შოკოლადი

ოქტომბერი 17, 2011 ავტორი Molly Bloom's Day

1519 წელს სახელგანთქმულმა კონკისტადორმა ერნან კორტესმა მექსიკის დედაქალაქი ტენოჩტიტლანი დაიპყრო და იმპერატორ მონტესუმას სასახლის საწყობებში კაკაოს გამხმარი მარცვლების უზარმაზარი მარაგი აღმოაჩინა.

არავინ იცის, ვინ გაანდო თავზეხელაღებულ დამპყრობელს ამ მარცვლებისაგან ჯადოსნური სასმელის დამზადების რეცეპტი… შესაძლოა, თავად აცტეკთა დატყვევებულმა იმპერატორმა, თავისუფლების მოპოვების იმედით… ისტორია ამის შესახებ არაფერს ამბობს, მაგრამ მე რატომღაც მგონია, რომ ღვთაებრივ სასმელს ერნან კორტესს მშვენიერი მექსიკელი თარჯიმანი მალინჩე უმზადებდა, რომელიც უცხოტომელი დამპყრობლის სიყვარულმა ისე დააბრმავა, რომ მისი მსტოვრობა იკისრა და სარეცელი გაიზიარა.

ალბათ, საღამოობით, მონტესუმას დიდებული სასახლის ვრცელ დარბაზებში მონებივრე კორტესს მალინჩე უამბობდა ლეგენდას მებაღე კვეცალკოატლზე, რომელიც ღმერთებმა ულამაზესი ბაღების გაშენების უნარით დააჯილდოვეს… უამბობდა, როგორ გამოზარდა კვეცალკოატლმა პატარა, უშნო ხე და როგორ დაამზადა მისგან მწარე და არომატული სასმელი, რომელიც ადამიანს სევდას უქარვებდა და დაღლილობას ერთი ხელის მოსმით უფანტავდა…

ჰყვებოდა ამ ლამაზ ზღაპარს მალინჩე, თან კაკაოს მშრალ მარცვლებს ჭყინტ სიმინდთან ერთად ნაყავდა, თაფლით, ვანილით და აგავას წვენით აზავებდა და მიართმევდა სატრფოს, რომლის გამო მან სამშობლოს უღალატა და რომელმაც მცირე ხანში მისი არსებობაც კი დაივიწყა…

სამშობლოში დაბრუნებულმა კორტესმა შოკოლადის რეცეპტი და კაკოს მარცვლები მეფის კარზე ჩაიტანა. ნუგბარის მოყვარულმა ესპანელმა დიდებულებმა სწრაფად მოისაზრეს, რომ შაქრის ლერწამი და მუსკატის კაკალი ეგზოტიკურ სასმელს სიტკბოსაც შესძენდა და არომატსაც. ასე დაიწყო შოკოლადის ტრიუმფი ევროპაში.

სანამ არისტოკრატები უჩვეულო სასუსნავით იკოკლოზინებდნენ ყელს, კათოლიკური ეკლესია საგონებელში ჩავარდა – ვერაფრით ვერ გადაწყვიტეს, სამარხვო ტკბილეულის სიაში უნდა შეეტანათ შოკოლადი თუ არა. კარგა ხანს იმტვრიეს თავი და ბოლოს ვატიკანში საგანგებო ელჩი გააგზავნეს, რათა გადაწყვეტილების მიღება თავად რომის პაპისთვის მიენდოთ.

მორწმუნეთა საბედნიეროდ, პიუს მეხუთეს შოკოლადი არ მოეწონა და დაასკვნა – ასეთი საძაგლობა სიამოვნებას ვერავის მოუტანს, ამიტომ მარხვის დროს მისი ჭამა დასაშვებიაო…

ამ საკითხთან დაკავშირებით პაპზე უფრო კათოლიკე გამოდგა პატარა მექსიკური ქალაქის – ჩიაპა რეალის ეპისკოპოსი, რომელსაც არ მოეწონა, რომ მისი მრევლის ქალბატონები ქადაგების დროს ცხელ შოკოლადს მიირთმევდნენ და ამკრძალავი ვერდიქტი გამოსცა. აღშფოთებულმა ქალებმა ეპისკოპოსს მოწამლული შოკოლადი მიართვეს და ასე იძიეს შური, სამაგიეროდ, გაჩნდა გამოთქმა – “ნუ ენდობი შოკოლადს ჩიაპადან!“

ამბობენ, შოკოლადი ბედნიერების ჰორმონის – ენდორფინის – გამომუშავებას უწყობს ხელსო. ბედნიერების, ეიფორიის და ექსტაზის რა მოგახსენოთ, მაგრამ ბელგიური ან შვეიცარიული ნუგბარის მოზრდილი ნატეხი განწყობას რომ მიუმჯობესებს, ამისთვის საექიმო დასკვნა სულაც არ მჭირდება. ამიტომაც, ჩემი საწერი მაგიდის უჯრაში ხან რძიან შოკოლადს წააწყდებით, ხარ მწარეს, ხან თხილიანს და ხანაც ქიმშიშიანს…

და მერე რა, რომ ჩემი საყვარელი სასუსნავი კალორიების ნამდვილი თაიგულია… დიეტაზე მყოფიც ვეპარები ხოლმე ჩუმჩუმად და სინდისს პატრიკ სკიტ კეტლინგის სიტყვებით ვიმშვიდებ: “შოკოლადი შოკოლადია, ყველა დანარჩენი კი, უბრალოდ, საჭმელი”.

