Feeds:
ჩანაწერები
კომენტარები

Archive for აპრილი, 2011

ორიოდე კვირის წინ ჩემი ბლოგის მკითხველებს სიამაყით ვამცნე, რომ მოლი ბლუმი თბილისის წიგნის მე-13 საერთაშორისო ფესტივალის ექსკლუზიური მიმომხილველი გახდა. იმავე პოსტში დაგპირდით, რომ ღონისძიების მზადების პროცესის შესახებაც მოგაწვდიდით ინფორმაციას და უშუალოდ ფესტივალის დღეებშიც ცხელცხელი ნიუსებით მოგამარაგებდით.

ახლა, როცა ფესტივალის დაწყებამდე ერთი თვეც აღარ დარჩა, ვფიქრობ, ზუსტად დროული იქნება, შემოგთავაზოთ ინტერვიუ ადამიანთან, რომელიც წინასაფესტივალო ციებ–ცხელების ეპიცენტრში იმყოფება და რომლისგანაც დაინტერესებული მკითხველი საყურადღებო დეტალებს შეიტყობს ბიბლიოფილების მომავალი დღესასწაულის შესახებ – ჩემს კითხვებს წიგნის გამომცემელთა და გამავრცელებელთა ასოციაციის აღმასრულებელი დირექტორი და ყველაზე ბოჰემური ბლოგის ავტორი ნინო გოგინაშვილი პასუხობს:

თბილისის წიგნის ფესტივალი, 1997 წლიდან მოყოლებული, უკვე მეცამეტედ იმართება, შენთვის კი ეს პირველი ასეთი ღონისძიებაა…

საერთაშორისო სტატუსის მქონე ღონისძიების ორგანიზებას თუ გულისხმობ, არა – პირველი არ არის, 2004 წლიდან მოყოლებული არაერთი საერთაშორისო ღონისძიების მზადებაში მიმიღია მონაწილეობა, თუმცა უშუალოდ წიგნის ფესტივალის ორგანიზებას წელს პირველად ვაკეთებ.

წიგნის ფესტინინო გოგინაშვილივალი ბიბლიოფილების ყველაზე მრავალრიცხოვანი ფორუმია და ბუნებრივია, მას არც ერთი გამომცემლობა არ დააკლდება. მონაწილეების რეგისტრაცია, ალბათ, უკვე მიმდინარეობს…

თბილისის წიგნის ფესტივალი არის ღონისძიება, რომელსაც მთელი წლის განმავლობაში ელიან როგორც გამომცემლები, ასევე დამთვალიერებლები. მონაწილეთა რაოდენობა ყოველ წელს იზრდება…  რაც შეეხება რეგისტრაციას – დაიწყო  1 მარტიდან და დასრულდა 21 აპრილს.

მსხვილი საგამომცემლო სახლების ფესტივალში მონაწილეობა უკვე ტრადიციაა, მაგრამ საინტერესოა, დებიუტანტები თუ გეყოლებათ?

ქართულ საგამომცემლო სახლებს რაც შეეხებათ, დებიუტანტების სიმრავლით განებივრებული ნაკლებად ვართ, თუმცა რამდენიმე ახალი გამომცემლობა წელსაც წარდგება დამთვალიერებლის წინაშე, დებიუტანტების სტატუსით კი რამდენიმე უცხოური გამომცემლობა გვეყოლება.

(more…)

Read Full Post »

Aka Morchiladze. Mr Deaxley's Silent Box

მკითხველი, ალბათ, დამეთანხმება, თუ ვიტყვი, რომ მოლი ბლუმის ბლოგი Jeopardy!-ის თემების სიმწირეს არ უჩივის. ინტელექტუალური შეჯიბრებისათვის პაკეტის შედგენა არც ამჯერად გამჭირვებია – არჩევანი თანამედროვე ქართულ ლიტერატურაზე შევაჩერე. აქვე მინდა, გითხრათ, რომ როდესაც კითხვებს ვწერდი, ფსევდოპატრიოტული მოტივებით და მყვირალა მოსაზრებებით ნამდვილად არ ვხელმძღვანელობდი, არ ჩამითვლია, რომ ჩემი, როგორც ქართველი ბლოგერის წმინდათაწმინდა მოვალეობაა ეროვნული თემატიკის წინ წამოწევა. უბრალოდ, ვფიქრობ, დღეს არიან ისეთი სახეები, რომლებიც ქმნიან თანამედროვე ქართულ ლიტერატურას და, დამერწმუნეთ, ძალიან კარგად ართმევენ ამას თავს. მათი შემოქმედება, ისევე, როგორც ნებისმიერი რამ, რაზეც კი ოდესმე პოსტი დამიწერია, ჩემთვის მეტად ახლობელი და ფასეულია. 21-ე საუკუნეში ჩვენ მართლაც ნიჭიერი მწერლები გვყავს, რომლებიც იმსახურებენ, რომ მათ, რაც შეიძლება, მეტი ხალხი იცნობდეს. სწორედ ეს არის მიზეზი, რის გამოც დღევანდელი პაკეტი ავკინძე და შემო­გთა­ვაზეთ.

