ახალგაზრდა შერლოკ ჰოლმსი

« ჯეოპარდი – ბლოგები და ბლოგერები vol. 2

მეოცე საუკუნის ოცი წამი. 1963. აღშფოთებული ამერიკელის შურისძიება »

ახალგაზრდა შერლოკ ჰოლმსი

ნოემბერი 25, 2011 by Molly Bloom's Day

იმედი მაქვს, ჩემს მკითხველს არ დავიწყებია, რომ მოლი ბლუმი დეტექტივების დიდი მოყვარული გახლავთ. ჰოდა, არც ის გაგიკვირდებათ, თუ ვიტყვი, რომ “შერლოკ ჰოლმსის თავგადასავალი” ადრეულ ასაკშივე ლამის ზეპირად ვისწავლე. არადა, მთავარი გმირის ბავშვობაზე ფიქრი ერთხელაც არ მომსვლია თავში. მგონი, გულწრფელად მჯეროდა, რომ განთქმული მაძებარი თავზე უჯრულა კეპით, ხელში ლუპით, პირში ჩიბუხით და, რაც მთავარია, დედუქციის უბადლო ნიჭით დაჯილდოვებული დაიბადა.

როგორ ჩანს, ბრიტანელი მწერალი ენდრიუ ლეინი მიხვდა, რომ არტურ კონან დოილს მრავლად მოეძებნებოდა ჩემსავით გულუბრყვილო მკითხველი და გადაწყვიტა, ჩვენთვის ილუზიები გაეფანტა. ასე მოევლინა ლიტერატურულ სამყაროს სერია “ახალგაზრდა შერლოკ ჰოლმსი”, რომლის პირველი წიგნი – “სიკვდილის ღრუბელი” სულ რამდენიმე დღის წინ ჩამივარდა ხელში.

გამოგიტყდებით და, როცა კითხვას ვიწყებდი, მაინც მკაცრი გარეგნობის მოწიფული მამაკაცი მედგა თვალწინ. არადა, მთავარი პერსონაჟი 14 წლის ბიჭი აღმოჩნდა – მართალია, ასაკისთვის შეუფერებლად ჭკვიანი და სერიოზული, მაგრამ მაინც ბავშვური და ძალიან მარტოსული.

ბევრი რომ არ გავაგრძელო, შერლოკს დიფდენის ვაჟთა სკოლაში შევხვდი, ყურებჩამოყრილი იდგა ეზოში და გზას გაჰყურებდა მამის მოლოდინში, მერე მაიკროფტთან ერთად გავაცილე უცნობი ბიძისა და ბიცოლის სახლში.

დამნაშავეთა მომავალი რისხვა, ცოტა არ იყოს, ბავშვურად იქცეოდა – ნათესავებთან არდადეგების გატარებაზე უარს აცხადებდა და, თქვენ წარმოიდგინეთ, მშობლების მონატრებაზეც კი წუწუნებდა რაღაცას. არადა, რა იცოდა, შერინფორდ ჰოლმსის სახლში რა თავგადასავალი ელოდა.

ასე იყო თუ ისე, მე და შერლოკი ერთად დავბინავდით ჰოლმს–მენორში და გულიდან დარდის გადასაყრელად ტყეშიც ერთად დავბოდიალობდით. სწორედ აქ გადავეყარეთ პატარა მაწანწალა მეთიუ არნეტს და პირველ ხათაბალაშიც ერთად გავეხვიეთ.

ცოტა ხანში მოწყენილობას აშკარად აღარ ვუჩიოდით – სულ რამდენიმე კვირაში უამრავი რამ გადაგვხდა თავს. ბეწვის ხიდზეც გავიარეთ, სიკვდილის ღრუბლის საიდუმლოსაც ჩავწვდით და ბრიტანეთის არმიის წინააღმდეგ მიმართული შეთქმულებაც გავხსენით. საფრთხეს რომ არ ვუშინდებოდით და სიკვდილს უშიშრად შევყურებდით თვალებში, ამაზე აღარაფერს ვიტყვი, ტრაბახს რომ არ დაემსგავსოს.

ჰო, ერთ ამბავსაც გაგანდობთ, ოღონდ აქეთ მოიწიეთ, ყურში უნდა გითხრათ – ოქროსფერთმიანი ვირჯინია კროუვიც გავიცანით… სხვას ვეღარაფერს დავამატებ – შერლოკს ეწყინება.

მოკლედ, ენდრიუ ლეინის წყალობით რამდენიმე საათით დავბრუნდი ბავშვობაში და, წიგნი გაღიმებულმა რომ დავხურე, ვიგრძენი, რომ თანამედროვე მოზარდების, ცოტა არ იყოს, შემშურდა – ისინი სახელგანთქმული დეტექტივის თავგადასავალს უკვე ქრონოლოგიური თანმიმდევრობით წაიკითხავენ.

