Molly Bloom's Day™

როგორც იქნა, დადგა დღე, რომელსაც, რამდენიმე კვირაა, მოუთმენლად ელოდნენ თბილისელი ბიბლიოფილები და, რა თქმა უნდა, მეც. დარწმუნებული ვარ, არ გაგიკვირდებათ, თუ ვიტყვი, რომ “ექსპო ჯორჯიას” ჭიშკარს ჯერ კიდევ შუადღემდე მივადექი საფესტივალო პროგრამით შეიარაღებული.

გამოფენის ტერიტორიაზე ხალხის სიმრავლემ თავიდანვე კარგ გუნებაზე დამაყენა, ხოლო როდესაც მე-11 პავილიონში, შესასვლელთან დამხვედრ გოგონებს ფერადი ფლაერები ჩამოვართვი და სტელაჟებთან შეჯგუფებულ მნახველებს გადავავლე თვალი, განწყობა კიდევ გამიუმჯობესდა.

თავიდანვე უნდა გითხრათ, რომ იმედგაცრუებული არ დავრჩენილვარ. ერთი შეხედვითაც ჩანდა, რომ გამომცემლობებს და წიგნის მაღაზიებს სტუმრების დასახვედრად საგულდაგულოდ ეზრუნათ – ბაკურ სულაკაურის გამომცემლობის, “დიოგენეს”, “ინტელექტის”, ჯემალ ქარჩხაძის გამომცემლობის, სანტა-ესპერანსას,
Prospero’s Books-ის საავტორო სტენდები ორიგინალური დიზაინითაც გამოირჩეოდა და წიგნების მრავალფეროვნებითაც. საბავშვო გამოცემების სიმრავლე, რომელმაც 23 აპრილს, დედაენის ბაღში, ცოტა არ იყოს და თვალი მომჭრა, დღეს იმდენად აშკარა აღარ იყო.

ფესტივალის ორგანიზატორებმა დაპირება შეასრულეს და თითქმის ყველა გამომცემლობამ წიგნები სერიოზული ფასდაკლებით შემოგვთავაზა. გამონაკლისს მხოლოდ “ლიგამუსი” წარმოადგენდა, რომლის სტენდზეც, ჩემთვის (და ალბათ ფენტეზის ყველა მოყვარულისთვის) საინტერესო გამოცემებზე სეილი ვერ აღმოვაჩინე.

სიახლეებს რაც შეეხება, ვფიქრობ, სტუმრები გულნაკლულნი არ დარჩებოდნენ, რადგან თითქმის ყველა გამომცემლობამ თითო-ოროლა ახალი წიგნი მაინც წარმოადგინა.

“დიოგენეს” სტენდთან ნატო დავითაშვილის “ნისლებში და ნისლებს მიღმა” მაჩუქა ჩემმა მეგობარმა, ხოლო როჯერ ზელაზნისა და ტერი პრატჩეტის ტომებით თავად გავინებივრე თავი. ერთი ეგ იყო, რომ ყველა კონსულტანტს რატომღაც წვრილი კუპიურების პრობლემა ჰქონდა და ბოლო წიგნის საფასური ლამის ლიფტისთვის გადანახული ათთეთრიანებით გადავიხადე. თავს იმით ვიმშვიდებდი, რომ დღევანდელი მწარე გამოცდილების მიღების შემდეგ მომდევნო დღეებისთვის მაინც მოიმარაგებენ ხურდას-მეთქი.

პირველი საფესტივალო დღისთვის, მოგეხსენებათ, სამი პრეზენტაცია იყო დაგეგმილი. ქართული ხასიათიდან გამომდინარე, პირველი ორი ისეთი დაგვიანებით დაიწყო, რომ ერთადერთი პუნქტუალური პრეზენტატორი – მიხო მოსულიშვილი, საგანგებოდ მოწყობილ სცენასთან “პეგასის” სტენდით ხელში გერმანული სიზუსტით როცა გამოცხადდა, ბაკურ სულაკაურისა და მისი შვედი სტუმრების მიერ საბავშვო წიგნის “კოლოფის” წარდგინება ახალი დამთავრებული იყო, ხოლო ლიტერატურის მუზეუმის თანამშრომლები უდრტვინველი სახით იწყებდნენ გალაკტიონის ოცდახუთტომრულზე საუბარს.

პავილიონში ხეტიალისას ერთი, ფრიად სასიამოვნო, ტენდენცია შევნიშნე – როგორც ჩანს, ჩვენი საზოგადოებისთვის წიგნის ფესტივალი უკვე საოჯახო დღესასწაულთან ასოცირდება და ამან ძალიან გამახარა. მით უმეტეს, რომ იმ სტუმრებისთვის, რომლებიც შემოთავაზებული წიგნების ავ-კარგის შესაფასებლად მეტისმეტად პატარები იყვნენ, ეზოში გასართობი პროგრამა “მულტი-პულტი” მიმდინარეობდა პოპულარული ანიმაციური გმირების მონაწილეობით. სამწუხაროდ, ვერ მოვასწარი ფოტოაპარატით პატარა ბიჭის დაფიქსირება, რომელიც შემზარავ ცისფერ დრაკონს მამაცურად ეკონწიალებოდა კუდზე.

სტუმრებს შორის ბიბლიოფილურ-მსუნაგი სახით ჩაიქროლა როდემ და “დიოგენეს” სტენდთან რატომღაც მინიატურული პოეტური კრებულებით სავსე კალათში ჩაყო ცხვირი. შორიახლო ჰექსეც დავლანდე და ვასასის დავუწყე ძებნა, მაგრამ ვერსად აღმოვაჩინე. უკვე დაღლილი ვიყავი, თან წიგნებით სავსე ჩანთაც გვარიანად მამძიმებდა, ამიტომ დანარჩენი ხვალისთვის გადავდე და სულიერი საზრდოს მიღების შემდეგ გადავწყვიტე, ცოტა მიწიერ საკვებზეც მეზრუნა. “ექსპო ჯორჯიას” ტერიტორია კი ერთი სასიამოვნო ფიქრით გამსჭვალულმა დავტოვე: “ფესტივალი შედგა!”

41.709981 44.792998

Advertisements

გააზიარე

• Click to share on Twitter (Opens in new window)
• Click to share on Facebook (Opens in new window)

Like this:

Like იტვირთება. . .

Related

Posted in თბილისის წიგნის საერთაშორისო ფესტივალი | Tagged ბაკურ სულაკაურის გამომცემლობა, გამომცემლობები და წიგნის მაღაზიები, თბილისის წიგნის საერთაშორისო ფესტივალი, ინტელექტი, მიხო მოსულიშვილი, ნატო დავითაშვილი, ნისლებში და ნისლებს მიღმა, პეგასი, როჯერ ზელაზნი, ტერი პრატჩეტი, ფანტასტიკა, ფენტეზი, ქართული თარგმანი, ქართული ლიტერატურის მუზეუმი, ქართული პროზა, ქარჩხაძის გამომცემლობა, წიგნის გამომცემელთა და გამავრცელებელთა ასოციაცია | 81 Comments

81 Responses

1. on მაისი 27, 2011 at 12:13 AM | პასუხი Bookworm Elf

   ოჰჰ მომინდა უკვე <3 ხვალ მივდვიარ მე 1-2 საათით "დასაზვერად" და შაბათს უვკე მთელი დღე იქ უნდა ვიყო : ))
   ლიგამუსს არ ჰქოდნა პრატჩეტზე ფასდაკლება? :(( იქნებ სანტა ესპერანსას მაინც ჰქონდეს… თუ მაგათ არ აქვთ ეს წიგნები ჯერ?
   Prospero’s Books-ს ჰქონდა ფასდაკლება? ^^

   LikeLike

   
   
   • on მაისი 27, 2011 at 12:24 AM | პასუხი მოლი ბლუმი

     სანტას კი აქვს ის წიგნები, მაგრამ ფასდაკლებაზე აღარ მიკითხია. ლიგამუსის სტენდზე ვიყიდე, სპეციალურად ვიკითხე და არაო…

     პროსპეროს ხვალ დავათვალიერებ. დღეს ვერ მოვასწარი…

     LikeLike

     
     
2. on მაისი 27, 2011 at 12:28 AM | პასუხი რუსა

   რა ცუდია თბილისში რომ არ ვცხოვრობ… ;( მანდ მინდაა..

   LikeLike

   
   
   • on მაისი 27, 2011 at 8:54 AM | პასუხი მოლი ბლუმი

     მართლა ძალიან კარგი გამოვიდა, რუსა და მართლა გულდასაწყვეტია, ამ ზეიმს მხოლოდ თბილისელები რომ სტუმრობენ… სხვა ქალაქებში რა დააშავეს :(

     LikeLike

     
     
3. on მაისი 27, 2011 at 12:28 AM | პასუხი tatatatuli

   შაბათისთვის ვაპირებ ჩანთის დახუნძვლას “ტკბილეული” წასაკითხით :)

   მიყვარს ამბების გადმოცემის შენეული სტილი:) ამ წინადადებაზე კარგად ვიხალისე: “სტუმრებს შორის ბიბლიოფილურ-მსუნაგი სახით ჩაიქროლა როდემ და “დიოგენეს” სტენდთან რატომღაც მინიატურული პოეტური კრებულებით სავსე კალათში ჩაყო ცხვირი.” :)

   LikeLike

   
   
   • on მაისი 27, 2011 at 8:55 AM | პასუხი მოლი ბლუმი

     მეც ძალიან მიყვარს :)

     მადლობა, თათული :) ზუსტად ასე “მსუნაგად” დაქროდა როდეს :) არ ვაჭარბებ :)

     LikeLike

     
     
4. on მაისი 27, 2011 at 12:29 AM | პასუხი Di@

   როგორ ველოდი ამ პოსტს… ხვალ და ზეგ თავადაც დავლაშქრავ… დღეს არ გამომივიდა… <3

   LikeLike

   
   
   • on მაისი 27, 2011 at 8:57 AM | პასუხი მოლი ბლუმი

     დღეს, ხვალ და ზეგ კიდევ სამი პოსტი იქნება…

     სურათებზე მწყდება გული. 40-მდე კადრი გადავიღე და ყველას პოსტს ხომ არ მივაბამ… არადა, მართლა კარგებია.

     წინ კიდევ სამი დღე გაქვს, დია… დრო გამონახე და მოდი. გპირდები, არ ინანებ. მართლა ზეიმია…

     LikeLike

     
     
     • on მაისი 27, 2011 at 5:23 PM | პასუხი tatatatuli

       მოლი, სურათები ძალიან მაინტერესებს და თუ შეგიძლია, ერთი პოსტი თუნდაც მხოლოდ სურათებით წარმოგვიდგინე ;)

       LikeLike

       
       
5. on მაისი 27, 2011 at 12:39 AM | პასუხი armuri

   არ იდარდო, მოლი, მალე ვისწავლით დანიშნულ დროზე ღონისძიებების გამართვას… :)))

   და კიდევ ის მედარდება, რომ მარტო კითხვა ვიცი ინგლისურად და ლაპარაკიდან ორი–სამი სიტყვა თუ გავიგე, ესეც საქმეა, თორემ დღეს, ჩემი გამოსვლის მერე რომ ლონდონელი მოვიდა, იმას ხომ დაველაპარაკებოდი თავის ენაზე? :(

   LikeLike

   
   
   • on მაისი 27, 2011 at 9:01 AM | პასუხი მოლი ბლუმი

     თქვენ რომ ქართულ ენაზე მეტყველებთ, ბატონო მიხო, ათას სხვა ენას ჯობია. ოღონდ, მართლა! :)

     მადლობა, სტუმრობისთვის რომ მოიცალეთ :)

     LikeLike

     
     
6. on მაისი 27, 2011 at 12:50 AM | პასუხი ბიბლიოფილურ-მსუნაგი სახით ჩამქროლი როდე

   როგორ გამიხარდა ეს ეპითეტი! ოი, მე ისეთი არაადეკვატური ვიყავი, წიგნების გარდა არავის ვაკვირდებოდი. ორმა ბლოგერმა შემნიშნა და სანამ ხელი არ ამიქნიეს და არ შემანჯღრიეს მანამდე ვერ გამოვერკვიე :დდ
   მაგ კალათაში პოეტი ქალის ემილ დიკინსონის ერთადერთი ეგზემპლარი ვიპოვე, თანაც 2 ლარად.
   მოკლედ, ძალიან სასიამოვნო დღე გავატარე, თან ჩემი მკითხველიც შემხვდა იქ და გამეცნო!.. კარგი იყო :*

   LikeLike

   
   
   • on მაისი 27, 2011 at 9:30 AM | პასუხი მოლი ბლუმი

     ნათიამ – როდეს მივიჭერი და გავიცანიო :)

     დღეს კიდევ უფრო უკეთეს რაღაცებს ველოდები…

     გუშინ ქაოტურად დავქროდი სტელაჟებს შორის. დღეს უკვე დავაგემოვნებ…

     LikeLike

     
     
   • on მაისი 27, 2011 at 8:45 PM | პასუხი Mary Poppins

     როდე, მეც მოგკარი თვალი და ზუსტად ასეთი გამომეტყველება გქონდა :)

     LikeLike

     
     
7. on მაისი 27, 2011 at 1:08 AM | პასუხი faifuris angelozi

   5 საათზე მისვლას აზრი აღარ ჰქონდა,არადა ვერ მოვიცალე..ხვალ 1–იდან იქ ვიქნები,ხომ დროულია მოლი?

   LikeLike

   
   
   • on მაისი 27, 2011 at 9:28 AM | პასუხი მოლი ბლუმი

     დროულია, აბა რა… დღეს, ხვალ და ზეგ – კიდევ სამი დღეა დარჩენილი.

     LikeLike

     
     
8. on მაისი 27, 2011 at 1:09 AM | პასუხი cancuna

   რავი ფესტსივალის ფასდაკლებას კი არა ზოგიერტი გამომცემლობის ფასდაკლება სადგესასწაულო ფასდაკლება ჰგავდა, მატ სჰორის ბაკურ სულაკაურის… ილიაუნის მიერ წარმოდგენილ ფატეზის წიგნებზე კი გული დამწყდა …. არ იყო ფასდაკლებიტ აშკარად…

   LikeLike

   
   
   • on მაისი 27, 2011 at 8:58 AM | პასუხი მოლი ბლუმი

     არ იყო. სამი ახალი ფენტეზია და ერთად 20 ლარი ღირდა. მაგრამ ისეთებია, ორმოციც არ დამენანებოდა…

     LikeLike

     
     
9. on მაისი 27, 2011 at 2:03 AM | პასუხი chemisamzareulo

   ,, შემზარავ ცისფერ დრაკონს ” – ესაა სალი, უსაყვარლესი გმირი მულტფილმიდან ,,მონსტრების კორპორაცია” :))))

   LikeLike

   
   
   • on მაისი 27, 2011 at 8:57 AM | პასუხი მოლი ბლუმი

     ვიცანი :)

     LikeLike

     
     
10. on მაისი 27, 2011 at 4:54 AM | პასუხი ნათია

    საოცარი დღე მქონდა, 12-ზე მივედი მე და იმის მერე 6 საათი არ გავჩერებულვარ, მთელიდ დღე დავბოდიალობდით გამომცემლობებს შორის მე და მეგობრები, ხან მხოლოდ მე. ყველაფერს მივედ-მოვედე, თითქმის ყველა პრეზენტაციას დავესწარი, მერე, ცოტა ხანი, იატაკზეც მოვთავსდი უკან და ნაყიდი წიგნების დათვალიერებას შევუდექი, რა კარგი იყო იქ კითხვაააა :) მერე ისევ დავდიოდი, ვიღებდი და ვიღებდი ფოტოებს. როდე მეც შევნიშნე – კლასიკური ფილოლოგიის ბიზანტინისტიკისა და ნეოგრეცისტიკის განყოფილებასთან წიგნებს ათვალიერებდა, უნამუსოდ მივეჭერი და ვუთხარი, რომ მის ბლოგს ვკითხულობ :)

    არ ვიცი კიდევ რა ვთქვა, ემოციურად დატვირთული დღე იყო, რა თქმა უნდა, დადებითი ემოციებით :) გულდაწყვეტილი ვათვალიერებდი კარგუნა რამე-რუმე წიგნებს, ზოგთან ახლოსაც კი არ მივსულვარ იმიტომ რომ ამ შემეძლო ყიდვა და მხოლოდ თვალიერებით არ დავიტანჯე საკუთარი თავი! :( :) მიხაროდა, რომ იყო ძალიან ბევრი ადამიანი, ხალხი ყიდულობდა წიგნებს, ბავშვები ხალისობდნენ (თუმცა, მე უფრო :) ), დიდები იღიმებოდნენ და ა.შ. და ა.შ… არაჩვეულებრივი დღე იყო, უზომოდ კარგი, ხვალაც (თუმცა, უკვე 5 საათია, ე.ი. უკვე დღეს) ვაპირებ წასვლას, ზეგაც და მაზეგაც! :) უუუუჰ, რამდენი ვიბოდიალეეე! მაპატიე, მოლი, ემოციებით ვარ სავსე! :)

    LikeLike

    
    
    • on მაისი 27, 2011 at 9:27 AM | პასუხი მოლი ბლუმი

      რაის მაპატიე :) მადლობა ასეთი ემოციური კომენტარისთვის :)

      ხომ გითხარი, აუცილებლად იყიდი წიგნებს, თან ბევრს მეთქი :) ა, ბატონო… :)

      LikeLike

      
      
      • on მაისი 27, 2011 at 11:14 AM | პასუხი ნათია

        ჰოუ, ვიყიდე და გახარებული ვარ :) დღესაც მოვალ, რა თქმა უნდა, ასე სამის ნახევრაზე მანდ ვიქნები და ალბათ 6–მდე ვიქნები. როგორ მიხარია, რომ მანდ უნდა მოვიდე კიდეეევ! :)

        LikeLike

        
        
    • on მაისი 27, 2011 at 2:05 PM | პასუხი ბიბლიოფილურ-მსუნაგი სახით ჩამქროლი როდე

      აი თურმე ვინ ყოფილა, ნათია :)))
      სასიამოვნო იყო შენი გაცნობა და ახლა უკვე შენი ბლოგის მკითხველადაც მიგულე ;)

      მე შაბათს შემოვივლი კიდევ ;) რაღაცების ყიდვას ვაპირებ .

      LikeLike

      
      
      • on მაისი 27, 2011 at 7:43 PM | პასუხი ნათია

        დიდი მადლობაააა :) მე დღესაც დილიდან იქ ვიყავი, ახლახანს დავბრუნდი სახლში დაღლილი დაგახარებული :) ხვალაც ვიქნები და ზეგაც :)

        LikeLike

        
        
        • on მაისი 27, 2011 at 8:05 PM ნათია

          ჩემთვსიაც სასიამოვნი იყოო, გამიხარდა :) არადა უკვე დავაკომენტარე, მაგრამ ისე ვარ ემოციებით მოცული, სულ ამაზე მინდა ლაპარაკი :) დღესაც საოცარო დღე იყო, უზომოდ კმაყოფილი ვარ და კვლავ სულმოუთქმლად ველი უკვე ხვალინდელ დღეს :)

          LikeLike

          
          
11. on მაისი 27, 2011 at 9:19 AM | პასუხი just me

    რა კარგია, რა კარგია, რა კარგი!
    კვირამდე ვერ მოვახერხებ მოსვლას, იმედია, დარჩება ჩემთვისაც გემრიელი სასუსნავები :)

    LikeLike

    
    
    • on მაისი 27, 2011 at 9:22 AM | პასუხი მოლი ბლუმი

      იმდენია, ნამდვილად დარჩება :)

      LikeLike

      
      
      • on მაისი 27, 2011 at 9:30 AM | პასუხი just me

        შენ და თუ მიცანი?? :) :)

        LikeLike

        
        
        • on მაისი 27, 2011 at 9:31 AM მოლი ბლუმი

          ჯანდაბას…

          ახლა დავაკვირდი ურლს :)

          მშვიდობაში :)

          LikeLike

          
          
        • on მაისი 27, 2011 at 9:35 AM just me

          იძულებული გავხდი, თორემ :(
          შენს ბლოგერ მტერს ასეთი რამე….

          LikeLike

          
          
12. on მაისი 27, 2011 at 10:07 AM | პასუხი mecmikvarkhar

    ძალიან კარგი იყო, თუმცა სრულყოფილად ვერ ვისიამოვნე ბავშვი მყავდა დატოვებული და 1 საათით შემოვირბინე, გიჟივით დავიარე სტენდები და რაც დაგეგმილი მქონდა თითქმის ყველაფერი ვიყიდე. მინდა ხვალ ან ზეგ კიდევ შემოვიარო, რომ ცოტა უფრო მშვიდ გარემოში დავუარო და დავათვალიერო :)

    LikeLike

    
    
    • on მაისი 27, 2011 at 10:00 PM | პასუხი მოლი ბლუმი

      შენ ყოჩაღ… :) მე მაინც ვერ მოვიშორე შეგრძნება, რომ რაღაც მაკლია და გამომრჩა.

      არა მგონია, ხვალ და ზეგ მშვიდი გარემო იყოს, ხალხი მაინც იქნება… თუ შენს დროს გულისხმობ, მართალი ხარ… მანდ აჩქარებით და დრომოზომილად მისვლა არ ვარგა – წიგნებს მოცლილი ბოდიალი უყვარს :)

      LikeLike

      
      
13. on მაისი 27, 2011 at 10:33 AM | პასუხი ten minutes older

    ნამდვილად კარგი დღე იყო, იმედია, ერთხელ შერბენას კიდევ მოვასწრებ )))

    მომეწონა, კარგად მომზადებული გამოფენა იყო )))

    LikeLike

    
    
    • on მაისი 27, 2011 at 10:01 PM | პასუხი მოლი ბლუმი

      უდაოდ :)

      LikeLike

      
      
14. on მაისი 27, 2011 at 10:44 AM | პასუხი kevana

    ჩემი და იყო და ორი წიგნი იყიდა: მარკესის “მარტოობის 100 წელი” და ჰერმან ჰესეს რომანი-მოთხრობა, სახელი არ მახსოვს..

    კიდე აპირებს მისვლას და ყიდვას, ბევრი კარგი ნაწარმოებია თარგმნილიო და მინდაო :დ

    LikeLike

    
    
    • on მაისი 27, 2011 at 10:01 PM | პასუხი მოლი ბლუმი

      ინტელექტის სტენდი დაულაშქრავს შენს დას :)

      მართლა ბევრი და კარგი თარგმანია, ქევან :)

      LikeLike

      
      
15. on მაისი 27, 2011 at 11:53 AM | პასუხი a bao a ku

    სამწუხაროა, ესეთი ფესტივალები მხოლოდ თბილისში რომ იმართება. დედაქალაქის გარეთ გასვლა არც გამომცემლებს აინტერესებთ და არც ადგილობრივი ორგანიზატორები ჩანან მათ დასაინტერესებლად. ორმაგად სამწუხაროა.

    LikeLike

    
    
    • on მაისი 27, 2011 at 10:02 PM | პასუხი მოლი ბლუმი

      რა გითხრა… რომ ვიცოდე, მსგავსი რამ ბათუმში იმართება, როგორმე დროს გამოვნახავდი და ჩავიდოდი…

      მართალი ხარ – სხვა ქალაქები ამ მხრივ დაჩაგრულია :(

      LikeLike

      
      
16. on მაისი 27, 2011 at 3:14 PM | პასუხი Lord Vader

    პოლიტიკურად ყველაზე მშვიდი ბლოგი :)

    LikeLike

    
    
    • on მაისი 27, 2011 at 6:47 PM | პასუხი ბიბლიოფილურ-მსუნაგი სახით ჩამქროლი როდე

      რა თქმა უნდა! და ეს ძალიან სასიამოვნოა :*

      LikeLike

      
      
    • on მაისი 27, 2011 at 10:03 PM | პასუხი მოლი ბლუმი

      პოლიტიკა სამსახურშიც რომ მყოფნის და სხვა რაღაცებისთვის ადგილი არ რჩება, იმიტომ გავხსენი ეს ბლოგი :)

      LikeLike

      
      
17. on მაისი 27, 2011 at 3:16 PM | პასუხი mari

    au romel saatamdea mitxarit ra

    LikeLike

    
    
    • on მაისი 27, 2011 at 10:03 PM | პასუხი მოლი ბლუმი

      ექვსამდე უნდა იყოს, მარი…

      LikeLike

      
      
18. on მაისი 27, 2011 at 5:23 PM | პასუხი 13th

    ძალიან ვისიამოვნე გუშინდელი დღით. მიუხედავა იმისა, რომ საღამოს მივედი, მაინც გულიანად ვიბოდიალე და ხელცარიელი ვერც წამოვედი.

    შაბათს კიდევ ვაპირებ უკვე შეგულებული წიგნების შეძენას. მეც მომეჩვენა, რომ ფასდაკლებები რეალურად იყო.

    LikeLike

    
    
19. on მაისი 27, 2011 at 8:44 PM | პასუხი Mary Poppins

    ორივე დღე ფესტივალზე გავატარე და უამრავი წიგნი მაქვს შინ :) არ ვიცი, საიდან დავიწყო :) არაჩვეულებრივი შთაბეჭდილებებით დავბრუნდი, მშვენივრად ორგანიზებული ფესტივალია, თუმცა მოლიმ უკვე ჩემზე უკეთ გიამბოთ ყველაფერი :) ნეტავ ვასასიმ თუ იცის, რომ ფამუქის ბოლო რომანია თარგმნილი? :)

    LikeLike

    
    
    • on მაისი 27, 2011 at 9:16 PM | პასუხი ნათია

      დღეს შევიძინე ეგ რომანი და როგორ მიხარიააა :)

      LikeLike

      
      
      • on მაისი 27, 2011 at 10:09 PM | პასუხი მოლი ბლუმი

        მშვიდობაში და გემრიელად წაკითხვაში, ნათია :)

        LikeLike

        
        
        • on მაისი 27, 2011 at 11:44 PM ნათია

          დიდი მადლობა, მოლი, ხვალ ჩავუჯდებიი :)

          LikeLike

          
          
    • on მაისი 27, 2011 at 10:08 PM | პასუხი მოლი ბლუმი

      ორი დღე წინაა :) ნადავლი კვირას დათვალე, მერი :)

      ფამუქის ბოლო რომანის ქართული თარგმანი! ბრავო დიოგენეს!

      LikeLike

      
      
      • on მაისი 27, 2011 at 10:20 PM | პასუხი Bookworm Elf

        აუ მეც თვალში მომხვდა ფამუქი და როგორ გამიხარდა! ხვალ ვიყიდი აუცილებლად <3

        LikeLike

        
        
        • on მაისი 27, 2011 at 10:28 PM მოლი ბლუმი

          მართლა სერიოზული საჩუქარია :)

          LikeLike

          
          
20. on მაისი 27, 2011 at 9:25 PM | პასუხი ჰექსე

    გეძებდი ფესტივალზე.
    მერე მივხვდი რომ რთულია იპოვო ადამიანი, რომლის არც ერთი ფოტო არ გაქვს ნანახი და როდრიგოს ვკითხე ხომ არ იცი როგორია მეთქი და იმანაც არაო- გადამიწურა იმედი :(

    LikeLike

    
    
    • on მაისი 27, 2011 at 10:05 PM | პასუხი მოლი ბლუმი

      სამაგიეროდ, მე დაგინახე :)

      მიხარია, რომ მკითხულობ. ჰექსეს სტუმრობა ნებისმიერი ბლოგისთვის დიდი პატივია :)

      LikeLike

      
      
      • on მაისი 27, 2011 at 11:46 PM | პასუხი ნათია

        აუ, მეც გეძებდი და რამდენიმეზე მივიტანე ეჭვი :)

        LikeLike

        
        
      • on მაისი 28, 2011 at 12:03 AM | პასუხი mecmikvarkhar

        მაგარია მეც გეძებდი :) ანუ ჩვენ ყველა გეძებდით მოლი <3

        LikeLike

        
        
      • on მაისი 28, 2011 at 9:41 AM | პასუხი ჰექსე

        შენი ბლოგისთვის თუ დიდი პატივია, მაშინ ჩემთვის დიდი პატივია :)
        რა ცუდია რომ ვერ გიცანი, თორემ ალბათ მეც დაგინახე :)

        LikeLike

        
        
        • on მაისი 28, 2011 at 10:55 AM მოლი ბლუმი

          ანონიმურობას, კომფორტთან ერთად, რამდენიმე მნიშვნელოვანი მინუსიც ახლავს :(

          LikeLike

          
          
21. on მაისი 27, 2011 at 9:34 PM | პასუხი ლიბიკა სილვესტრის

    აქამდე ვერ მოვახერხე წაკითხვა… მოლი, დიდი მადლობა შენ, ასეთი რევიუსთვის :) სიმართლე გითხრა, შენი აზრის მეშინოდა :)

    ძალიან მიხარია, რომ ორგანიზებულობა მოგეწონათ :) :) ხვალ და ზეგაც გელით :) :) :)

    საშინლად დაღლილი რომ არ ვიყო უფრო ბევრს დავწერდი…

    LikeLike

    
    
    • on მაისი 27, 2011 at 10:07 PM | პასუხი მოლი ბლუმი

      მე მარტო სიარულით და წიგნების შერჩევით დავიღალე, თან ისე, რომ მოწყვეტილი ვარ და შენ როგორ იქნები, ლიბიკა, წარმოდგენილი მაქვს…

      მადლობა შენ და შენს სტაფს ასეთი კარგი ფესტივალისთვის. შარშანაც ვიყავი, დღე არ გამომიტოვებია, არც უკმაყოფილო წამოვსულვარ, წიგნებიც ბევრი წამოვიღე, მაგრამ წლევანდელი ათასგზის უკეთესია.

      მართლა ფესტივალია, ზეიმი, ამ სიტყვის სრული მნიშვნელობით.

      LikeLike

      
      
22. on მაისი 27, 2011 at 11:42 PM | პასუხი mecmikvarkhar

    დღესაც ვიყავი, დიდი ხნით ვერა მაგრამ თითქმის საათი დავყავი, 15 მოთხრობის პრეზენტაციას და დაჯილდოებასაც დავესწარით მე და დია :) არა რა წლევანდელი ფეხტივალი ძალიან კარგია, დრო რომ მაძლევდეს საშუალებას დილიდან დაღამებამდე ვიქნებოდი იქ :) ჰექსესი არ იყოს მეც გეძებდი, მაგრამ აბა როგორ უნდა მეცნე :(

    LikeLike

    
    
23. on მაისი 27, 2011 at 11:49 PM | პასუხი ლიბიკა სილვესტრის

    თუ ვინმე მომძებნის ხვალ და ზეგ, უბრალოდ ნინო იკითხეთ ;) ყველა მოგასწავლით სად ვიქნები :) ძალიან გამიხარდება თუ გაგიცნობთ :):)

    LikeLike

    
    
    • on მაისი 28, 2011 at 11:49 AM | პასუხი მოლი ბლუმი

      ნინო ყველგან არის :) იმხელა პავილიონს სწვდება, ყველგან დაქრის, ყველაფერს ასწრებს და აგვარებს… შენი გაძლება მომცა, ლიბიკა… რამდენ რამეს უმკლავდები ერთად :)

      LikeLike

      
      
      • on მაისი 28, 2011 at 7:56 PM | პასუხი ლიბიკა სილვესტრის

        :* მადლობა, მოლი :* შენც ასევე ყველგან ხარ :) :) და თანაც გაშუქებას ასწრებ! :) :) :) უშენოდ ფესტივალი ვერ იქნებოდა ასეთი :)

        LikeLike

        
        
        • on მაისი 28, 2011 at 9:08 PM მოლი ბლუმი

          ასე თავხედიც არ ვარ, ლიბიკა :) მე ისიც მყოფნის, რომ სამი დღე, დილიდან საღამომდე, ფანტასტიურ დროს ვატარებ და წიგნებს ვეზიდები საყვარელი ჩანთებით :)

          მადლობა ფესტივალს! :)

          LikeLike

          
          
24. on მაისი 28, 2011 at 12:20 AM | პასუხი Borgez

    სანტას აქვს ფასდაკლება. ნებისმიერ წიგნზე.

    თუ შეიძენთ ერთ წიგნს 10%-ანი ფასდაკლებაა
    ორის შემთხვევაში 15%, სამის კი 18%

    რაც შეეხება პრეტჩეტს, მაგიის ფერი გვაქვს, ფანტასტიური ნათება ჯერ არა, ვიმედოვნებ რომ ხვალ გვექნება. :)

    :რიგითისანტაელი:

    LikeLike

    
    
    • on მაისი 28, 2011 at 12:32 AM | პასუხი მოლი ბლუმი

      სანტა-ესპერანსა და ექს ლიბრისი განსაკუთრებით მომწონს :)

      LikeLike

      
      
    • on მაისი 28, 2011 at 12:46 AM | პასუხი Bookworm Elf

      აუ პრატჩეტი ხვალ თუ გექნებათ თქვენთან ვყიდულობ! *_* უნიქარდის ქულების ხათრით : )))

      LikeLike

      
      
      • on მაისი 28, 2011 at 12:49 AM | პასუხი მოლი ბლუმი

        უნიქარდი თავიდან უნიქარდობდა – 4,5 ქულა 10 ლარზე… ახლა მოიკლო :(

        LikeLike

        
        
        • on მაისი 28, 2011 at 1:02 AM Lord Vader

          კაია მერე მიუხედავად ყველაფრისა წიგნები რომ იყიდება. :) და კარგი წიგნები რომ გამოდის, ეგეც.

          უნიქარდი…
          ამექსთან ერთად თითქმის არსად არ მუშაობს :(

          LikeLike

          
          
        • on მაისი 28, 2011 at 1:04 AM მოლი ბლუმი

          ლამაზი დიზაინი აქვს :) თეთრი განსაკუთრებით სიმპატიურია…

          იყიდება და მერე როგორ… ხალხიც ბევრია… მოკლედ, წიგნისკენ შევტრიალდით :ფუიეშმაკსარგავთვალო:

          LikeLike

          
          
        • on მაისი 28, 2011 at 1:12 AM Lord Vader

          თეთრი იოლად ითხვრება :) მე შავი მაქვს.

          LikeLike

          
          
        • on მაისი 28, 2011 at 1:13 AM Lord Vader

          არადა ფეისბუქში სურათი დავდე… ფესტივალს არ ეძღვნება პირდაპირ, მაგრამ ასე გამოვიდა :)

          LikeLike

          
          
        • on მაისი 28, 2011 at 10:53 AM მოლი ბლუმი

          წიგნმომარჯვებულ კადიროვს დადებდი შენ…

          LikeLike

          
          
        • on მაისი 28, 2011 at 12:08 PM Lord Vader

          არა… თუმცა, ეგ კადიროვის ხომ მართლა ძაან მაგარი სურათია :)

          აი ეს დავდე https://www.facebook.com/photo.php?pid=1103036&l=89caa6417a&id=100000101194662

          LikeLike

          
          
        • on მაისი 28, 2011 at 9:05 PM მოლი ბლუმი

          კადიროვი მაგარი იყო…

          წიგნებს მაინც არ გადავყრი… ქინდლს და ტრადიციულ ბიბლიოთეკას ფანტასტიურად შევუთავსებ ერთმანეთს.

          LikeLike

          
          
        • on მაისი 28, 2011 at 10:52 AM მოლი ბლუმი

          მართალია, მარგამ შავი მეტისმეტად პირქუში მეჩვენა და თეთრი დავიტოვე.

          LikeLike

          
          
        • on მაისი 28, 2011 at 12:13 PM Lord Vader

          სასაცილოა… სულ შავი ფერის ჩვენებურ სიყვარულს დავცინი და როგორც კი არჩევანი მომეცა – ეგრევე მეც შავი ავარჩიე :(
          აი, რას ნიშნავს ეროვნული მენტალიტეტი… :)

          LikeLike

          
          
        • on მაისი 28, 2011 at 9:06 PM მოლი ბლუმი

          შავიც სიმპატიური იყო, მაგრამ თეთრმა ნათელი დიზაინით მომხიბლა :) ჩეეემი თეთრი უნიკარდი… სავსე მაქვს საფულე ასეთი საყვარელი ბარათებით :) ახლა დიოგენეც მივიმატე და ძალიან მომწონს :)

          LikeLike

          
          
25. on მაისი 28, 2011 at 10:44 PM | პასუხი გვირილა

    მე გახსნაზე არ ვიყავი, ხალხი ვიცოდი რომ ბევრი იქნებოდა და წიგნები კიდე დამრჩებოდა :-D
    ხოდა, დღეს ვიყავი და კაი იყო ^_^

    LikeLike

    
    
    • on მაისი 28, 2011 at 10:48 PM | პასუხი მოლი ბლუმი

      ნამდვილად კარგი იყო, გვირილა.

      LikeLike

      
      

კომენტარის დატოვება კომენტარის გაუქმება

Enter your comment here...

Fill in your details below or click an icon to log in:

ელფოსტა (Address never made public)

სახელი

ვებ-საიტი

You are commenting using your WordPress.com account. ( Log Out /  შეცვლა )

You are commenting using your Google+ account. ( Log Out /  შეცვლა )

You are commenting using your Twitter account. ( Log Out /  შეცვლა )

You are commenting using your Facebook account. ( Log Out /  შეცვლა )

გაუქმება

Connecting to %s

Notify me of new comments via email.

Notify me of new posts via email.

This site uses Akismet to reduce spam. Learn how your comment data is processed.