კიდევ ერთხელ ჩემი “ქინდლის” შესახებ

იანვარი 30, 2012 by Molly Bloom's Day

მოლი ბლუმის ბლოგის ერთგულ მკითხველს ალბათ ახსოვს, როგორი მოუთმენლობით ველოდებოდი “ამაზონზე” შეძენილ ჩემს პირველ “ქინდლს”. საპრეზენტაციო პოსტიც სასიამოვნოდ აჟიტირებულმა დავწერე. თუმცა, ნაქები რიდერის ავ–კარგი მაინც დროს უნდა გამოეცადა – სარეკლამო პროსპექტებში და სურათებზე ყველაფერი ისეა შეფუთული, ხარისხში ეჭვი არ შეგეპარება…

ახლა, როდესაც ვირტუალურ ბიბლიოთეკაში წიგნების რაოდენობა ას ოცს გადაცდა, უკვე შესაძლებელია, რამდენიმე პრაქტიკული დასკვნა გამოვიტანო და გამოცდილება გაგიზიაროთ – სხვა რომ არაფერი, ბლოგის სტუმართა შორის “ქინდლით” დაინტერესებულები მომრავლდნენ – ზოგმა უკვე შეიძინა, ზოგიც უახლოეს მომავალში აპირებს. ამიტომ, ვფიქრობ, ურიგო არ იქნება, ჩემი და გრეისის ურთიერთობაზე ორიოდე სიტყვით გიამბოთ.

იმით დავიწყებ, რომ “ქინდლის” აქსესუარები ლამაზი და თავის მოსაწონებლად გამიზნული დანამატი კი არა, სასიცოცხლოდ აუცილებელი ელემენტებია. მართალია, ხარისხიანი ტყავის ბუდის და პორტატული ნათურის ფასად ლამის ახალ რიდერს იყიდით, მაგრამ ქავერის გარეშე შინიდან გატანის შემთხვევაში მისი გაკაწვრის ან სხვაგვარად დაზიანების საფრთხე სავსებით რეალურია. ესეც არ იყოს, ყდა მეტისმეტად მსუბუქ დივაისს სიმძიმეს მატებს და გაცილებით კომფორტულს ხდის.

დამატებითი განათება კი მათ უფრო დასჭირდება, ვინც საღამოობით, შინ მიმავალ გრძელ გზას ტრანსპორტში კითხვის საშუალებით იმოკლებს. სხვა ქალაქებზე ვერაფერს გეტყვით და თბილისური სამარშრუტო ტაქსების უმრავლესობაში ისე ბნელა, ტექსტის გარჩევა, პრაქტიკულად, შეუძლებელია. ნათურა არც იმათთვის იქნება ზედმეტი, ვისაც ძილის წინ, თბილ ლოგინში მოკალათება და ახალი ლიტერატურული სასუსნავის დაგემოვნება უყვარს, თუმცა მე, ამ შემთხვევაში, მაგიდის მომცრო ლამპას ვამჯობინებ.

სამაგიეროდ, შეგიძლიათ დამტენზე არ იდარდოთ – USB კაბელითაც იოლას გავდივარ. კვირაში ორჯერ-სამჯერ მაინც მიწევს “ქინდლის” კომპიუტერთან შეერთება – რაღაცას ვიწერ, რაღაცას ვშლი, ბიბლიოთეკას ვაწესრიგებ და ამასობაში, გრეისიც მშვენივრად იმუხტება.

მთავარი საფიქრალი მაინც წიგნების მოძიებაა. შენაძენის ოფიციალურად რეგისტრირების შემდეგ (რისთვისაც მხოლოდ Vi-Fi და რამდენიმე წუთი დაგჭირდებათ) “ამაზონი”, სასიამოვნო ბონუსად, სრულიად უფასო ი-ბუქებს შემოგთავაზებთ, მაგრამ მათი ოდენობა და თემატიკა მაინც შეზღუდულია, ამიტომ ისევ ძველ, ნაცად ხერხს მივმართავ ხოლმე.

აქაურმა მკითხველებმა, თავის დროზე, რამდენიმე საინტერესო მისამართი მიმასწავლეს, მე კი, ძირითადად, ლორდ ვეიდერის ნაკარნახევი ციფრული ბიბლიოთეკით ვსარგებლობ. რუსულენოვანი ლიტერატურის ამოუწურავ მარაგზე რომ არაფერი ვთქვა, არც ინგლისურად კითხვის მოყვარულები დარჩებიან იმედგაცრუებულნი. არჩევანი მართლაც უსაზღვროა – ჩემი ბავშვობის “სათავგადასავლო ბიბლიოთეკის” ყველა ტომს, “მერი პოპინსის“ მშვენიერ გამოცემას, რექს სტაუტის სრულ ბიბლიოგრაფიას და უმბერტო ეკოს აქამდე წაუკითხავ რომანს – “პრაღის სასაფლაოს” – ზუსტად აქ მივაკვლიე.

ამ უკრაინულ რესურსზე წიგნები რიდერისთვის ზედგამოჭრილ – mobi ფორმატშია განთავსებული. თუმცა, სხვაგვარად შეფუთული ფაილების ჭკუაზე მოსაყვანი პროგრამაც არსებობს – “კალიბრში” დამუშავებას ხუთიოდე წუთიც არ უნდა. “ქინდლის” გადავსება ნუ შეგაფიქრიანებთ – თითოეული ი–ბუქის “წონა”, საშუალოდ, 1,5 მეგაბაიტია, რიდერის სტანდარტული, ორგიგაბაიტიანი მეხსიერება ერთი მშვენიერი ბიბლიოთეკისთვის ნამდვილად იკმარებს, ბალასტის გასაქრობად კი ხელის უმარტივესი მოძრაობაა საჭირო.

აუდიო ფუნქციებზე ვერაფერს გეტყვით – mini-ს ეს შესაძლებლობა არ აქვს და ხმოვანი წიგნების დიდი მოყვარული არც გახლავართ. სამაგიეროდ, შეგიძლიათ, მენდოთ – თუ “ქინდლი” მხოლოდ საკითხავად გჭირდებათ, უკეთესს ვერაფერს იპოვნით. ეს ის შემთხვევაა, როცა სარეკლამო კამპანია მაქსიმალურად შეესაბამება რეალობას – ბიბლიოფილებისთვის სრული კომფორტი გარანტირებულია.

131 Responses

on იანვარი 30, 2012 at 12:13 AM | პასუხი »♥» ana «♥«

როგორ გიყვარს მოლი. :)
არ ვიცი მინდა თუ არა,წიგნი და ფურცელთან შეხება რაღაც პირდაპირ კავშირშია ჩემთვის კითხვასთან. :) “ეკრანზე კითხვა” უფს.. მეძნელება.