87 Responses

on ნოემბერი 25, 2011 at 12:06 AM | პასუხი Rusa

ის პატარა გამოკითხვა რომ ჩაგვიტარე, რაღაც ამდაგვარს ველოდი :)))

LikeLike
- on ნოემბერი 25, 2011 at 12:17 AM | პასუხი მოლი ბლუმი
  
  ჰო :) პრომო იყო. აღმოჩნდა, რომ შერლოკი მაინც პირველია…
  
  LikeLike
on ნოემბერი 25, 2011 at 12:07 AM | პასუხი გრაფინია

უნდა ვიყიდო ეს წიგნი აუცილებლად. შენი მონაყოლის მიხედვით ძალიან საინტერესო რამ უნდა იყოს :)

LikeLike
- on ნოემბერი 25, 2011 at 12:17 AM | პასუხი მოლი ბლუმი
  
  აშკარად არ ინანებ, ქაუნთესს. გემრიელად გაერთობი.
  
  LikeLike
on ნოემბერი 25, 2011 at 12:13 AM | პასუხი faifuris angelozi

რომ იცოდე მეც შემშურდა…

LikeLike
- on ნოემბერი 25, 2011 at 12:19 AM | პასუხი მოლი ბლუმი
  
  აბა… :) ოღონდ, მაინც ჯობია, ჯერ კონან-დოილი და მერე ლეინი.
  
  LikeLike
on ნოემბერი 25, 2011 at 12:14 AM | პასუხი მოხეტიალე緑

ასეც ვიცოდი რაღაც მსგავს რომ გვიმზადებდი საღამოს საკითხავად.
ჩემი ფავორიტი მაინც აგათა კრისტია, თავისი მისის მარპლით და პუაროთი.
თუმცა ეს წიგნიც ღირს ალბათ წაკითხვად.

LikeLike
- on ნოემბერი 25, 2011 at 12:20 AM | პასუხი მოლი ბლუმი
  
  :) :) ერთი კვირაა, რაც მაქვს. წავიკითხე და საპოსტე მასალადაც გამოვიყენე.
  
  კრისტი მეც ძალიან მიყვარს.
  
  LikeLike
on ნოემბერი 25, 2011 at 12:29 AM | პასუხი tamara

პოსტი, როგორც ყოველთვის, კარგია; წიგნს რაც შეეხება, სენს გემოვნებაში ეჭვი არ მეპარება…
მაგრამ აი, ასეთ გაგრძელება-დამატებებს ცოტა ალმაცერად ვუყურებ ხოლმე. ლიტერატურაში იდეაც ისეთივე მნიშვნელოვანია, როგორც მისი განხორციელება, ჰოდა, ისეთი შეგრძნება მაქვს, რომ ეს გამგრძელებლებ-შემვსებლები ორიგინალის ავტორის დიდების ნაწილს ითვისებენ :)

LikeLike
- on ნოემბერი 25, 2011 at 12:32 AM | პასუხი მოლი ბლუმი
  
  პრინციპში მართალი ხარ, მაგრამ მე ასე მკაცრად და რთულად არ ვუყურებ. დაწერა? დაწერა. წავიკითხე. საინტერესო იყო. ცხოვრების საზრისზე რომ არ დამაფიქრა, ამას მინუსად არ ვუთვლი.
  
  პრინციპში, ბრიტანელებსაც არ გაუპროტესტებიათ, ეზ აი ნოუ.
  
  LikeLike
  - on ნოემბერი 25, 2011 at 12:44 AM | პასუხი tamara
    
    ნო, ნო :) მე განა იმას ვამბობ, რომ როგორ გაბედა და თავისი ბინძური ხელები შეახო ნაწარმოებს მეთქი, მაგრამ იქნებოდა კი ეგ წიგნი ასეთი პოპულარული, მთავარი გმირი მომავალი შერლოკი კი არა, ვინმე ჯონ სმიტი რომ ყოფილიყო? :)
    
    LikeLike
    - on ნოემბერი 25, 2011 at 12:47 AM მოლი ბლუმი
      
      არანაირად… ლომის წილი შერლოკია მანდ. ჯონ სმიტზე სხვა წიგნი დაიწერებოდა და სახელი არ დაეხმარებოდა.
      
      LikeLike
- on ნოემბერი 25, 2011 at 12:59 AM | პასუხი Author
  
  თამარა, ჩემი სათქმელი თქვი!
  ეს აზრი სტიგ ლარსონის წაკითხვის შემდეგ დამებადა – თუმცა ბლოგერებში ლარსონის დამწუნებელი ერთადერთი გამონაკლისი აღმოვჩნდი. მეც ასე მგონია, “ორიგინალის ავტორის დიდების ნაწილს ითვისებენ” :)
  მოლი, პოსტი, როგორც ყოველთვის, კარგი იყო :)
  
  LikeLike
  - on ნოემბერი 25, 2011 at 1:04 AM | პასუხი მოლი ბლუმი
    
    აკუნინმა “თოლია” და “ჰამლეტი” გააგრძელა. ნეფრიტის კრიალოსანში ფანდორინი და ჰოლმსი ერთად ებრძვიან არსენ ლუპენს. და აკუნინი ამათ გარეშედაც აკუნინი იქნებოდა…
    
    ეს მხოლოდ ხერხია. პერფორმანსი.
    