Posted in ვერანდა | Tagged ბელგიური შოკოლადი, ერნან კორტესი, ვერანდა, კაკაო, კვეცალკოატლი, მალინჩე, მონტესუმა, პატრიკ სკიტ კეტლინგი, პიუს მეხუთე, შოკოლადი, ჩიაპა რეალი, ცხელი შოკოლადი | 108 Comments

108 Responses

on ოქტომბერი 17, 2011 at 12:06 AM | პასუხი Kind Weaverson

cudad var!!!!

LikeLike
- on ოქტომბერი 17, 2011 at 12:07 AM | პასუხი მოლი ბლუმი
  
  მაგას კარლსონის წამალი შველის :)
  
  LikeLike
on ოქტომბერი 17, 2011 at 12:08 AM | პასუხი krosk

შოკოლადი <3

LikeLike
on ოქტომბერი 17, 2011 at 12:08 AM | პასუხი გრაფინია

რა დაგიშავე, მოლი? :დ

LikeLike
- on ოქტომბერი 17, 2011 at 12:19 AM | პასუხი მოლი ბლუმი
  
  მე მაპატიეთ…. თუმცა, შუაღამის სასუსნავს სხვა ეშხი აქვსო, გამიგია :)
  
  LikeLike
on ოქტომბერი 17, 2011 at 12:10 AM | პასუხი glamtaia

მმმმ, შოკოლადი. კალორიების თაიგული კი არა ფეიერვერკია, მაგრამ ჭკუას ვკარგავ ამ საოცრებისთვის :) :) :) პოსტი საშინლად მომეწონა :) :) :) უი, სხვათა შორის შოკოს მოყვარულები გულღია და თბილი ხალხია და დეპრესია არ ემუქრებათ. ასე რომ ჭამეთ ეს ნუგბარი და იყავით არადეპრესიულები ( და პუტკუნების :) )

LikeLike
- on ოქტომბერი 17, 2011 at 12:20 AM | პასუხი მოლი ბლუმი
  
  დეპრესია ჩვენგან შორს :) რა უნდა ამ ფერად ბლოგზე დეპრესიას?
  
  LikeLike
on ოქტომბერი 17, 2011 at 12:15 AM | პასუხი Hirmine

მწარე შოკოლადი <3

LikeLike
- on ოქტომბერი 17, 2011 at 12:19 AM | პასუხი მოლი ბლუმი
  
  მწარეც :)
  
  და ველქამ!
  
  LikeLike
on ოქტომბერი 17, 2011 at 12:21 AM | პასუხი ჩორვენი

შოკოლადი მიყვარს ყველა მდგომარეობაში – ცხლად , ცივად, მყარ და თხევად მდგომარეობაში. შეფუთული თუ სრულიად შიშველი ♥ მოკლედ სასწაულია რა

LikeLike
- on ოქტომბერი 17, 2011 at 12:22 AM | პასუხი მოლი ბლუმი
  
  შოკოლადი ისედაც პიკანტურია და აფროდიზიაკი და შიშველი შოკოლადი რა იქნება…
  
  LikeLike
on ოქტომბერი 17, 2011 at 12:21 AM | პასუხი »♥» ana «♥«

ვაიმე,უბრალოდ შოკოლადი!.. <3<3
:) საზიზღრად მიყვარს არა.. ვგიჟდები. :)

LikeLike
- on ოქტომბერი 17, 2011 at 12:23 AM | პასუხი მოლი ბლუმი
  
  მეც :) თან ძალიან ძალიან :)
  
  LikeLike
on ოქტომბერი 17, 2011 at 12:22 AM | პასუხი tamara

ააააა:):):) რამდენს ვანადგურებ, რომ იცოდეთ, რამდენს :)

ეჰ, მარინა, მარინა (მალინჩე, მალინალი და რა ვიცი, რა ერქვა კიდევ)… ამ ქალის გახსენება ცუდ ხასიათზე მაყენებს, მართლაცდა, ყველაფერს რომ შესწირავ ადამიანს და სამაგიეროდ რა? არც არაფერი…

LikeLike
- on ოქტომბერი 17, 2011 at 12:26 AM | პასუხი მოლი ბლუმი
  
  მაგას ცალკე პოსტი დასჭირდება, თამარა…
  
  რაც მეტს გაანადგურებ, მით უკეთესი.
  
