ჩემი მაგნიტური კოლექცია

« ანე–კატარინე ვესტლი – სინათლე ჩვენს სულებში

Jeopardy! – ჰარი პოტერი და ფილოსოფიური ქვა »

ჩემი მაგნიტური კოლექცია

ივნისი 13, 2011 ავტორი Molly Bloom's Day

“მითხარი, ვინ არის შენი მეგობარი და გეტყვი, ვინ ხარ შენ” – ამ კლასიკურ ფორმულას უამრავი ვარიაცია გააჩნია, მე კი ახალ, მოლი ბლუმისეულ ვერსიას შემოგთავაზებთ და ვიტყვი, რომ ადამიანს ყველაზე უკეთ მისი კოლექციები ახასიათებს.

ბავშვობაში შემგროვებლობისადმი არანაირ ინტერესს არ ვიჩენდი და ოცდაათ წელს ისე მივუკაკუნე, მონეტების, მარკების, ასანთის კოლოფების ან ღია ბარათების კოლექციაზე არც მიფიქრია. ალბათ, ასეც გაგრძელდებოდა, რომ არა ჩემი მეგობარი, რომელმაც 2008 წლის 8 სექტემბერს (ზუსტად მახსოვს) გერმანიიდან ერთი შეხედვით უპრეტენზიო და უწყინარი საჩუქარი -“Hofbräu”-ს გასახსნელის ფორმის მაგნიტი ჩამომიტანა. (უცნაური ის არის, რომ იმ დროს არც ლუდს ვეტანებოდი და ე.წ. “Fridge magnets” -ზეც ერთობ ბუნდოვანი წარმოდგენა მქონდა).

ვერ გეტყვით, ასეთი რა ხიბლი ახლდა გერმანულ სუვენირს, მაგრამ ფაქტია, რომ იმ დღიდან დავკარგე თავიც და მოსვენებაც და ახლა, მაგნიტების ჩემსავით თავგადადებული კოლექციონერი მარტო თბილისში კი არა (გავკადნიერდები და ვიტყვი) მსოფლიოშიც ძნელად მოიძებნება.

ჩვეულებისამებრ, ასეთ მაგნიტებს მაცივრებზე აკრავენ ხოლმე, მაგრამ შვილივით ნაზარდი და ნალოლიავები კოლექცია სამზარეულოსთვის არ მემეტება და ჩემი ოთახის კედლებზე, ზომის მიხედვით შერჩეულ რვა დაფაზე მაქვს განაწილებული.

კოლექციის შევსებაში განსაკუთრებული წვლილი მეგობრებს მიუძღვით, რომლებიც შვებულებიდან ან მივლინებიდან ისე არ ბრუნდებიან, ხელს საჩემო სუვენირი არ გამოაყოლონ. სწორედ მათი დამსახურებით მოხვდა დაფებზე ვენეციიდან, სტრასბურგიდან, დუბაიდან, ბარსელონიდან, ჟენევიდან, ბერლინიდან, მოსკოვიდან, ლონდონიდან, ვილნიუსიდან, მონტე-კარლოდან, ბრიუსელიდან, სტოკჰოლმიდან, გლაზგოდან და ვინ იცის, კიდევ საიდან ჩამოტანილი მაგნიტები. 504 ეგზემპლარის სათითაოდ ჩამოთვლა შორს წაგვიყვანს, მაგრამ რამდენიმეზე მაინც გიამბობთ.

პირველ თემატურ გაერთიანებას – სხვადასხვა ჯიშის ძაღლების გამოსახულებებს სასაცილო და ორიგინალური წარწერებით – amazon.com-ზე მივაგენი და 28 ცალი ნაწილ-ნაწილ ჩამოვზიდე. “კინოლოგიური” დაფა ეფექტური გამოვიდა – მერწმუნეთ, ამერიკელებს, სადაც საჭიროა, არც გემოვნება ღალატობთ და არც იუმორის გრძნობა.

კოლექციის ქართული ხაზი მრავალფეროვანია, თუმცა, ყველას არ ვყიდულობ – ჩვენებურ მაგნიტებში უხარისხოებიც ბევრია. გამორჩეულად მიყვარს ფერწერული სერია – ახვლედიანის, ვარაზის, კაკაბაძის, ტიმჩენკოს, გუდიაშვილის, ფიროსმანის, ზიჩის ტილოების მაგნიტური ასლები, ვფიქრობ, ქართულ ბაზარზე, საუკეთესოა.

“ფერწერული” მაგნიტების ნამდვილი მარგალიტები კი ჩემმა მეგობარმა – ანუკამ – ისევ და ისევ უკიდეგანო ამაზონზე აღმოაჩინა და ერთ მშვენიერ დღეს აღტაცებული ჭყლოპინით სამსახურში მომიცუნცულა.

აღტაცება ჩემი უნდა გენახათ, როდესაც საგანგებოდ შეფუთულ ყუთში რემბრანდტის “ავტოპორტრეტი” და “ღამის გუშაგი”, ვერმეერის “გოგონა მარგალიტის საყურით”, ლეონარდოს “საიდუმლო სერობა”, “მონა ლიზა” და “ვიტრუვიელი ადამიანი”, ვან გოგის “მზესუმზირები” და “ზამბახები”, ბოტიჩელის “ვენერას დაბადება”, კლიმტის “კოცნა”, მიქელანჯელოს “ადამის შექმნა” და სხვა შედევრები დამხვდა.

კოლექციის ყველა ეგზემპლარს თავისი ისტორია აქვს და ჩემს დაფაზე შემთხვევით არც ერთი მოხვედრილა, მაგრამ რამდენიმე მაინც განსაკუთრებით მიყვარს. შავ-წითელ ფერებში გადაწყვეტილი “Amsterdam red light district” უდაოდ ყველაზე პიკანტურია, ვერგილიუსის ციტატით – “Omnia Vincit Amor” დამშვენებული სპილოს ძვლისფერი მაგნიტი ერთმა მეგობარმა საკუთარი კოლექციიდან დამითმო. დახვეწილი და იდუმალებით სავსე სამი ვენეციური ნიღაბი კი მეორემ საგანგებოდ ჩემთვის ჩამოატანინა.

ამ თემაზე მართლაც უსასრულოდ შემიძლია საუბარი, ამიტომ თავს აღარ შეგაწყენთ და ახლა თქვენ მოგისმენთ – იქნებ აქვე თქვენს კოლექციებზეც გვიამბოთ რამე. ერთში კი დარწმუნებული ბრძანდებოდეთ – თუ ოდესმე კრიმინალურ ქრონიკაში ყური მოჰკარით, მოლი ბლუმი ქრთამის აღების ბრალდებით დააპატიმრესო, ეჭვი არ შეგეპაროთ – ცხოვრებისეულ პრინციპებს რომელიმე იშვიათი მაგნიტის გამო ვუღალატე :)

Posted in Me | Tagged amazon.com, ამსტერდამი, ანუკა, ვენეცია, ვერგილიუსი, კოლექცია, მაგნიტური სუვენირები, მოლი ბლუმი, რომი, Fridge magnets, Hofbräu | 122 Comments

122 Responses

on ივნისი 13, 2011 at 12:06 AM | პასუხი ლიბიკა სილვესტრის

ახლა უკვე ვიცი რა გაჩუქო, მოლი :) :)

LikeLike
- on ივნისი 13, 2011 at 12:09 AM | პასუხი მოლი ბლუმი
  
  არ იცი, როგორ გამახარებ, ლიბიკა :)
  
  LikeLike
on ივნისი 13, 2011 at 12:10 AM | პასუხი ლიბიკა სილვესტრის

ოქტომბრამდე ხომ მოიცდი? რაიმე საგანგებოს აგირჩევ :)

LikeLike
- on ივნისი 13, 2011 at 12:14 AM | პასუხი მოლი ბლუმი
  
  აბა, რას ვიზამ :) მადლობა წინასწარ :) დიდზე დიდი :)
  
  LikeLike
on ივნისი 13, 2011 at 12:10 AM | პასუხი მოხეტიალე

საყურეების კოლექცია მაქვს:)
ჯერჯერობით მწირია, სულ რაღაც 100 წყვილი, მაგრამ მალე გავზრდი იმედია.
შემიძლია უკანასკნელი თეთრიც კი დავხარჯო თუკი საყურე მომეწონება.