    LikeLike
    - on ნოემბერი 25, 2011 at 2:09 AM tamara
      
      არ მაქვს ეგენი წაკითხული, მაგრამ ჩემთვის აკუნინი მაინც აკუნინია, მართალი ხარ! ჰოდა, იმიტომაც ვამბობ, არ ვიცნობ ამ ენდრიუ ლეინს და თავს ვიკავებ, მხოლოდ ზოგადი აზრი გამოვთქვი :)
      
      LikeLike
  - on ნოემბერი 25, 2011 at 2:08 AM | პასუხი tamara
    
    იცი, ლარსონზე მე არ გამჩენია მსგავსი პროტესტი, არ არის პირდაპირი ბმა გმირებს შორის და იმიტომ :) კი, არის ჟურნალისტი ბლუმკვისტი, რომელსაც მეტსახელი “იმ” კალეს პატივსაცემად ეწოდა, არის პეპი ლიზბეთი და ანიკა, პეპის რომ მხარში უდგას, მაგრამ მგონი, ლარსონს რომ თავადვე არ დაედასტურებინა, მკითხველების დიდი ნაწილი ვერ მიხვდებოდა, ვინ არის კალე ან ანიკა… აი, ეს პირდაპირი გადასვლაა, “გაიცანით შერლოკ ჰოლმსი” :)
    
    LikeLike
    - on ნოემბერი 25, 2011 at 2:20 AM მოლი ბლუმი
      
      ლეინს მეც მხოლოდ ამ წიგნით ვიცნობ და აზრსაც ამ წიგნზე გამოვთქვამ. შესაძლოა, სხვა არაფრად ვარგოდეს ან პირიქით. შესაძლოა, ეს რომ არ დაეწერა, საერთოდ არაფერი ყოფილიყო ან პირიქით – უფრო უკეთესი შეექმნა. ამას ჩვენ ვერ გავიგებთ…
      
      ზოგადად რიმეიქების და სიქველების მართებულობაზეა საუბარი. და მე მანდ რაღაც უღირსობას ვერ ვხედავ. წერს და წერს. აპრობირებული და გავრცელებული პრაქტიკაა.
      
      LikeLike
    - on ნოემბერი 26, 2011 at 8:32 PM Author
      
      განა უღირსად ან ამორალურად მიმაჩნია საქციელი – უბრალოდ კარგი მარკეტინგული გათვლა მგონია, რომელიც კარგად ყიდის წიგნს.
      
      LikeLike
    - on ნოემბერი 26, 2011 at 10:13 PM მოლი ბლუმი
      
      სახელი მუშაობს. ეს რა თქმა უნდა, მაგრამ ეს ავტომატურად არ ნიშნავს, რომ მწერალი ცუდია. ეს ხერხი უხეირო მთხზველმაც შეიძლება გამოიყენოს და ძალიან კარგმა ავტორმაც.
      
      LikeLike
on ნოემბერი 25, 2011 at 5:06 AM | პასუხი glamtaia

აუჰ, რისი გშურს, მოლი? მეც ზუსტად არაქრონოლოგიურად მიხდება წაკითხვა :(( ეეჰ, არ მიფიქრია მის ადრეულ ასაკზე კი არა ჩემიი თავი მქონდა წარმოდგენილი მოზარდ ჰოლმსად :))

LikeLike
- on ნოემბერი 25, 2011 at 9:57 AM | პასუხი მოლი ბლუმი
  
  ვიცი ეგ ამბავი :) წავიკითხე და ბევრიც ვიცინე :)
  
  LikeLike
on ნოემბერი 25, 2011 at 10:16 AM | პასუხი finiki

საინტერესოა, დიდი სიამოვნებით წავიკითხავ. შერლოკ ჰოლმსის გამო მთელი ბავშვობა გამომძიებლობაზე ოცნებაში გავატარე, მის თავგადასავლებს, რომ ვკითხულობდი ბოლოში გასვლამდე ვცდილობდი თავად ამომეხსნა თავსატეხი :)
ძალიან ვუფრთხი ხოლმე საყვარელ პერსონაჟებზე გადაღებული ფილმების ყურებას, იმისთვის, რომ წარმოდგენა არ შემეცვალოს, თუმცა გაი რიჩის შერლოკ ჰოლმსის ნახვის შემდეგ მივხვდი, რომ ზოგჯერ ეკრანიზაციაც შეიძლება გადასარევი იყოს, ახლა შერლოკ ჰოლმსზე სულ რობერტ დაუნი ჯუნიორი მიდგება თვალწინ, ჰოდა ეს კარგია :)

აუცილებლად წავიკითხავ პატარა შერლოკის თავგადასავალს, ძალიან დამაინტერესა :)

LikeLike
- on ნოემბერი 25, 2011 at 11:44 AM | პასუხი მოლი ბლუმი
  
  მეც ვცდილობდი, ფინიკი, მაგრამ ახლა ვხვდები, რომ ჰოლმსთან გამოცნობა ყველაზე რთულია. კონან დოილი მკითხველს თითქმის არაფერს უმხელს. ანუ, მკითხველი და მაძებარი აშკარად არათანაბარ მდგომარეობაში არიან. კრისტი, მაგალითად, სხვანაირად იქცევა. აკუნინიც.
  
  საუკეთესო ჰოლმსი მაინც რუსული ეკრანიზაცია მგონია. თუმცა, დაუნის ყველა აქებს. ბოლო, რაც მომეწონა, ახალი ბრიტანული სერიალია. თანამედროვე ადაპტაცია. ლესტრეიჯი პრესს-კონფერენციებს აწყობს, ჰოლმსი სმს-ებს აგზავნის და ვატსონს ბლოგი აქვს :)
  
  წაიკითხე :) ნამდვილად არ ინანებ და გაერთობი კიდეც.
  