  LikeLike
on ოქტომბერი 17, 2011 at 12:22 AM | პასუხი fsiQe

ყველაფერზე შემიძლია ვთქვა უარი.
მაგრამ რა თქმა უნდა შოკოლადი ყველაფერი არ არის
უფრო სწორად შოკოლადი ყველაფერია )

LikeLike
- on ოქტომბერი 17, 2011 at 12:25 AM | პასუხი მოლი ბლუმი
  
  შოკოლადი ყველაფრის მიღმა დგას. შოკოლადი, ყავა და სიგარეტი. (ვაკეში არ ვცხოვრობ)
  
  LikeLike
  - on ოქტომბერი 17, 2011 at 12:31 AM | პასუხი fsiQe
    
    შოკოლადი, ყავა და სიგარეტი!
    (ვაკეში არც მე ვცხოვრობ) :დ
    
    LikeLike
    - on ოქტომბერი 17, 2011 at 12:35 AM მოლი ბლუმი
      
      რა უნდა მოხდეს, რომელიმე ამოვარდეს… ჯერ ვერ წარმომიდგენია. თეორიულადაც კი.
      
      LikeLike
    - on ოქტომბერი 17, 2011 at 12:47 AM fsiQe
      
      წმინდა სამებაა
      
      LikeLike
    - on ოქტომბერი 17, 2011 at 12:52 AM მოლი ბლუმი
      
      ენაზე მადგა და არ ვთქვი.
      
      LikeLike
    - on ოქტომბერი 17, 2011 at 2:13 PM Lord Vader
      
      შოკოლადი. გინესი და პიცა.
      
      LikeLike
    - on ოქტომბერი 17, 2011 at 2:16 PM მოლი ბლუმი
      
      ვისკი, სტეიკი და ხაჭაპური.
      
      LikeLike
    - on ოქტომბერი 17, 2011 at 2:29 PM Lord Vader
      
      ეგრე ხომ ოთხია :)
      თორემ სტეიკი მეც მიყვარს.
      
      LikeLike
    - on ოქტომბერი 17, 2011 at 2:49 PM მოლი ბლუმი
      
      მასე მეც მიყვარს პიცა. და ჩემთანაც ოთხი გამოვა. ხუთიც. ლუდს არ ვსვამ, თორემ…
      
      LikeLike
on ოქტომბერი 17, 2011 at 12:23 AM | პასუხი neighbourbon

წარმოუდგენლად საინტერესო იყო! (: დამოკიდებულება აქვსო შოკოლადს, რაღაცას ამის მსგავსს ამბობდა ერთი. თუ გაგისინჯავს, სულ გინდაო. თქვენ თუ გითქვამთ უმიზეზო უარი მასზე? (:

LikeLike
- on ოქტომბერი 17, 2011 at 12:25 AM | პასუხი მოლი ბლუმი
  
  ვეფხვის და სისხლის ისტორიაა?
  
  უმიზეზოდ კი არა, მიზეზით არ ვამბობ უარს :) არაფრის დიდებით.
  
  LikeLike
  - on ოქტომბერი 17, 2011 at 12:31 AM | პასუხი neighbourbon
    
    მიახლოებით (:
    ჯერ ვერ ვიპოვე ვინმე, იმ ჩემი ნაცნობის მტკიცებას აბათილებდეს თავისი დამოუკიდებლობით :)
    
    LikeLike
    - on ოქტომბერი 17, 2011 at 12:33 AM მოლი ბლუმი
      
      ვინმე იქნება, ოღონდ ისეთი გამონაკლისი, წესს რომ ადასტურებს.
      
      LikeLike
on ოქტომბერი 17, 2011 at 12:49 AM | პასუხი ✿ Daisy ✿

მმმმ… <3 აი, ახლა გამახსენდა 3 საათიანი მეცადინეობის შემდეგ მე და ჩემი მეგობარი მაღაზიაში რომ შევდივართ და ერთ ფილა შოკოლადს ვყიდულობთ… ვერაფერს იტყვი, გონებას ნამდვილად აცოცხლებს :)

თან რატომღაც შოკოლადი მერომანტიკულება :D

LikeLike
- on ოქტომბერი 17, 2011 at 12:52 AM | პასუხი მოლი ბლუმი
  
  რომანტიულიც არის და პიკანტურიც, დეიზი :)
  
  LikeLike
on ოქტომბერი 17, 2011 at 1:44 AM | პასუხი faifuris angelozi

რამდენჯერ გავსულვარ ღამით ამოწურული მარაგის შესავსებად.მწარე შოკოლადს იშივიათად ვჭამ და დანარჩენი იცოცხლე.წავედი ჩEმი შოკოლადის ფილა ჩავამთავრო)))

LikeLike
- on ოქტომბერი 17, 2011 at 1:45 AM | პასუხი მოლი ბლუმი
  
  ფილა მოიკითხე და ბოდიში მოუხადე, ამ პოსტს თუ შეეწირა :)
  
  LikeLike
  - on ოქტომბერი 17, 2011 at 2:05 AM | პასუხი faifuris angelozi
    
    )))მაინც განწირული იყო.ვიზოგავ ხოლმე რომ სიამოვნება გავიხანგრძლივო.
    
