გრძელფეხება მამილო

სექტემბერი 30, 2011 ავტორი Molly Bloom's Day

ქურდობა რომ დასაძრახი საქციელია და მერვე მცნება ამას პირდაპირ გვიკრძალავს, ყველას მოგვეხსენება. მიუხედავად ამისა, წუთით არ მინანია, წლების წინ ჩემი უბნის ბიბლიოთეკიდან ჯინ ვებსტერის “გრძელფეხება მამილო“ რომ მოვიპარე. მოვიპარე რა, წამოვიღე და აღარ დამიბრუნებია. რა თქმა უნდა, ეს შეგნებულად მოვიმოქმედე და არა გულმავიწყობის გამო.

დარწმუნებული ვარ, ბევრი გაიფიქრებს – შე დალოცვილო, წაკითხვას ხომ არავინ გიშლიდა, რაღას იპარავდიო, მაგრამ საკმარისია, ერთხელ გადაფურცლოთ ეს წიგნი და მაშინვე მიხვდებით, რამ მიბიძგა ამ სამარცხვინო დანაშაულისკენ.

იქიდან დავიწყებ, რომ “გრძელფეხება მამილო“ მთლიანად პატარ–პატარა წერილებისგან შედგება, რომლებსაც მთავარი გმირი – ჯონ გრაიერის ობოლთა თავშესაფარში გაზრდილი ჯუდი ებოტი თავის უცნობ კეთილისმყოფელს უგზავნის. გოგონა ფერგესენის კოლეჯში ცხოვრობს, სადაც მისი სწავლა-განათლება ჯუდის ლიტერატურული ნიჭით მოხიბლულმა იდუმალმა მეურვემ დააფინანსა და მაღალ კოშკში მოთავსებულ ოთახიდან უსტარი უსტარზე მიფრინავს გრძელფეხება მამილოსკენ. ახლა არ იკითხავთ, როგორი ბარათებია? გულისამაჩუყებელი, გულუბრყვილო, ალაგ–ალაგ ცრემლი რომ მოგერევა, ზოგჯერ კი გულის წასვლამდე იცინებ. მარტო ის რად ღირს, მიქელანჯელოს რომ მიქელგაბრიელში აურევს, მორის მეტერლინკი კი კოლეჯის ახალი მოსწავლე ჰგონია…

მოკლედ, ეს პატარა ჯუდი ამქვეყნად ყველაზე საყვარელი და სასაცილო არსებაა. წერილიდან წერილამდე იცვლება, იზრდება და ჭკვიანდება, თუმცა იდეალური სულაც არ არის – ხან გამოცდაზე იჭრება, ხან, კბილის ტკივილით შეწუხებული, საზიზღარ წერილებს წერს, ხან კლასის მამასახლისის არჩევნებში მონაწილეობს და ინტრიგებს ხლართავს, ხან რომელიღაც ძელზე მიბობღავს, ხან აბრეშუმის წინდებს ყიდულობს მდიდარი თანაკურსელის გამოსაჯავრებლად, ზოგჯერ კი ისეთი პრინციპული და ჯიუტია, გაგიკვირდებათ…

მისი წერილებიც ყოველთვის განსხვავებულია – ხელს ერთხელ რომ შექსპირის გენიალურობით აღფრთოვანებული დანიის დედოფალი ოფელია აწერს, მეორეს – ფრონტის ხაზიდან სპეციალური კორესპონდენტი აგზავნის, სხვებს – დამწყები ფერმერი, მომავალი დიდი მწერალი, ჰუმანიტარულ მეცნიერებათა ბაკალავრი და კიდევ ვინ მოთვლის…

ჰოდა, ისე შეუმჩნევლად გადის ოთხი წელი სიკეთით, ღიმილით, იუმორით გაჟღენთილ ბარათებში, დაწყებას ვერ მოასწრებთ და უკვე წაკითხული გაქვთ… რჩება მხოლოდ ჯინ ვებსტერის წიგნით გამოწვეული სითბო და სინათლე და რწმენა იმისა, რომ ცხოვრება მართლაც მშვენიერია…

Posted in მოლის ბიბლიოთეკა | Tagged გრძელფეხება მამილო, ლია გუგუნავა, მოლის ბიბლიოთეკა, პროზა, საბავშვო ლიტერატურა, ქართული თარგმანი, ჯინ ვებსტერი, ჯუდი ებოტი | 108 Comments

108 Responses

on სექტემბერი 30, 2011 at 12:07 AM | პასუხი tsotnee

აუ მე არ მაქვს წაკითხული, არადა რა კარგი ყოფილა! აუცილებლად წავიკითხავ!