  LikeLike
on ნოემბერი 25, 2011 at 11:35 AM | პასუხი taledream

რა საინტერესოა :) მეც სულ იმას ვფიქრობდი რომ შერლოკ ჰოლმსი ყოველთვის ისეთი იყო როგორც კონან დოილმა წარმოადგინა და პრინციპში არც არასოდეს დავინტერესებულვარ როგორი ბავშვი ან მოზარდი იქნებოდა :) და მაინც მგონია რომ ჯერ დიდი შერლოკი უნდა წაიკითხო და მერე მოზარდი შერლოკის თავგადასავალი :) მიუხედავად იმის რომ ეს უკანასკნელი არ წამიკითხვას

LikeLike
- on ნოემბერი 25, 2011 at 11:45 AM | პასუხი მოლი ბლუმი
  
  ასეც შეიძლება და ისეც :) პრინციპში, დადგენილი წესი არ არსებობს. როგორც მოგიხერხდება, ისე წაიკითხე :)
  
  LikeLike
  - on ნოემბერი 25, 2011 at 3:31 PM | პასუხი taledream
    
    შევეცდები წავიკითხო ახალგაზრდა შერლოკ ჰოლმსზე :) თორე ზრდასრული მთელი ცხოვრებაა მომწონს :დ :დ
    
    LikeLike
    - on ნოემბერი 25, 2011 at 3:37 PM მოლი ბლუმი
      
      მშვენიერი ლიტერატურული გემოვნება გქონია :)
      
      LikeLike
    - on ნოემბერი 25, 2011 at 3:41 PM taledream
      
      უფრო არეულია :) ვკითხულობდი ყველაფერს რაც ხელში მომხვდებოდა :) მთელი ზაფხული და ზამთარი თავ შერგული ვიყავი ხოლმე სოფელშიც და ქალაქშიც წიგნების კარადაში :დ :დ :დ პირველად პატარა გამოძიება წავიკითხე და მახსოვს ისე ჩამითრიე იმ დღეს ბიბლიოთეკაში ორჯერ მივედი :დ :დ
      
      LikeLike
    - on ნოემბერი 25, 2011 at 3:49 PM მოლი ბლუმი
      
      მეც მასე ვიყავი თავის დროზე :) ისეთი რაღაცები მაქვს წაკითხული, ახლა მრცხვენია. არავის გამოურთმევია ხელიდან და რასაც ვპოულობდი, ვკითხულობდი კიდეც.
      
      ბიბლიოთეკაში ორჯერ მისვლაზე გემრიელად გამეღიმა :)
      
      LikeLike
on ნოემბერი 25, 2011 at 3:02 PM | პასუხი katerina

უფ, როგორ დამაინტერესა!!! კი ვამბობ, რომ დეტექტივებზე არ გვიჟდები, მაგრამ შერლოკი ჩემი სიყვარულია. სიმოვნებით წავიკითხავ ამ წიგნს.

LikeLike
- on ნოემბერი 25, 2011 at 3:10 PM | პასუხი მოლი ბლუმი
  
  მე მომეწონა. ოღონდ, მე დეტექტივები მიყვარს და ალბათ, იმიტომ.
  
  LikeLike
on ნოემბერი 25, 2011 at 4:12 PM | პასუხი anina

კარგი პოსტია და ბოლოს მნიშნელოვანი აღმოჩენა :) მაგრამ იქნებ, ჩვენ უკეთეს მდგომარეობაში ვართ მაინც? ჩვენ შეძლებთ, რომ სხვანაირი შერლოკი აღმოვაჩინოთ, ისინი კი უბრალოდ პიროვნების ლოგიკურ განვითარებას დაინახავენ, რაც ცოტა მოსაწყენია : ]

LikeLike
on ნოემბერი 25, 2011 at 4:42 PM | პასუხი მერი პოპინსი

მშვენიერი პოსტია მოლი და წიგნიც მშვენიერი საჩუქარია დეტექტივების მოყვარულთათვის.

თამარა და თაბუ, მეც აკუნინის მოთხრობა გამახსენდა ახლა. ნეფრიტის კრიალოსანი მთლიანად ალუზიებზეა აგებული, მანდ სიმენონიც არის, ეკოც, ბასკერვილების ძაღლის რუსული გადამღერებაც, ერთ მოთხრობაში კი უშუალოდ ჰოლმსი და უოთსონი მოქმედებენ. აკასაც ჰყავს ერთგან ეს დუეტი. მე ეს არ მაღიზიანებს. პირიქით, სახალისოა.

LikeLike
- on ნოემბერი 25, 2011 at 4:47 PM | პასუხი მოლი ბლუმი
  
  “აგვისტოს პასეანსში”, მერი. ისე, მანდ დონ კიხოტი და სანჩოც არიან :)
  
  აკას უყვარს ასეთი ხულიგნობები. მადათოვში ზარანდია და თუთაშხია, “შენს თავგადასავალში” – რა ვიცი, მთელი საყმაწვილო და არასაყმაწვილო ბიბლიოთეკაა შეკრებილი.
  
  და ამაშიც მართალი ხარ – ეს გამაღიზიანებელი კი არა, სახალისო უფროა.
  
  LikeLike
on ნოემბერი 25, 2011 at 6:05 PM | პასუხი tsotnee

კარგი და სასიამოვნო პოსტია, ისე რაღა დასამალია და არც მე მიფიქრია შერლოკის ბავშვობაზე. მაგრამ რომ გაიზარდო ჯერ პატარა უნდა იყო. ჩემს წასაკითხ წიგნების სიას ერთიც მიემატა. ;)

LikeLike
- on ნოემბერი 25, 2011 at 6:46 PM | პასუხი მოლი ბლუმი
  
  რომ გაიზარდო, ჯერ პატარა უნდა იყო – ეს მომეწონა :)
  
  LikeLike
  - on ნოემბერი 25, 2011 at 6:51 PM | პასუხი tsotnee
    
    მადლობა! :) :) :)
    
    LikeLike
    - on ნოემბერი 25, 2011 at 6:53 PM მოლი ბლუმი
      
      ჰოდა, შენი სიაც მომწონს, როდეს წიგნების არ იყოს.
      
      LikeLike
    - on დეკემბერი 18, 2011 at 9:04 PM tsotnee
      
      მართლია ეს წიგნი ჩემს უახლოეს წასაკითხი წიგნების ათეულში არ მეწერა, მაგრამ მოლის ამ პოსტის მერე არ შეიძლებოდა, რომ არ წამეკითხა, მით უმეტეს რამდენიმე კვირაა რაც ჩემმა ძმამ მოიტანა სახლში და ყველამ წაიკითხა ჩემს გარდა. :) :) :) ვაშა, როგორც იქნა მოვრჩი (სირცხვილი მე, ჩემმა დამ რამდენიმე სთ-ში წაიკითხა, მე კიდე … :( ) ! ძალიან მომეწონა. ;) აი მართლაც ეგრეა, ჯერ პატარა უნდა იყო, რომ გაიზარდო! აი რა კარგია ჭკვიანი მასწავლებელი, ისე რა საინტერესო იქნებოდა ჩვეულებრივ სკოლებშიც დრო არა კონკრეტული ფაქტების ან ნაწარმოების შესწავლასა და ანალიზს, არამედ ზოგადად ფიქრის და აზროვნების განვითარებას ეთმობოდეს მარტო. :) :) :)
      
      LikeLike
    - on დეკემბერი 18, 2011 at 10:22 PM მოლი ბლუმი
      
      წაიკითხე უკვე? ყოჩაღ, მიხარია, რომ მოგეწონა :) პოსტი ტყუილად არ დამიწერია :)
      
      LikeLike
    - on დეკემბერი 19, 2011 at 9:07 PM tsotnee
      
      :) :) :)
      
      LikeLike
- on ნოემბერი 25, 2011 at 7:48 PM | პასუხი Chiamaria
  
  უი ჩემ დღეში ყოფილხარ :)))
  
  LikeLike
on ნოემბერი 25, 2011 at 7:48 PM | პასუხი Chiamaria

მოლი წასაკითხი წიგნების სიას მიზრდი და მიზრდი,… რას მერჩი : ))))) თან მეც უკვე სინდისი მაწუხებს, ამდენი ხანია სიის შემცირება მინდა და ჯერ ვერც კი დავიწყე,..

LikeLike
- on ნოემბერი 25, 2011 at 7:51 PM | პასუხი მოლი ბლუმი
  
  ჰო :) ერთხელ თქვენი სიები გამოაქვეყნეთ, ჩემთვისაც შევარჩევ საინტერესო რაღაცებს.
  
  LikeLike
  - on ნოემბერი 25, 2011 at 8:03 PM | პასუხი Chiamaria
    
    მშვენიერი აზრია. : ) შევეცდები მალე მოვაბა თავი გამოქვეყნებას
    
    LikeLike
    - on ნოემბერი 25, 2011 at 8:14 PM მოლი ბლუმი
      
      კომენტარებიც დაურთე და ურიგო პოსტი ნამდვილად არ იქნება.
      
      LikeLike
on ნოემბერი 25, 2011 at 8:48 PM | პასუხი teennewson

დავინტრიგდი, აუცილებლად წავიკითხავ, ეხლაც მახსოვს შერლოკ ჰოლმსი პირველად, რომ წავიკითხე, როგორ მომეწონა, იმედია ამ წიგნის წაკითხვის შემდეგაც იგივე ემოციებით დავიმუხტები.. : )

LikeLike
- on ნოემბერი 25, 2011 at 8:55 PM | პასუხი მოლი ბლუმი
  
  პირველად რომელი ჰოლმსი წაიკითხე, გახსოვს?
  
  მე რუსული კრებული მქონდა. ქართული, ყდაზე ლაბირინთით, ოდნავ მოგვიანებით აღმოვაჩინე.
  
  LikeLike
on ნოემბერი 25, 2011 at 9:06 PM | პასუხი teennewson

წიგნს რა ეხატა ნამდვილად არ მახსოვს, მაგრამ მგონი თუ სწორედ მახსოვს მოთხრობა “ალისფერი კვალი” წავიკითხე პირველად…

LikeLike
- on ნოემბერი 25, 2011 at 9:16 PM | პასუხი მოლი ბლუმი
  
  აჰა. ქართული კრებული გქონია. ურიგო თარგმანი ნამდვილად არ იყო.
  