LikeLike
- on იანვარი 30, 2012 at 12:15 AM | პასუხი მოლი ბლუმი
  
  საქმე იმაშია, ანა, რომ ამ ეკრანიდან კითხვა ერთი სიამოვნებაა… თორემ, ტრადიციული ბიბლიოთეკის ფასი და ხიბლი კი არ დამვიწყებია.
  
  LikeLike
  - on იანვარი 30, 2012 at 12:21 AM | პასუხი »♥» ana «♥«
    
    მჯერა. :)
    
    LikeLike
    - on იანვარი 30, 2012 at 12:24 AM მოლი ბლუმი
      
      შუქი რომ ეცემა, ისეთ ფერს იღებს, აი, რაღაცნაირად გემრიელი და ხარისხიანი ქაღალდის ფერს…
      
      LikeLike
    - on იანვარი 30, 2012 at 1:14 AM Author
      
      პოსტთან ერთად შენი კომენტარების “მოწონების” სურვილიც მიჩნდება ხოლმე :)
      
      LikeLike
    - on იანვარი 30, 2012 at 1:15 AM მოლი ბლუმი
      
      მე შენი მინი-რევიუ მომეწონა ათიოდე წამის წინ :))))
      
      LikeLike
    - on იანვარი 30, 2012 at 2:38 AM Author
      
      მადლობა :)
      
      LikeLike
on იანვარი 30, 2012 at 12:18 AM | პასუხი kevana

ქინდლ ფორევა… იდეალური არაა, მაგრამ ჩემი შვილია ტობიასი, რამე რომ მოუვიდეს, გავგიჟდები. სულ ჩანთაში მიგდია და რა დროსაც შემთხვევა ჩამივარდება, ამოვიღებ და ვკითხულობ…

უი, ჩემი რჩევა: ძალიან ბევრი წიგნი არ ჩაყაროთ თავიდან, იმიტომ რომ ამორჩევა გაგიჭირდებათ (ჩემსავით)… სიას რომ ვუყურებ არ ვიცი რომლიდან დავიწყო ხოლმე :დ :დ :

LikeLike
- on იანვარი 30, 2012 at 12:21 AM | პასუხი მოლი ბლუმი
  
  მეც სულ ჩანთაში მიდევს. თუ შინ არ ვკითხულობ ან რამეს არ ვწერ, რა თქმა უნდა. გარეთ, გრეისის გარეშე, ჯერ არ გავსულვარ.
  
  LikeLike
on იანვარი 30, 2012 at 12:18 AM | პასუხი faifuris angelozi

აუდიო მინდა,ლორდმა უნდა წამიკითხოს წიგნები:P

LikeLike
- on იანვარი 30, 2012 at 12:23 AM | პასუხი მოლი ბლუმი
  
  თუ აუდიო გექნება, ლორდი როგორ წაგიკითხავს? ეშხი იმაშია, თავთით რომ დაგიჯდება და ტკბილი ხმით ჩაარაკრაკებს “რომელმან შექმნა სამყაროო”..
  
  LikeLike
  - on იანვარი 30, 2012 at 1:12 AM | პასუხი Author
    
    :)
    აფსუს, რომ ქართულ უნიკოდს არ კითხულობს :)
    
    LikeLike
    - on იანვარი 30, 2012 at 1:16 AM მოლი ბლუმი
      
      ქართულ შრიფტს, თუ მთლად გეოდუმბა არ არის, კითხულობს (C) ლორდ ვეიდერი.
      
      LikeLike
    - on იანვარი 30, 2012 at 2:38 AM Author
      
      ხმით? :)))
      ნწუ, ჩემი ვეფხისტყაოსანი არ წაიკითხა :)))
      
      LikeLike
    - on იანვარი 30, 2012 at 2:44 AM მოლი ბლუმი
      
      ხმით, ალბათ, ვერა. ხმით ნამეტანია :) შრიფტს რომ კითხულობს, ესეც საქმეა.
      
      LikeLike
on იანვარი 30, 2012 at 12:30 AM | პასუხი ლიკა ჩაფიძე

ესე იგი არ გადავიფიქრო და მეც ვიყიდი? ^^ თებერვლის ბოლოს მინდა საკუთარ თავს დაბდღეზე ვაჩუქო Kindle Fire და ამ პოსტმა კიდევ უფრო შემაგულიანა <3

LikeLike
- on იანვარი 30, 2012 at 12:31 AM | პასუხი მოლი ბლუმი
  
  არ ინანებ :) Kindle Fire-ის დეტალური რევიუ ლორდ ვეიდერს აქვს ბლოგზე.
  
  LikeLike
- on იანვარი 30, 2012 at 1:11 AM | პასუხი Author
  
  ლიკა, ლორდს ისიც უწერია (ა მეც აბსოლუტურად ვეთანხმები), თუ ქინდლი წიგნების საკითხავად გინდათ, Kindle Fire-ს გვერდი აუარეთო. Fire ძალიან კარგი ტაბლეტია საუკეთსო ფასად, მაგრამ აქვს LCD ეკრანი, და არა Digital-Ink, რაც ნიშნავს რომ ეკრანს აქვს შესაბამისი გამოსხივება.
  რიდერები Digital-Ink ტექნოლოგიით შექმნილი ეკრანებითაა აღჭურვილი, რის გამოც იგი იძლევა ნაბეჭდი ფურცლის მაქსიმალურ მიმსგავსებას და სრულიად უსაფრთხოა თვალისათვის (ყოველ შემთხვევაში, არა უმეტეს ფურცლისა :D ).
  მე ქინდლ თაჩი მაქვს, მაგრამ ახლა რომ ვყიდულობდე, 20$-ით იაფ მინის შევიძენდი, რადგან როგორც რიდერი, მინი მასზე დაკისრებულ ყველა ფუნქციას პირნათლად ასრულებს, თაჩის ფუნქციებს კი მე ვერც ვიყენებ.
  უფრო დაწვრილებითი მიმოხლივა მოლის მიერ მითითებულ ვეიდერის ბლოგზე :)
  
  LikeLike
  - on იანვარი 30, 2012 at 1:14 AM | პასუხი მოლი ბლუმი
    
    ცამდე მართალი ხარ, თაბუ. ფაიერი ტაბლეტია, უამრავი სასარგებლო ფუნქცია აქვს, ოღონდ ეკრანი აქვს ჩვეულებრივი ელსიდი. თაჩს აუდიო მხარდაჭერა გააჩნია, ეკრანიც ი-ინკია, პრინციპში, ძალიან კარგია, მაგრამ მაინც სენსორული ეკრანის მოყვარულებზეა გათვლილი. მე მინი ვარჩიე და ღრმად კმაყოფილი ვარ.
    