LikeLike
- on სექტემბერი 30, 2011 at 12:09 AM | პასუხი მოლი ბლუმი
  
  შენ კი არა, ცოტნე, დროდადრო მეც სიამოვნებით ვკითხულობ ხოლმე :) ამ წიგნს ასაკობრივი ზღვარი არ აქვს.
  
  LikeLike
  - on სექტემბერი 30, 2011 at 12:12 AM | პასუხი tsotnee
    
    :) :) :) მით უმეტეს! აუცილებლად წასაკთხი ყოფილა! :)
    
    LikeLike
    - on სექტემბერი 30, 2011 at 12:13 AM მოლი ბლუმი
      
      შეიძლება ასეც ითქვას…
      
      LikeLike
    - on სექტემბერი 30, 2011 at 12:14 AM tsotnee
      
      :)
      
      LikeLike
on სექტემბერი 30, 2011 at 12:11 AM | პასუხი tamara

ჩემი ბიბლიოთეკიდან ხომ არ მოიპარე, ჰა?? :* რატომ არ იყო აბა იქ? :* იმიტომაც დამრჩა წაუკითხავი…

LikeLike
- on სექტემბერი 30, 2011 at 12:12 AM | პასუხი მოლი ბლუმი
  
  არა :) სხვა ქალაქში იყო ის ბიბლიოთეკა :)
  
  LikeLike
on სექტემბერი 30, 2011 at 1:05 AM | პასუხი faifuris angelozi

აღარ მახსოვს მეურვე სინამდვილეში მისი მამა არ აღმოჩნდება? მე არ დავაბრუნებდი ბიბლიოთეკაში,მაგრამ ბებო იქ მუშაობდა და ვინ შემარჩენდა,თუმცა წიგნის ქურდობა არ მიმაჩნია დანაშაულად :P

LikeLike
- on სექტემბერი 30, 2011 at 1:07 AM | პასუხი მოლი ბლუმი
  
  არა, მამა არა… მანდ ბევრად რომანტიული კვანძი იხლართება.
  
  არც ლენინს მიაჩნდა :) პრინციპში, არც მე. და არც კანონს – თუ გუტენბერგის პირველი ბიბლია არ არის, რა თქმა უნდა.
  
  LikeLike
  - on სექტემბერი 30, 2011 at 1:11 AM | პასუხი faifuris angelozi
    
    აბა?გამახსენე რა ვერაფრით ვერ ვიხსენებ((
    გუტენბერგის ბიბლიაზე სანდო ვატიკანის არქივში დაცული წერილები იქნება,აი მაქედანაც კი მოვიპარავდი რამე საინტერესოს.
    
    LikeLike
    - on სექტემბერი 30, 2011 at 1:19 AM მოლი ბლუმი
      
      ჩვეულებრივი მეურვეა, მაგრამ ფრიად რომანტიკული ტიპაჟი… ჯუდიც რომანტიკულია…
      
      ვატიკანს კარგად იცავენ შვეიცარიელები :(
      
      LikeLike
    - on სექტემბერი 30, 2011 at 1:57 AM faifuris angelozi
      
      აა გამახსენდა,მერე ეს ტიპი უყვარდება ჯუდის.
      
      LikeLike
    - on სექტემბერი 30, 2011 at 1:59 AM მოლი ბლუმი
      
      კი, ფინალი ასეთია.
      
      LikeLike
on სექტემბერი 30, 2011 at 1:28 AM | პასუხი გრაფინია

არ მაქვს წაკითხული და მომინდა… ვიშოვი სადმე და წავიკითხავ <3

LikeLike
- on სექტემბერი 30, 2011 at 1:33 AM | პასუხი მოლი ბლუმი
  
  “დიოგენემ” გამოსცა 2004-ში. მანამდე, 1990 წლის გამოცემა იყო.
  
  ერთიც რარიტეტია და მეორეც. სავარაუდოდ, ბუკინისტებს ექნებათ.
  
  LikeLike
on სექტემბერი 30, 2011 at 1:33 AM | პასუხი Kejeradze

მხოლოდ სათაური და თავშესაფარი მახსოვს :) აშკარად გადასაკითხია

LikeLike
- on სექტემბერი 30, 2011 at 1:34 AM | პასუხი მოლი ბლუმი
  
  მისალოცად გქონია საქმე :) თან გვარიც ხელს გიწყობს… კი არადა, ნიკი.
  