  LikeLike
on ნოემბერი 25, 2011 at 9:19 PM | პასუხი teennewson

კი ქართული, რუსული ჯერ იმ დონეზე არ ვიცი, რომ წიგნები ვიკითხო, სამწუხაროდ… მახსოვს სკოლის ბიბლიოთეკიდან გამოვიტანე…. : )

LikeLike
on ნოემბერი 25, 2011 at 10:53 PM | პასუხი მოლი ბლუმი

ყოჩაღ სკოლის ბიბლიოთეკას. კარგი რაღაცები ჰქონია.

LikeLike
on ნოემბერი 26, 2011 at 1:00 AM | პასუხი neighbourbon

ერთმნიშვნელოვნად სასიამოვნო და კარგი პოსტია! წიგნიც საინტერესო ჩანს.
მგონია, რომ ჯერ მოზრდილი შერლოკი უნდა გაიცნონ:)

LikeLike
- on ნოემბერი 26, 2011 at 11:46 AM | პასუხი მოლი ბლუმი
  
  პრინციპში, მართალი ხარ. მოზარდის პოპულარობას მოზრდილი განაპირობებს. რიგითობაც შესაბამისი უნდა იყოს :)
  
  LikeLike
on ნოემბერი 26, 2011 at 4:30 PM | პასუხი M.K.

აი, ზუსტად ახლა და ამწუთას მინდა მქონდეს ეგ წიგნი… მივაფურთხებდი ხუთივე გამოცდას, იმ კვირაში რომ მელოდება, გავუთევდი ღამეს და წავიკითხავდი…

LikeLike
- on ნოემბერი 26, 2011 at 5:09 PM | პასუხი მოლი ბლუმი
  
  ხუთი გამოცდა რა უბედურებაა, ოსვენციმში ხართ? :(
  
  ამ წიგნისთვის ღამის გათევა არც დაგჭირდება, მარიამ :) ორიოდეს საათიც საკმარისია. და ორი საათის სიამოვნებაც გარანტირებული გაქვს.
  
  LikeLike
on ნოემბერი 26, 2011 at 9:54 PM | პასუხი Nanako Ust

მომენატრე შენი პოსტებიანად ♥

დამაინტერესე ეს წიგნი ძალიან ♥

LikeLike
on ნოემბერი 27, 2011 at 2:42 PM | პასუხი Jessie

კაი რა მოლი კაი რა, ისე დაწერე რომ მომინდა ამ წიგნის წაკითხვა..

ბავშვობაში ვგიჟდებოდი შერლოკ ჰოლმზე, მაგრამ ჩემში მისი გარეგნობა ძველი საბჭოთა ფილმების პერსონაჟთან ასოციირდება, თუმცა ამერიკელებმა რომ გამოუშვეს შერლოკ ჰოლმსი (რობერტ დაუნი), ის სულ სხვანაირი გამოჩნდა და ისიც მომეწონა

აუცილებლად წავიკითხავ ამ წიგნს :))

LikeLike
- on ნოემბერი 27, 2011 at 4:11 PM | პასუხი მოლი ბლუმი
  
  დაუნის ბევრი აქებს, ჯესს, მაგრამ ჩემი მთავარი სიყვარული მაინც ძველი, რუსული ჰოლმსია. სხვათაშორის, ბრიტანული ორდენიც აქვს ლივანოვს და მსოფლიოს საუკეთესო შერლოკ ჰოლმსადაც არის აღიარებული.
  
  LikeLike
  - on ნოემბერი 28, 2011 at 11:18 AM | პასუხი Jessie
    
    არა ეს მსახიობი იმენა ზედგამოჩეკილი (ჰიჰი) იყო ამ როლისთვის….. ვატსონი ძველ ფილმში და ამერიკულშიც ჰგავს ერთმანეთს, მაგრამ ჰოლმსი აბსოლუტურად სხვანაირია… ძველი შერლოკი არის შედევრი.. და რავიცი… ძალიან მაგარია რა :))) მაინც რუსები რომ ირებდნენ ფილმებს ამერიკელებს ამდენი არც შეეძლოთ და არც შეეზლებათ
    
    LikeLike
    - on ნოემბერი 28, 2011 at 12:19 PM მოლი ბლუმი
      
      მე ასე გადაჭრით ვერ ვიტყოდი, ჯესს, ნაგავი რუსებსაც ჰქონდათ (უფრო სწორად, საბჭოთა კინოს) მაგრამ რუსული ჰოლმსი რომ ყველას სჯობია, ამას ჩვენ კი არა, ბრიტანელებიც კი ამბობენ.
      
      LikeLike
    - on ნოემბერი 28, 2011 at 4:10 PM Jessie
      
      true true ;)
      
      LikeLike
    - on ნოემბერი 28, 2011 at 4:15 PM მოლი ბლუმი
      
      sure!
      
      LikeLike
on ნოემბერი 27, 2011 at 11:40 PM | პასუხი kevana

პოსტია მომეწონა. ალბათ ძალიან საბავშვოა… მეც თამარას აზრს ვიზიარებ.