    LikeLike
    - on ოქტომბერი 17, 2011 at 2:06 AM მოლი ბლუმი
      
      თავი იმით დაიმშვიდოს, რომ მართალ საქმეს შეეწირა…
      
      LikeLike
on ოქტომბერი 17, 2011 at 1:54 AM | პასუხი MrsMarch

ყველაზე ტკბილი:) სათაურმა მიმიზიდა. :)

LikeLike
- on ოქტომბერი 17, 2011 at 1:57 AM | პასუხი მოლი ბლუმი
  
  სკრომნო ი კატეგორიჩნო.
  
  ყველაზე ტკბილიც, ყველაზე მწარეც, ყველაზე რძიანიც და ყველაზე თხილიან-ქიშმიშიანიც :)
  
  LikeLike
on ოქტომბერი 17, 2011 at 8:33 AM | პასუხი agatako

მმმ რა ტკბილი პოსტია, როგორ მომეწონა ლეგენდა <3
მშრალ ფაქტებს ალამაზებ მოლ ))
მე არ ვარ დიდი შოკოლადომანი, მაგრამ ხანდახან სული წამძლევს ხოლმე

LikeLike
- on ოქტომბერი 17, 2011 at 9:42 AM | პასუხი მოლი ბლუმი
  
  შოკოლადი მასაც უყვარს, ვინც ფიქრობს, რომ არ უყვარსო (ც) ლორდ ვეიდერი.
  
  ლეგენდა მართლა ლამაზია :)
  
  LikeLike
on ოქტომბერი 17, 2011 at 9:08 AM | პასუხი მერი პოპინსი

მოლი, ერთკვირიანი, მკაცრი დიეტის შემდეგ მივდივარ შოკოლადიანი ყავის დასალევად და სულ შენი ბრალია :)

LikeLike
- on ოქტომბერი 17, 2011 at 9:41 AM | პასუხი მოლი ბლუმი
  
  მე დამაბრალე, მერი :) საკუთარ თავზე ვიღებ :)
  
  LikeLike
on ოქტომბერი 17, 2011 at 10:17 AM | პასუხი finiki

რა გემრიელი პოსტია :) ახლა ჩემ განწყობას აშკარად ესაჭიროება შოკოლადი, კითხვის პროცესში ცხელი შოკოლადის სუნიც კი ვიგრძენი :)

LikeLike
- on ოქტომბერი 17, 2011 at 11:42 AM | პასუხი მოლი ბლუმი
  
  პოსტის მისია შესრულებულა მაშინ, ფინიკი :)
  
  LikeLike
on ოქტომბერი 17, 2011 at 10:18 AM | პასუხი Jessie

შოკოლადიიიიი <3 <3 ძლიან მიყვარს… აი დიეტის დროსაც არ შემიძლია ცოტა მაინც არ ვჭამო.მაგრამ დიდი რაოდენობითაც ვერ ვჭამ შოკოლადს და ზოგადად ტკბილეულობას, მერე რატომღაც სუნთქვა მეკვრება.. :((

ეჰ….

რა ტკბილი პოსტიააააააა ააა.. ყოჩაღ მოლი ^_^

LikeLike
- on ოქტომბერი 17, 2011 at 11:43 AM | პასუხი მოლი ბლუმი
  
  მოლი ბლუმის ბლოგის ყველაზე ტკბილი პოსტი :)
  
  შოკოლადზე დიეტა არ მოქმედებს და აკრძალვები არ ვრცელდება :( სამწუხაროდ :(
  
  LikeLike
on ოქტომბერი 17, 2011 at 10:59 AM | პასუხი batonix

სისხლის მიმოქცევისათვის კარგია შოკოლადი. ; )

LikeLike
- on ოქტომბერი 17, 2011 at 11:39 AM | პასუხი მოლი ბლუმი
  
  და არა მხოლოდ სისხლის მიმოქცევისთვის…
  
  LikeLike
on ოქტომბერი 17, 2011 at 11:22 AM | პასუხი Chiamaria

ვაიმე… ადამიანი არსებობს ვისაც არ უყვარს შოკოლადი???
შოკომანიაკები ხომ გაგიგიათ? გამიცანით თუ არ მიცნობდით აქამდე :)

LikeLike
- on ოქტომბერი 17, 2011 at 11:40 AM | პასუხი მოლი ბლუმი
  
  სადღაც არსებობს ალბათ, მაგრამ მე არ შემხვედრია :)
  
  გამოვიცანი :)
  
  LikeLike
on ოქტომბერი 17, 2011 at 11:34 AM | პასუხი მერი პოპინსი

არაჩვეულებრივი შოკოლადიანი ნუგა მივსუსნე :) მართალია, დიეტა დავარღვიე, მაგრამ საშინლად კმაყოფილი ვარ :) პოსტმა ისე მომანდომა, რომ ცდუნებას ვერ გავუძელი…

LikeLike
- on ოქტომბერი 17, 2011 at 11:41 AM | პასუხი მოლი ბლუმი
  
  ნუგა მინდა :( ჩემი ბავშვობის ნუგა :(
  
  LikeLike
  - on ოქტომბერი 18, 2011 at 7:47 PM | პასუხი faifuris angelozi
    
    ნუგას მე ეხლაც გემრიელად მივირთმევ და გრილიაჟს,ის გემო არ აქვს მაგრამ “ტკბილი ქვეყნის” მაინც გემრიელია. თუ იყიდი ნუგა აუცილებლად გრძელ პარკებში რომ არის შეფუთული ის იყიდე,ეგ უფრო გემრიელია.
    