  LikeLike
on სექტემბერი 30, 2011 at 1:41 AM | პასუხი mzesaswauli

მე ამ წიგნის ძველი გამოცემა მაქვს, ბავშვობაში ჩემი ერთ-ერთი საყვარელი წიგნი იყო. მართლა არ აქვს ამ წიგნს ასაკობრივი ზღვარი, იუმორით და სითბოთია სავსე :)

LikeLike
- on სექტემბერი 30, 2011 at 1:43 AM | პასუხი მოლი ბლუმი
  
  მეც ძველი გამოცემა მაქვს და ახლაც ძალიან მიყვარს ;)
  
  კეთილი იყოს შენი პირველი მზიანი კომენტარი მოლის ბლოგზე :)
  
  LikeLike
on სექტემბერი 30, 2011 at 7:55 AM | პასუხი გლეხის ბიჭი

მოლ, ისე წერ, ისე საინტერესოდ, დამაინტრიგებლად, რომ ნაწარმოები არაფრად რომც არ ვარგოდეს, ადამიანს წაკითხვა ყოველთვის მოუნდება :) ხოდა მეც მომინდა, იმ ზემოთჩამოთვლილების და კიდე შენი რეპუტაციის წყალობით. :)))
რამხელა ქვევრი ვყოფილვარ, თანდათან ვრწმუნდები. ახალი და ახალი მინდება გამოჩენისთნავე :D

LikeLike
- on სექტემბერი 30, 2011 at 9:29 AM | პასუხი მოლი ბლუმი
  
  ცუდ წიგნზე მე არ დავწერ (ან თუ დავწერ, ცუდია მეთქი, იმასაც გეტყვით) :) რაზეც ვყვები ხოლმე, ის მართლა ძალიან კარგია და ჩემი მოკრძალებული აზრით, ნამდვილად წასაკითხია :)
  
  რეპუტაციაზე გამეღიმა :) ისე, მეც ზუსტად ასეთი ქვევრი ვარ :)
  
  LikeLike
  - on სექტემბერი 30, 2011 at 5:40 PM | პასუხი გლეხის ბიჭი
    
    ხატება შეიქმნა ჩემში შენი ასეთი გულწრფელი :)))
    :D მართლა
    
    LikeLike
    - on სექტემბერი 30, 2011 at 5:42 PM მოლი ბლუმი
      
      გულწრფელი მადლობის მეტი რა მეთქმის :) მე ზუსტად ასეთი მკითხველისთვის ვწერ :)
      
      LikeLike
on სექტემბერი 30, 2011 at 9:57 AM | პასუხი მერი პოპინსი

ენით ვერ აგიწერ, როგორ მიყვარს ეს წიგნი, მოლი :) ვისაც ვკითხე, არავის ჰქონდა წაკითხული და ახლა ისე გამიხარდა ამ პოსტის ნახვა :) არც ის ვიცოდი, თუ, დიოგენემ გამოსცა, მე ძველი გამოცემა მაქვს.

LikeLike
- on სექტემბერი 30, 2011 at 10:03 AM | პასუხი მოლი ბლუმი
  
  დიოგენეს გამოცემაზე მეც ახლახანს გავიგე, მერი. მართალი ხარ, არც თუ ცნობილი წიგნია, სამაგიეროდ, ვისაც წაუკითხავს, ძალიან უყვარს :)
  
  LikeLike
on სექტემბერი 30, 2011 at 10:06 AM | პასუხი kevana

ეჰ, ეს ჩემთვის აღმოჩენაა… მინდა რომანტიკაში გადავარდნა… ამიტომ დავძებნი! არ მოვისვენებ სანამ ელ.ვერსია არ მექნება! :)

LikeLike
- on სექტემბერი 30, 2011 at 10:08 AM | პასუხი მოლი ბლუმი
  
  ილუსტრაციებიც რომანტიული შევურჩიე პოსტს :) უაღრესად თბილი წიგნია, ქევან. ქართულად რა გითხრა და რუსულად ელექტრონული ვერსიები ყველგან არის.
  
  LikeLike
  - on სექტემბერი 30, 2011 at 11:51 AM | პასუხი kevana
    
    xo, magis imedi maqvs. an rusulad, an inglisurad… da radgan rusuli ar vargao, meri ambobs, damrcha inglisuri versia ^^
    
    qartulad sad vipovo ar vici, tavisuflebaze bukinistebs ar hqondat, meshinia rom didi xani momiwevs dzebna… me ki mechqareba
    
    LikeLike
    - on სექტემბერი 30, 2011 at 11:53 AM მერი პოპინსი
      
      იქნებ დიოგენეს ჰქონდეს სადმე შემორჩენილი… ღირს გამომცემლობაში დარეკვა.
      
      LikeLike
    - on სექტემბერი 30, 2011 at 11:56 AM მერი პოპინსი
      
      დავრეკე და მითხრეს – ტირაჟი მთლიანად ამოწურულია :( და არც უახლოეს მომავალში გამოცემას ვგეგმავთო :(
      
      LikeLike
    - on სექტემბერი 30, 2011 at 12:03 PM მოლი ბლუმი
      
      წუხელ ზემხასთვის მინდოდა, მიმეწერა. “დიოგენეს” მენეჯერია. ვერაფრით მოვახერხე. ან ფბ ჭედავდა, ან კიდევ რაღაცაში იყო საქმე…
      
      LikeLike
    - on სექტემბერი 30, 2011 at 12:02 PM მოლი ბლუმი
      
      რუსულ ამბებში მერის დაეჯერება… ორიგინალი ყველაზე ოპტიმალური ვარიანტია. ან ბიბლიოთეკები.
      