LikeLike
- on ივნისი 13, 2011 at 12:15 AM | პასუხი მოლი ბლუმი
  
  100 წყვილი მწირი კოლექციაა, მანანა? რას ამბობ… :)
  
  მეც ასე ვარ :) მაგნიტის დანახვა და გონიერების დაკარგვა ერთია :)
  
  LikeLike
  - on ივნისი 13, 2011 at 1:32 AM | პასუხი მოხეტიალე
    
    ზოგი ძალიან პატარაა, მინიატურული.
    თავიდან ეგრე ვიყავი მეც, ახლა მარტო განსაკუთრებულებს ვყიდულობ:)
    
    LikeLike
    - on ივნისი 13, 2011 at 1:37 AM მოლი ბლუმი
      
      მაინც სერიოზული კოლექცია გქონია…
      
      განსაკუთრებულობის მოთხოვნა და ხარისხზე ორიენტირება დროსთან ერთად მოდის. ახლა უკვე სიუჟეტსაც ვაკვირდები. ბევრი ისედაც მაქვს. კარგი მინდა.
      
      LikeLike
on ივნისი 13, 2011 at 12:21 AM | პასუხი geoaria

აუ კოლექციებზე რომაა ხოლმე საუბარი და მიყვებიან რამაგარი კოლექციებიაქვთ მინდა რომ წავართვა და ჩემი იყოს და მეც მქონდეს კოლექცია…
არმყოფნის ნებისყოფა რამეების შესაგროვებლად. :(

LikeLike
- on ივნისი 13, 2011 at 12:22 AM | პასუხი მოლი ბლუმი
  
  რას ამბობ, ჩემს მაგნიტებს რომ რამე მოუვიდეს, გადავყვები კიდეც :)
  
  ჰო, კიდევ ენოთეკა მაქვს – ოღონდ მაგნიტები მაინც პირველია.
  
  LikeLike
on ივნისი 13, 2011 at 12:33 AM | პასუხი გვირილა

სულ მინდა რაღაცეები შევაგროვო და რამე უცნაურობა ვერ მოვიფიქრე :-( შენ კაი რამე მოგიფიქრებია, თან მიყვარს ეს მაცივრის მაგნიტები მე, ყველა სახის თითქმის :-) ნუ, ბლოკნოტების არაოფიციალური კოლექციონერი კი ვარ ისე :-D

LikeLike
- on ივნისი 13, 2011 at 12:37 AM | პასუხი მოლი ბლუმი
  
  ერთ დღეში, კი არა და ერთ საათში გადავწყვიტე შეგროვება და ისეთი ჩართული ვარ, აჟიტირება სიცოცხლის ბოლომდე გამყვება.
  
  არაოფიციალური რატომ? ბარემ სტატუსი მიეცი და მეგობრებიც ჩართე…
  
  LikeLike
on ივნისი 13, 2011 at 12:48 AM | პასუხი შიო

ჯერჯერობით კოლექცია ნამდვილად არ მაქვს და არც იდეა, მაგრამ თუ ოდესმე მექნება, თითქმის დარწმუნებული ვარ რომ ეს იქნება ტექნიკის დიდი ხროვა. ათასგვარი აპარატურა და მსგავსი რამეები <3
ვარიანტი N2. მაგდენი ფული თუ მექნება მანქანების საუცხოო კოლექცია…. იფ იფ!
ვარიანტი N3. შენც არ აპირებდი მაგნიტების შეგროვებას, ცხოვრებაში რა არ ხდება… ამიტომ შეიძლება სპონტანურად რაღაც უცნაურობს მეც მოვკიდო ხელი :))))

LikeLike
- on ივნისი 13, 2011 at 12:51 AM | პასუხი მოლი ბლუმი
  
  ტექნიკაც მშვენიერია და მანქანებიც (ცხონებულ ბრეჟნევს ჰქონდა მანქანების კოლექცია. იცოდა, კაცმა, გართობის ფასი).
  
  მართალი ხარ, არ ვაპირებდი კი არა, არც კი მიფიქრია, მაგრამ როგორც ჰექსე ამბობს “ყველაფერი საუკეთესო ცხოვრებაში მოულოდნელად ხდება” :)
  
  LikeLike
on ივნისი 13, 2011 at 12:55 AM | პასუხი შიო

არ მაწყენდა მსგავსი მოულოდნელობა ახლა :)))))))))))

LikeLike
- on ივნისი 13, 2011 at 1:00 AM | პასუხი მოლი ბლუმი
  
  მოულოდნელობა მოულოდნელად ხდება ხოლმე :ფილოსოფოსიმოლი:
  
  LikeLike
on ივნისი 13, 2011 at 1:04 AM | პასუხი tamara

ჰაჰა, პირველივე შესაძლებლობისთანავე გაჩუქებ რაიმე ორიგინალურს :)
ჰმმ, მე უინტერესო ადამიანი ვარ ალბათ :( ასე გამიზნულად არაფერს ვაგროვებ :(

LikeLike
- on ივნისი 13, 2011 at 1:06 AM | პასუხი მოლი ბლუმი
  
  რა მაგრობაა, ლიბიკაც დამპირდა და ახლა შენც :)
  
  მე მაგნიტების ამბავში ტაქტი არ მომეთხოვება. უკიდეგანოდ ხარბი ვარ :კოლექციონერიმოლი: და არ შეიმჩნიოთ :)
  
  მეც არ ვაგროვებდი და ხომ ხედავ, ახლა რა დღეში ვარ… შიოს არ იყოს, შენც გეწვევა ერთ დღეს აღმაფრენა :)
  
  LikeLike
on ივნისი 13, 2011 at 1:30 AM | პასუხი ნათია

შორეული ბავშვობიდან ვაგროვებ რაღაცეებს… არც კი მახსოვს სულ რამდენი რამის მოგროვება მიცდია, თუმცა არ გამიგრძელებია მერე… ვაგროვებდი სხვადასხვა ფერის კენჭებს, ნიჟარებს, ხელსახოცებს, მცენარეებს (ჰერბარიუმს ვაკეთებდი :) ), ვაგროვებდი თმას, ჩემს მეგობრებს, ახლობლებს დ აუბრალო ნაცნობებს ვთხოვდი რომ ერთი, თუნდაც პაწაწინა კულული მოეცათ ჩემთვის :) ჭიქებს, კონვერტებს, ღია ბარათებს, წერილებს… ეჰ, კარგი დრო იყო…

LikeLike
- on ივნისი 13, 2011 at 1:36 AM | პასუხი მოლი ბლუმი
  
  თმა პირველად მესმის :) ფრიად ორიგინალურია :)
  
  ახლა არაფერს აგროვებ, ნათია?
  
  LikeLike
on ივნისი 13, 2011 at 2:07 AM | პასუხი ნათია

წიგნებს მხოლოდ…

LikeLike
- on ივნისი 13, 2011 at 2:08 AM | პასუხი მოლი ბლუმი
  
  ერთ-ერთი საუკეთესო რამ, რისი შეგროვებაც შეიძლება :)
  
  LikeLike
  - on ივნისი 13, 2011 at 2:45 AM | პასუხი ნათია
    
    ჰო, ნელ-ნელა ივსება ეს კოლექცია, ძალიან ნელა, მაგრამ მთავარია რომ ივსება…
    
    LikeLike
    - on ივნისი 13, 2011 at 9:34 AM მოლი ბლუმი
      
      მთავარია, რომ ივსება :)
      
      LikeLike
on ივნისი 13, 2011 at 2:28 AM | პასუხი Lord Vader

მარკებს ვაგროვებდი და ავტომობილების მოდელებს….
ეგ იყო და ეგ.

კარტები (ბანქო ანუ) და კალმისტრებიც მაქვს კიდევ… მთლად კოლექცია არაა, მაგრამ უფრო მეტია, ვიდრე ნორმალურ ადამინს სჭირდება. :)

LikeLike
- on ივნისი 13, 2011 at 9:33 AM | პასუხი მოლი ბლუმი
  
  ბენტლის ნორმალურ მოდელს ვეძებ და ვერსად მივაგენი.
  
  და კიდევ რომელიღაც რუსული გამოცემა უშვებს საბჭოთა ავტომობილების მოდელებს. ვოლგაო, ჟიგულიო, ძველებს ძირითადად. პრესის კიოსკებში ვხედავ ხოლმე. სად შევინახო, ვერ მოვიფიქრე, თორემ ურიგო შესაგროვებელი არ იქნებოდა.
  
  LikeLike
on ივნისი 13, 2011 at 2:51 AM | პასუხი tatkii

ვაიმეე.. როგორ მინდა მეც დავიბრუნო ჩემი კოლექცია.. ქვედა საცვლების კოლექცია ვაკეთე დაახლოებით 9 წელი, მაგრამ რა.. ერთ საღამოს ისეთი ქვედა საცვალი მაჩუქეს, ავღბრთოვანდი, გავგიჯდი, გადავირიე.. მერე დაქალებმა დავლიეთ და იმ საღმოს ერთი საცვალი მოაკლდა კოლექციას.. მეორე დილით ჩემს ტანზე რომ დავინახე – კომა! ისე გავუნაწყენდი საკუთარ თავს 12 დღეში დავარიგე მთელი კოლექცია და არცერთი არ დავიტოვე ჩემთვის. იმ ერთი წყეული საცვალის გარდა.. 206 ცალი და ის ბედისგადამწყვეტი ორასმეშვიდე.. ეხლა რო მომკლა ვერ დავიწყებ ვერცერთი კოლექციის კეთებას.. ვგიჯდები მაგნიტებზე, და მთელი მაცივარი გადაჭრელებული მაქვს ფერად-ფერადი, საყვარელი, თუმცაღა უხარისხო (2-სამს ავუღნიშნავდი მარტო ხარისხს) მაგნიტებით.
პ.ს. ჩემს მეუღლეს აქვს სხვათაშორის რაღაც მაგარი მაგნიტი.. რაღაცა ისტორიას მიყვებოდა ამ მაგნიტის შესახებ, მაგრამ არ მოვუსმინე (რატომ – აღარ მახსოვს) .. :)

LikeLike
- on ივნისი 13, 2011 at 9:31 AM | პასუხი მოლი ბლუმი
  
  ვერ მოგსვლია კაი საქმე…
  
  LikeLike
on ივნისი 13, 2011 at 9:21 AM | პასუხი Mary Poppins

სამწუხაროდ, არასოდეს არაფერი შემიგროვებია – ასე მგონია, ნებისყოფა არ მეყოფა.

LikeLike
- on ივნისი 13, 2011 at 9:30 AM | პასუხი მოლი ბლუმი
  
  ერთხელაც მოინდომებ, მერი და…. ისეთი აზარტულია, ვეღარ გაეშვები :)
  
  LikeLike
on ივნისი 13, 2011 at 9:52 AM | პასუხი mecmikvarkhar

მოლი იქნებ ფოტო გადაუღო დაფებს და გვაჩვენო :) ძალიან საინტერესო იქნება;)
ახლა მეც ვიცი რა უნდა გაჩუქო ;)

LikeLike
- on ივნისი 13, 2011 at 9:58 AM | პასუხი მოლი ბლუმი
  
  ვიფიქრე მეც ფოტოებზე…. ფერწერული კოლექციის (აი, მსოფლიო კლასიკის შედევრების) შევსებას ველოდები და მერე ერთი დიდი ფოტოკოლაჟის მოწყობაც შეიძლება. ჯერჯერობით, არსად გამომიქვეყნებია კოლექცია და მინდა, განსაკუთრებით კარგი და რაც მთავარია, შევსებული იყოს.
  
  ეს ოთხი მაგნიტი, რაც პოსტშია, თავიანთ სერიებში ფავორიტებად მყავს და იმიტომ ავარჩიე :)
  
  LikeLike
  - on ივნისი 13, 2011 at 10:02 AM | პასუხი mecmikvarkhar
    
    მაშინ ჩვენც დაველოდებით ფოტოკოლაჟს :)
    
    LikeLike
    - on ივნისი 13, 2011 at 10:02 AM მოლი ბლუმი
      
      აუცილებლად გავაკეთებ :) შენ არაფერს აგროვებ, თეო?
      
      LikeLike
on ივნისი 13, 2011 at 10:12 AM | პასუხი kevana

კოლექციები მიყვარს, მაგრამ ჯერჯერობით არაფრის კოლექცია არ მაქვს :)
კარგ კოლექციონერს არაფერი ჯობია

LikeLike
- on ივნისი 13, 2011 at 11:31 AM | პასუხი მოლი ბლუმი
  
  მოვა დრო და გექნება :) მართალი ხარ, ქევან, კოლექციონერობის ეშხი გვიან, მაგრამ მაინც გავიგე და ახლა ზუსტად ვიცი, რამდენად სასიამოვნო და აზარტულია.
  
  LikeLike
on ივნისი 13, 2011 at 10:27 AM | პასუხი ten minutes older

მშვენიერი პოსტია, არ მეგონა მსგავსი გატაცება ასე ახლოს, ვინმეს თუ ექნებოდა )))

მე კოლექციონერობა მამა-ბაბუისგან გადმომედო. ისინი აგროვებდნენ მანქანის მოდელებს, მარკებს. მეც გავყევი მაგ გზას და ჩემიც შევამატებ, ვაგროვებ CD დისკებს იმ შემსრულებლების, რომლებიც ყველაზე მეტად მიყვარს, რამოდენიმეს დისკოგრაფიაც კი მაქვს შეგროვებული (თავისი “რედკი” ჩანაწერებიანად) )))

LikeLike
- on ივნისი 13, 2011 at 11:35 AM | პასუხი მოლი ბლუმი
  
  შენ რომ ჩანაწერებს არ აგროვებდე, სერიოზულად გამიკვირდებოდა… ბლოგზე გეტყობა :)
  
  მანქანები მოდელები…. ბენტლის წესიერ მოდელს ვეძებ, მაგრამ უშედეგოდ :(
  
  LikeLike
on ივნისი 13, 2011 at 11:01 AM | პასუხი ფიფქია

მშვენიერი ჰობი ჰქონია მოლის :)

LikeLike
- on ივნისი 13, 2011 at 11:32 AM | პასუხი მოლი ბლუმი
  
  მადლობა, ფიფქია :)
  
  LikeLike
on ივნისი 13, 2011 at 12:13 PM | პასუხი Mary Poppins

ვენეციური ნიღბები მაინტერესებს :)

LikeLike
- on ივნისი 13, 2011 at 12:18 PM | პასუხი მოლი ბლუმი
  
  სამივე ერთი მეორეზე უკეთესია…
  
  ჩემს ნათლიდედას ჰქონდა მაცივარზე მიკრული ერთი ცალი. არ აგროვებს, ისე ჩამოუტანეს. გული გამისკდა :( იმას ჰქონდა და მე არა :( ჰოდა, ეს რომ გაიგო, ჩემმა მეგობარმა იმდენი მოახერხა, სამი ჩამოატანინა ჩემთვის – ათასჯერ უკეთესები :)
  
  LikeLike
  - on ივნისი 13, 2011 at 12:44 PM | პასუხი Mary Poppins
    
    მეგობარიც ამას ჰქვია :)
    
    LikeLike
    - on ივნისი 13, 2011 at 12:46 PM მოლი ბლუმი
      
      არ თქვა :) უსაყვარლესი და უერთგულესი :)
      
      LikeLike
on ივნისი 13, 2011 at 12:54 PM | პასუხი Mallorie

მოლიკო, პატაარა რომ იყავი, ახლა, როგორიც ინგლისურის ცოდნაა სავალდებულო, ისე იყო მაშინ რუსულის. ანუ დაახლოებით 70-იანი, 80-იანი წლებია.
30 წელს მივუკაკუნეო.. ანუ დაახლოებით უნდა ჩაითვალოს, რომ 3-4 წლის წინ ხდებოდა ეს.. ანუ, ახლა იქნები 35-36 წლის.. თან ემთხვევა.. 2011-35=1976 აი, ზუსტად დაჯდა წელი.. ^^მმ, კიდევ გავიგე შენზე რაღაცებს და მალე შენს ზუსტ ასაკს გეტყვი, მოლიკ. :*
მმ, სურათები რომ დაგედო კარგი იქნებოა, ძალიან კარგი. :*
მე ადრე პასტების კოლექცია მქონდა.. სადღაც 100-ზე მეტი სხვადასხვანაირი ფორმის, ზომის, ფერისა თუ ნახატის…
მერე სალფეტკების კოლექციას ვაწარმოებდი, მაგრამ მათგან ყველაზე მეტად რომელიც მიყვარდა, ბოროტმა და ბოღმა ადამიანმა დამიხია და მერე აღარ გამიგრძელებია.. ^^
ახლა ბლოკნოტების კოლექცია მაქვს.. ერთ პოსტს მეც მივუძღვნი.. ^^

LikeLike
- on ივნისი 13, 2011 at 1:02 PM | პასუხი Lord Vader
  
  აქ ყველა შერლოქ ჰოლმსი თუ არა დოქტორი უოთსონი მაინცაა :)
  
  LikeLike
  - on ივნისი 13, 2011 at 1:03 PM | პასუხი მოლი ბლუმი
    
    შენ ეგა თქვი :) :) :) :)
    
    LikeLike
  - on ივნისი 13, 2011 at 1:04 PM | პასუხი Mallorie
    
    პირველი ვარიანტი სჯობს. ^^
    
    LikeLike
    - on ივნისი 13, 2011 at 1:06 PM მოლი ბლუმი
      
      მისს მარპლი არ გირჩევნია?
      
      სხვათა შორის, ერთი ფილმი მახსოვს ბუნდოვნად. ჰოლმსიანას პაროდია. ჰოლმსი ღრმად სულელია, ყველაფერს უოთსონი აკეთებს და ჰოლმსი, უბრალოდ, იჩემებს – ჩემი გამოძიებულიაო :)
      
      LikeLike
    - on ივნისი 13, 2011 at 1:18 PM Lord Vader
      
      მარფლი ნერვების მომშლელი ტიპია. :)
      
      LikeLike
    - on ივნისი 13, 2011 at 1:18 PM Mallorie
      
      ჯეინი… <3
      
      LikeLike
- on ივნისი 13, 2011 at 1:03 PM | პასუხი მოლი ბლუმი
  
  სავალდებულობა ერთია, მაცო, ოღონდ მე ისეთ ქალაქში გავიზარდე, რუსული ყველამ იცოდა, რუსულენოვანი მოსახლეობა იყო ჭარბად და არცოდნა არ გამოდიოდა :)
  
  30 წელს 2008 ში მივუკაკუნა :) ანუ ახლა 33-ის რაიონში ვარ :) თითქმის გამოიცანი :)
  
  აი, იმ ადამიანზე სერიოზულად გავბრაზდი :( რა ჯანდაბა უნდოდა :( როგორი ბოღმა უნდა იყო, სხვას ასეთი სიყვარულით შეგროვებული კოლექცია გაუნადგურო :( :( ჯანდაბას :( (
  
  აუცილებლად დაწერე შენს ბლოკნოტებზე. ისე, გვირილამ თქვა, ბლოკნოტების არაოფიციალური შემგროვებელი ვარო :)
  
  LikeLike
  - on ივნისი 13, 2011 at 1:14 PM | პასუხი Mallorie
    
    მმ, ერთ-ერთი ვარიანტი ბათუმია. ^^ თუმცა ქალაქის გაგება ძალიან შორს წამიყვანს და ვფიქრობ, სწორ შედეგამდეც ვერ მივალ.
    თვითონაც აგროვებდა, ჩემი მამიდაშვილი იყო. : ს
    კი, დავწერ.. ^^ ისეთი კარგებია.. ^^
    
    პ.ს. ვამაყობ საკუთარი თავით. :D
    
    LikeLike
    - on ივნისი 13, 2011 at 1:16 PM მოლი ბლუმი
      
      შენ მართლა შერლოკ ჰოლმსი ყოფილხარ :) :)
      
      LikeLike
    - on ივნისი 13, 2011 at 1:20 PM Mallorie
      
      მმ, ანუ ქალაქიც გამოვიცანი?
      :D
      
      LikeLike
    - on ივნისი 13, 2011 at 1:29 PM მოლი ბლუმი
      
      ჰედონისტურ მანიფესტში ერთადერთი ქალაქი მყავს სახელით მოხსენიებული :) მიყვარს მეთქი :) და სადაც არ უნდა წავიდე, იმ ქალაქზე მეტად არაფერი შემიყვარდება :)
      
      LikeLike
    - on ივნისი 13, 2011 at 1:35 PM Mallorie
      
      მახსოვს ეგ პოსტი.. ^^
      ის მიყვარსო, ესაო, ისაო.. :პპპ
      
      LikeLike
    - on ივნისი 13, 2011 at 1:37 PM მოლი ბლუმი
      
      აჰა :) და მანდ ბათუმია ნახსენები :)
      
      LikeLike
    - on ივნისი 13, 2011 at 1:39 PM Mallorie
      
      მმ, სამწუხაროდ ეგ არ მახსოვდა… თითოეულ პოსტში, ნუ უმრავლესობაში მაინც გიწერია რაღაც, კაუჭგამოსადები.. :პპპ
      
      LikeLike
    - on ივნისი 13, 2011 at 1:41 PM მოლი ბლუმი
      
      არ აქვს მნიშვნელობა, რაზეა პოსტი, მაინც საკუთარ თავზე ვწერ :)
      
      LikeLike
on ივნისი 13, 2011 at 1:20 PM | პასუხი Lord Vader

ისე მოლი ბლუმია 33-ის. :)

LikeLike
- on ივნისი 13, 2011 at 1:24 PM | პასუხი Mallorie
  
  არა, უფრო პატარაა.. ^^
  
  LikeLike
  - on ივნისი 13, 2011 at 1:26 PM | პასუხი Lord Vader
    
    ნწუ. 33-სა და 34 შორისაა.
    
    LikeLike
    - on ივნისი 13, 2011 at 1:28 PM Mallorie
      
      დაბადების წელი ზუსტად არ მახსოვს, მაგრამ 29-30-ის იქნება.. 33-ის არა.. ^^
      
      LikeLike
    - on ივნისი 13, 2011 at 1:30 PM მოლი ბლუმი
      
      აი, აქ ლორდია მართალი, მაცო :)
      
      LikeLike
    - on ივნისი 13, 2011 at 1:32 PM Mallorie
      
      ჰოო?
      ე.ი. არასწორად მახსოვს..
      ვეცდები, უფრო ყურადღებიანი ვიყო ხოლმე.. :*
      
      LikeLike
    - on ივნისი 13, 2011 at 1:31 PM Mallorie
      
      აპაპააპ.. მე შემეშალა.. 4-იანი უნდა დამეწერა წინ და რადგან შენ 3-ით დაიწყე.. დაახლოებით 39-40 წლის უნდა იყოს ახლა.. ^^
      მახსოვს, რომ 76-ის ქვევით იყო.. დედაჩემია 76-იანი და…
      
      LikeLike
    - on ივნისი 13, 2011 at 1:34 PM მოლი ბლუმი
      
      მე ვარ 40 წლის? :) :) :) :) არა, რას ამბობ :) ნამეტანია :)
      
      LikeLike
    - on ივნისი 13, 2011 at 1:37 PM Mallorie
      
      მოლიკო, შენზე არ მითქვამს მე.
      იიიიიიმ მოლზე ვამბობდი.. ეტყობა, მე და Lord Vader-ი სხვადასხვა მოლზე ვსაუბრობდით.. :დ:დ:დ
      
      LikeLike
    - on ივნისი 13, 2011 at 1:41 PM მოლი ბლუმი
      
      არა, მაცო, შენ და ლორდი ზუსტადაც რომ ერთ მოლიზე საუბრობთ. ეს მე ავირიე :)
      
      LikeLike
    - on ივნისი 13, 2011 at 1:35 PM Lord Vader
      
      მე “იმ” ბლუმს ვგულისხმობ. :)
      დაბადების წელი არ მახსოვს, მაგრამ გამოთვლილი აქვთ.
      33 სიმბოლურად არის მისი ასაკი, გასაგებია, რატომაც.
      
      LikeLike
    - on ივნისი 13, 2011 at 1:37 PM მოლი ბლუმი
      
      გასაგებია :)
      
      ბლუმსდეი მოდის… სამი დღეც და დამკაში ვართ.
      
      LikeLike
    - on ივნისი 13, 2011 at 1:53 PM Lord Vader
      
      აი რა ცუდია როდესაც ერთ სოფელში ორი მარინეა და ორვიე ფერაძეო? :)
      
      ისე კაი ხანია ეგ ჩანაფიქრი მაქვს იმ გამოგონილ პერსონაჟებზე დავწერო პოსტები, რეალურებ რომ გახდნენ…
      პრინციპში 2 დაწყებულიც მაქვს. ერთი ერთი ბლოგის დრაფტებშია და მეორე მეორის… :)~
      
      ისე, ჩეშირულზე რომ დავწერე – ეგეც მამენტ მაგ ციკლიდან გამოდის.
      
      LikeLike
    - on ივნისი 13, 2011 at 1:56 PM მოლი ბლუმი
      
      ნატოშას გულისხმობ?
      
      მახსოვს ის პოსტი. სულძაღლიანებზე და სულკატიანებზე რომ ყვებოდი, მერე ცნობილ კატებზე და მერე ჩეშირულ ღიმილზე და ყველის ვაჭრებზე.
      
      რა საინტერესო ჩანაფიქრი გქონია… ოღონდ, შენი სიბარიტობის ამბავი რომ ვიცი, კიდევ დიდი ხანი დაიზარებ გამოქვეყნებას.
      
      LikeLike
    - on ივნისი 13, 2011 at 2:00 PM Lord Vader
      
      ერთი თითქმის დამთავრებულია. გადახედვა უნდა ბოლოჯერ :)
      
      LikeLike
    - on ივნისი 13, 2011 at 2:23 PM მოლი ბლუმი
      
      დაველოდებით….
      
      LikeLike
on ივნისი 13, 2011 at 1:24 PM | პასუხი როდე კოლე

რა საინტერესო კოლექციაა!
კოლექციონერობის დაავადებით საკმაოდ ვარ შეპყრობილი, უფრო ვიყავი. რეალურად რა კოლექვიები მაქვს: მსახიობების და რეჟისორების, ზოგადად კინემატოგრაფის პოსტერების, სტატიების; კალმების (50–ამდე მექნება და ყველა ორიგინალურია); ავტოგრაფების (ვამაყობ ფეტვიაშვილის, კალანდაძის და ბაშმეტის ავტოგრაფებით); ბრელოკების (ეს ცოტა ახალი დაწყებული მაქვს). წიგნებს არ ვთვლი. მოკლედ იქნებ როდისმე რომელიმე მათგანზე მეც მოვყვე პოსტში? :))

LikeLike
- on ივნისი 13, 2011 at 1:33 PM | პასუხი მოლი ბლუმი
  
  პოსტერები… როგორ მიყვარს :) განსაკუთრებით – ძველები :) რაღაცნაირად სხვანაირები იყო – უფრო ლამაზები.
  
  ერთადერთი კალამი მქონდა – ოქროსწვერიანი მონბლანი. მეგობარმა მაჩუქა (შეთავსებით უფროსი იყო). ისეთი კალამი იყო… ხელს რომ ვკიდებდი, თბებოდა. ერთი, ხმას არ იღებდა, თორემ დანარჩენი… პარლამენტში დავკარგე და იმის შემდეგ კალამი არ მქონია :(
  
  ბაშმეტის ავტოგრაფი თბილისში აიღე? აი, მართლა საამაყოა :)
  
  დაწერე, აუცილებლად დაწერე.
  
  LikeLike
  - on ივნისი 13, 2011 at 3:47 PM | პასუხი როდე კოლე
    
    კი ძველი პოსტერები ყველაზე მაგარია. ცოტა მაქვს, განსაკუთრებული გრეტა გარბოსია, რაღაცანიაირია, ისეთი :*
    
    რა საინტერესოა კალამი ყოფილა. უი, მე კიდე დედისგან მერგო ბიბი კინგის პერსონალური კალამი, რომელიც თბილისში ყოფილა და დედის მამისთვის მიუცია და ახლა ჩემი კოლექციის ღირსეული წარმომადგენელია.
    
    კი მის კონცერტს დავესწარი ოპერაში. პატარა ვიყავი, მაგრამ მახსოვს, დედამ რომ მიმიყვანა და სურათიც რომ გადავიღეთ :)
    
    მომინდა დაწერა ახლა, ჩადგა გეგმაში :დ
    
    LikeLike
    - on ივნისი 13, 2011 at 4:12 PM მოლი ბლუმი
      
      უსერიოზულესი და ძალიან საინტერესო საპოსტე თემები გქონია :)
      
      ბი ბი კინგის კალამზე აღვფრთოვანდი :)
      
      LikeLike
on ივნისი 13, 2011 at 1:44 PM | პასუხი Mallorie

მოლიკო, მოლიკო.. აი, ასეთი საინტერსო რომ ხარ იმიტომაც არის აააამდდენი ადამიანი აქვს.. ^^

LikeLike
- on ივნისი 13, 2011 at 1:47 PM | პასუხი მოლი ბლუმი
  
  ჩემი ბლოგის მთავარი დამსახურებაც ეს მგონია – გუშინ ვუთხარი ლორდს, ლიტერატურულ ბლოგს მუდმივი მკითხველი ძნელად თუ გაუჩნდება. ნეტი ცოტა სხვა სივრცეა. უფრო ყვითელი და ცხელი კონტენტი ფასობს.
  
  ჰოდა, მადლობა ჩემს მკითხველს :)
  
  LikeLike
  - on ივნისი 13, 2011 at 1:50 PM | პასუხი Mallorie
    
    მეც ეგ მიკვირს. ქე გაიძახიან რავარი უცოდინარი ხალხია, ისაო, ესაო.. არაფერი ამათ არ აინტერსებთო და ქე ეტყობა შენს ბლოგს კომენტარები.. მაა.. ^^
    არა, კარგია აქ. საინტერესო მოსაუბრე ხარ. გუშინ ღამე ვფიქრობდი შენს ბლოგზე. ^^
    
    LikeLike
    - on ივნისი 13, 2011 at 1:52 PM მოლი ბლუმი
      
      მე ბლოგოსფეროში საუკეთესო მკითხველი მყავს :) ერთი მეორეზე უკეთესი :)
      
      მართლა? და მერე რაო? არ მეტყვი?
      
      LikeLike
    - on ივნისი 13, 2011 at 2:12 PM Mallorie
      
      რაო და ისაო… ოოო.. არ ვიტყვი. :P :D
      წეღან რომ გითხარი, სწორედ იმ ფრაზით დავამთავრე შენი ბლოგს განხილვა გუშინ. ^^
      
      LikeLike
    - on ივნისი 13, 2011 at 2:16 PM მოლი ბლუმი
      
      კარგი, არ თქვა :) და მადლობა დიდი :)
      
      LikeLike
    - on ივნისი 13, 2011 at 2:18 PM Mallorie
      
      ჰოოო… ცოტა ნაწყენი ვარ ერთ-ერთ ფორუმელზე და ამიტომ ვცდილობ, ბეევრი კარგი რაღაცები არ ვთქვა ხოლმე. : ))
      
      LikeLike
    - on ივნისი 13, 2011 at 2:19 PM Mallorie
      
      ბევრი რაღაც, რაღაცები კი არა.. სსსს
      
      LikeLike
    - on ივნისი 13, 2011 at 2:21 PM მოლი ბლუმი
      
      ოკ :) არ თქვა :) რასაც ამბობ, ისიც ძალიან სასიამოვნოა :)
      
      LikeLike
    - on ივნისი 13, 2011 at 2:24 PM Mallorie
      
      <3
      
      LikeLike
on ივნისი 13, 2011 at 6:55 PM | პასუხი ჩორვენი

nu რადგან ჩემთვის კოლექციები ეტა სვიტოე გადავწყვიტე რომ ჩემს ოთახში მიკრული ფრანგული ღვინის ასორტიმენტის მაგნიტი გაჩუქო : ) [ნუ იმიტომ რომ მე ეს ერთადერთი მაქვს და შენ კოლექციას შემატებ, თანაც ვიცი რა რამხელა სიხარულს ბადებს ყოველი ახალი ეგზემპლარი]

ისე კი შემგროველბლობანა ბიძაჩემმა დამაყებინა : ) ჯერ ხელსახოცები, მერე მსოფლიო მასშტაბით შეგროვებული ლუდის თავსახურები, საშლელები, რბილი სათამაშოები , მილკი ვეის ძროხები [ანუ შავი კოპლებით], ამაზი ბლოკნოტები და მოკლედ არ ვუჩივი კოლექციების ნაკლებობას : )

LikeLike
on ივნისი 13, 2011 at 7:04 PM | პასუხი მოლი ბლუმი

უღრმესი მადლობა, ჩორვენ :) მართლა გცოდნია კოლექციონირების ეშხი, პრინციპში შენი ასორტიმენტის ჩამონათვალის მიხედვითაც მივხვდებოდი :) უმაგრესი რაღაცებია. მილკი ვეი ძროხები, საშლელები და ლუდის თავსახურები – განსაკუთრებით :)

LikeLike
- on ივნისი 14, 2011 at 3:57 PM | პასუხი ჩორვენი
  
  რაის მადლობა მოლ : )ვსეგდა რადა პამოჩ ჩო ნიბუდ კალექციონიროვა”წ” : )))
  ჰო და ისა მე ჩემი კოლექციების ოთახში ლამაზად გამოფენას ჯერ თავი ვერ მოვაბი : ) ასე რომ მიწყვია ჯერ უზარმაზარ უჯრაში და შიგადაშიგ ვამოწმებ ხომ კარგად არიან ხოლმე : )
  
  ჰოდა ისა რავი როდესაც მოიცლი მითხარი და გადმოგცემ ა მაგნიტს : )
  
  LikeLike
  - on ივნისი 14, 2011 at 5:09 PM | პასუხი მოლი ბლუმი
    
    გამოფენასაც მუზა სჭირდება :)
    
    შენ როდისთვის მოიცლი, ის მითხარი :) ენივეი, ფბ-ზე შეგეხმიანები :)
    
    LikeLike
    - on ივნისი 14, 2011 at 8:11 PM ჩორვენი
      
      da ziritadad sul moclili ar var : ) mtavaria megvizos da salxshi jdoma ar mqondes gadacyvetili da shexvedris dos gamonaxvas raga unda :D
      
      LikeLike
    - on ივნისი 14, 2011 at 10:47 PM მოლი ბლუმი
      
      აჰა, მეც მანდ ვარ :) შენი გეგმების მიხედვით ავეწყობი. კვირას თავისუფალი ხარ?
      
      LikeLike
    - on ივნისი 15, 2011 at 12:13 AM ჩორვენი
      
      kvira anu 19i? : ) savaraudod ki : ) yovelshemtxvevashi jer ar maqvs gegmebi :D mbronav?? :P
      
      LikeLike
    - on ივნისი 15, 2011 at 12:36 AM მოლი ბლუმი
      
      კი, ჩორვენ, ცხრამეტში :) თუ გცალია, მე 19 მირჩევნია.
      
      LikeLike
    - on ივნისი 15, 2011 at 2:37 AM ჩორვენი
      
      ook : )))
      
      LikeLike
on ივნისი 13, 2011 at 10:09 PM | პასუხი Chiamaria

ფერწერული მაგნიტები საკმაოდ მრავლად გავაჩუქე თავის დროზე პოლონეთში. :)
დაგეთანხმები, მართლაც საუკეთესოა.
მე მაქვს ერთი მაგნიტი ძალიან საყვარელი ჩემთვის, ვენიდან. <3 ძალიან ლამაზია.

LikeLike
on ივნისი 14, 2011 at 10:10 PM | პასუხი Mallorie

ჰეიჰეიჰეი..
მოლი, როგორ ხარ? <3

LikeLike
- on ივნისი 14, 2011 at 10:47 PM | პასუხი მოლი ბლუმი
  
  არა მიშავს, მაცო :) პოტერიადის პირველ ტურს ვამზადებ.
  
  შენ როგორ ხარ>
  
  LikeLike
on ივნისი 14, 2011 at 11:34 PM | პასუხი Taboo

მოლი, ფოტოც რომ გადაუღო შენს კოლექციას და პოსტში ჩაამატო, არ გინდა?
ვკვდები ცნობისმოყვარეობით :)

LikeLike
- on ივნისი 14, 2011 at 11:39 PM | პასუხი მოლი ბლუმი
  
  ოთხი მაგნიტის სურათი კი არის პოსტში, ტაბუ და სრულ ფოტოკოლაჟს მოგვიანებით გამოვაქვეყნებ :)
  
  LikeLike
on ივნისი 17, 2011 at 1:21 AM | პასუხი Batumshi

პატარობისას, ჩემი კოლექციაც მაცივარზე იყო განლაგებული – დისნეის პერსონაჟების ‘ნაკლეიკების’ ქვეშ ძნელად თუ შეიმჩნეოდა მაცივრის კარი… ზედა ნაწილში – ვიპ ადგილას, ამობურცული ნაკლეიკები იყო განთავსებული… ჩემი კოლექციის მარგალიტები ^_^

LikeLike
- on ივნისი 17, 2011 at 11:45 AM | პასუხი მოლი ბლუმი
  
  მე პატარობიდან დისნეის “დონალდო” მახსოვს. მანდაც იყო სერიები, ოღონდ არ ეწებებოდა.
  
  დისნეის მაგნიტებს დიდი სიხარულით დავიმატებდი, მაგრამ ჯერჯერობით ვერსად მივაკვლიე და მხოლოდ ორი ცალი მაქვს.
  
  LikeLike
on ოქტომბერი 14, 2011 at 11:03 PM | პასუხი luckiane

zalian lamazi koleqciaa

LikeLike
- on ოქტომბერი 14, 2011 at 11:04 PM | პასუხი მოლი ბლუმი
  
  აქ მხოლოდ ოთხი მაგნიტია, ლუკა და ოთხივე უმაგრესი. დანარჩენი კიდევ უკეთესია :)
  
  LikeLike
on დეკემბერი 19, 2011 at 2:22 PM | პასუხი მოლი ბლუმი « rockermeloman

[…] ამ ბლოგით დავინტერესდი, მისი ავტორის მაგნიტების კოლექცია […]

LikeLike
on დეკემბერი 23, 2011 at 10:34 AM | პასუხი shumoxeri

მეც გეტყვი ჩემს კოლექციებზე :)
ახლა დავუკვირდი.
არასოდეს მიფიქრია რო კოლექციონერი ვარ, მაგრამ ახლა ვხვდები რო კოლექიები მაქვს :)
ოთახის მცენარეები მაქვს ბევრი.
“ლიტერატურული პალიტრის” თითქმის ყველა ნომერი :))
ლამაზი თეთრეულები ლოგინისთვის, მაგრამ ვხმარობ თან. ანუ კოლექციებს საყურებლად არ ვაგროვებ.
კიდევ მაქვს უამრავი ვერცხლის სამკაული, რომელთა საერთო წონა 3კგმდეა :))
კიდევ… ჰო, პორტრეტებს ვაგროვებ :) ჩემით ვუღებ ადამიანებს ოღონდ :)

LikeLike
- on დეკემბერი 23, 2011 at 10:42 AM | პასუხი მოლი ბლუმი
  
  მცენარეებია ძალიან კარგი, ვერცხლის სამკაულებიც. პორტრეტებიც მომეწონა. ლიტერატურულ პალიტრაზე არაფერს ვიტყვი, მშვენიერზე მშვენიერია. ყოჩაღ შენ.
  
  კარგია კოლექციონერობა… სასიამოვნოა აზარტული.
  
  LikeLike
on იანვარი 21, 2012 at 12:03 AM | პასუხი Agius

პატივცემულო მოლი, ბუების გამოსახულებიანი მაგნიტები თუ გაქვთ?

LikeLike
- on იანვარი 21, 2012 at 12:05 AM | პასუხი მოლი ბლუმი
  
  არა :(
  
  LikeLike
on თებერვალი 11, 2013 at 2:06 AM | პასუხი Cheminda

“ვაგროვებ” ბლოკნოტებს და შენახვა რომ შემეძლოს ტკბილეულობის უზარმაზარი კოლექციონერიც ვიქნებოდი :))))

LikeLike
- on თებერვალი 11, 2013 at 2:08 AM | პასუხი მოლი ბლუმი
  
  ტკბილეულების და სასმელების კოლექციას ერთი დიდი მინუსი აქვს – ძნელად ინახება :)
  
  შენი პირველი კომენტარია მოლის ბლოგზე. ველქამ!
  
  LikeLike
  - on თებერვალი 11, 2013 at 2:13 AM | პასუხი Cheminda
    
    მომწონს შენი ბლოგი ^_^
    
    LikeLike
    - on თებერვალი 11, 2013 at 2:13 AM მოლი ბლუმი
      
      მადლობა :)
      
      LikeLike
on თებერვალი 11, 2013 at 2:09 AM | პასუხი Cheminda

ჰო, კიდევ ვაგროვებ – მოხუცების ისტორიებს და მუსიკოსებს – მთელი მსოფლიოს მაშტაბით და თავიანთი სრული შემოქმედებით :)))

LikeLike
- on თებერვალი 11, 2013 at 2:10 AM | პასუხი მოლი ბლუმი
  
  ორიგინალურია :)
  
  LikeLike
on სექტემბერი 14, 2013 at 11:59 PM | პასუხი shapokliaki

მე საპნებს ვაგროვებდი ბავშვობაში.
არავინ იცის რა ჯანდაბად მინდოდა.
ფაქტია, დღესაც სტენდერსის საპნების სტენდს რომ ცავუვლი ხოლმე, ყველას ჩაკბეჩა მინდება.

LikeLike
- on სექტემბერი 15, 2013 at 12:02 AM | პასუხი მოლი ბლუმი
  
  როგორ მესმის შენი )
  
  LikeLike
on ოქტომბერი 3, 2013 at 12:03 AM | პასუხი მოლის უიქენდი | Molly Bloom's Day™

[…] მერე ან თაროებს ვალაგებ, ან მაგნიტების კოლექციას, მულტფილმებს ვუყურებ ან რომელიმე […]

LikeLike

Comments RSS

კომენტარის დატოვება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out / შეცვლა )

You are commenting using your Google account. ( Log Out / შეცვლა )

You are commenting using your Twitter account. ( Log Out / შეცვლა )

You are commenting using your Facebook account. ( Log Out / შეცვლა )

გაუქმება

Connecting to %s

This site uses Akismet to reduce spam. Learn how your comment data is processed.

ძიება
კარლსონი ფეისბუქზე
Top posts and pages
Follow Molly Bloom's Day™ on WordPress.com
Follow Us
- Facebook

ბოლო კომენტარები

	tamara კომენტარი Jeopardy! – ჰარი პოტერი და ცეც… ჩანაწერზე
	დიანა კომენტარი მარკ შაგალის სიყვარულის ს… ჩანაწერზე
	სანდრო ვარშანიძე კომენტარი ასტრიდი – ღიმილის ორდენი… ჩანაწერზე
	tamara კომენტარი წიგნების სასაფლაო ჩანაწერზე
	Molly Bloom's Day კომენტარი წიგნების სასაფლაო ჩანაწერზე
	მარი კომენტარი წიგნების სასაფლაო ჩანაწერზე
	ანონიმური კომენტარი ბოცო, გვანცა, ბოლოკა და ყ… ჩანაწერზე
	Molly Bloom's Day კომენტარი ჩემი “მარადისობის კანონი… ჩანაწერზე
	ლალი კომენტარი ჩემი “მარადისობის კანონი… ჩანაწერზე
	Sofiko sordia კომენტარი მულტფილმები, რომლებსაც ვკითხულ… ჩანაწერზე

ივნისი 2011

ო ს ო ხ პ კ კ

1 2 3 4 5

6 7 8 9 10 11 12

13 14 15 16 17 18 19

20 21 22 23 24 25 26

27 28 29 30

« მაისი ივლ »
Tag Cloud
"ნაკადული" Molly Bloom's Day non fiction ochobooks XX საუკუნის ფოტოისტორია აკა მორჩილაძე არტი ასტრიდ ლინდგრენი ბათუმი ბაკურ სულაკაურის გამომცემლობა ბიბლიო-სერიები ბიბლუსი ბლოგერი ბლოგი ბლოგინგი ბლოგოსფერო ბორის აკუნინი გამომცემლობა "ინტელექტი" გამომცემლობა "წიგნები ბათუმში" გამომცემლობა არტანუჯი გამომცემლობები და წიგნის მაღაზიები გესტ ჯეოპარდი დეტექტივი დოკუმენტური პროზა ეკა ტაბლიაშვილი ელექტრონული ბიბლიოთეკა ექსპო ჯორჯია ვერანდა ზღაპრები თამაში თანამედროვე ევროპული ლიტერატურა თანამედროვე ქართული ლიტერატურა თბილისის წიგნის საერთაშორისო ფესტივალი კარლსონი კლიché ლინდგრენოლოგია ლიტერატურული კონკურსი ლოგოს პრესი მალხაზ ფაღავა მოლი ბლუმი მოლის ბიბლიოთეკა მოლის საბავშვო ბიბლიოთეკა მოქალაქე ბლუმი მულტფილმები ნატიფი ხელოვნება ნატო დავითაშვილი ნიკა სამუშია ორჰან ფამუქი პალიტრა L პოეზია პრეპრინტი პროზა ჟანრული პროზა საბავშვო ბიბლიოთეკა საბავშვო ლიტერატურა სამეცნიერო ფანტასტიკა სტივენ კინგი უმბერტო ეკო ფანტასტიკა ფეისბუქი ფენტეზი ქართული თარგმანი ქართული პროზა ქარჩხაძის გამომცემლობა ქინდლი შერლოკ ჰოლმსი შვებულება ძველი თარო წიგნები ბათუმში წიგნი წიგნის გამომცემელთა და გამავრცელებელთა ასოციაცია წისქვილი ჯეოპარდი ჯოან როულინგი ჰარი პოტერი
კატეგორიები
- "ნაკადული" (3)
- არტი (62)
- გაბრაზებული მკითხველი (1)
- ვერანდა (24)
- თავჩაქინდლულთა ქრონიკები (10)
- თბილისის წიგნის საერთაშორისო ფესტივალი (37)
- თეგ-თამაშები (4)
- კინოდარბაზი (9)
- კლიché (20)
- ლინდგრენოლოგია (20)
- ლიტერატურული კონკურსები (12)
- მოლი მსოფლიოს გარშემო (5)
- მოლის ბიბლიოთეკა (237)
- მონოლოგები (8)
- მოქალაქე ბლუმი (22)
- მუსიკალური სალონი (4)
- ნატიფი ხელოვნება (32)
- პრეპრინტი (16)
- პროფესია – რეპორტიორი (2)
- ფოტოგრაფია (17)
- ძველი თარო (8)
- წისქვილი (26)
- ხელნაკეთობები (1)
- ჯეოპარდი (87)
- Me (43)
- Molly Bloom's Day (30)
- Molly Bloom's Day-ის სტუმრები (10)
არქივი
- ივნისი 2018 (2)
- მაისი 2018 (5)
- აპრილი 2018 (8)
- მარტი 2018 (7)
- თებერვალი 2018 (7)
- იანვარი 2018 (9)
- დეკემბერი 2017 (7)
- ნოემბერი 2017 (9)
- ოქტომბერი 2017 (9)
- მაისი 2017 (9)
- აპრილი 2017 (8)
- მარტი 2017 (9)
- თებერვალი 2017 (8)
- იანვარი 2017 (8)
- დეკემბერი 2016 (7)
- ნოემბერი 2016 (4)
- ოქტომბერი 2016 (1)
- მაისი 2016 (1)
- იანვარი 2016 (4)
- დეკემბერი 2015 (9)
- ნოემბერი 2015 (9)
- ოქტომბერი 2015 (8)
- ივლისი 2015 (2)
- ივნისი 2015 (6)
- მაისი 2015 (9)
- აპრილი 2015 (8)
- მარტი 2015 (9)
- თებერვალი 2015 (7)
- იანვარი 2015 (9)
- დეკემბერი 2014 (8)
- ნოემბერი 2014 (9)
- ოქტომბერი 2014 (9)
- სექტემბერი 2014 (5)
- ივნისი 2014 (9)
- მაისი 2014 (8)
- აპრილი 2014 (9)
- მარტი 2014 (9)
- თებერვალი 2014 (8)
- იანვარი 2014 (8)
- დეკემბერი 2013 (9)
- ნოემბერი 2013 (8)
- ოქტომბერი 2013 (9)
- სექტემბერი 2013 (8)
- ივლისი 2013 (14)
- ივნისი 2013 (12)
- მაისი 2013 (14)
- აპრილი 2013 (13)
- მარტი 2013 (13)
- თებერვალი 2013 (12)
- იანვარი 2013 (12)
- დეკემბერი 2012 (13)
- ნოემბერი 2012 (13)
- ოქტომბერი 2012 (13)
- სექტემბერი 2012 (10)
- ივლისი 2012 (1)
- ივნისი 2012 (5)
- მაისი 2012 (13)
- აპრილი 2012 (13)
- მარტი 2012 (13)
- თებერვალი 2012 (13)
- იანვარი 2012 (12)
- დეკემბერი 2011 (13)
- ნოემბერი 2011 (13)
- ოქტომბერი 2011 (13)
- სექტემბერი 2011 (13)
- აგვისტო 2011 (1)
- ივლისი 2011 (13)
- ივნისი 2011 (14)
- მაისი 2011 (19)
- აპრილი 2011 (13)
- მარტი 2011 (13)
- თებერვალი 2011 (11)
- იანვარი 2011 (11)
Follow Blog via Email

Enter your email address to follow this blog and receive notifications of new posts by email.

Join 912 other followers

Email Address:
Blog Stats
- 1,236,156 hits

ივნისი 2011
ო	ს	ო	ხ	პ	კ	კ
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Molly Bloom's Day™

ასტრიდ ლინდგრენი – 111

ჩემი მაგნიტური კოლექცია

გააზიარე

Like this:

Related

122 Responses

კომენტარის დატოვება კომენტარის გაუქმება

Top posts and pages

Follow Us

ბოლო კომენტარები

Tag Cloud

კატეგორიები

არქივი

Follow Blog via Email

Blog Stats

კომენტარის დატოვება