    LikeLike
    - on იანვარი 30, 2012 at 1:11 PM ლიკა ჩაფიძე
      
      უღრმესი მადლობა ამდენი რჩევისთვის… დაბდღემდე ჯერ კიდევ არის დრო და დავფიქრდები კიდევ ცოტას, მაგრამ ჩემი სიმპატია Kindle Fire-საკენ იმიტომ გადაიხარა, რომ კითხვას, ჯერჯერობით მაინც, მაინც წიგნებიდან ვამჯობინებ და ქინდლს მხოლოდ იმ შემთხვევებში გამოვიყენებ, სადაც ან კონკრეტული წიგნი არ მექნება, ან წიგნი ჩანთაში არ ჩამეტევა, რომ სადაც წავალ წავიღო.. თუმცა ჩანთაში ჩატევაც არ უნდა იყოს პრობლემა, შარშან სტიგ ლარშნის სამივე უმსხვილესი ტომი სულ ჩანთით ვაცუნცულე სანამ ბოლო არ მოვუღე.. კოსმეტიკის ჩანთას უფრო ადვილად ვტოვებდი სახლში, ვიდრე წიგნს :)) ხოდა, ამიტომ ვიფიქრე, მარტო რიდერის ფუნქციას სხვა კარგი ფუნქციებიც რომ ჰქონდეს ასე ადვილად არ მომბეზრდებათქო.. მოკლედ, ვეიდერის ჩანაწერებს ვეცნობი უკვე და თებერვლამდე ჩამოვყალიბდები იმედია.. ;)
      
      LikeLike
on იანვარი 30, 2012 at 1:06 AM | პასუხი Author

მიყვარს ინფორმატიული პოსტები :)
ქინდლზე კი ნაკლებ შეფასებას არც ველოდი!

ჰო მართლა, მშვიდობაში ახალი, სიმპათიური და ხარისხიანი ყდა :)

LikeLike
- on იანვარი 30, 2012 at 1:08 AM | პასუხი მოლი ბლუმი
  
  უჰ, მადლობა დიდი :)
  
  ქინდლის და ქავერის ყადრი შენ არავისგან გესწავლება, თაბუ :)
  
  LikeLike
on იანვარი 30, 2012 at 1:54 AM | პასუხი bantasha

ვის ავუბაკუნო ფეხები, რომ მაჩუქონ ეგა?! ჰმ, არც ვის! ვის აქვს ჩემი დარდი :/

LikeLike
- on იანვარი 30, 2012 at 1:55 AM | პასუხი მოლი ბლუმი
  
  ნინოს არა? არ გაჭრის? :)
  
  LikeLike
on იანვარი 30, 2012 at 11:16 AM | პასუხი mecmikvarkhar

მე მაინც ალბათ თაჩს ავირჩევ, აუდიო წიგნებიც მიყვარს და მუსიკის მოსმენაც კითხვის დროს :) იცით რა მაინტერესებს, განათება ელემენტზე მუშაობს? და აქ რომ ნოუთბუკის განათებები იყიდება ისინი არ წავა ნეტა თუ იცით ქინდლზე?

LikeLike
- on იანვარი 30, 2012 at 11:19 AM | პასუხი მოლი ბლუმი
  
  მე არ მაქვს ნათურა, თეო და იმიტომაც ვწერ ასეთი საქმის ცოდნით საღამოობით კითხვის პრობლემებზე :) თუ სწორად მახსოვს, ნათურას დამოუკიდებული წყარო არ აქვს და და ის და ქინდი ერთი ელემენტით იკვებება. თუმცა, აკადემიკოს ვეიდერს მეტი მოეხსენება და შემოიხედავს და გვეტყვის :)
  
  LikeLike
on იანვარი 30, 2012 at 1:11 PM | პასუხი Lord Vader

დამტენის ამბავი ინდივიდუალურია…
თავიდან მეც ეგრე დავიწყე – სულ კომპიუტერს ვუერთებდი, მაგრამ თანდათანობით ამაზონის ქლაუდის უპირატესობებში დავრწმუნდი. რეალურად ხომ ქლაუდი, წიგნების თარო ამაზონის სერვერზე და სუპერ-სინქრონიზაციის უნარი – ესაა, რაც ქინდლს გამოარჩევს სხვა რიდერებისგან.

ამიტომ, ქინდლი როდის მივუერთე კომპიუტერს აღარც მახსოვს – იმიტომ რომ “ქლაუდით” ვსარგებლობ და მეილით ვაგზავნი იქ წიგნებს და მერე ვაი-ფაით ვქაჩავ ქინდლში.
მით უმეტეს რომ ახლა KF-ის ქლაუდიც დამემატა.

ასე რომ, მე მაინც გირჩევთ – დამტენი შეიძნოთ.

ეკრანი ძალიან სუსტია. ტექნოლოგიურადაა ასე – დამცავი შუშა არ აქვს და ვერც ექნება, მაშინ ქაღალდის ფაქტურა დაიკარგება, ამიტომ ქავერის გარეშე დიდი შანსია დაზიანდეს. უბრალოდ გასაღები ან რამე რომ დააწვეს ან დავარდეს ცუდად – ეკრანის ნაწილი თეთრდება და ზოლები უჩნდება და არაფერი შველის უკვე.
ეგეთი შემთხვევები უკვე რამდენიმე ვიცი – ფეისბუქზე ქინდლის ჯგუფშიც იყო ამის განხილვა. თუმცა უკან თუ გაუგზავნი – ამაზონი უპრობლემოდ ცვლის. ასეთი გამოცდილებაც დაუგროვდა იქ ხალხს. ;)

mecmikvarkhar
ნათურა ყველანაირია.
მე დამოუკიდებელი კვებით მაქვს და იმჰო, სჯობს საკუთრივ ქინდლის ნათურას – იმიტომ რომ გრძელი ყელი აქვს და რა კუთხითაც მინდა, იქედან მივანათებინებ ხოლმე. ძალიან მოსახერხებელია.
საკუთრივ ქინდლის ქავერი-ნათურით ასეთი ფლექსიბლ არ არის და იძულებული ხარ შენ მოერგო იმას და არა ის შენ.
გარკვეული კუთხით ღუ დაიჭერ ქინდლს – შუქი პირდაპირ ეკრანში ურტყამს და LCD ეკრანივით არაა, მაგრამ მაინც გიშლის ხელს კითხვაში.

ყველაზე “ცუდი” ნიუსი ისაა, რომ წელს E-Ink ახალი თაობის ეკრანის გამოშვებას აპირებს… და ქინდლები გამოსაცვლელი იქნება :(
ნუ შეგიძლია, არც გამოცვალო, მაგრამ მე-2 და მე-3 თაობის ეკრანებს შორის იმხელა სხვაობა იყო რომ ახლაც თუ იგივე მოხდა…. ცდუნება ძალიან დიდი იქნება.

LikeLike
- on იანვარი 30, 2012 at 1:17 PM | პასუხი მოლი ბლუმი
  
  ესეც საექსპერტო დასკვნა.
  