      LikeLike
- on სექტემბერი 30, 2011 at 10:37 AM | პასუხი მერი პოპინსი
  
  ქართული ელ. ვერსია არ არსებობს და რუსულის წაკითხვას არ გირჩევ, არაფრად ვარგა.
  
  LikeLike
on სექტემბერი 30, 2011 at 10:29 AM | პასუხი finiki

რა პოზიტიური პოსტია, ამიტომ მიყვარს აქ შემოსვლა სამუშაო დღის დასაწყისში, კარგ განწყობაზე ვდგები ხოლმე.
ძალიან დავინტრიგდი, რაც შენი ბლოგის კითხვა დავიწყე აღმოვაჩინე კიდევ რამდენი რამ მქონია წასაკითხი :)
თან დღეს პარასკევია და წინ მთელი შაბათ-კვირა მაქვს.

LikeLike
- on სექტემბერი 30, 2011 at 11:40 AM | პასუხი მოლი ბლუმი
  
  პარასკევ დღეს არაფერი ჯობია, ფინიკი და პარასკევი საღამო ხომ მთლად გადასარევია…
  
  წიგნია ღრმად პოზიტიური და პოსტიც ასეთი გამოვიდა :)
  
  LikeLike
  - on სექტემბერი 30, 2011 at 11:13 PM | პასუხი finiki
    
    სახლი გადავქექე და ვიპოვნე, 1976 წლის გამოცემა ინგლისურად, ხვალ ჩავუჯდები, პოზიტიური შაბათი მექნება :)
    
    LikeLike
    - on ოქტომბერი 1, 2011 at 10:19 AM მოლი ბლუმი
      
      მაგრობაა. არ დაიზარო და ორიოდე სიტყვით შთაბეჭდილებები მოგვწერე.
      
      LikeLike
    - on ოქტომბერი 3, 2011 at 10:12 AM finiki
      
      წავიკითხე, დიდი ხანია ასეთი სასიამოვნო შაბათი არ მქონია, ხალისი დამიბრუნა :) ყველაზე მეტად მიყვარს, როდესაც ათასი სისულელის ასე საინტერესოდ შეფუთვა შეიძლება. კითხვის პროცესში ღიმილი არ მომშორებია სახიდან. განსაკუთრებით ვიხალისე იმ წერილზე ჩავიჭერიო, რომ წერს – საშინელი ამბავი მაქვსო :D
      მოკლედ მადლობა მოლი სასიამოვნო შაბათისთვის :)
      
      LikeLike
    - on ოქტომბერი 3, 2011 at 11:14 AM მოლი ბლუმი
      
      მეც სულ ღიმილ-ღიმილით შემომეკითხა და ახლაც მეღიმება ხოლმე.
      
      მიხარია, რომ მოგეწონა, ფინიკი :)
      
      LikeLike
on სექტემბერი 30, 2011 at 11:05 AM | პასუხი მერი პოპინსი

შენ ხარ მოლი განმანათლებელი! :)

LikeLike
- on სექტემბერი 30, 2011 at 11:40 AM | პასუხი მოლი ბლუმი
  
  გემრიელად გამაცინე, მერი :)
  
  LikeLike
on სექტემბერი 30, 2011 at 11:08 AM | პასუხი Chiamaria

კარგი მოლი შეგვიბრალე :)))) ამდენი წასაკითხი წიგნი!!!
არ მსმენია ამ წიგნზე სიმართლე გითხრათ

LikeLike
- on სექტემბერი 30, 2011 at 11:41 AM | პასუხი მოლი ბლუმი
  
  საკმაოდ იშვიათი წიგნია, ჭიამარია. არც თუ გახმაურებელი. სამაგიეროდ, ერთი თუ წაიკითხე, აღარასოდეს დაგავიწყდება.
  
  LikeLike
  - on სექტემბერი 30, 2011 at 11:53 AM | პასუხი Chiamaria
    
    საჯაროში ხომ იქნება?
    
    LikeLike
    - on სექტემბერი 30, 2011 at 12:00 PM მოლი ბლუმი
      
      საჯაროში ნებისმიერ შემთხვევაში იქნება. სხვა ძველ ბიბლიოთეკებშიც, ალბათ…
      
      LikeLike
on სექტემბერი 30, 2011 at 11:08 AM | პასუხი ფიფქია

rogor mominda am wignis wakitxva!

