 19, 2012 at 4:12 PM | პასუხი teennewson
    
    მე ერთი ჩვევა მქონდა ბავშვობიდანვე. სახში ბევრი წიგნები მქონდა, მაგრამ ვერ ვკითხულობდი სახლის წიგნებს და იგივე წიგნები გამომქონდა ხოლმე ბიბლიოთეკიდან…. : )
    
    LikeLike
  - on თებერვალი 19, 2012 at 4:13 PM | პასუხი »♥» ana «♥«
    
    აუუ ისეთი ცოტა რაღაც მინდა არადა.. ჩემი ბიბლიოთეკა და სხვა ამ ქვეყნად საქმე,რომ არაფერი არ მქონდეს. :(
    :)
    
    LikeLike
    - on თებერვალი 19, 2012 at 4:31 PM მოლი ბლუმი
      
      არც ისე ცოტაა, ანა :)) მე საკუთარი წიგნის მაღაზია მინდა. საქმეც იქნება და სიამოვნებაც :)
      
      LikeLike
    - on თებერვალი 19, 2012 at 4:33 PM »♥» ana «♥«
      
      ა,ეგეც შეიძლებაა. :)
      
      LikeLike
    - on თებერვალი 19, 2012 at 5:03 PM მოლი ბლუმი
      
      ოპტიმალურია :) ისე, შენი ვერსია ჯობია – კითხვის გარდა სხვა საქმე არ გქონდეს და არ გაწუხებდეს… მშვენიერია :)))
      
      LikeLike
    - on თებერვალი 19, 2012 at 5:13 PM teennewson
      
      ლამაზი სურვილია, მაგრამ სამწუხაროა, რომ არ აგვიხდება… : )
      
      LikeLike
    - on თებერვალი 19, 2012 at 5:15 PM მოლი ბლუმი
      
      და საიდან ასკვნი, რომ არ აგვიხდება? ასე კატეგორიულად რატომ?
      
      LikeLike
    - on თებერვალი 19, 2012 at 5:22 PM teennewson
      
      უფროსწორედ მხოლობითში უნდა მეხმარა. არ ამიხდებათქო, რადგან ძალიან კარგი იქნებოდა, მაგრამ გარშემო იმდენი სხვა პრობლემაა, რომ მარტო წიგნებისთვის სამწუხაროდ ვერ მოვიცლი.
      
      LikeLike
    - on თებერვალი 19, 2012 at 8:30 PM »♥» ana «♥«
      
      რატომ მიკლავ ოცნებას? :ს იქნება მიხდება..
      
      LikeLike
    - on თებერვალი 19, 2012 at 9:42 PM teennewson
      
      ცუდათ არ მითქვია.. ჩემ თავზე ვიგულისხმე, თორე ღმერთმა ქნას და აგისრულდეთ…. : ))) მე მხოლოდ და მოხლოდ წიგნები ცხოვრებაში საკმარისად არ მიმაჩნია….
      
      LikeLike
on თებერვალი 20, 2012 at 4:45 PM | პასუხი kevana

მე მინდა ეხლა კითხვის დრო და მომეცით თუ შეიძლება.. :(

კითხვის ხელის შემშლელი ფაქტორები
1) სტრესული სამუშაო გრაფიკი
2) ქარებისა და წნევის ცვლილების გამო გამოწვეული თავის ტკივილი
3) სახლში წამოღებული საქმეები :(

LikeLike
- on თებერვალი 20, 2012 at 4:49 PM | პასუხი მოლი ბლუმი
  
  ოჰ, ეს სამუშაო :( თავის დროზე მასწავლეს მე, სამსახურის საქმე შინ არასოდეს წამოიღოო, მაგრამ არ გამოდის ეს ოხერი :(((
  
  LikeLike
on თებერვალი 22, 2012 at 7:10 PM | პასუხი fsiQe

მძაგს ბიბლიოთეკები და უჟმური ბიბლიოთეკარები, რომლებიც არაფრის დიდებით არ გაქცევენ ყურადღებას, ვერც სამკითხველო დარბაზებში წაკითხულ წიგნებს ვატან გემოს, საბედნიეროდ ყველაფერი იყიდება.. ან ისევ მშობლიურ თაროებზე მოიძევება

LikeLike
- on თებერვალი 22, 2012 at 7:39 PM | პასუხი მოლი ბლუმი
  
  უჟმური ბიბლიოთეკარი მტერს და ავს, ფსიქე :) იქ მე წიგნი ვიკითხო თუ გაავებული ქალი ვიგერიო :)))
  
  LikeLike
on მარტი 24, 2012 at 9:07 PM | პასუხი მარი !

მოლი, რა თბილი და რა კარგი ხარ<3
ჭკვიანი შენი ბლოგისავით <3
გული მომიწევს ხოლმე აქეთ <3
შემომიარე ვეცდები კარგად გაგიმასპინძლდე ..

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

You are commenting using your Google+ account. ( Log Out / შეცვლა )

გაუქმება

Connecting to %s

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	ჯეოპარდი – სპეცსამსა… on ჯეოპარდი – Bond. James Bo…
	ჯეოპარდი – სპეცსამსა… on ჯეოპარდი – მსოფლიო ტერორიზმის…
	შრომა და თავისუფლება… on PLAYBOY
	შრომა და თავისუფლება… on გამოსათხოვარი თავის დაკვრა
	Molly Bloom's Day on მეშვიდე სეზონის დასასრული
	Molly Bloom's Day on ათი პატარა ზანგი
	irakli on მეშვიდე სეზონის დასასრული
	nino on ათი პატარა ზანგი
	Molly Bloom's Day on რომელ წიგნში იცხოვრებდით?
	flying teapot on რომელ წიგნში იცხოვრებდით?

Tag Cloud
Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დათო ტურაშვილი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ვერანდა ზღაპრები თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი ინტელექტი კარლსონი კლიché ლიტერატურული კონკურსი ლოგოს პრესი მალხაზ ფაღავა მოლი ბლუმი მოლი და ქინდლი მოლის ბიბლიოთეკა მოლის ზამთრის ბაღი მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა რიდერი საბავშვო ბიბლიოთეკა საბავშვო ლიტერატურა სამეცნიერო ფანტასტიკა სიესტა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება წიგნები ბათუმში წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- არტი (62)
- ვერანდა (22)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (31)
- თეგ-თამაშები (4)
- კინოდარბაზი (8)
- კლიché (16)
- ლიტერატურული კონკურსები (12)
- მოლის ბიბლიოთეკა (234)
- მონოლოგები (4)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- წისქვილი (25)
- ჯეოპარდი (87)
- Me (42)
- Molly Bloom's Day (26)
- Molly Bloom's Day-ის სტუმრები (10)
არქივი
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 1,107 other followers
Blog Stats
- 993,724 hits

თებერვალი 2012
ო	ს	ო	ხ	პ	კ	კ
« იან				მარ »
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29

Molly Bloom's Day™

ნაღებიან ყავასთან ერთად