Posted in ჯეოპარდი, tagged ბლოგერი, ბლოგი, ბლოგოსფერო, სოციალური მედია, ქართული ბლოგოსფერო, ჯეოპარდი on ნოემბერი 30, 2011| 101 Comments »
დღეს მოლი ბლუმი კიდევ ერთხელ გთავაზობთ, ქართული ბლოგოსფეროს ახალბედა თუ ვეტერანი სახეების გამოცნობაში სცადოთ ბედი. ეს ამ თემაზე შედგენილი უკანასკნელი პაკეტია, თუმცა, იმედი მაქვს, ოდესმე, როცა მშობლიური ონლაინ სივრცეც გაფართოვდება და ჩემი ინტერესების სფეროც, ამგვარ კითხვებზე თამაშის საშუალება ისევ გვექნება.
Good luck!
Posted in არტი, ფოტოგრაფია, tagged დალას ტაიმს-ჰერალდი, დალასი, ლი ჰარვი ოსვალდი, პარკლენდის საავადმყოფო, პულიტცერის პრემია, რობერტ ჯექსონი, ჯერ რუბი, ჯონ კენედი, FBI, XX საუკუნის ფოტოისტორია on ნოემბერი 28, 2011| 68 Comments »
1963 წლის 24 ნოემბრის სუსხიანი დილა… გაოგნებული მსოფლიო ტელეეკრანებს არის მიჯაჭვული. მეორე დღეა, ყველა საინფორმაციო გამოშვება ერთი ამბით იწყება: დალასში პრეზიდენტ კენედის ესროლეს. მძიმედ დაჭრილ ჯეი. ეფ. კეი-ს პარკლენდის საავადმყოფოს ექიმებმა ვერაფრით უშველეს.
ორი წლის წინ, ხელისუფლებაში, საყოველთაო მხარდაჭერით მოსულ ახალგაზრდა დემოკრატს, მომხრეებთან ერთად, მოწინააღმდეგეც ბევრი ჰყავს, მმართველი გუნდის კურსი ბევრს აღარ მოსწონს, და მაინც, ასეთ შემზარავ ფინალს არავინ ელოდა – ამერიკაში პრეზიდენტი შორეული 1901 წლის შემდეგ არ მოუკლავთ.
პოლიციამ მკვლელი ცხელ კვალზე დააკავა. გაზეთები დღემდე ყველასთვის უცნობი ახალგაზრდა, ფერმკრთალი მამაკაცის ფოტოებით და მისი ბიოგრაფიის დეტალებითაა აჭრელებული: 24 წლის ნიუ-ორლეანელ ლი ჰარვი ოსვალდს, ერთხანს, საბჭოთა კავშირშიც უცხოვრია, რუსი ცოლი ჰყავს, თავად კი მარქსისტი და ფიდელ კასტროს გულმხურვალე თაყვანისმცემელია.
Posted in მოლის ბიბლიოთეკა, tagged არტურ კონან დოილი, ბაკურ სულაკაურის გამომცემლობა, დეტექტივი, ენდრიუ ლეინი, ვირჯინია კროუვი, თანამედროვე ევროპული ლიტერატურა, კერძო დეტექტივი, კერძო მაძებარი, კლასიკური დეტექტივი, მაიკროფტ ჰოლმსი, მეთიუ არნეტი, მოლის ბიბლიოთეკა, პროზა, სიკვდილის ღრუბელი, ქართული თარგმანი, შერინფორდ ჰოლმსი, შერლოკ ჰოლმსი, ჰოლმს-მენორი on ნოემბერი 25, 2011| 87 Comments »
იმედი მაქვს, ჩემს მკითხველს არ დავიწყებია, რომ მოლი ბლუმი დეტექტივების დიდი მოყვარული გახლავთ. ჰოდა, არც ის გაგიკვირდებათ, თუ ვიტყვი, რომ “შერლოკ ჰოლმსის თავგადასავალი” ადრეულ ასაკშივე ლამის ზეპირად ვისწავლე. არადა, მთავარი გმირის ბავშვობაზე ფიქრი ერთხელაც არ მომსვლია თავში. მგონი, გულწრფელად მჯეროდა, რომ განთქმული მაძებარი თავზე უჯრულა კეპით, ხელში ლუპით, პირში ჩიბუხით და, რაც მთავარია, დედუქციის უბადლო ნიჭით დაჯილდოვებული დაიბადა.