LikeLike
- on სექტემბერი 30, 2011 at 11:42 AM | პასუხი მოლი ბლუმი
  
  არ ინანებ :)
  
  LikeLike
on სექტემბერი 30, 2011 at 11:45 AM | პასუხი mecmikvarkhar

არ მაქვს წაკითხული :(

LikeLike
- on სექტემბერი 30, 2011 at 11:51 AM | პასუხი მოლი ბლუმი
  
  სადმე აცდებოდით…
  
  LikeLike
on სექტემბერი 30, 2011 at 2:13 PM | პასუხი glamtaia

ძალიან მომეწონა ამ წიგნის შინაარსი და “გრძელფეხეხება მამილო” ერთ-ერთ სპატიო ადგილს იჭერს კატეგორიაში წიგნები რომლებიც მოლიმ მირჩია . ქურდობას რა შეეხება, არ ინერვიულო მსგავსი რამ მეც დამემართა სამი წლის წინ. :) :) :) :) :) :)

LikeLike
- on სექტემბერი 30, 2011 at 2:21 PM | პასუხი მოლი ბლუმი
  
  მე კატეგორია მომეწონა ძალიან :) და შენ რა გამოაყოლე ხელს?
  
  LikeLike
  - on სექტემბერი 30, 2011 at 3:22 PM | პასუხი glamtaia
    
    ნარნიის ქრონიკების დასაწყისი. თან ძალიაან მრცხვენია, მაგრამ ახლა დავმშვიდდი :)
    
    LikeLike
    - on სექტემბერი 30, 2011 at 3:25 PM მოლი ბლუმი
      
      შენ მაგაზე არ ინერვიულო :) უარესებიც მომხდარა. დიდი ამბავი, წიგნი თუ წამოაყოლე ხელს :) :) :)
      
      LikeLike
    - on სექტემბერი 30, 2011 at 9:35 PM glamtaia
      
      ნემსის და აქლემის ქურდიო . . . რა ვიცი , რა ვიცი :) :) :)
      
      LikeLike
on სექტემბერი 30, 2011 at 4:38 PM | პასუხი ✿ Daisy ✿

მე ძველი გამოცემა მაქვს… ფინალზე სიხარულით დავფრინავდი პირველად…

“ვუბრუნდები ჩვენს ამბებს. გინდა, გაგანდო ერთი საიდუმლო, რომელიც ამ ბოლო დროს აღმოვაჩინე? დამპირდი, რომ ქარფშუტად არ ჩამთვლი. მაშ, მომისმინე.
მე ლამაზი ვარ.
მართლა, ღმერთმანი! იდიოტი უნდა ვყოფილიყავი, რომ არ შემემჩნია, იმ დროს, როცა ოთახში ერთის ნაცვლად სამი სარკე გვიდგას”.

აი ამაზე ყოველთვის მეცინება :)

LikeLike
- on სექტემბერი 30, 2011 at 4:41 PM | პასუხი მერი პოპინსი
  
  “მძულს შენი მდივანი. კაცს რომ ელმერ ჰ. გრიგსი ერქმევა, ის კაი კაცი არ უნდა იყოს” :D
  
  LikeLike
- on სექტემბერი 30, 2011 at 4:42 PM | პასუხი მოლი ბლუმი
  
  უმაგრესი აბზაცი გაგხსენებია :) ამაზე მეც გემრიელად ვიცინე :) პირველი წაკითხვის სიამოვნებას ვერ აგიწერ, მეც ლამის დავფრინავდი :) გამოცემა მეც ძველი მაქვს. პრინციპში, დიოგენეს არც არაფერი შეუცვლია.
  
  LikeLike
on სექტემბერი 30, 2011 at 4:45 PM | პასუხი მერი პოპინსი

შექსპირის ქება გამიგონია, მაგრამ რას წარმოვიდგენდი, თუ ასე კარგად წერდაო :D

LikeLike
- on სექტემბერი 30, 2011 at 4:55 PM | პასუხი მოლი ბლუმი
  
  ოფელიას სახელით რომ წერს… მე და ჰამლეტი მშვენივრად ვცხოვრობთ და დანიასაც კოხტად ვმართავთო :)
  
  LikeLike
on სექტემბერი 30, 2011 at 6:12 PM | პასუხი Joleane

როგორ მიყვარს <3

LikeLike
- on სექტემბერი 30, 2011 at 7:49 PM | პასუხი მოლი ბლუმი
  
  ძალიან ძალიან :)
  
  LikeLike
on სექტემბერი 30, 2011 at 10:00 PM | პასუხი ana

sadme aris saitze,momweret,pliiiz

LikeLike
- on სექტემბერი 30, 2011 at 10:06 PM | პასუხი მოლი ბლუმი
  
  რუსულად ბევრგანაა. ქართულად – არა.
  