    LikeLike
    - on ოქტომბერი 18, 2011 at 8:16 PM მოლი ბლუმი
      
      ნუგა არ შემხვედრია და გრილიაჟი, იცოცხლე, მიყვარს… გავითვალისწინებ.
      
      LikeLike
on ოქტომბერი 17, 2011 at 12:43 PM | პასუხი Lord Vader

რა იმფორმატიული პოსტია :)
პიუსა მაგარი კაცი ყოფილა. მაგას აშკარად დაევასა შოკოლადი და ახლა პრიჩინა მონახა – არ ვარგაო, რომ არ აეკრძალა.

LikeLike
- on ოქტომბერი 17, 2011 at 12:46 PM | პასუხი მოლი ბლუმი
  
  რომის პაპებს რას გაუგებ, ლორდ…
  
  LikeLike
on ოქტომბერი 17, 2011 at 1:41 PM | პასუხი როდე

რამდენი რამე გავიგე!
ყველაზე ტკბილი პოსტია მოლი :)
ყველაფერი ამ კათოლიკეების ხელში როგორ გადიოდა რა :(

LikeLike
- on ოქტომბერი 17, 2011 at 1:43 PM | პასუხი მოლი ბლუმი
  
  ზედმეტად ტკბილიც კი :)
  
  ესპანეთში სხვა ვინ იქნებოდა… ისე, აკრძალვების ამბავშვი, არც პროტესტანტები ჩამორჩებოდნენ. უბრალოდ, მათ ასეთი მასშტაბის გავლენა არასოდეს ჰქონიათ.
  
  LikeLike
  - on ოქტომბერი 17, 2011 at 1:52 PM | პასუხი Lord Vader
    
    პროტესტანტები ბევრნაირია.
    ჟენეველი პაპი – ისეთი ტირანი იყო, რომაელ თუ ავინიონელ თუ ვატიკანელ პაპებს არც დაესიზმრებოდათ :)
    
    LikeLike
    - on ოქტომბერი 17, 2011 at 1:57 PM მოლი ბლუმი
      
      ტირანი, შეიძლება, უარესიც კი იყო. მითუმეტეს, ჟენევაში.
      
      გავლენა არ ჰქონდა იმ მასშტაბის. გასაგებ გეოგრაფიულ და გეოპილიტიკურ მიზეზთა გამო.
      
      LikeLike
on ოქტომბერი 17, 2011 at 2:19 PM | პასუხი გვირილა

შოკოლადი! ^_^
მწარე შოკოლადი ყველაზე მაგარია, აი ისეთი, სულ პირველ ფოტოზე რომაა.
წავედი, ვიშოვო :-D

LikeLike
- on ოქტომბერი 17, 2011 at 2:21 PM | პასუხი მოლი ბლუმი
  
  პირველი ფოტო ეფექტურია :) მწარე ყველაზე ნაკლებად მიყვარს, მაგრამ მეც კი მომანდომა.
  
  LikeLike
  - on ოქტომბერი 17, 2011 at 2:43 PM | პასუხი გვირილა
    
    მე ზოგადად ტკბილეულობის დიდი გულშემატკივარი არ ვარ, კრემიანი ნამცხვრებიც არ მხიბლავს, ფუნთუშები მირჩევნია. შესაბამისად, რძიანი და სხვა შოკოლადები ჩემთვის მეტისმეტად ტკბილია :-) შავი შოკოლადი კიდე უმაგრესია!
    სხვათაშორის, მიუხედვად იმისა, რომ ნაყინის დიდი მოყვარული ვარ, ყველა სახის არ მიყვარს და ნაყინებს კარამელებით და სხვადასხვა დანამატებით ვერ ვჭამ :-) უბრალო შოკოლადის ნაყინი უარაფროდ კი რამდენიც გინდა :-)
    
    LikeLike
    - on ოქტომბერი 17, 2011 at 2:48 PM მოლი ბლუმი
      
      ფუნთუშები ჩემი ბავშვობის სიყვარულია :)
      
      ლუკა პოლარეს აქვს ფანტასტიური ნაკრები – ყველანაირი ნაყინი. ვაშლის შტრუდელიც კი. კარგა ხანს ვფიქრობ ხოლმე, სანამ ორ ბურთულას ავარჩევ. მეტს ვერ ვჭამ – ყელი :(
      
      ისე ჩემი ფავორიტი პლომბირია. ესეც ღრმა ბავშვობიდან.
      
      LikeLike
on ოქტომბერი 17, 2011 at 2:31 PM | პასუხი Author

წავედი, შოკოლადი ვიყიდო :)
მოლი, მგონი იურისტი ხარ, ხომ? კარგი მარკეტოლოგი გამოვიდოდა შენგან – შენი პოსტების წაკითხვის შემდეგ ხან წიგნის შეძენა მინდება, ხან შოკოლადის და ლამის მოწევაც დაგვაწყებინო :) ეს ბოლო ხუმრობით, რაღა თქმა უნდა.