  ეკრანს განსაკუთრებით ვუფრთხილდები. წიგნის ფურცელი რომ გაგეხეს ან დაგეჭმუჭნოს, გადადებ გვერდზე და სხვა წიგნი მთელი გექნება. ქინდლის ეკრანს რომ რამე მოუვიდეს, ყველაფერი ასე დაზიანებული უნდა იკითხო და ეს სერიოზულ დისკომფორტს მიქმნის.
  
  არც ისე ცუდი ნიუსია… ვნახოთ, მესამე თაობის ეკრანი როგორი იქნება. იქნებ ღირდეს კიდეც შეძენა.
  
  LikeLike
on იანვარი 30, 2012 at 3:48 PM | პასუხი bioblog.me

ისე ძალიან კარგი იქნება თუ მსგავს უფასო საიტებს გავუზიარებთ ხოლმე ერთმანეთს. მაგალითად, მე არ ვიცოდი ეს რესურსი (e-reading.org.ua). რაც მეტ საიტს ვიპოვით, დიდი ალბათობა იქნება იმისა, რომ გაცილებით მრავალფეროვანი გახდება ჩვენი ბიბლიოთეკა.

LikeLike
- on იანვარი 30, 2012 at 3:51 PM | პასუხი მოლი ბლუმი
  
  ლორდმა მასწავლა რამდენიმე თვის წინ და იმდენად კარგია, ჯერჯერობით, სხვა ელექტრონული ბიბლიოთეკა არც მომიძებნია.
  
  LikeLike
- on იანვარი 30, 2012 at 5:10 PM | პასუხი Lord Vader
  
  ესეც ძაან კარგია
  http://flibusta.net
  ეგ და უკრაინული პარალელურად მიდიან ფაქტიურად :)
  
  LikeLike
  - on იანვარი 30, 2012 at 5:35 PM | პასუხი bioblog.me
    
    Как и в любой библиотеке просьба соблюдать чистоту, порядок и спокойствие. Здесь читают и работают хорошие люди. – ამან გაასწორა )))
    
    LikeLike
  - on იანვარი 30, 2012 at 9:32 PM | პასუხი მოლი ბლუმი
    
    ფლიბუსტა გიორგი ბაქრაძემ მიმასწავლა, აქვე, პრატჩეტზე პოსტის კომენტარებში.
    
    LikeLike
on იანვარი 30, 2012 at 4:29 PM | პასუხი tsotnee

რა მაგარია! :)

LikeLike
on იანვარი 30, 2012 at 5:58 PM | პასუხი როდე

როდის მექნება :*

LikeLike
on იანვარი 30, 2012 at 10:09 PM | პასუხი გრაფინია

მინდა მინდა მინდა მინდა მინდა მინდა :S

LikeLike
- on იანვარი 30, 2012 at 10:10 PM | პასუხი მოლი ბლუმი
  
  :) წლის ბოლოს ახალი მოდელი გამოდისო, ლორდმა…
  
  LikeLike
  - on იანვარი 30, 2012 at 10:26 PM | პასუხი pastaronii
    
    ძველსაც ისე დავჯერდები, ვითო მომავლის ქინდლი მიჭირავს :)
    
    LikeLike
    - on იანვარი 30, 2012 at 10:27 PM მოლი ბლუმი
      
      ეს ვინ ყოფილა :))))) გემრიელად გამაცინე :))))))))
      
      LikeLike
    - on იანვარი 30, 2012 at 10:39 PM tamara
      
      ჰეჰ :):):)
      
      LikeLike
    - on იანვარი 30, 2012 at 10:42 PM მოლი ბლუმი
      
      დღეს პასტარონნი მყავს სტუმრად :) ჩამოჰყვა და ჩამოიარა :) პოსტი არ გამოუტოვებია :)
      
      LikeLike
    - on თებერვალი 1, 2012 at 1:32 AM pastaronii
      
      :)))))
      
      LikeLike
    - on თებერვალი 1, 2012 at 1:36 AM მოლი ბლუმი
      
      ავატარზე ჭაბუკიანი გყავს თუ ნურიევი? :)
      
      LikeLike
on იანვარი 30, 2012 at 10:52 PM | პასუხი Nino Kakoshvili

romeli vikido, touch tu keyboard?? romels mirhevt?

LikeLike
- on იანვარი 30, 2012 at 10:56 PM | პასუხი მოლი ბლუმი
  
  თაჩს და კიბორდიანს შორის ისევ თაჩს გირჩევდით, რადგან ახალია (თუ ქიბორდიანში Kindle fire არ გულისხმობთ).
  
  და ისე, იმაზეა დამოკიდებული, ქინდლი რისთვის გჭირდებათ. თუ მხოლოდ საკითხავად – მინი, თუ აუდიო ფუნქციაც გაინტერესებთ – თაჩი, თუ კითხვა მეორეხარისხოვანია და სრულყოფილი ტაბლეტი გინდათ – Kindle Fire.
  
  LikeLike
on იანვარი 30, 2012 at 11:05 PM | პასუხი teennewson

მომნდა მეც…. თაჩი ვნახე და რაღაც არ მომეწონა. ჯერჯერობით კიბორდიანი მომწონს მე და მინი…

LikeLike
- on იანვარი 30, 2012 at 11:09 PM | პასუხი მოლი ბლუმი
  
  თაჩი რატომ არ მოგეწონა? ერთადერთი, სენსორული ეკრანის წინააღმდეგი თუ ხარ…. მე ტელეფონი მაქვს სენსორული და უკვე მომწყინდა.
  
  LikeLike
- on იანვარი 31, 2012 at 12:51 PM | პასუხი kevana
  
  მე კიდე თაჩი რომ გამოვცადე, ეხლა ქიბორდიანიც მინდა :დ :გაუმაძღარი:
  
  არადა თაჩი კარგია, ყურსაცვამები ვერ ვუყიდე ჯერ, რომ სხვები არ შევაწუხო მუსიკით : (
  
  LikeLike
  - on იანვარი 31, 2012 at 1:13 PM | პასუხი მოლი ბლუმი
    
    მე ის ვერ მოვიფიქრე, ორი ქინდლი რაში გამოვიყენო, თორემ აგერ, წლის ბოლოს ახალ მოდელს უშვებენო, ლორდმა.
    
    LikeLike
on იანვარი 30, 2012 at 11:13 PM | პასუხი teennewson

მოუხერხებელი მეჩვენა, რატომღაც. თან მგონია, რომ მალე გაფუჭდება… : )) მირჩევნია გერმიელად დაკლიკვის ხმები მესმოდეს.. : )) მაგრამ წიგნის კითხვა მეც მუსიკასთან ერთად მიყვარს და მაგის გამო თუ შევიძენდი… : )

LikeLike
- on იანვარი 30, 2012 at 11:25 PM | პასუხი მოლი ბლუმი
  
  ოკ. გასაგებია.
  