  LikeLike
on ოქტომბერი 1, 2011 at 12:14 AM | პასუხი Internalself

ვაიმე რამდენი კომენტარია, იმდენია, რომ ვიღაცა უკვე იტყოდა ჩემს სათქმელს, ამიტომ არაფერს ვიტყვი :დ

LikeLike
- on ოქტომბერი 1, 2011 at 10:20 AM | პასუხი მოლი ბლუმი
  
  :) :) შენს სათქმელს სხვა როგორ იტყოდა…
  
  LikeLike
  - on ოქტომბერი 1, 2011 at 11:09 AM | პასუხი გრაფინია
    
    ამისას იტყოდა, უნიკალურია ეს :D
    
    LikeLike
    - on ოქტომბერი 1, 2011 at 1:02 PM მოლი ბლუმი
      
      გამაცინე :)
      
      LikeLike
on ოქტომბერი 1, 2011 at 1:36 PM | პასუხი luckiane

არ წამიკითხავს, მოლი და ძალიან დამაინეტერსა. თან შინამტანჯველები ‘ჯერ ადრეაო” ვერ მეტყვიან, არც მათ აქვთ წაკითხული, მაგრამ სად უნდა მივაკვლიო? იშვიათობა ყოფილა(: პოსტი, როგორც ყოველთვის, ძალიან კარგია:)

LikeLike
- on ოქტომბერი 1, 2011 at 4:26 PM | პასუხი მოლი ბლუმი
  
  არა, ლუკა, ეს ნამდვილად არ არის ადრე :) ზუსტად საშენოა :) ოღონდ, მართლა იშვიათობაა…
  
  LikeLike
on ოქტომბერი 1, 2011 at 4:10 PM | პასუხი Mallorie

მმმ.. ახლა სულ არ მრცხვენია იმის აღიარება, რომ არ წამიკითხავს ეს ნაწარმოები. ^^ ჩემნაირი კიდევ ბევრია, ეს მშჳენიერია.. :D
მოლიკო, სულ ისე წერ ხოლმე, წაკითხვის სურვილის მიღვიძებ.. *****

LikeLike
- on ოქტომბერი 1, 2011 at 4:27 PM | პასუხი მოლი ბლუმი
  
  ლიტერატურული ბლოგის მთავარი ამოცანაც ეს არის, მაცო – მკითხველს წიგნის მოძიება მოანდომოს :)
  
  დანკე!
  
  LikeLike
on ოქტომბერი 1, 2011 at 6:18 PM | პასუხი mochveneba

რა კარგად წეერ ^.^ ძალიან დამაინტერესე აუცილებლად წავიკითხავ <3

LikeLike
- on ოქტომბერი 1, 2011 at 9:28 PM | პასუხი მოლი ბლუმი
  
  მე შენი ავატარი მომწონს ძალიან :) მადლობა :)
  
  LikeLike
on ოქტომბერი 2, 2011 at 12:37 PM | პასუხი tamara

რეები დაგიწერიათ, რა არის :( ვისაც წაკითხული არ გვაქვს, ცოდოები არ ვართ? უფ!!!
ელექტრონული ვერსია ვიპოვე, ოღონდ ინგლისურად, საკმაოდ მარტივად იძებნება… ნუ, როდის წავიკითხავ, არ ვიცი, მთავარია, რომ მაქვს :) ჰოდა, თუ ვინმემ ვერ იპოვა, სიამოვნებით გავუგზავნი :)

LikeLike
- on ოქტომბერი 2, 2011 at 12:43 PM | პასუხი მოლი ბლუმი
  
  სპოილერებს ვერ გადავრჩით :) ყველამ რაღაც გაიხსენა და…
  
  ისე, მეც მაინტერესებს, ორიგინალი როგორია. ქართული იმდენად კარგია, იმდენად მსუბუქი და ორგანული, დიდი შანსია, ინგლისური ასე არ მომეწონოს :) :) :) ესეც პარადოქსი :)
  
  LikeLike
  - on ოქტომბერი 2, 2011 at 12:46 PM | პასუხი tamara
    
    გამოგიგზავნო? :) გადახედე მოცალეობის ჟამს :)
    
    LikeLike
    - on ოქტომბერი 2, 2011 at 12:49 PM მოლი ბლუმი
      
      კი კი :) გამომიგზავნე აუცილებლად. თუ საჭირო გახდება, აქაც ავტვირთავ.
      
      LikeLike
    - on ოქტომბერი 2, 2011 at 1:08 PM tamara
      
      შეამოწმე ფოსტა და გადახედე, მაშინ… იმედია, სრული ვერსიაა :)
      
      LikeLike
    - on ოქტომბერი 2, 2011 at 1:09 PM მოლი ბლუმი
      
      მივიღე უკვე, დანკე!
      