როგორ ჩანს, ბრიტანელი მწერალი ენდრიუ ლეინი მიხვდა, რომ არტურ კონან დოილს მრავლად მოეძებნებოდა ჩემსავით გულუბრყვილო მკითხველი და გადაწყვიტა, ჩვენთვის ილუზიები გაეფანტა. ასე მოევლინა ლიტერატურულ სამყაროს სერია “ახალგაზრდა შერლოკ ჰოლმსი”, რომლის პირველი წიგნი – “სიკვდილის ღრუბელი” სულ რამდენიმე დღის წინ ჩამივარდა ხელში.
Posted in ჯეოპარდი, tagged ბლოგერი, ბლოგი, ბლოგოსფერო, სოციალური მედია, ქართული ბლოგოსფერო, ჯეოპარდი on ნოემბერი 23, 2011| 114 Comments »
ჯეოპარდის გასული ტური, რომელიც ქართული ბლოგოსფეროს ეძღვნებოდა, ჩემდა გასახარად, ფრიად წარმატებული გამოდგა. თუმცა, ამ თემაზე მორიგი პაკეტის შედგენის მიზეზი მარტო ეს არ გახლავთ – საქმე იმაშია, რომ 15 კითხვა მეტისმეტად ცოტა აღმოჩნდა და ჩემთვის საინტერესო ბლოგების ნახევარიც ვერ დაიტია. ამიტომ გადავწყვიტე, ეს ოთხშაბათიც ვირტუალური დღიურების ქართველი მოყვარულებისათვის დამეთმო. კითხვებს მიღმა მათი ამოცნობა კი თქვენთვის მომინდვია,
Good luck!
Posted in ვერანდა, tagged ბალზაკი, ენდრიუ ლოიდი, ვერანდა, ვისკი, ვოლტერი, კალდი, კაპუჩინო, კრუასანი, ლუდოვიკო XIV, ლუდოვიკო XV, ლუნგო ფორტე, მუჰამედ IV, სიგარეტი, სულეიმან ალი, ტალეირანი, ყავა, ყავახანა, ჯეზვე, Coffee Room, Dunhill, Irish coffee on ნოემბერი 21, 2011| 110 Comments »
ნოემბრისთვის უჩვეულოდ მზიანი შაბათია. ვზივარ “Coffee Room”-ში, გვერდით სურნელოვანი “ლუნგო ფორტეს” ჭიქა მიდგას და მეგობარს ველოდები. აუჩქარებლად ვაგემოვნებ არომატულ სითხეს და ვფიქრობ, რომ დროა კარგა ხნის წინანდელი განზრახული განვახორციელო – ჩემი მკითხველები ვერანდაზე დავპატიჟო და ფინჯან ყავასთან ერთად საინტერესო ამბებითაც გავუმასპინძლდე.
ამქვეყნად ლეგენდა ყველაფერს გააჩნია და არც ყავაა გამონაკლისი. გაგიკვირდებათ და ამ არისტოკრატული სასმელის აღმოჩენას კაცობრიობა ეთიოპიელ მწყემს კალდის და მის მსუნაგ თხებს უნდა უმადლოდეს. ცნობისმოყვარე ბეკეკებს ჯერ მწვანე ბალახით უჯერებიათ გული, მერე კი უცნობ ხეს მისდგომიან და მოწითალო ნაყოფით ჩაუკოკლოზინებიათ ყელი. ცოტა ხანში, გაოცებული პატრონის თვალწინ ისეთი კუნტრუში გაუმართავთ, რომ კალდი საგონებელში ჩავარდნილა და რჩევისთვის ადგილობრივი მონასტრის წინამძღვართან გაქცეულა.