  LikeLike
on იანვარი 30, 2012 at 11:31 PM | პასუხი teennewson

: ))) სასიამოვნოა ხოლმე შენთან საუბარი… : )) ჩემი ბლოგის მერე უკვე შენს ბლოგს ვამოწმებ.. : ))

LikeLike
- on იანვარი 30, 2012 at 11:32 PM | პასუხი მოლი ბლუმი
  
  გამახარე :) სენქს ე ლოთ!
  
  LikeLike
on იანვარი 30, 2012 at 11:35 PM | პასუხი Nino Kakoshvili

დიდი მადლობა რჩევისთვის:) არა, Kindle Fire არ მინდა, საკითხავად მინდა.. უბრალოდ მაინტერსებდა რომელი უკეთესია და რამდენადა კარგად მუშაობს თაჩი..

პასტარონნი, რომელმაც ყველა პოსტი წაიკითხა მე ვარ? :D

LikeLike
- on იანვარი 30, 2012 at 11:47 PM | პასუხი მოლი ბლუმი
  
  რას ამბობთ, რისი მადლობა :) პირიქით, მადლობა თქვენ, ასეთი სასიამოვნო შეფასებისთვის.
  
  პასტარონნი – ერთი ჩემი მეგობარია, რომელსაც ზუსტად ეს სახელი აქვს არჩეული. იმიტომაც ასე მოვიხსენიე.
  
  LikeLike
on იანვარი 30, 2012 at 11:36 PM | პასუხი Nino Kakoshvili

მინდა გითხრა, საინტერესოდ წერ.. სტატიამ ქინდლის ხათრით მიმიზიდა.. და liked:)

LikeLike
on იანვარი 30, 2012 at 11:37 PM | პასუხი Nino Kakoshvili

უკაცრავად, ბლოგი და არა სტატია :D

LikeLike
on იანვარი 31, 2012 at 10:19 AM | პასუხი Chiamaria

გრეისი ^^
ჩემიც მალე მოვა :)

LikeLike
- on იანვარი 31, 2012 at 11:29 AM | პასუხი მოლი ბლუმი
  
  გამოწერე უკვე?
  
  LikeLike
on იანვარი 31, 2012 at 11:20 AM | პასუხი finiki

ამის წაკითხვის შემდეგ მკაცრად გადავწყვიტე შეძენა :)

LikeLike
- on იანვარი 31, 2012 at 11:27 AM | პასუხი მოლი ბლუმი
  
  როგორც პროფესორი ვეიდერი ბრძანებს, ამ ფასად ამაზე უკეთესს ვერაფერს იყიდით…
  
  LikeLike
  - on იანვარი 31, 2012 at 4:13 PM | პასუხი finiki
    
    :) ვიყიდე
    
    LikeLike
    - on იანვარი 31, 2012 at 4:23 PM მოლი ბლუმი
      
      არ არსებობს!!! დღეს გამოწერე? თუ აქვე მიაგენი? რომელია?
      
      მშვიდობაში და კითხვით გაცვეთაში, ფინიკი! :)))))
      
      LikeLike
    - on იანვარი 31, 2012 at 4:28 PM finiki
      
      დავასრულე თუ არა ამაზონზე ჩემი ორდერი შემოვედი და დავწერე ვიყიდე მეთქი, შეგიძლია ჩათვალო, რომ შენი პოსტის დამსახურებაა :))))
      
      http://www.amazon.com/gp/product/B0051QVESA/ref=oh_o00_s01_i00_details
      
      ეს ამასთან ერთად
      
      http://www.amazon.com/gp/product/B004SD213O/ref=oh_o00_s00_i00_details
      
      LikeLike
    - on იანვარი 31, 2012 at 4:36 PM მოლი ბლუმი
      
      Mini!!! ჩემი მოდელი! :) საუკეთესო ქავერით. ხარისხიანი ყდა + ინტეგრირებული ნათურა. მეც ეს მინდოდა, მაგრამ მაშინ არ იყო.
      
      კიდევ ერთხელ მშვიდობაში, ფინიკი და არ იცი ახლა, როგორ გამახარე. შენი პოსტის დამსახურებააო – ისეთი კმაყოფილი ვარ, ისეთი, რომ სიტყვით ვერ აგიწერ…
      
      LikeLike
    - on იანვარი 31, 2012 at 4:41 PM finiki
      
      მადლობა მოლი :) მეც გახარებული ვარ შენაძენით და უკვე ველოდები როდის ჩამოვა :)
      
      LikeLike
    - on იანვარი 31, 2012 at 6:16 PM მოლი ბლუმი
      
      წესით, არ უნდა დაიგვიანოს. თან, შენ ყდასაც იწერ. მე ჩემს ქავერს ლამის ორი კვირა ველოდე და მანამდე შინიდან არ გამიტანია.
      
      LikeLike
    - on იანვარი 31, 2012 at 8:11 PM kevana
      
      მშვიდობაში. ქინდლი უფრო მალე ჩამოვა, გამოცდილებით ვიცი, თან ახალი წელი არ შეგიშლის ხელს და ამიტომ ქავერს დაასწრებს.
      
      LikeLike
    - on თებერვალი 1, 2012 at 3:17 PM finiki
      
      მადლობა :) ერთი სული მაქვს ჩავუჯდე :)
      
      LikeLike
    - on თებერვალი 1, 2012 at 3:28 PM მოლი ბლუმი
      
      De rien. აი, ჩამოვა და მერე ხელიდან არ გაუშვებ :)
      
      LikeLike
on იანვარი 31, 2012 at 1:32 PM | პასუხი Rusa

ტაბლეტიც მინდა და რიდერიც. ვერაფრით გადავწყვიტე, რომელი შევიძინო. საბოლოოდ ალბათ ორივეს დავხარბდები :))))

LikeLike
- on იანვარი 31, 2012 at 1:41 PM | პასუხი მოლი ბლუმი
  
  იდეალური გადაწყვეტილებაა, რუსა :) :)
  
  LikeLike
  - on იანვარი 31, 2012 at 2:51 PM | პასუხი Lord Vader
    
    კი. ნამდვილად ორივე საჭიროა. :)
    ეგ კი არა დიდი პლანშეტიც კარგია (10′) – მაშინ სულ არ ჩავრთავ კომპიუტერს :)
    მარა 7′ კომპაქტურიბით უგებს ტარების ამბავში და კომპიუტერული თამაშებისთვისაც ბევრად უკეთესია – მჩატეა.
    
    მოლი ბლუმი
    სავარაუდოდ – გაისად.
    ეკრანი თუ წელს გამოვა, ალბათ რიდერი სადღაც წლის ბოლოს ან უკვე გაისად გამოვა. ასე მგონია.
    
    ძველი რიდერი აჩუქე ვინმეს :)
    
    LikeLike
    - on იანვარი 31, 2012 at 2:59 PM მოლი ბლუმი
      
      იყოს გაისად…. არსად მეჩქარება.
      