კიდევ ერთი კარგი პოსტი!

LikeLike
- on ოქტომბერი 17, 2011 at 2:38 PM | პასუხი მოლი ბლუმი
  
  მოწევას ნუ დაიწყებ და დანარჩენი ყველაფერი შეიძლება :) წიგნიც, შოკოლადიც, კრუასანიც :)
  
  იურისტი ვარ, კი, მაგრამ რაზეც ვწერ, მართლა მიყვარს და ეს იძლევა ეფექტს :) ალბათ :)
  
  მადლობა :) და ბონ აპეტიტ!
  
  LikeLike
  - on ოქტომბერი 17, 2011 at 5:29 PM | პასუხი Author
    
    სხვათაშორის, მივირთვის შოკოლადი (თანამშრომელმა მოგვართვა) და ტანაც ბარამბო.
    ბარამბოც მომწონს, შოგეტეც, მერსიც, მოცარტიც, როზალიც, მაგრამ ამ ეგზოტიკურ ბელგიურ-ავსტრიულ-გერმანულ შოკოლადებს რუსული “რძიანი ყავა” მირჩევნია; შენი ბლოგის თითქმის სეხნიაა: გირჩევ, გასინჯო :)
    
    LikeLike
    - on ოქტომბერი 17, 2011 at 5:42 PM მოლი ბლუმი
      
      ახლა შენ დამაინტერესე :) გავსინჯავ აუცილებლად :)
      
      LikeLike
on ოქტომბერი 17, 2011 at 2:37 PM | პასუხი Author

მას შემდეგ, რაც ქართული შოკოლადი ბაზარი თითქმის სრულად ავითვისე, თამამად განვაცხადებ – ეს შოკოლადი ყველას მირჩევნია: http://www.rossiashokolad.ru/products/tile/images/big/km.png

LikeLike
- on ოქტომბერი 17, 2011 at 2:41 PM | პასუხი მოლი ბლუმი
  
  ბარამბოს აქვს კარგი რაღაცები, მაგრამ თუ არჩევაზე მიდგა საქმე, მელიქიშვილზე, როზალის შოკოლადის დიდი მოყვარული ვარ. ოღონდ, ეს ქართული არ არის….
  
  ისე, სნიკერსიც მშვენიერია.
  
  LikeLike
on ოქტომბერი 17, 2011 at 5:12 PM | პასუხი tsotnee

აუუუუუ! რა მაგრად მიყვარს! :) ვგიჯდები! თხილიანს ვამჯობინებ ყველას! აუ ასეთი გემრიელი და ნუგბარიანი პოსტები ბევრი დაწერე ხოლმე რა! :) :) :) ვერანაირი აკრძალვა ვერ ჩაახშობს მის გემოს! :)

LikeLike
- on ოქტომბერი 17, 2011 at 5:43 PM | პასუხი მოლი ბლუმი
  
  თხილიანი შოკოლადი მეც ძალიან მიყვარს.
  
  ვინ გიკრძალავს, ცოტნე, შოკოლადს? არ დაუჯერო! :) :)
  
  LikeLike
  - on ოქტომბერი 17, 2011 at 5:47 PM | პასუხი tsotnee
    
    მე არავინ (ვერავინ). ისე, უბრალოდ დიეტაზე რომ ხარ, შენ არ ამბობ ამაზე უარს, მაგრამ ხო(მ) არიან ადამიანები ვინც ამბობენ და აი მაგიტომ დავწერე. ჩემთან სახლში ყველა გიჟდება ტკიბელეულზე – განსაკთრებით შოკოლადძე და განსაკუტრებით დედაჩემი. :)
    
    LikeLike
on ოქტომბერი 17, 2011 at 6:57 PM | პასუხი Kejeradze

შოკოლადი, შოკოლადი <3 კიდევ კარგი, დიეტაზე არ ვარ ხოლმე, თორემ შოკოლადი ნამდვილად ჩამიყრიდა წყალში შრომას :D

LikeLike
- on ოქტომბერი 17, 2011 at 10:06 PM | პასუხი მოლი ბლუმი
  
  რამდენჯერ ჩაუყრია ჩემთვის :( მაგრამ ნამდვილად ღირდა.
  
  LikeLike
on ოქტომბერი 17, 2011 at 9:13 PM | პასუხი რუსა

მოლი ეს რა ტკბილი და გემრიელი პოსტი დამახვედრე ! :) თან როგორ მიყავრს შოკოლადი… ყველანაირი… ცხელი შოკოლადიც <3 <3 <3
შოკოლადის ისტორია არ ვიცოდი, ძალიან საინტერესო იყო…

LikeLike
- on ოქტომბერი 17, 2011 at 10:08 PM | პასუხი მოლი ბლუმი
  
  ცხელი შოკოლადი ნაბეჭდი ფორმით მირჩევნია :)
  
  მიხარია, რომ მოგეწონა, რუსა :)
  
  LikeLike
on ოქტომბერი 17, 2011 at 10:41 PM | პასუხი რუსა

ოო მოლი ნაბეჭდიც მიყვარს , მაგრამ ორივე ერთად როცაა ამას არაფერი ჯობია! :)