და თუ სწორად მახსოვს, შერლოკო თვად ამბობდა, რომ მისი დედუქციის უნარი გამომუშავებით მიიღო კოლეჯში სწავლის პერიოდში და თუ ვინმე არის ნიჭიერი, ეს მისი ძმა მაიკროფტია ^^

ასეთ გაგრძელებებს ბავშვურობად მივიჩნევ, თუმცა არ ვუარყოფ, თუ კარგი ნაწერია, რატომ უნდა ვკრა ხელი.. ^^

LikeLike
- on ნოემბერი 27, 2011 at 11:43 PM | პასუხი მოლი ბლუმი
  
  წიგნი ნამდვილად საბავშვოა, ამას, ასტრიდისგან განსხვავებით, საკუთარი ასაკი აქვს, მაგრამ საბავშვო და ბავშვურობა ოდნავ სხვადასხვა რაღაცაა. მე ბავშვურობა არ მგონია.
  
  LikeLike
on ნოემბერი 28, 2011 at 3:46 AM | პასუხი fsiQe

სიამოვნებით წავიკითხავ უახლოეს მომავალში :)

LikeLike
- on ნოემბერი 28, 2011 at 10:04 AM | პასუხი მოლი ბლუმი
  
  მერე ორი სიტყვით ისიც მომწერე, თუ მოგეწონა და საერთოდ, რა შთაბეჭდილებები დაგიტოვა.
  
  LikeLike
on ნოემბერი 29, 2011 at 1:37 PM | პასუხი 10 წიგნი « ჭიამაია

[…] გამოიყურებოდეს, მაგალითად “ ახალგაზრდა შერლოკ ჰოლმსმა” გაცილებით წინ გადმოინაცვლოს, […]

LikeLike
on დეკემბერი 6, 2011 at 7:03 PM | პასუხი MisterRomantic

“შერლოკ ჰოლმსი” ჩემი უსაყვარლესთაგანია, იყო და არის :/ ბავშვობისას სულმოუთქმელად ვკითხულობდი ხოლმე :) ახალგაზრდა ჰოლმსზე არ ვიცოდი. ახლა უკვე შენი წყალობით ვიცი მოლი და ხელში როგორ კი ჩამივარდება, წავიკითხავ ;)

LikeLike
- on დეკემბერი 6, 2011 at 7:58 PM | პასუხი მოლი ბლუმი
  
  ჩემი ბავშვობის სიყვარულია :)
  
  LikeLike
on დეკემბერი 12, 2011 at 11:17 AM | პასუხი გვირილა

ჰეჰ, ეს აუცილებლად უნდა წავიკითხო ^_^

LikeLike
on დეკემბერი 18, 2011 at 11:26 AM | პასუხი Mariam Kvitsiani

დამაინტერესა და წავიკითხავ მერე ალბათ : ) მაგრამ სიუჟეტს რომ გადავხედე რაღაც ტომ სოიერი და ჰეკლბერი ფინი გამახსენა ძალიან ^^’

LikeLike
- on დეკემბერი 18, 2011 at 1:17 PM | პასუხი მოლი ბლუმი
  
  არადა, არ ჰგავს :) ან თუ ჰგავს, მხოლოდ გარეგნული ნიშნებით.
  
  LikeLike
on დეკემბერი 19, 2011 at 5:39 PM | პასუხი soffi

ეს წიგნი მეც უნდა ვიყიდოოო (!!!) :) დღესაც დამაინტერესებს დარწმუნებული ვარ :) შერლოკ ჰოლმსს ასაკი არ სჭირდება

LikeLike
- on დეკემბერი 19, 2011 at 5:43 PM | პასუხი მოლი ბლუმი
  
  რა თქმა უნდა, არ აქვს ასაკი. ყველა დიდი სიამოვნებით კითხულობს ჰოლმსს.
  
  LikeLike
on თებერვალი 18, 2012 at 12:32 AM | პასუხი marishcaa

ისე საინტერესოთ აღწერე წიგნის ყიდვა მომინდა,საერთოდ მიყვარს ჰოლმსი

LikeLike
- on თებერვალი 18, 2012 at 12:34 AM | პასუხი მოლი ბლუმი
  
  მადლობა ასეთი სასიამოვნო შეფასებისთვის :) და კეთილი იყოს შენი პირველი კომენტარი მოლი ბლუმის ბლოგზე.
  
  თუ ჰოლმსი გიყვარს, საშენო წიგნი ყოფილა, მარიშა :)
  
  LikeLike
on თებერვალი 18, 2012 at 2:34 PM | პასუხი marishcaa

საერთოდ ძალიან მომწონს შენი ბლოგი:)

LikeLike
- on თებერვალი 18, 2012 at 2:36 PM | პასუხი მოლი ბლუმი
  
  მადლობა :) მე ახლა გავიგე. რომ მსტუმრობ და ძალიან მიხარია :)
  
  LikeLike
on აპრილი 8, 2012 at 11:58 PM | პასუხი takojabauri

არ მომწონდა დეტექტივები მაგრამ აუცილებლად წავიკითხავ აწი !! როცა წიგნების კითხვას ( 5 წიგნიი რომელიც ბიბლიოთეკიდან მაქ წამოღებული) დავასრულებ აუცილებლად ჩაუჯდები

LikeLike
- on აპრილი 8, 2012 at 11:59 PM | პასუხი მოლი ბლუმი
  
  არ ინანებ :)
  
  და ის ხუთი წიგნი რომლებია?
  