      რას ამბობ, ვის ვაჩუქო :) ერთი, რომ პირველი რიდერია (სკრუჯ მაკდაკის პირველი ათცენტიანის არ იყოს) და მეორე – თავად საჩუქარია. თან, როგორი…
      
      შევინახავ. საპატიო პენსიაზე გავუშვებ და ძველ “ულისეს” მივუდებ თაროზე.
      
      LikeLike
    - on იანვარი 31, 2012 at 8:12 PM kevana
      
      ეს ტაბლეტები თუ არ ჯობდეს აიფონებია თუ აიპადები თუ რაც ჰქვიათ!
      
      LikeLike
    - on იანვარი 31, 2012 at 8:15 PM მოლი ბლუმი
      
      ამას წინათ ვნახე ტიპი მეტროში აიპედით. ძალიან მოუხერხებელია. წვალობდა აშკარად.
      
      LikeLike
on იანვარი 31, 2012 at 2:55 PM | პასუხი Lord Vader

ისე იმ დღეს ვკითხულობდი ზუსტად და ინფოც დავდე თითქმის 90% რიდერების ბაზრის აიღო ამაზონმა და B&N. ამ ორს შორის 70-მდე ამაზონს აქვს.
და რაღაც 10% მოდის Kobo, Sony Cybook და კიდევ ბევრია… ამათ წილად.

LikeLike
- on იანვარი 31, 2012 at 3:01 PM | პასუხი მოლი ბლუმი
  
  მშვენიერია. რას ვყიდულობდი, წინასწარ კი ვიცოდი, მაგრამ ნამდვილად უპრაქტიკულესი ნივთი გამოდგა. ყველანაირად კომფორტული და გამოსადეგი. ჰოდა, რაც მეტი წარმატება ექნება ამაზონს, მით უკეთესი – კიდევ უკეთეს მოდელებს გამოუშვებს.
  
  LikeLike
on იანვარი 31, 2012 at 8:13 PM | პასუხი kevana

აუ, ლიტ.გე–ს რომ ჰკითხო, ყველა იოტას ჰყიდულობსო, არადა ვინც ვნახე და რაც გავიგე ჩემს გამო, უფრო მეტად ქინდლიანები სჭარბობენ ^^

LikeLike
- on იანვარი 31, 2012 at 8:15 PM | პასუხი მოლი ბლუმი
  
  რა ქნას ლიტ.ჯიმ. ბარემ კი იცის, ვინ რას ყიდულობს, მაგრამ ასე უნდა თქვას :)
  
  LikeLike
on თებერვალი 1, 2012 at 4:54 PM | პასუხი marishkalia

ძალიან მინდა მე “ქინდლი”! :D მაგრამ ძველი ან ახალი წიგნის სუნს და ფურცლების შეხებას მაინც ვერ ჩაანაცვლებს! :P ვაიმე როგორ მომენატრა აქაურობა მოლი! <3

LikeLike
- on თებერვალი 1, 2012 at 5:04 PM | პასუხი მოლი ბლუმი
  
  ჩანაცვლება არ არის აუცილებელი, მარიშკალია. ერთი მეორეს არ გამორიცხავს. ჩემთან,მაგალითად, ქინდლი და წიგნები მშვენივრად ეწყობა ერთმანეთს.
  
  LikeLike
  - on თებერვალი 1, 2012 at 5:14 PM | პასუხი marishkalia
    
    ეჰ “ქინდლი” მქონდეს და… :( არაა ჩემს მშობლებს უნდა შევაცოდო თავი! :D
    
    LikeLike
    - on თებერვალი 1, 2012 at 5:52 PM მოლი ბლუმი
      
      აუცილებლად მჭირდებაო, უთხარი :)
      
      LikeLike
    - on თებერვალი 1, 2012 at 7:25 PM Lord Vader
      
      ისედაც მთელი დღე კომპიუტერში ხარ შემძვრალი, კიდევ ეგ რაღაცა გინდა? – გეტყვიან მშობლები.
      
      LikeLike
    - on თებერვალი 2, 2012 at 2:50 PM marishkalia
      
      რათ მინდა და ჩემი მსოფმხედველობის და განათლების დონე მინდა ავამაღლო და გავაფართოვო-თქო.. :P მოვჩხლართავ რამეს! :D
      
      LikeLike
    - on თებერვალი 2, 2012 at 2:59 PM მოლი ბლუმი
      
      ისც დააყოლე, მარიშკალია, ქინდლი წიგნების საკითხავად მინდა და კომპიუტერის მონიტორზე კითხვა წამებაა, თვალს აფუჭებს, სამაგიეროდ, ქინდლს სპეციალური და უაღრესად კომფორტული ეკრანი აქვსო :)
      
      LikeLike
    - on თებერვალი 5, 2012 at 7:27 PM marishkalia
      
      mokled vaniaveb ojaxis biujets! :D
      
      LikeLike
    - on თებერვალი 5, 2012 at 7:28 PM მოლი ბლუმი
      
      ქინდლისთვის ნამდვილად ღირს :)
      
      LikeLike
on თებერვალი 1, 2012 at 8:03 PM | პასუხი abnormalbaby

მოლი, ეს ქინდლის წიგნები ქართულად არ არსებობს ხო? რუსულის მოდებაში არ ვარ ;შ

LikeLike
- on თებერვალი 1, 2012 at 8:16 PM | პასუხი მოლი ბლუმი
  
  იცი, რაშია საქმე? ქინდლი ქართულ შრიფტს კითხულობს, მაგრამ ქართული წიგნები, როგორც ასეთი, ჯერ არ შემხვედრია. ლიტ.ჯი-ზე დევს რაღაც, მაგრამ ერთი, რომ ფასიანია და მეორე – ლიტ.ჯის პროექტზე – იოტა რიდერზე არის მორგებული. ასე, რომ ქართული, ჯერჯერობით, პრობლემაა.
  
  LikeLike
  - on თებერვალი 1, 2012 at 10:18 PM | პასუხი kevana
    
    აი ეგაა ცუდი ლიტ.გესი.. ამბობენ წიგნის გაყიდვა გვინდაო და გამოსდით, რომ იოტას გასაღება უნდათ :დ
    
    აი ვნახოთ, თუ ქართულ წიგნებს სხვა რიდერებსაც მოარგებენ, მით უკეთესი ^^ ანუ, იოტას ფორმატშიც იყიდებოდეს და სხვა ფორმატშიც :)
    
    LikeLike
    - on თებერვალი 1, 2012 at 11:20 PM მოლი ბლუმი
      
      იოტაზეა მთელი ის პროექტი აგებული, ქევან. არადა, თავადაც მშვენივრად იციან, რომ ქინდლთან ახლოს ვერ მოვა. ვერც შესაძლებლობებით, ვერც კომფორტით და ვერც ფასით. ჰოდა, რაღაც ექსკლუზიური ხომ უნდა ჰქონდეთ და აქვთ ეს ქართული წიგნები.
      