      LikeLike
on ოქტომბერი 4, 2011 at 10:57 PM | პასუხი luckiane

ver vipove(:

LikeLike
- on ოქტომბერი 4, 2011 at 11:00 PM | პასუხი მოლი ბლუმი
  
  ჰო, დიდი იშვიათობაა :(
  
  LikeLike
on ოქტომბერი 7, 2011 at 11:55 PM | პასუხი ana

gind rusuli iyos gind inglisuri gtxovt momweret ra saiti

LikeLike
- on ოქტომბერი 7, 2011 at 11:58 PM | პასუხი მოლი ბლუმი
  
  http://readr.ru/dghin-vebster-papochka-dlinnie-nogi.html
  
  LikeLike
on ოქტომბერი 9, 2011 at 6:09 PM | პასუხი გვირილა

აშკარად საჩემო რამე უნდა იყოს ;-)

LikeLike
- on ოქტომბერი 9, 2011 at 7:30 PM | პასუხი მოლი ბლუმი
  
  მეც ასე მგონია :)
  
  LikeLike
on ოქტომბერი 11, 2011 at 12:04 AM | პასუხი Author

იქნებ ოდესმე მეც ჩავიგდო ეს წიგნი ხელში და ბალღობის დროინდელი დანაკლისი ამ თითქმის ბალზაკის ასაკში ავინაზღაურო :)

LikeLike
- on ოქტომბერი 11, 2011 at 12:17 AM | პასუხი მოლი ბლუმი
  
  ელექტრონური ვერსია ბევრგან არის, ქართული წიგნი – დიდი იშვიათობაა. სადმე ბუკინისტებთან თუ იპოვნი. ისე, მეც ბალზაკის ასაკის ვარ :) და ცოტა მეტისაც :)
  
  LikeLike
  - on ოქტომბერი 11, 2011 at 1:54 PM | პასუხი Author
    
    უნდა გაგიცნო :)
    ბუკინისტებში ბოლოს როცა შევისეირნე, სხვა წიგნებს ვეძებდი. შემდეგ ჯერზე აუცილებლად მივაქცევ ყურადღებას – მადლობა :)
    
    LikeLike
    - on ოქტომბერი 11, 2011 at 2:29 PM მოლი ბლუმი
      
      ბუკინისტეს, დროდადრო, ისეთი რაღაცები აქვთ, საერთოდ რომ არ გახსოვს და არც ელოდები. ჩემი “ულისეც” ძველ წიგნებში ვიპოვნე. კარლსონიც.
      
      LikeLike
    - on ოქტომბერი 11, 2011 at 5:20 PM Author
      
      კარლსონი და პეპილოტა მეც ბუკინისტებში შევიძინე ბოლოს :) ასევე ძმები გრიმების ზღაპრების სამტომეული – ახალი გამოცემა მწირი იყო და გამიხარდა, ძველს რომ მივაგენი :)
      
      LikeLike
    - on ოქტომბერი 11, 2011 at 5:31 PM მოლი ბლუმი
      
      გრიმების სახელგანთქმული სამტომეული… ახალი მეც მაქვს და მართლა ბევრად შემოკლებულია.
      
      ბოლოს, ბუკინისტებთან, შეკლის და ასპრინის ორ-ორი ტომი ვიყიდე. მაღაზიებში შეკლი არ შემხვედრია საუკუნეა. აპრინი საერთოდ არ მინახავს. აშკარად ღირს მანდ დაძებნა. ერთია – წიგნები, ხშირად, გაფუჭებული და დანესტილი აქვთ.
      
      LikeLike
on ოქტომბერი 19, 2012 at 10:15 PM | პასუხი tami

გაიხსენე ბავშვობის ცოდვები?/არ მაქვს წაკითხული, დავინტერესდი, ესეთი ისტორიები განსაკუთრებით მიყვარდა ბავშვობაში

LikeLike
- on ოქტომბერი 19, 2012 at 10:17 PM | პასუხი მოლი ბლუმი
  
  ცოდვებზე ცალკე პოსტი მაქვს დაწერილი, თამი :) და კომენტარებში მთელი საბლოგეთის ცოდვებია ჩამოთვლილი.
  
  “წიგნის ქურდები” ჰქვია.
  
  LikeLike
  - on ოქტომბერი 19, 2012 at 10:20 PM | პასუხი tami
    
    აუ რა საინტერესოა საკუთარიც ხომ არ ჩამემატებინა?
    