თხებზე ნაკლებად ცნობისმოყვარე არც ბერები გამომდგარან – უცნაური მცენარის ფოთლებისა და ნაყოფებისგან ნაყენი დაუმზადებიათ…
Posted in არტი, კინოდარბაზი, tagged არტი, ბენიტო მუსოლინი, დუჩე, ვენეციის კინოფესტივალი, კანი, კანის კინოფესტივალი, კინოისტორია, კინოპოსტერი, კინოფესტივალი, ლენი რიფენშტალი, ლუი ლუმიერი, მაგნიტური სუვენირები, მეორე მსოფლიო ომი, მფრინავი ლუჩანო სერა, ოლიმპია, ოსკარი, ჟან ეზიე, ძმები ლუმიერები, Coppa Mussolini on ნოემბერი 18, 2011| 39 Comments »
მოლი ბლუმის ბლოგის ერთგულ მკითხველს, ალბათ, ახსოვს ჩემი მაგნიტური კოლექცია. რვა დაფაზე განაწილებულ ლითონის, ხის და პლასტიკის ფიგურებს შორის ზოგი უბრალოდ ლამაზია, ზოგი – განსაკუთრებული ადამიანის საჩუქარია, ზოგი კი ისეთ ისტორიას ჰყვება, იოტისოდენადაც არ შეგრცხვება, პოსტად აქციო და გამოაქვეყნო.
ჩემმა მეგობარმა ნინომ წლევანდელი საზაფხულო შვებულების ნაწილი საფრანგეთში გაატარა. ცხადია, ვოიაჟს ლაჟვარდოვანი სანაპიროს გარეშე არ ჩაუვლია – კანსაც ესტუმრა და ხელს, საგანგებოდ ჩემთვის, სახელგანთქმული კინოფესტივალის აფიშით დამშვენებული მაგნიტიც გამოაყოლა. საჩუქარი, თავისთავად, მშვენიერი იყო – ძველი კინოპოსტერები ჩემი სისუსტეა. მიუხედავად ამისა, ალბათ, ძალიან კარგ, მაგრამ მაინც რიგით ექსპონატად ჩავთვლიდი, ერთი მცირე დეტალი რომ არა.
აფიშა კანის 1939 წლის ფესტივალისაა – იმ ფესტივალის, რომელიც არ ჩატარებულა.
Posted in ჯეოპარდი, tagged ბლოგერი, ბლოგი, ბლოგოსფერო, ჯეოპარდი on ნოემბერი 16, 2011| 136 Comments »
დღეს ტრადიციული ოთხშაბათია, მაგრამ მოლი ბლუმი, ცოტა არ იყოს, არატრადიციული პაკეტით გმასპინძლობთ – გადავწყვიტე, ჯეოპარდის ეს ტური იმ ადამიანებისთვის მიმეძღვნა, ვის სამფლობელოშიც ყველაზე მეტად მიმიხარია ხოლმე – ზუსტად ვიცი, გემრიელი სასუსნავი დამხვდება, ზოგი ჩამაფიქრებს, ზოგი კი გამამხიარულებს. ვფიქრობ, ჩემს მკითხველებს არ გაუჭირდებათ ყველასთვის საყვარელი ბლოგერების ამოცნობა. მაშ, მოდით, ერთად ვიხალისოთ,
Good luck!
კარლსონი ფეისბუქზე
 | Sofiko sordia კომენტარი მულტფილმები, რომლებსაც ვკითხულ… ჩანაწერზე |
| Sofiko sordia კომენტარი მულტფილმები, რომლებსაც ვკითხულ… ჩანაწერზე |
 | Molly Bloom's Day კომენტარი ერასტ ფანდორინის ბოლო საქ… ჩანაწერზე |
| Molly Bloom's Day კომენტარი პირველი წიგნი ჩანაწერზე |
| Molly Bloom's Day კომენტარი “დილაა” თუ მისტერ… ჩანაწერზე |
| Molly Bloom's Day კომენტარი “დაწყებული მაქვს და ვერ… ჩანაწერზე |
| Molly Bloom's Day კომენტარი როგორ გახსოვთ “პეპი გრძე… ჩანაწერზე |
| Molly Bloom's Day კომენტარი პეპი თუ პიპი? პუჰი თუ ფუუ… ჩანაწერზე |
 | martmoris კომენტარი პეპი თუ პიპი? პუჰი თუ ფუუ… ჩანაწერზე |
 | Lord Vader კომენტარი ერასტ ფანდორინის ბოლო საქ… ჩანაწერზე |