  LikeLike
  - on აპრილი 9, 2012 at 12:04 AM | პასუხი takojabauri
    
    1.80000 კილომეტრი წყალქვეშ
    2. კლდის პირზე ჭვავის ყანაში
    3. ჰარი პოტერი და სიკვდილის საჩუქრები (მეორედ ვკითხულობ)
    4. პეპიგრძელი წინდა ( მეორედ )
    5. ილია ჭავჭავაძე ( კაცია ადამიანი )
    6. ჰარი პოტერი და ფილოსოფიური ქვა სახლში მაქ და ემასაც ვკითხულობ მეორედ
    
    LikeLike
on აპრილი 9, 2012 at 12:22 AM | პასუხი takojabauri

1. 80000 კილომეტრი წყალქვეშ
2. კლდის პირზე ჭვავის ყანაში
3. პეპი გრძელი წინდა
4. პოტერი და სიკვდილსი საჩუქრები (მეორედ)
5. ილია ჭავჭავაძე კადია–ადამიანი?!
6 ფილოსოფიური ქვა პოტერის ეს მაქ სახლში და კიდე ვკითხულობ წინა 5 კი სკოლის ბიბლიოთეკიდანაა :))

LikeLike
on ივნისი 9, 2012 at 11:26 PM | პასუხი ...Eto...

ძაან მიყვარს წიგნების კითხვა მაგრამ სულ მიჩირდა აქამდე არჩევა, ეს საიტი შემთხვევით აღმოვაჩინე და ამიერიდან არც მოვშორდები იმედია ჩემი წასაკითხი წიგნების სიაც თქვენივით გაიზრდება იმიტო რო ახლა წიგნების რაოდენობა 0_ია. ამ წიგნმაც ძაან დამაინტერესა გაზრდილ შერლოკ ჰოლმსს უკვე ვიცნობ ამასაც წავიკითავ და იმედია მომეწონება. მოცულობით რამხელააა? იმედია დიდ ხანს მეყოფა. მადლობა მოლიიიი :

LikeLike
- on ივნისი 9, 2012 at 11:32 PM | პასუხი მოლი ბლუმი
  
  ძალიან კარგი :) აქ ახალ (და არა მხოლოდ ახალ) წიგნებზე დაწერილი პოსტები ყოველთვის ბევრი იქნება… შენ აარჩიე ხოლმე :) არც ისე თხელია “ახალგაზრდა შერლოკ ჰოლმსი” კარგა ხანს გეყოფა, ეთო.
  
  LikeLike
on მარტი 25, 2013 at 12:03 AM | პასუხი მოლის საბავშვო ბიბლიოთეკა | Molly Bloom's Day™

[…] ბიბლიოთეკის ტომები, “ახალგაზრდა შერლოკ ჰოლმსი“, “ქურდების […]

LikeLike
on ივლისი 14, 2016 at 9:51 AM | პასუხი გიო კილაძე

უდავოდ კარგი წიგნია. ღამე გავათენე. ნუ მთლად ვერა. ჩამეზინა და წიგნი დილით იატაკზე ვიპოვე. ბავშვობის მერე მსგავსი არ დამმართია. ჩანაწერებიც გავაკეთე. მომავალ წიგნში მივუჩენ სათანადო ადგილს. ახლა სამსახურში ვარ. რამდენიმე წამის წინ თვალებდახუწული გულში ენდრიუ ლეინის სიტყვებს თიტქმის ასპროცენტიანი სიზუსტით ვიმეორებდი:

“დამახასიათებელი ჟესტებით მიხვდები, ადამიანი ტყუის თუ არა. სიცრუის თქმა ძნელიაა, რადგან ერტსა და იმავე დროს ორ რამეზე უნდა იფიქრო: სიმართლეზე, რომელიც საიდუმლოდ უნდა შეინახო, და ტყუილზე, რომლის თქმასაც ცდილობ. ეს სიმართლე” – უამრავი ასეთია “სიკვდილის ღრუბელსი” და მე, მაინც, ამ სიტყვებს ვიმეორებდი… კარგი გაგრძელება აქვს ზემორე თქმულს. სიზუსტე ატპროცენტიან ზღვარს ვერ ასცდება. ამიტომ აქ არარ ვწერ…

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე
	Molly Bloom's Day კომენტარი ერასტ ფანდორინის ბოლო საქ… ჩანაწერზე
	Molly Bloom's Day კომენტარი პირველი წიგნი ჩანაწერზე

Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 908 other followers
Blog Stats
- 1,175,778 hits

ნოემბერი 2011
ო	ს	ო	ხ	პ	კ	კ
« ოქტ				დეკ »
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Molly Bloom's Day™

ასტრიდ ლინდგრენი – 111

ახალგაზრდა შერლოკ ჰოლმსი

გააზიარე:

Like this:

Related

87 Responses

კომენტარის დატოვება კომენტარის გაუქმება

Top posts and pages

Follow Us

ბოლო კომენტარები

Tag Cloud

კატეგორიები

არქივი

Follow Blog via Email

Blog Stats

კომენტარის დატოვება