LikeLike
- on ოქტომბერი 17, 2011 at 10:52 PM | პასუხი მოლი ბლუმი
  
  ორივე ერთად უგემრიელესობაა :)
  
  LikeLike
on ოქტომბერი 17, 2011 at 10:53 PM | პასუხი ფიფქია

მართლაც უგემრიელესი პოსტია :)

LikeLike
- on ოქტომბერი 17, 2011 at 11:00 PM | პასუხი მოლი ბლუმი
  
  :) მადლობა :) მართლა ტკბილი და გემრიელი გამოვიდა :) ერთხელ ჩილიზეც უნდა ვცადო…. საინტერესოა, უმწარესი პოსტიაო, თუ მეტყვით :)
  
  LikeLike
on ოქტომბერი 18, 2011 at 12:28 AM | პასუხი ნათია

შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი, შოკოლადი, შიკოლადი, შოკოლადი… <3 <3 <3
ჩემი ტკივილი, სისუსტე, უბედურება თუ ბედნიერება, მოკლედ, არ ვიცი, საოცრებაა შოკოლადი <3 <3 <3

LikeLike
- on ოქტომბერი 18, 2011 at 12:35 AM | პასუხი მოლი ბლუმი
  
  ჭიამარიას იცნობ შენ? გაუხარდება ამ კომენტარის წაკითხვა :)
  
  LikeLike
  - on ოქტომბერი 18, 2011 at 8:51 PM | პასუხი ნათია
    
    ჭიამაია… ვიცი, ჰო, მისი ბლოგი :)
    
    LikeLike
    - on ოქტომბერი 18, 2011 at 8:54 PM მოლი ბლუმი
      
      ჭიამაიაც შოკომანიაკია :)
      
      LikeLike
on ოქტომბერი 18, 2011 at 4:47 PM | პასუხი გლეხის ბიჭი

ზღაპრულ სასუსნავს მხოლოდ ასეთი ზღაპრული თხრობა თუ ეკადრება მხოლოდ :)))) კარგი იყო, მოლ.
შოკოლადზე ვგიჟდები და ვაფანატებ! :D თან რაც უფრო მწარეა, მით მეტად :))))

LikeLike
- on ოქტომბერი 18, 2011 at 8:10 PM | პასუხი მოლი ბლუმი
  
  შოკოლადის კლუბი უნდა დავაარსო ფბ-ზე… ეჭვი მაქვს, წევრების შეგროვება არ გამიჭირდება :)
  
  LikeLike
  - on ოქტომბერი 18, 2011 at 11:22 PM | პასუხი გლეხის ბიჭი
    
    ხო, არა მგონია გაჭირდეს. მრავალრიცხოვანი ფაი ეყოლება მაგ გვერდს :დ
    
    LikeLike
    - on ოქტომბერი 18, 2011 at 11:27 PM მოლი ბლუმი
      
      აბა… მარტო აქაურობის სტუმრები ეყოფა.
      
      LikeLike
on ოქტომბერი 18, 2011 at 11:19 PM | პასუხი luckiane

ჩვენ რა ვქნათ, მოლი, ალერგიულმა ბავშვებმა?:) არა, შიგადაშიგ მაინც ვიპარავ, მაგრამ – მცირე ულუფებით(:. ძალიან გემრიელი პოსტი იყო, ამაზე მაინც არ მაქვს ალერგია და სასუსნავი რომ მომინდება, წავიკითხავ ხოლმე

LikeLike
- on ოქტომბერი 18, 2011 at 11:29 PM | პასუხი მოლი ბლუმი
  
  არ მოიპარო, ლუკა. არ ვარგა. ჯანმრთელობას გაუფრთხილდი.
  
  საკითხავი სასუსნავი ჩემზე იყოს :) როცა გაგიხარდება, შემოიხედე. არავინ დაგიშლის.
  
  LikeLike
on ოქტომბერი 19, 2011 at 10:10 PM | პასუხი ანონიმური

არა, პირდაპირი გაგებით არ ვიპარავ, ნებართვას ვთხოულობ და ცოტა–ცოტას მაძლევენ. ვთქვათ, ერთი ბატონი კვირაში ორჯერ:), მაგრამ მთელი ფილა რომ შევჭამო, მაგის ნებას არ მაძლევენ:) თან იმ დღეს მანდარინს აღარ შევჭამ:) რა ვიცი, ასაკტან ერთად გაივლისო და:)

LikeLike
- on ოქტომბერი 19, 2011 at 10:26 PM | პასუხი მოლი ბლუმი
  
  გამაჟრიალა :( მძიმე დღეში ყოფილხარ, ლუკა…
  
  პასუხები შენ დამიტოვე ჯეოპარდზე? იქაც და აქაც ანონიმი ხარ და ლოგიკურად ვვარაუდობ…
  
  LikeLike
on ოქტომბერი 19, 2011 at 11:06 PM | პასუხი ანონიმური

xo, yvelaze cota pasuxebi mqonda, ara? mashin me var,megona daikarga

LikeLike
- on ოქტომბერი 19, 2011 at 11:12 PM | პასუხი მოლი ბლუმი
  
  ყველაზე ცოტა არ ყოფილა და არც დაკარგულა :)
  
  LikeLike
on ოქტომბერი 28, 2011 at 1:34 PM | პასუხი Ana Annie Elizbarashvili

ააააჰ, მოლი !!
რა გემრიელი პოსტია <3
ახლა ერთი ფილა შოკოლადი …. მოკვდება ! :)))))))))))))))

LikeLike
- on ოქტომბერი 28, 2011 at 1:37 PM | პასუხი მოლი ბლუმი
  
  გემრიელად მიირთვი, ანა!
  
  LikeLike
on იანვარი 10, 2012 at 3:42 PM | პასუხი ვივიენ

როგორც ყოველთვის ძალიან ბევრი კომენტარი, აი პოსტი კი ღვთაებრივი :)

LikeLike
- on იანვარი 10, 2012 at 3:50 PM | პასუხი მოლი ბლუმი
  
  კი, აქ კომენტარი ყოველთვის მრავლადაა :)
  
  LikeLike
on მარტი 5, 2012 at 4:53 PM | პასუხი Tako Kobakhidze

ამ გემრიელი პოსტის მერე გამოვაღე ჩემი უჯრა, (რომელიც თავთან მაქვს და ყველა საჭირო და აუცილებელი ნივთი მიწყვია) ამოვიღე შავი შოკოლადი, (რატომღაც შავი შოკოლადი მომანდომა, თორემ უჯრაში რძიანიც მოიძებნება) და კომენტარს უკვე მწვანე ჩაისა და შავი შოკოლადის ფონზე ვწერ და დიდ მადლობას გიხდი საღამოს გალამაზებისთვის :)

LikeLike
- on მარტი 5, 2012 at 4:56 PM | პასუხი მოლი ბლუმი
  
  გემრიელად მიირთვი, თაკო და მადლობა შენ, სტუმრობისთვის :)
  
  LikeLike
on მარტი 5, 2012 at 5:08 PM | პასუხი Tako Kobakhidze

ეხლა თუ ძალიან გავიგიჟე თავი შეიძლება ჩემი ( და ალბათ არა მარტო ჩემი) საყვარელი ცხელი შოკოლადის ნამცხვარი გავაკეთო და ისიც ამ შოკოლადის ფილის ბედს ვაზიარო :)

LikeLike
- on მარტი 5, 2012 at 5:12 PM | პასუხი მოლი ბლუმი
  
  ცხელი შოკოლადის ნამცხვარი პავლოვზე, Cherry-ში გავსინჯე და ძალიან მომეწონა. შენი, დარწმუნებული ვარ, ბევრად გემრიელი იქნება :) ასე რომ, ნუ გადადებ მაგ საქმეს :)
  
  LikeLike
on მარტი 5, 2012 at 5:17 PM | პასუხი Tako Kobakhidze

ერთხელ გავაკეთებ და შენს ვერანდაზე ყველამ ერთად მივირთვათ :)

LikeLike
- on მარტი 5, 2012 at 7:57 PM | პასუხი მოლი ბლუმი
  
  შევთანხმდით! :)
  
  LikeLike
on აგვისტო 30, 2012 at 11:41 PM | პასუხი tami

ბოლო წლებია მარტო ნამდვილი შავი შოკოლადი და ისიც თვეში ერთხელ, ან დღესასწაულებზე:(

LikeLike
- on აგვისტო 31, 2012 at 1:06 AM | პასუხი მოლი ბლუმი
  
  აჰ, მე ასეთ დიეტას ვერ გავუძლებდი.
  
  LikeLike
  - on აგვისტო 31, 2012 at 1:06 AM | პასუხი tami
    
    დიეტა აღარ არის, ცხოვრების წესია
    
    LikeLike
on ნოემბერი 9, 2014 at 9:00 PM | პასუხი დაბეგვილი “სნიკერსი” | Molly Bloom's Day™

[…] უკვე დავწერე შოკოლადზე, მაგრამ, უკბილო ხუმრობისა არ იყოს, […]

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი Jeopardy! – ჰარი პოტერი და ცეც… ჩანაწერზე
	დიანა კომენტარი მარკ შაგალის სიყვარულის ს… ჩანაწერზე
	სანდრო ვარშანიძე კომენტარი ასტრიდი – ღიმილის ორდენი… ჩანაწერზე
	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე

ოქტომბერი 2011

ო ს ო ხ პ კ კ

1 2

3 4 5 6 7 8 9

10 11 12 13 14 15 16

17 18 19 20 21 22 23

24 25 26 27 28 29 30

31

« სექ ნოე »
Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Subscribe to Blog via Email

Enter your email address to subscribe to this blog and receive notifications of new posts by email.

Join 911 other followers

Email Address:
Blog Stats
- 1,247,133 hits

ოქტომბერი 2011
ო	ს	ო	ხ	პ	კ	კ
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Molly Bloom's Day™

ასტრიდ ლინდგრენი – 111