      LikeLike
- on თებერვალი 1, 2012 at 10:47 PM | პასუხი Lord Vader
  
  მე გასწავლი.
  მიდიხარ პარნასში, ყიდულობ რამე ქართულ წიგნს, მიგაქვს სახლში ან სადაც სკანერია იქ – ასკანერებ, მერე PDF-ს აკონვერტებ კალიბრით MOBI ფორმატში, აგზავნი შენს ქინდლში და ვუალა – ქართული წიგნი გაქვს ქინდლში.
  100% მუშა მეთოდია.
  
  LikeLike
  - on თებერვალი 1, 2012 at 11:48 PM | პასუხი kevana
    
    მაქ მასე გაკეთებული ^^
    
    “ველოსიპედს” ყველა ასე აკეთებს ^^
    
    LikeLike
    - on თებერვალი 1, 2012 at 11:53 PM მოლი ბლუმი
      
      ერთი მეც უნდა ვცადო :)
      
      LikeLike
    - on თებერვალი 2, 2012 at 1:11 AM Lord Vader
      
      ყოჩაღ! :)
      ქინდლში კი მირჩევნია წაკითხვა… მარა მაგდენი ჩალიჩის თავი არ მაქვს.
      
      LikeLike
    - on თებერვალი 2, 2012 at 6:51 PM kevana
      
      ძაან სისასტიკეა, იმიტომ რომ როცა ასკანირებ tif ფორმატში, ეს სურათები უნდა შეკრა pdf ფორმატად და ძნელია რა…
      ახლა არ მომთხოვოთ დადება, ყველაფერს არ ვასკანირებ :დ მხოლოდ ხელოვნებას, ანუ იმას რაც მე მჭირდება…
      
      LikeLike
on თებერვალი 1, 2012 at 10:12 PM | პასუხი abnormalbaby

სად გამომადგებოდა რუსული! აფსუს ; ) დაიჯერე რა დაიჯერე რო გეუბნებიან ისწავლეო! : )) )

LikeLike
- on თებერვალი 1, 2012 at 11:12 PM | პასუხი მოლი ბლუმი
  
  რუსული აშკარად გამოსადეგი ენაა :) თუმცა, აგერ, ქინდლის აკადემიკოს ვეიდერს ქართული ი-ბუქის ცინცხალი რეცეპტი აქვს და საკმაოდ იოლიც.
  
  LikeLike
on თებერვალი 4, 2012 at 5:06 PM | პასუხი katerina

თუ როდესმე ვიღირსე, გავითვალისწინებ შენს რჩევებს

LikeLike
- on თებერვალი 4, 2012 at 9:09 PM | პასუხი მოლი ბლუმი
  
  პოსტი რაა, ონლაინ გაგიწევ კონსულტაციებს.
  
  LikeLike
on თებერვალი 9, 2012 at 9:01 PM | პასუხი Mallorie

მოლი, გილოცავ.. = ))

LikeLike
- on თებერვალი 9, 2012 at 9:09 PM | პასუხი მოლი ბლუმი
  
  მადლობა, მაცო :)
  
  LikeLike
on თებერვალი 10, 2012 at 5:58 PM | პასუხი ხოზე

დიდი ხანია აუდიოწიგნებზე ვარ გადასული, ისიც მანქანაში და სულ დამვიწყებია ხელში დაჭერილი წიგნის გემრიელი განცდა. პოსტი კი ქინდლზეა, მაგრამ მე მაინც წიგნი და წიგნის კითხვის დრო რომ მქონდა ოდესღაც ეგ მომაგონდა. მადლობა მოლი, ძალიან თბილი მოგონებები და ემოციები გამიღვიძე.

LikeLike
- on თებერვალი 10, 2012 at 6:04 PM | პასუხი მოლი ბლუმი
  
  სამაგიეროდ, მე აუდიოწიგნებს ვერ გავუგე გემო… ამბობენ, ძალიან კარგიაო და წესით, ასეც უნდა იყოს, მაგრამ რა ვქნა, თვალით წაკითხული მირჩევნია. ისე, “მელოდიას” ჰქონდა ფირფიტებზე ჩაწერილი ზღაპრები – პირველი აუდიოწიგნები :) ბავშვობაში ვუსმენდი.
  
  მადლობა შენ, ხოზე, ასეთი სასიამოვნო კომენტარისთვის და კეთილი იყოს შენი პირველი სტუმრობა მოლის ბლოგზე :)
  
  LikeLike
  - on თებერვალი 10, 2012 at 6:30 PM | პასუხი ხოზე
    
    მოლი, თუ ახლა გაქვს კითხვის დრო, არ წარმართო შენი ცხოვრება ისე, რომ ეგ დრო აღარ გქონდეს. ყველა აუდიოწიგნის “თავზეც გავიარე”, თუ არსებობს ფურცელი ან ქინდლი და მყუდრო კუთხე:)
    
    LikeLike
    - on თებერვალი 10, 2012 at 7:52 PM მოლი ბლუმი
      
      წიგნისთვის დრო ყოველთვის მაქვს :) და ახლა უკვე ყველგანაც (ქინდლის წყალობით) :) ჰოდა, ეს ბლოგიც წიგნებზეა :)
      
      LikeLike
on აპრილი 9, 2012 at 12:02 AM | პასუხი Sci Fi & Fantasy – ჩემი E-კოლექცია « Molly Bloom's Day™

[…] გრეისს სხვა არაფერში შეურცხვენია თავი და რაღა აქ გამიცრუებდა იმედს – დღეს, ონლაინ ბიბლიოთეკებისა და ტორენტ პორტალების წყალობით, ჩინებული ელექტრონული კოლექცია მაქვს და რა გასაკვირია, რომ ი-ბუქებში ჩემი ბავშვობის სიყვარული – სამეცნიერო ფანტასტიკა და ფენტეზი ჭარბობს. […]

LikeLike
on ივნისი 29, 2012 at 12:39 AM | პასუხი გლეხის ბიჭი

ახლაღა მივხვდი, ზოგიერთ წაკითხულ პოსტს ჩემი გრავტოგრაფი რატომ არ ერთვოდა. გულიანად გამეცინა იმ სულელურ ამბებზე, მაგ დროს რომ გადამხდა :დ

LikeLike
- on ივნისი 29, 2012 at 12:41 AM | პასუხი მოლი ბლუმი
  
  გრავტოგრაფი რა უმაგრესი სიტყვაა :))) სუპერ!
  
