Feeds:
ჩანაწერები
კომენტარები

Archive for სექტემბერი 19th, 2011

ღრმად კონცეპტუალურ პროზაზე წერა, იცოცხლე, კარგი საქმეა, მაგრამ, ვგონებ, არც იმის გახსენება იქნება ურიგო, რომ წიგნის მაღაზიებში, ბრედბერისა და ბორხესის გვერდით, სხვა ავტორების გვარებსაც ხშირად ვხედავთ ხოლმე. ზოგი პარნასის მწვერვალისკენ მიმავალ ბილიკზეა შერჩენილი, ზოგი მთის კალთებს ჩასჭიდებია წრიაპებით, ზოგი კი მოწყენილი სახით ჩამომჯდარა დაბლობზე და არ იცის, რომელ გზას დაადგეს…

რამდენიმე ხნის წინ შვედი მწერლის – კატარინა მასეტის რომანი – “ტიპი მეზობელი საფლავიდან” ჩამივარდა ხელთ. ჩამივარდა რა, რომელიღაც ბიბლიოივენთის დროს შევიძინე, სადაც, როგორც ჭეშმარიტ წიგნის ჭიას შეეფერება, სიახლეების ძებნაში გაფაციცებული დავსუნსულებდი. სათაურმა დამაინტრიგა, ანოტაციაც არ მომეჩვენა ცუდი, ჰოდა, სხვა ნადავლთან ერთად ჩავუძახე ჩანთაში.

თავიდანვე მინდა, გითხრათ, რომ კატარინა მასეტი კარგად წერს. უბრალოდ, გასაგებად, იოლად, ყოველგვარი პერფორმანსებისა და  კრეატიული იდეების გარეშე. ახლა ისე ნუ გამიგებთ, თითქოს ზემოჩამოთვლილის საწინააღმდეგო მქონდეს რამე, მხოლოდ იმის თქმა მინდა, რომ ხანდახან მარტივ ცხოვრებისეულ პრობლემებზე წერა (და კითხვაც) არც მავნეა და, მით უმეტეს, არც სამარცხვინო. მასეტიც ზუსტად ამ ტიპის მწერალია – შინაურული, ახლობელი და მყუდრო, როგორც ძველი, ჭრიჭინა სავარძელი შეშის ღუმელთან.

(more…)

Advertisements

Read Full Post »

%d bloggers like this: