მეოცე საუკუნის ოცი წამი. 1936. “მიგრანტთა დედა”

Jeopardy! – ჰარი პოტერი და ფენიქსის ორდენი »

მეოცე საუკუნის ოცი წამი. 1936. “მიგრანტთა დედა”

ივლისი 11, 2011 by Molly Bloom's Day

1929 წელს მსოფლიოს იქამდე არნახული მასშტაბის ეკონომიკური კრიზისი დაუდგა. უამრავი ადამიანი გაკოტრდა, უფრო მეტი – ელემენტარული საარსებო წყაროს გარეშე დარჩა. პლანეტის უძლიერესი სახელმწიფოები უმწეოდ შეჰყურებდნენ საკუთარი ეკონომიკის ნგრევას. კრიზისი მინოტავრივით ხარბად ნთქავდა გიგანტურ კომპანიებს, პატარა ფირმებს, მთლიანად ოჯახებს… ადამიანებში პირველყოფილმა ინსტინქტებმა იმძლავრა – მზის ქვეშ მოპოვებული ადგილის დათმობა არავის უნდოდა.

ამერიკის შეერთებული შტატების ისტორიას შიმშილის, სიდუხჭირის და რეგრესის ეს ხანგრძლივი პერიოდი “დიდი დეპრესიის” სახელით შემორჩა, რომელსაც სათავე ნიუ-იორკის ბირჟის კრახმა დაუდო, “შავი ორშაბათით” და კიდევ უფრო “შავი სამშაბათით”. ასეულობით ბანკის გაკოტრებას თვითმკვლელობათა ტალღა მოჰყვა – სასოწარკვეთილი ადამიანები ლაბირინთიდან სხვა გამოსავალს ვერ ხედავდნენ.

“დიდი დეპრესიის” თემა უამრავი ავტორის შთაგონების წყაროდ იქცა – რეჟისორმა სიდნეი პოლაკმა საქვეყნოდ ცნობილი ფილმი – “ხომ ხოცავენ ქანცგაწყვეტილ ცხენებს” – გადაიღო, არტურ პენმა – “ბონი და კლაიდი”, ლარს ფონ ტრიერმა – “დოგვილი”, სტივენ კინგმა “მწვანე მილი” დაწერა, რასაც ფრენკ დარაბონტის ამავე სახელწოდების, ოთხი ოსკარით დაჯილდოვებული, ეკრანიზაცია მოჰყვა…

ამ ჩამონათვალის გაგრძელება, რასაკვირველია, კიდევ შეიძლება, მაგრამ დღეს მინდა, ერთ ფოტოზე გიამბოთ, რომელმაც თვით ჯონ სტეინბეკის “მრისხანების მტევნებზე” მოახდინა გავლენა და რომელიც, ჩემი აზრით, სამართლიანად ითვლება ამერიკული ისტორიის იმ ჯოჯოხეთური პერიოდის განსახიერებად, “დიდი დეპრესია” რომ ერქვა.

1936 წლის მარტში, ფოტოგრაფმა დოროთეა ლანჟმა კალიფორნიაში, ნიპომოს ბანაკში ფლორენს ტომპსონი აღმოაჩინა – ქალი, რომელსაც შვიდი შვილის სარჩენად უწევდა ცხოვრებასთან ჭიდილი. ნუ დაგავიწყდებათ, რომ ეს ყველაფერი არნახული ეკონომიკური კატასტროფის ფონზე ხდებოდა, როდესაც ყოველდღიურად ათობით გაღატაკებული და საარსებო წყაროს გარეშე დარჩენილი ადამიანი იკლავდა თავს…

ფლორენსის თვალებში, სადაც იმედის იოტისოდენა სხივიც კი კარგა ხნის ჩამკვდარია, მხოლოდ სასოწარკვეთა, უნაპირო სევდა და ყოვლისმომცველი შიში ბუდობს – შიში ხვალინდელი დღისა, რომელიც მისთვის და მისი შვიდი შვილისათვის ისევ შიმშილით, სიღატაკით და მუხლჩაუხრელი, უნაყოფო შრომით აღსავსე გათენდება. ვერავინ დაიჯერებს, რომ ეს მოტეხილი, სახედანაოჭებული ქალი სულ რაღაც 32 წლისაა – განუზომელი დარდის და საზრუნავის წყალობით დედაბერს დამსგავსებია და მისი თითოეული ნაოჭი არსებობისათვის ულმობელ ბრძოლაში მიღებულ იარას ჰგავს… დედა, რომელმაც არ იცის, როგორ გამოკვებოს თავისი პატარები – ყოველგვარი მაღალფარდოვანებისა და სიყალბის გარეშე ვიტყვი, რომ ეს არის ერთ-ერთი ყველაზე შემზარავი და მტკივნეული სანახაობა, რაც კი შეიძლება, ადამიანის თვალმა იხილოს. რა გასაკვირია, რომ დოროთეა ლანჟის ფოტო დღემდე დარჩა “დიდი დეპრესიის” ამსახველ ყველაზე ცნობილ კადრად და ავტორს საქვეყნოდ გაუთქვა სახელი.

120 Responses

on ივლისი 11, 2011 at 12:04 AM | პასუხი ნათია

ეს ფოტო როგორ მიყვარს….

LikeLike
- on ივლისი 11, 2011 at 12:10 AM | პასუხი მოლი ბლუმი
  
  უმძიმესი ფოტოა :(
  
  LikeLike
on ივლისი 11, 2011 at 12:47 AM | პასუხი Ana Elizbarashvili

გამაჟრჟოლა..
:(

LikeLike
- on ივლისი 11, 2011 at 12:50 AM | პასუხი მოლი ბლუმი
  
  მეც იგივე რეაქცია მქონდა თავის დროზე…
  
  LikeLike
on ივლისი 11, 2011 at 12:53 AM | პასუხი »♥» ana «♥«

საოცარი ფოტოა <3

LikeLike
- on ივლისი 11, 2011 at 12:56 AM | პასუხი მოლი ბლუმი
  
  მეტყველი…
  
  LikeLike
on ივლისი 11, 2011 at 1:00 AM | პასუხი ლიბიკა სილვესტრის

http://lybicasilvestris.wordpress.com/2010/11/03/black-and-white-photo/ :) აჰა :)

LikeLike
- on ივლისი 11, 2011 at 1:01 AM | პასუხი მოლი ბლუმი
  
  მცოდნია და წამიკითხავს კიდეც.
  
  ხვალ კიდევ ერთხელ წავიკითხავ.
  
  LikeLike
on ივლისი 11, 2011 at 1:05 AM | პასუხი ლიბიკა სილვესტრის

დიდი ხანია აღარ მითქვამს – მოლი, შესანიშნავად ყვები! :) <3

LikeLike
- on ივლისი 11, 2011 at 1:09 AM | პასუხი მოლი ბლუმი
  
  და შენგან ამის მოსმენა ყოველ ჯერზე ძველებურად მიხარია და მეამაყება :)
  
  LikeLike
on ივლისი 11, 2011 at 9:14 AM | პასუხი tamara

სტეინბეკი მიყვარს <3
მაგრამ ეგ ნაწარმოები არ ჩამვარდნია ხელში…
"დიდი დეპრესიის" პერიოდი კიდევ ისტორიიდანაც ძალიან მძაფრად მახსოვს…
კარგი პოსტია, მოლი!
:)

LikeLike
- on ივლისი 11, 2011 at 10:23 AM | პასუხი მოლი ბლუმი
  
  კარგი პოსტია :თავმდაბალიმოლი: პირქუში და მძიმე…
  
  პრინციპში, ასეც უნდა ყოფილიყო.
  
  სტეინბეკის რა გიყვარს, თამარა?
  
  LikeLike
  - on ივლისი 11, 2011 at 12:08 PM | პასუხი tamara
    
    “ზამთარი ჩვენი მღელვარებისა” :)
    
    LikeLike
    - on ივლისი 11, 2011 at 12:13 PM მოლი ბლუმი
      
      ასეც ვიფიქრე :) “მრისხანების მტევნებსაც” გადახედე, თამარა.
      
      LikeLike
- on ივლისი 11, 2011 at 11:34 AM | პასუხი Lord Vader
  
  ზანუდაა :(
  
  LikeLike
  - on ივლისი 11, 2011 at 11:41 AM | პასუხი მოლი ბლუმი
    
    ზებორინგი :თამარა:
    
    LikeLike
    - on ივლისი 11, 2011 at 12:07 PM tamara
      
      “ზებორინგული წერის სტილი” ლორდისეული ტერმინია, მოლი:)
      
      LikeLike
    - on ივლისი 11, 2011 at 12:09 PM მოლი ბლუმი
      
      ვიცი :) შენგან გავიგე, ლორდის ტერმინი რომ არის და იმიტომ მიგაწერე :) პარიტეტი დავიცავი :)
      
      LikeLike
    - on ივლისი 11, 2011 at 12:16 PM Lord Vader
      
      ჰო კაი… თაგვებსა და ადამიანებზე ძალიან კარგი ვეშჩია.
      ცოტა ბორინგული კია, მარა მაინც კარგია. მტევნები არ წამიკითხავს
      პიპინ მეოთხე არაა ბორინგული – სახალისოა.
      
      და ბონი და ქლაიდი ზეფილმია, ძალიან მაგარი მსახიობებით.
      
      LikeLike
    - on ივლისი 11, 2011 at 12:21 PM მოლი ბლუმი
      
      ბონი და კლაიდი ზე-ისტორიაა :)
      
      LikeLike
  - on ივლისი 11, 2011 at 12:08 PM | პასუხი tamara
    
    მეც ზანუდა ვარ და მიყვარს ზანუდები და ზანუდური ნაწერი :)
    
    LikeLike
    - on ივლისი 11, 2011 at 12:10 PM მოლი ბლუმი
      
      არ ხარ და რასაც კითხულობ, არც ის არის :)
      
      LikeLike
on ივლისი 11, 2011 at 10:53 AM | პასუხი ten minutes older

ერთ-ერთი საუკეთესო ფოტოა, რაც ოდესმე მინახავს. კარგი პოსტია, მომეწონა )))

LikeLike
- on ივლისი 11, 2011 at 10:57 AM | პასუხი მოლი ბლუმი
  
  დანკე!
  
  ფბ-ზე მოსაწვევი გამოგიგზავნე… ალბათ, ვერ მოაღწია შენამდე.
  
  LikeLike
  - on ივლისი 11, 2011 at 2:57 PM | პასუხი ten minutes older
    
    რა მოსაწვევი ?! გამოუშვი აბა თავიდან )))
    
    LikeLike
    - on ივლისი 11, 2011 at 3:29 PM მოლი ბლუმი
      
      ფეისბუქზე საღამოს ვიქნები და გამოვუშვებ.
      
      ფბ-ზე დახურული არტ-ჯგუფი გვაქვს. ერთი კვირის წინ გავაკეთეთ. Magnum Opus. არტ-თემატიკის ბლოგერებს და გემოვნებიან მკითხვეებს ვიწვევთ. ჰოდა, შენც გამოგიგზავნე :)
      
      LikeLike
    - on ივლისი 11, 2011 at 3:59 PM ten minutes older
      
      Okay, ველოდები მოწვევას )))
      
      LikeLike
    - on ივლისი 11, 2011 at 4:02 PM მოლი ბლუმი
      
      d’accord! ისე, აქვე, მარჯვენა კუთხეში, მაღლა, მაგნუმის ბანერია, დააწყაპუნე და დაკაკუნებაც გამოვა :
      
      LikeLike
on ივლისი 11, 2011 at 11:33 AM | პასუხი Lord Vader

აი, ასე ააგო დოროთემა თავისი კარიერისტულუ ბედნირება სხვის უბედურებაზე.

LikeLike
- on ივლისი 11, 2011 at 11:38 AM | პასუხი Mary Poppins
  
  ლორდ, ტკბილეული არ გიყვარს? :))))))))))))
  
  LikeLike
  - on ივლისი 11, 2011 at 11:41 AM | პასუხი მოლი ბლუმი
    
    აშკარად არ უყვარს… არადა, შოკოლადიო….
    
    ეჰ, ლორდ, შაქარი არასოდეს გიჭამია?
    
    LikeLike
  - on ივლისი 11, 2011 at 12:11 PM | პასუხი Lord Vader
    
    ვა უფალი ჩვენი იესო გვასწავლის, რომ როცა გაჭირვებულს ხედავ – მოუტეხე პური და მიაწოდეა, კამერას კი ნუ ჩათხრი თვალებშიო.
    
    LikeLike
    - on ივლისი 11, 2011 at 12:12 PM მოლი ბლუმი
      
      კამერა რომ ჩათხარა თვალებში, იმით გაიგო მთავრობამ, რა დღეშიც იყვნენ მიგრანტები და დახმარებაც გაუგზავნა :)
      
      LikeLike
  - on ივლისი 11, 2011 at 12:20 PM | პასუხი Lord Vader
    
    ტკბილეული ჩემი მეგობარია, მაგრამ სიმართლე კიდევ უფრო დიდი მეგობარია.
    
    LikeLike
    - on ივლისი 11, 2011 at 12:25 PM მოლი ბლუმი
      
      იდეალური მოწმე დადგებოდა შენგან, ლორდ…
      
      LikeLike
- on ივლისი 11, 2011 at 11:43 AM | პასუხი მოლი ბლუმი
  
  ნუ, ჰო… არ უნდა გადაეღო :)
  
  LikeLike
on ივლისი 11, 2011 at 12:18 PM | პასუხი kevana

ემოციურად ძლიერი ფოტოა ^_^

LikeLike
- on ივლისი 11, 2011 at 12:22 PM | პასუხი მოლი ბლუმი
  
  მეც ასე მგონია, ქევან. შეუძლებელია, გულგრილად შეხედო.
  
  LikeLike
on ივლისი 11, 2011 at 12:24 PM | პასუხი Lord Vader

ისე, დიდი დეპრესია რუზველთმა გააღრმავა, ხოლო მეორე მსოფლიო ომაა დაასრულა.
ასე რომ – მადლობა ჰიტლერს.
(ქევან)
:)

LikeLike
- on ივლისი 11, 2011 at 12:32 PM | პასუხი Mary Poppins
  
  Какая злопамятность :)
  
  LikeLike
  - on ივლისი 11, 2011 at 12:36 PM | პასუხი მოლი ბლუმი
    
    შენ ეგა თქვი… :)
    
    LikeLike
- on ივლისი 11, 2011 at 3:33 PM | პასუხი tamara
  
  სამაგიეროდ, ხალხი იყო დასაქმებული მაგისტრალების მშენებლობაზე, ჰოდა, აგერ, შედეგი, ბატონო, ამერიკის გზების სახით :)
  
  LikeLike
  - on ივლისი 11, 2011 at 3:38 PM | პასუხი მოლი ბლუმი
    
    გერმანიაშიც კარგი გზებია… :)
    
    LikeLike
on ივლისი 11, 2011 at 12:36 PM | პასუხი Lord Vader

სრულიად სერიოზულად დავწერე :)

LikeLike
- on ივლისი 11, 2011 at 12:39 PM | პასუხი მოლი ბლუმი
  
  მტერი და მოგებული ომი დეპრესიის საუკეთესო წამალი უნდა იყოს. იმჰო.
  
  LikeLike
on ივლისი 11, 2011 at 12:40 PM | პასუხი Lord Vader

ახლა ელიავაზე ვარ წასასვლელი და თითქმის ეგეთი გამომეტყველება მაქვს.

LikeLike
- on ივლისი 11, 2011 at 12:43 PM | პასუხი მოლი ბლუმი
  
  რემონტი გაქვს შინ?
  
  LikeLike
on ივლისი 11, 2011 at 1:33 PM | პასუხი როდე

უმძიმესი ფოტოა, მართლაც… არ ვიცოდი, თუ “დოგვილთან” რაიმე კავშირი ჰქონდა კრიზისს :)

LikeLike
- on ივლისი 11, 2011 at 1:54 PM | პასუხი მოლი ბლუმი
  
  30-იანებში ხდება მოქმედება, როდე. და საზოგადოებაც დეპრესიულია მაგ ქალაქში.
  
  LikeLike
  - on ივლისი 11, 2011 at 2:01 PM | პასუხი როდე
    
    უი, უი… ახლა უფრო გასაგები გახდა რაღაც მომენტები… მადლობა :)
    ერთი უნდა შევხედი ამ კუთხიდან და ვუყურო კიდევ ;))
    
    LikeLike
    - on ივლისი 11, 2011 at 2:08 PM მოლი ბლუმი
      
      მერე მოგვიყევი, აქ ან ჯგუფში, შენს შთაბეჭდილებებზე :)
      
      LikeLike
on ივლისი 11, 2011 at 6:05 PM | პასუხი Lord Vader

დიდი დეპრესია დიდი პარადოქსია.
სმითისტები და ქეინსიანელები – ორთავენი საკუთარი სიმართლის დასამტკიცებლად იყენებენ, არადა სრულიად საპირისპიროს ქადაგებს ორთავე ბანაკი.

LikeLike
- on ივლისი 11, 2011 at 8:28 PM | პასუხი ანონიმური
  
  ჩემი პოლიტეკონომია ასეთ სიმაღლეებს ვერ წვდება… :(
  
  LikeLike
- on ივლისი 11, 2011 at 8:31 PM | პასუხი მოლი ბლუმი
  
  ჩემი პოლიტეკონომია ასეთ სიმაღლეებს ვერ წვდება… :(
  
  LikeLike
  - on ივლისი 12, 2011 at 1:13 AM | პასუხი Lord Vader
    
    ვერვისა წვდება. :)
    ეგეც რელიგიას გავს – რწმენის საკითხია. :)
    თორემ ფაქტობრივი მასალას ისე დაგილაგებენ, რომ ორივე მართალია.
    
    LikeLike
    - on ივლისი 12, 2011 at 9:04 AM მოლი ბლუმი
      
      მე, მაქსიმუმ, ფორბსს ვკითხულობ :)
      
      LikeLike
    - on ივლისი 12, 2011 at 10:16 AM Lord Vader
      
      მე არაჩვეულებრივი ლექტორი მყავდა – თემურ კუპრავა, მიუხედავდ იმისა რომ თეორიული ეკონომიკა მთავარი საგანი არ იყო.
      
      LikeLike
    - on ივლისი 12, 2011 at 10:27 AM მოლი ბლუმი
      
      ჩემთან საერთაშორისო სამართალი იყო მასე… ლაით ვერსიას გვასწავლიდნენ, დიდად არც მოგვეთხოვებოდა, მაგრამ ლექტორი იყო იმდენად კარგი, რომ სიამოვნებით ვსწავლობდი.
      
      LikeLike
    - on ივლისი 12, 2011 at 10:32 AM Lord Vader
      
      მაგას მეც ვსწავლობდი… მარა ლექტორის სახელი არ მახსოვს :) ლევან ალექსიძე არა მეორე იყო.
      სისხლი გამიშრო რა :)
      
      LikeLike
    - on ივლისი 12, 2011 at 10:37 AM მოლი ბლუმი
      
      ჩვენ აგვცდა ლევანი. პროფილური საგანი არ იყო და ალბათ იმიტომ…. ირინე ქურდაძე მასწავლიდა.
      
      LikeLike
    - on ივლისი 12, 2011 at 10:42 AM Lord Vader
      
      მაიცა ეგ ინტელექტუალი რომაა ის?
      
      LikeLike
    - on ივლისი 12, 2011 at 10:50 AM მოლი ბლუმი
      
      ინტელექტუალი ფრუიძეა. ქურდაძე პარლამენტარი იყო ერთ დროს და ახლა შაშკინის მოადგილეა.
      
      LikeLike
    - on ივლისი 12, 2011 at 10:52 AM Lord Vader
      
      ლოლ.
      ანუ იმის თქმა გინდა, რომ ირინე ქურდაძე არაინტელექტუალია?
      
      LikeLike
    - on ივლისი 12, 2011 at 12:22 PM tamara
      
      ბატონი ლევანი იურისტებს აღარ სწყალობს, როგორც მოარულმა ხმებმა მამცნეს, საერთაშორისო და იურიდიულის გაერთიანებისა გამო. თქვენი სპეციალიზაციის საგნებში გყავდეთ მაღალი ნიშნებიო :) :) თუმცა, სიმართლეზე თავს ვერ დავდებ… ნაწყენი კი იქნება, ალბათ, თავის დროზე მისი ინიციატივა იყო საერთაშორისოს და იურიდიულის გამიჯვნა…
      
      LikeLike
    - on ივლისი 12, 2011 at 12:29 PM მოლი ბლუმი
      
      ახალი ამბავი იქნება ეს… უნის კულუარებში საუკუნეა არ შემიხედავს და ახალი ინტრიგებიც არ ვიცი :)
      
      LikeLike
on ივლისი 12, 2011 at 11:00 AM | პასუხი მოლი ბლუმი

Nope. ირა, ზოგიერთი კლუბელისგან განსხვავებით, მართლა ინტელექტუალია. შენ აშკარად ფრუიძეს გულისხმობდი და იმიტომაც გითხარი :)

LikeLike
- on ივლისი 12, 2011 at 11:02 AM | პასუხი Lord Vader
  
  კაი… პოლიტიკურ განცხადებას არ გავაკეთებ :)
  ჩემი აზრი განათლების სამინისტროზე ისედაც ცნობილია.
  
  LikeLike
  - on ივლისი 12, 2011 at 11:04 AM | პასუხი მოლი ბლუმი
    
    ჩემიც :) მესამე პოსტი მქონდა მაგაზე :)
    
    LikeLike
- on ივლისი 12, 2011 at 12:24 PM | პასუხი tamara
  
  მომწონს ირინა :)
  
  LikeLike
  - on ივლისი 12, 2011 at 12:31 PM | პასუხი მოლი ბლუმი
    
    ჭკვიანია, ძალიან კარგი იურისტი, ძალიან კარგი ლექტორი :) ურთიერთობაშიც კომფორტულია.
    
    LikeLike
    - on ივლისი 12, 2011 at 12:58 PM tamara
      
      ვაიმე, იურისტია? :) რატომ არ ვიცოდი? :)
      ჰოდა, ყველაზე გაწონასწორებული კაპიტანია კიდევ, ჩემი აზრით…
      
      LikeLike
    - on ივლისი 12, 2011 at 1:39 PM მოლი ბლუმი
      
      არა :) შენ ფრუიძეს გულისხმობდი, როგორც ჩანს. მე ქურდაძეს.
      
      ინტელექტკლუბის საუკეთესო კაპიტანი გიორგი მელაძეა :)
      
      LikeLike
    - on ივლისი 12, 2011 at 2:51 PM tamara
      
      ჰო, მე ფრუიძე ვიგულისხმე :) :)
      ლორდმა აგვრია :p:p:p
      ირინა ქურდაძეს მხოლოდ ერთი გამოცდა ჩავაბარე და იმ გამოცდაზე პირველად ვხედავდი :D ერთმანეთზე კი კარგი შთაბეჭდილება დავტოვეთ :)
      
      LikeLike
    - on ივლისი 12, 2011 at 3:01 PM მოლი ბლუმი
      
      ორი მარინე, ორი გიორგის ასული და ორი ფერაძე :)
      
      მეორე ირინაც მოგწონებია შენ :) ნაის :)
      
      LikeLike
    - on ივლისი 12, 2011 at 3:35 PM Lord Vader
      
      მადლობა თქვით, რომ ირინე სარიშვილი არ გასწავლიდათ.
      
      LikeLike
    - on ივლისი 12, 2011 at 3:36 PM Lord Vader
      
      სხვათა შორის – ეს ფოტო ჩვენი დღევანდელი განათლების სისტემის ლოგოდ გამოდგება.
      
      LikeLike
    - on ივლისი 12, 2011 at 3:37 PM Mary Poppins
      
      +1
      
      LikeLike
    - on ივლისი 12, 2011 at 3:53 PM მოლი ბლუმი
      
      +1
      
      სამწუხაროდ :(
      
      LikeLike
    - on ივლისი 12, 2011 at 3:37 PM მოლი ბლუმი
      
      ფუი ეშმაკს! :)
      
      LikeLike
    - on ივლისი 12, 2011 at 3:49 PM Lord Vader
      
      გუშინ 10 საათზე რომ დაიძინეთ ყველამ ყურთბალიშზე :) ფეხბურთს ველოდებოდი და აქეთ-იქეთ ბოდიალში რამიშვილის გადაცემა გამეჩითა – მრევსლ ესაუბრებოდა…
      ახლა მაესტრო და რამიშვილი პროსახელისუფლებო ნაღდად ხომ არაა – მაგრამ 1 ნორმალური ადამიანი ვერ ნახავ იმდენში, ვინც დალაგებულად ისაუბრებდა. :)
      ასე რომ რა საჯარო განათლებაც გვაქვს, სასულიერო კიდევ მაგაზე უარესი.
      
      დააბრუნეთ ის კაცი!!! დააბრუნეთ!!!
      :)
      
      LikeLike
    - on ივლისი 12, 2011 at 3:52 PM მოლი ბლუმი
      
      ქანცგაწყვეტილი ვიყავი წუხელ, ლორდ, თორემ ჯგუფში შენთან მუსაიფს არაფერი ჯობია…
      
      მე მაგ შეხვედრის მოკლე შინაარსი ვიცი. რას აპროტესტებთო? კანონსო რატომო? იმიტომო. წაკითხული გაქვთო? არაო. აბა, საიდან იცით, რომ ცუდიაო? პატრიარქმა წაიკითხა, არ მოეწონა და ჩვენთვის საკმარისიაო.
      
      ამას განათლების სამინისტრო ვერ უშველის. ამას სიბნელე ჰქვია. ისეთი სიბნელე, მკურნალობას რომ არ ექვემდებარება :(
      
      LikeLike
on ივლისი 12, 2011 at 11:15 AM | პასუხი Mary Poppins

ნება მიბოძეთ, შემოგიერთდეთ :)

LikeLike
- on ივლისი 12, 2011 at 11:17 AM | პასუხი მოლი ბლუმი
  
  welcome! :) :)
  
  LikeLike
on ივლისი 12, 2011 at 3:57 PM | პასუხი Mary Poppins

განათლების სამინისტროს პროგრამებს ხომ გასხივოსნებული ხალხი წერს, რას ამბობ! :)

LikeLike
- on ივლისი 12, 2011 at 4:00 PM | პასუხი მოლი ბლუმი
  
  იმათი გასხივოსნების ხარისხი ამათ სიბნელეს როგორ შველის, მითხარი ერთი, მერი…
  
  სასულიერო პირმა (არცთუ უჩინომ) სამოცდაათი კაცი საჯაროდ დაწყევლა და ამას ეძახით გასხივოსნებას?
  
  LikeLike
  - on ივლისი 12, 2011 at 4:15 PM | პასუხი Lord Vader
    
    70 ბლოგერი.
    
    LikeLike
    - on ივლისი 12, 2011 at 4:18 PM მოლი ბლუმი
      
      მადლობა ღმერთს, ბლოგებს არ კითხულობს ალბათ, თორემ ბლოგერებს რომ მისდგომოდა, სამოცდაათზე არ გაჩერდებოდა….
      
      LikeLike
  - on ივლისი 12, 2011 at 4:22 PM | პასუხი Mary Poppins
    
    მე განათლების სისტემაზე მქონდა საუბარი, გეთაყვა :) რელიგიის საკითხებზე კამათს არ ვაპირებ :)
    
    LikeLike
    - on ივლისი 12, 2011 at 4:28 PM მოლი ბლუმი
      
      ეს არ არის რელიგიის საკითხი, მერი. გორთან რომ რუსის ტანკები იდგა და ვაზიანს ბომბავდნენ, პუტინი არ დაუწყევლია არავის და ამ სამოცდაათმა კაცმა მეტი დააშავა?
      
      ან დაწყევლა რას ნიშნავს? რაკი შენგან განსხვავებული აზრი აქვთ, იმიტომ წყევლი? სასიკვდილოდ იმეტებ?
      
      LikeLike
    - on ივლისი 12, 2011 at 4:33 PM Mary Poppins
      
      მოლი, გეთაყვა, ეგ საკითხი საერთო არ მიმაჩნია განხილვის საგნად – არ მგონია, რომელიმე საღად მოაზროვნე ადამიანმა მსგავსი რამ მოიწონოს, მაგრამ განათლების სისტემის სიმახინჯეები უფრო საზიანო მგონია და მომკალი, თუ გინდა.
      
      LikeLike
    - on ივლისი 12, 2011 at 4:45 PM მოლი ბლუმი
      
      რამდენიც გინდა, იმდენი იწონებს. თან ისეთები, ზუსტადაც საღად მოაზროვნეობაზე რომ დებენ თავს… თორემ, განათლების სამინისტრო ჩვენი დიდი ტკივილი რომ არის, ამას ვინ უარყოფს :(
      
      LikeLike
    - on ივლისი 12, 2011 at 4:50 PM Lord Vader
      
      მგონი ორივე საზიანოა.
      80+ პროცენტი რომ მართლმადიდებლად მიიჩნევს თავს და აქედან ერთი 40% მაინც დადის მუდმვად ეკლესიაში – რეებს უტენიან იქ თავში ესეც მნიშვნელოვანია.
      ცხონებულ რეზა ფახლავიც ეგრე ფიქრობდა – მნიშვნელოვანი არააო და ქე სტაცეს ხელი ფეხებში და გადმოაყუდეს ტახტიდან.
      
      LikeLike
on ივლისი 12, 2011 at 5:21 PM | პასუხი მოლი ბლუმი

ორივე საზიანოა. ოღონდ, სისულელე, რომელსაც დოგმის სტატუსი აქვს, უფრო საშიში მგონია მე.

ახალი ელექტრონული მოწმობა ბოროტებააო, ჰარი პოტერი მწვალებლობააო, რსრ-ს თამაში ცოდვააო, რუსული ბლოგ-პოსტები უწმინდურ ევროპასთან კავშირის გამო მოვლენილი ღვთის სასჯელი იყოო, იაპონია უზნეობის გამო დაინგრაო… რომელი ერთი ჩამოვთვალო :(

უბედურება ის არის, ამას განათლებით და სამოქალაქო საზოგადოების გაძლიერებით უნდა ებრძოლო და ამ დროს ელემენტარული განათლება არ გვივარგა :(

LikeLike
- on ივლისი 12, 2011 at 5:31 PM | პასუხი tamara
  
  :დეპრესია:
  
  LikeLike
  - on ივლისი 12, 2011 at 5:43 PM | პასუხი მოლი ბლუმი
    
    მაგით ვერ უშველი, თამარა…
    
    LikeLike
on ივლისი 14, 2011 at 2:13 AM | პასუხი Di@

ისტორია მეორდება… ჯერ სადა ვართ…

LikeLike
- on ივლისი 14, 2011 at 2:19 AM | პასუხი მოლი ბლუმი
  
  სამწუხაროდ :(
  
  LikeLike
on ივლისი 14, 2011 at 2:16 AM | პასუხი Di@

მიმდინარე”დიდ დეპრესიაში” ერთადერთ ნათელს იმას ვხედავ, რომ მეც მომეცემა ოდესმე მსგავსი კადრის დაფიქსირება… ნუ კრიზისი რა საჭიროა. საქართველოში სულ დრეპრესიაა, მარა მაინც.

LikeLike
- on ივლისი 14, 2011 at 2:19 AM | პასუხი მოლი ბლუმი
  
  ღმერთმა ნუ ქნას, დია :(
  
  LikeLike
on ივლისი 20, 2011 at 12:12 PM | პასუხი Jessie

ბრრრ. რა კოშმარია :(((( უბედურებაა ..ახლა რომ დაემართოს ვთქვათ ამერიკას კრიზისი, მთელ მსოფლიოს დარხეული აქვს…. ზლაიან საშნელებაა რომ ყელა ვყეაზე დამოკიდებულია.. საშინელებაა ამდენი შვილი, რომ გყავს სარჩენი და აღრ იცი მათ საცოდაობას უყურო და როგორ კვდებინ ნელ–ნელა შიშილისგან თუ იქვე ჩუმად მიგუდო :( უბედურებაა..

მახსოვს აქაური კრიზისიც 90–იანებს დასაწყისში. რაომღაც ზოგიერთს არ ახსოვს.. კურსელები მყავდნენ ვისაც რატომრაც არ გაუგია რომ შუქი არ იყო, რომ პურის რიგები არსებობდა, რომ ხალხს გზის ფული არ ჰქონდა….ჰმმ
რაც არ გვკლავს ის გვაძლიერებს…
ძალაი მაინტეერსებს ამ ქალმა რა ქნა ამ სურათის გადაღების შემდეგ. ანუ რა ბედი ეწია მა ს და მის შვილებს…… ადამიანი უფრო ძლიერია, როდესაც იცის რა არის გაჭირვება… უფრო კარგად ეკიდება ცხვრებას, მაგრამ რა ფასად უნდა დაუჯდეს ეს “გამოცდილება “…

აუფ რა ვიბოდიალე..

კარგი იყო :) ხომ იცი მოლი, მიყვარს შენი “მეოცე საუკუნის ოცი წამი”

LikeLike
- on ივლისი 20, 2011 at 12:21 PM | პასუხი მოლი ბლუმი
  
  ამ სურათების გამოქვეყნების შემდეგ მიგრანტებს დაეხმარა მთავრობა და ბანაკში სურსათი გააგზავნა, მაგრამ ეს ოჯახი აღარ იყო მანდ.
  
  მადლობა, ჯესი. მიხარია, რომ მოგწონს.
  
  LikeLike
on ივლისი 21, 2011 at 5:21 PM | პასუხი Interior Design

32 წლისო…
52–სა მეგონებოდა…

ოდესმე ომაირა სანჩესის ფოტოზეც დაწერე, კარგი?! მინდა, შენი თვალითაც შევხედო ამ ფოტოს.

LikeLike
- on ივლისი 21, 2011 at 5:29 PM | პასუხი მოლი ბლუმი
  
  აუცილებლად დავწერ :) და მერე შენს შეფასებასაც დიდი ინტერესით მოვისმენ :)
  
  LikeLike
on ივლისი 28, 2011 at 9:57 AM | პასუხი TamTa

რაზე გადასულხართ :დ

პატრიარქმა, უნდა მიეღოთ კანონი, მაგრამ არა ამ ფორმითო.
2 დღეში ასთი მნშ კანონის მღება, საქრთველოში კი არა,არსად არ შეიძლება(თან ერთმა პარტიამ “შეძლო” ეს.რაც კიდევ ერთხელ ადასტურებს ერთპარტიულობას). სულ არ სჭირდება ნაც.მოძრაობას ოპოზიცია და მსგავსები.
ეს არის “ძალათ ევროპელობა”, ნებისმიერი ნორმალურად მოაზროვნე ადამიანი(მორწმუნე თუ ათეისტი) მიხვდება, რომ ეს კარგი არ არის და ამ ფაქტის ცუდ შედეგებს ერთ-ორ წელიწადში არა, მაგრამ აუცილებლად ვიწვნევთ. (რასო, არ მკითხოთ, არ ვიცი) ასეა თუ ისე, ქვეყნის მოსახლეობის მინიმუმ 60 % არის მართმადიდებელი ქრისტიანი და მათთვის ანგარიში უნდა გაეწიათ.
პრეზიდფენტმა, ვამაყობ, ამ პარტიის წავრი რომ ვარო…

ღმერთო ჩემო!!!

მოლი,ამ თემაზე აუცილებლად უნდა მეთქვა…

LikeLike
- on ივლისი 28, 2011 at 10:05 AM | პასუხი მოლი ბლუმი
  
  ელექტრონული მოწმობები რომ ბოროტებაა, ამ აზრსაც იზიარებ?
  
  (ეს მეორე საპროტესტო მოთხოვნა იყო და იმიტომ გეკითხები. სრული სურათის მისაღებად)
  
  LikeLike
  - on აგვისტო 13, 2011 at 10:41 AM | პასუხი TamTa
    
    არა.
    
    მე რელიგიური კონფესიების შესახებ კანონზე ვთქვი.
    
    LikeLike
    - on აგვისტო 13, 2011 at 10:52 AM მოლი ბლუმი
      
      აჰა. გასაგებია. (ელექტრონული პირადობის მოწმობების გაუქმებასაც აქტიურად ითხოვდნენ მანდ).
      
      რას აპროტესტებთო? კანონსო რატომო? იმიტომო. წაკითხული გაქვთო? არაო. აბა, საიდან იცით, რომ ცუდიაო? პატრიარქმა წაიკითხა, არ მოეწონა და ჩვენთვის საკმარისიაო.
      
      აი, ეს არ მომწონს ძალიან. და ასეთი პროტესტი ფუჭი და უშინაარსო პროტესტი მგონია. და კიდევ – იმ სამოცდაათი ადამიანის დაწყევლა. შენ იცი, რას ნიშნავს უძველესი საეკლესიო ფორმულის გამოყენებით ადამიანის დაწყევლა? სასიკვდილოდ გაიმეტა. და რატომ? სხვაგვარად რომ ფიქრობდნენ, იმიტომ?
      
      LikeLike
    - on აგვისტო 19, 2011 at 12:53 PM თამთა
      
      “არ წამიკითხავს, უწმინდესს ვანდობი.” ეს რწმენის ამბავია და ღრმადმორწმუნეს ვერ მოთხოვ ასე არ მოიქცეს.
      
      სანამ წყევლაზე ივიშვიშებენ “კანონმდებლები”, უნდა დაფიქრებულიყვნენ რას აკეთებდნენ.
      
      მოლი, არავინ არ არის წანააღმდეგი რელიგიური უმცირესობის უფლებები იყოს დაცული. ეს ხალხი ამ კანონის მიღების პროცედურას აპოტესტებს. ხომ შეიძლებოდა მის განხილვაში რელიგიური უმცირესობები და საპატრიარქო ჩართულიყვნენ( თუ საერთო-სახალხო განხილვა არ მოხდებოდა.)
      
      LikeLike
on აგვისტო 19, 2011 at 1:06 PM | პასუხი მოლი ბლუმი

მე არავის არაფერს ვთხოვ, თამთა. ოღონდ, მე სეკულარულ სახელმწიფოში ვცხოვრობ და არა თეოკრატიულში და კანონის ავკარგიანობაზე მსჯელობისთვის ღრმადმორწმუნეობა საკმარისი არ მგონია – მინიმუმ, წაკითხული უნდა გქონდეს.

რაც შეეხება “ვიშვიშს” – მერწმუნე, არავინ ვიშვიშებს, უბრალოდ, სხვაგვარი აზრისთვის ადამიანები სასიკვდილოდ გაიმეტეს. შენთვის, როგორც ვატყობ, ეს მისაღები და მისასალმებელი ქცევა ყოფილა.

LikeLike
on სექტემბერი 13, 2011 at 10:37 PM | პასუხი M.K.

თვალები… ასეთი არსად მინახავს…

LikeLike
- on სექტემბერი 13, 2011 at 10:39 PM | პასუხი მოლი ბლუმი
  
  შემაძრწუნებელი კადრია :(
  
  LikeLike
on ოქტომბერი 14, 2011 at 11:54 PM | პასუხი luckiane

ase ar unda xdeboses.usamartlobaa(:

LikeLike
- on ოქტომბერი 14, 2011 at 11:56 PM | პასუხი მოლი ბლუმი
  
  მართალი ხარ :(
  
  LikeLike
on იანვარი 8, 2012 at 7:01 PM | პასუხი rockermeloman

სხვა რა გითხრა გარდა იმისა, რომ გადავწყვიტე ყველა შენს მიერ ნახსენები ფილმი ვნახო და ყველა წიგნი წავიკითხო?

LikeLike
- on იანვარი 8, 2012 at 7:09 PM | პასუხი მოლი ბლუმი
  
  ანუ, დღეს ფოტოისტორიაზე მეწვიე :)
  
  LikeLike
  - on იანვარი 8, 2012 at 7:13 PM | პასუხი rockermeloman
    
    ჰო, ცოტა დრო გამომიჩნდა და საფუძვლიანად ჩავუჯექი, ზერელედ ვარ ვკადრებ ხოლმე შენს ბლოგს :)
    
    LikeLike
on სექტემბერი 10, 2012 at 12:02 AM | პასუხი მეოცე საუკუნის ოცი წამი. 1993. “ლეშიჭამია ფოტოგრაფი” « Molly Bloom's Day™

[…] ბუდისტი ბერის განწირულ პროტესტზე ან მიგრანტთა დედაზე, შესაძლოა, იმ კომენტარებსაც მიაქციეთ […]

LikeLike
on მარტი 4, 2013 at 9:41 AM | პასუხი tami

სულ ვფიქრობ ხოლმე რა უნდა ქნას დედამ თუ მის შვილებს შიათ, სცივათ, სწყურიათ და შემოსავალი არ არის?
დამბურძგლა და ცუდ ხასიათზე დავდექი დილიდან, ძალიან გულჩვილი ვარ ასეთ საკითხებში, ჩემს თავს წარმოვიდგენ ხოლმე და გამოსავალს რომ ვერ ვპოულობ სასოწარკვეთა მეუფლება. ხომ არ იცი როგორ დამთავრდა ეს ისტორია?

LikeLike
on მარტი 27, 2013 at 12:46 PM | პასუხი obonatto

ჯანდაბა! ის გამახსენდა: “ერთმა აბრაგმა თავი მოვიკალ და შვიდმა აიღეთ პრემია?” :(

LikeLike
on მარტი 23, 2014 at 11:00 PM | პასუხი ამერიკული TIME ქართულად | Molly Bloom's Day™

[…] ცალკე ნაწილი ეთმობა და იქვეა “მიგრანტთა დედის” – დოროთეა ლანჟის სულისშემძვრელი […]

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google+ account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	ზაფხული და არდადეგებ… on რა ხდებოდა წიგნის ფესტივა…
	Molly Bloom's Day on რა ხდებოდა წიგნის ფესტივა…
	tamara on რა ხდებოდა წიგნის ფესტივა…
	Molly Bloom's Day on რა ხდებოდა წიგნის ფესტივა…
	Kejeradze on რა ხდებოდა წიგნის ფესტივა…
	Molly Bloom's Day on გრაფი (ბეფ)სტროგანოვი
	Kejeradze on გრაფი (ბეფ)სტროგანოვი
	oleanderi on “დაწყებული მაქვს და ვერ…
	ninoniri on როგორ გახსოვთ “პეპი გრძე…
	Molly Bloom's Day on რას ვაპირებთ წიგნის ფესტი…

Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 881 other followers
Blog Stats
- 1,098,290 hits

ივლისი 2011
ო	ს	ო	ხ	პ	კ	კ
« ივნ				აგვისტო »
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Molly Bloom's Day™

ასტრიდ ლინდგრენი – 111