    LikeLike
    - on ოქტომბერი 19, 2012 at 10:21 PM მოლი ბლუმი
      
      პოსტი იმისთვისაც დაიწერა, საკუთარი რომ ჩაამატოს მსურველმა :)))))))
      
      LikeLike
    - on ოქტომბერი 19, 2012 at 10:23 PM tami
      
      ქურდობა არაა, მავნე ჩვევას უფრო გავს, ჩამატებულია
      
      LikeLike
on ოქტომბერი 28, 2012 at 1:21 AM | პასუხი უთვისტომო | თამის ბლოგი | Tami's blog

[…] მამილო” მეყიდა, რომლის წაკითხვაც მოლის პოსტმა მომასურვა. სხვათაშორის ისიც მოგწერე, […]

LikeLike
on მარტი 25, 2013 at 12:03 AM | პასუხი მოლის საბავშვო ბიბლიოთეკა | Molly Bloom's Day™

[…] “ქურდების მბრძანებელი”, ”გრძელფეხება მამილო” და ლილე იროელის ამბები – ნატო […]

LikeLike
on სექტემბერი 21, 2013 at 12:29 AM | პასუხი Luka

<3 <3 <3 <3 ჯუდი… <3 მისი წერის მანერა,ნახატები,სადაც ის არის გამოსახული – მივამსგავსე ჩემს წარმოსახვაში არსებულ მოლი ბლუმს… :)))

LikeLike
on იანვარი 21, 2014 at 1:06 PM | პასუხი ანონიმური

ჩემს ბავშვებს ვუყიდე საახალწლოდ და მე დავასწარი წაკითხვაში :) მერე ჩემი მეუღლე მომყვა. მოკლედ ყველა ვკითხულობდით თითქმის პარალელურად და დასწრებაზე იყო, ვინ აიღებდა დილით წიგნს ხელში :)

LikeLike
- on იანვარი 21, 2014 at 1:28 PM | პასუხი მოლი ბლუმი
  
  რატომ არ მიკვირს <3
  
  LikeLike
on იანვარი 21, 2014 at 1:14 PM | პასუხი Natia

ჩემს ბავშვებს ვუყიდე საახალწლოდ და მე და ჩემი მეუღლე ვასწრებდით კითხვას ერთმანეთს. ბავშვებიც ჩვენ მოგვყვნენ და იყო ერთი ამბავი. ვინ პირველი გაიღვიძებდა და დაასწრებდა ყველას კითხვას. ასე გავლიეთ საშობაო არდადეგები კიდევ სხვა წიგნებთან ერთად, რაც მოლიმ გვირჩია

LikeLike
on დეკემბერი 18, 2014 at 2:04 PM | პასუხი evellinna

აუ როგრო მიყვარს! პირველად რომ წავიკითხე და ბოლო წინადადება ჩავამთავრე, ეგრევე ხელახლა დავიწყე. იმდენად დადებითი და კარგი წიგნია, რომ მხოლოდ განსაკუთრებულ ადამიანებს ვჩუქნი!

LikeLike
on დეკემბერი 18, 2014 at 2:14 PM | პასუხი სანდრო

ძალიან მიყვარს ^_^

LikeLike
on თებერვალი 15, 2015 at 9:00 PM | პასუხი ყველაზე კეთილი წიგნები | Molly Bloom's Day™

[…] უებსტერის “გრძელფეხება მამილო“, მეოცე ასწლეულის დასაწყისის […]

LikeLike
on ოქტომბერი 17, 2015 at 6:30 PM | პასუხი natia

ეს წიგნი,20 წლის მაქვს წაკითხული…იმდენად “შევითვისე” რრომ მეც დავიწყე დღიურის წერა და მოვიწყე ცალკე ოთახი…შეიცვალა ჩემი ცხოვრება ამ წიგნის შემდეგ…თითქოს საკუთარი სულიერი სამყარო აღმოვაჩინე…მაშინ…

LikeLike
- on ოქტომბერი 17, 2015 at 6:32 PM | პასუხი მოლი ბლუმი
  
  მეც ძალიან დიდი ხნის წინ ჩამივარდა ხელში და ახლაც ძალიან მიყვარს )
  
  LikeLike
on იანვარი 22, 2017 at 10:35 PM | პასუხი Natia

Wasakitxi zgaprebi

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი Jeopardy! – ჰარი პოტერი და ცეც… ჩანაწერზე
	დიანა კომენტარი მარკ შაგალის სიყვარულის ს… ჩანაწერზე
	სანდრო ვარშანიძე კომენტარი ასტრიდი – ღიმილის ორდენი… ჩანაწერზე
	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე

სექტემბერი 2011

ო ს ო ხ პ კ კ

1 2 3 4

5 6 7 8 9 10 11

12 13 14 15 16 17 18

19 20 21 22 23 24 25

26 27 28 29 30

« აგვისტო ოქტ »
Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 911 other followers
Blog Stats
- 1,216,873 hits

სექტემბერი 2011
ო	ს	ო	ხ	პ	კ	კ
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

Molly Bloom's Day™

ასტრიდ ლინდგრენი – 111