  შენი ამბები მახსოვს. გლეხის ბიჭი არა და პასტარონნი ხომ იყო :)))))
  
  LikeLike
  - on ივნისი 29, 2012 at 12:44 AM | პასუხი გლეხის ბიჭი
    
    :დ უკვე მანდ გადასაბარგებლად მოვემზადე, სახელსაც გამოვიცვლიდი მერე, მაგრამ საბედნიეროდ დამიბრუნდა ძველი ექაუნთი :დ
    
    LikeLike
    - on ივნისი 29, 2012 at 12:47 AM მოლი ბლუმი
      
      ოკუპირებული ბლოგი დაიბრუნე :)))
      
      LikeLike
    - on ივნისი 29, 2012 at 12:48 AM გლეხის ბიჭი
      
      მძევალი იყო :დ (პაატას ბედი ხვდა და ბეწვზე მივუსწარი :დ)
      
      LikeLike
    - on ივნისი 29, 2012 at 12:49 AM მოლი ბლუმი
      
      მთავარია, რომ მიუსწარი :)
      
      LikeLike
on სექტემბერი 18, 2012 at 4:29 PM | პასუხი ანონიმური

რა მაინტერესებს იცით? შესაძლებელია თუ არა ქართული წიგნების მოძიება და PDF -S ქართული შრიფტით ან SYLFINE-ში თუ წავიკითხავ?

LikeLike
on სექტემბერი 18, 2012 at 4:30 PM | პასუხი ასდფ

რა მაინტერესებს იცით? ქართული წიგნების კითხვის ამბავში როგორაა საქმე? თუ მოიძებნება წიგნები და საერთოდ ქართულ შრიფტებს კითხულობს?

LikeLike
- on სექტემბერი 18, 2012 at 4:35 PM | პასუხი მოლი ბლუმი
  
  კითხულობს, რა თქმა უნდა და წიგნებიც მოიძიება.
  
  დაწვრილებით, აი აქ ნახეთ. ორი მსხვილი ქართულენოვანი ელექტრონული გამომცემლობის ბმულიც არის მანდ.
  
  https://mollybloomsday.com/2012/09/07/book-vs-kindle/
  
  LikeLike
on ოქტომბერი 17, 2012 at 5:09 PM | პასუხი tamta

rogor shevidzino? da ra fasianebia?

LikeLike
- on ოქტომბერი 17, 2012 at 5:14 PM | პასუხი მოლი ბლუმი
  
  შეძენა ამაზონზე შეიძლება. აი, აქ.
  
  http://www.amazon.com/s/ref=nb_sb_noss?url=search-alias%3Daps&field-keywords=kindle
  
  ფასები მოდელების მიხედვით სხვადასხვაა. სპეციალური შემოთავაზებების და აქციების მიხედვითაც იცვლება. ერთი სიტყვით, ბმულს გაჰყევვით და მანდ ყველაფერი წვრილად არის ახსნილი.
  
  LikeLike
on დეკემბერი 17, 2012 at 12:03 AM | პასუხი Kindleდამოკიდებული « Molly Bloom's Day™

[…] რიდერებს არაფერი მოსვლია. “გრეისი” ახალ წლამდე მეგობარს სტუმრობს, […]

LikeLike
on იანვარი 10, 2013 at 10:34 PM | პასუხი ანონიმური

მოლი ამ რიდერს “თაჩ სქრინი” აქვს ?

LikeLike
- on იანვარი 10, 2013 at 10:43 PM | პასუხი მოლი ბლუმი
  
  ამას, “მინის”, ანუ, არა. თაჩი სხვა მოდელია.
  
  LikeLike
on თებერვალი 18, 2013 at 12:04 AM | პასუხი Kindle Paperwhite – “თეთრფურცელას” ანატომია « Molly Bloom's Day™

[…] “მინის“, მაგალითად, ერთადერთი, სტანდარტული შრიფტი ჰქონდა (იმდენად კარგი და მოხერხებული, რომ ალტერნატივაზე არც მიფიქრია). “ფეიფერუაითს” ექვსი აქვს. ამას Line spacing და Margins ოფციებიც დაუმატეთ და იოლად მიხვდებით, რამდენად მრავალფეროვანია არჩევანი… კოლექციებიც უკეთ ლაგდება, მოსაძებნად იოლია, “ამაზონის” ღრუბელიც ცალკეა გამოტანილი და ონლაინ მაღაზიასთან დაკავშირებაც უფრო იოლია (ისევ და ისევ თაჩსქრინის წყალობით). […]

LikeLike
on მაისი 16, 2013 at 6:54 PM | პასუხი maiko

კინდლი დამივირუსდა და აღარ მუშაობს.ეშველება რამე?

LikeLike
- on მაისი 16, 2013 at 7:15 PM | პასუხი მოლი ბლუმი
  
  უშველებელი არაფერია, უბრალოდ წვალებაა საჭირო. მთლიანად უნდა გადაეწყოს პროგრამა. თან, აქ სპეციალისტები არ გვყავს, ფირმაში რომ მიხვიდე და მიხედონ. ჩემს მეგობარს დაუვირუსდა და მეგობარ პროგრამისტს სთხოვა და იმან უშველა.
  
  LikeLike
on ნოემბერი 29, 2013 at 9:32 PM | პასუხი SopHia!

ეს მოდელი რამდენი დაგიჯდა?

LikeLike
- on ნოემბერი 29, 2013 at 11:58 PM | პასუხი მოლი ბლუმი
  
  ეს ძველი მოდელია, სოფია. ჩემი პირველი ქინდლი. 100 დოლარამდე, თუ სწორად მახსოვს. მაჩუქეს, მე არ მიყიდია. ახლა აღარ იყიდება.
  
  http://www.amazon.com/Kindle-eReader-eBook-Reader-e-Reader-Special-Offers/dp/B0051QVESA
  
  LikeLike
  - on ნოემბერი 30, 2013 at 1:55 AM | პასუხი SopHia!
    
    ეგ მინდა მე)) დავათვალიერე ყველა fire,paperwhite და ა.შ და kindle 4 მომეწონა ყველაზე მეტად… კი არის და საახალწლო საჩუქარს გავუკეთებ ჩემ თავს)))
    
    LikeLike
    - on ნოემბერი 30, 2013 at 12:33 PM მოლი ბლუმი
      
      ეს არ არის. ახალი 4-ია. ფეიფერუაითთან ერთად რომ გამოჩნდა, ის.
      
      ენივეი, ესეც ძალიან კარგი მოდელი იყო და ისიც კარგი იქნება.
      
      LikeLike
    - on ნოემბერი 30, 2013 at 12:34 PM SopHia!
      
      ხო ნუ რაცაა))))
      
      LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე
	Molly Bloom's Day კომენტარი ერასტ ფანდორინის ბოლო საქ… ჩანაწერზე
	Molly Bloom's Day კომენტარი პირველი წიგნი ჩანაწერზე

Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 902 other followers
Blog Stats
- 1,162,518 hits

იანვარი 2012
ო	ს	ო	ხ	პ	კ	კ
« დეკ				თებ »
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Molly Bloom's Day™

ასტრიდ ლინდგრენი – 111