Good luck!

(more…)

Read Full Post »

Christ with the Four Evangelists

შუა საუკუნეების ფერწერულ ტილოებს შორის ბევრია ისეთი, რომლებზეც მაცხოვრის აღდგომაა გამოსახული…

ბიბლიურ სიუჟეტებს ყველა მხატვარი წერდა… წერდნენ თავისებურად, მხოლოდ მათთვის დამახასიათებელი მანერით, ფერთა პალიტრა და შუქ-ჩრდილებიც ნებისმიერ ტილოზე თავისთავადი და განუმეორებელია…

შემოქმედთა შორის ფრიად ხმამაღალი, ყველასთვის ცნობილი სახელებია – მიქელანჯელო, ლეონარდო, რაფაელი, ტინტორეტო, ტიციანი, “ვატიკანის საყვარელი მხატვარი” რაფაელი… მაგრამ ფლორენციულმა სკოლამ მსოფლიოს აჩუქა ფერმწერი, რომელსაც თითქმის არავინ იცნობს…

ფრა ბართოლომეო – ერისკაცობაში ბაჩიო დელა პორტა, კოზიმო როსელის მოსწავლე და ჯიროლამო სავონაროლას თავგადაკლული მიმდევარი, სწორედ იმ სავონაროლასი, რომელიც დომინიკანელი ბერის ანაფორით ავიდა მედიჩების ტახტზე და ოთხი წლის მანძილზე რკინის ხელით მართავდა ფლორენციას.

სავონაროლას მსოფლმხედველობამ, იდეებმა და, რაც მთავარია, ამ ყველაფრის ურყევმა რწმენამ ისეთი გავლენა მოახდინა ახალგაზრდა დელა პორტაზე, რომ მას შემდეგ, როცა რესპუბლიკელმა დიქტატორმა, თეოლოგმა, ფილოსოფოსმა და წინასწარმეტყველმა ჯიროლამომ საზარელი  აღსასრული ჰპოვა, დომინიკანელთა ორდენის წევრი გახდა და სან-მარკოს მონასტერში ბერად აღიკვეცა.

(more…)

Read Full Post »

book and rose day

შაბათ დილას მთელი მსოფლიოს ბიბლიოფილები ჩინებულ ხასიათზე და სასიამოვნო მოლოდინით დამუხტულნი გაიღვიძებენ – უკვე 15 წელია, 23 აპრილი წიგნისა და საავტორო უფლებების დაცვის დღედ არის გამოცხადებული. რასაკვირველია, სასიამოვნოა, რომ წელიწადის 365 დღიდან ერთი უპირობოდ შენი კუთვნილებაა, თუმცა მთავარი აქ სხვა რამ გახლავთ – თითქმის ყველა ქვეყანაში 23 აპრილს წიგნის გამოფენა-გაყიდვა იმართება ხოლმე და ბიბლიოფილებს შეუძლიათ, დილიდან სანუკვარ გარემოში იტრიალონ. რა შეედრება საათობით ბოდიალს თაროებსა და სტელაჟებს შორის, საღებავშეუმშრალი ფურცლების სურნელით გაჟღენთილ ჰაერს და იმის შეგრძნებას, რომ ირგვლივ მხოლოდ შენიანები არიან – წიგნის სიყვარულით შეპყრობილი მანიაკები, რომლებიც ხარბი გამომეტყველებით დასუნსულებენ აქეთ-იქით და ცდილობენ, ლიტერატურული ნუგბარი სხვამ არ აწაპნოს ცხვირწინ.

1995 წელს, როდესაც იუნესკოს მორიგ სესიაზე ამ თარიღის დღესასწაულად გამოცხადებას გეგმავდნენ, არჩევანი რამდენიმე ფაქტორმა განაპირობა –  23 აპრილს გარდაიცვალა კაცი, რომლის ჯულიეტას მთელი მსოფლიოს მიჯნურები დღემდე უგზავნიან ბარათებს და გულისნადებს უზიარებენ – ინგლისური დრამატურგიის გენია უილიამ შექსპირი;  ამავე დღეს მოევლინა ქვეყანას მორის დრიუონი – შუა საუკუნეების საფრანგეთის მხატვრული ისტორიის შემოქმედი; მწუხარე  სახის რაინდისა და ერთგული სანჩო პანსას ლიტერატურული მამის – მიგელ დე სერვანტესის და განთქმული ისტორიკოსის, ინკების ისტორიის თავგამოდებული მკვლევარის –  გარსილასო დე ლა ვეგას გარდაცვალებაც 23 აპრილით გახლავთ დათარიღებული.

ამ დღესთან დაკავშირებით არსებობს პატარა და ლამაზი ისტორია, რომლის შესახებ, ალბათ, ბევრმა ადამიანმა იცის, მაგრამ მე მაინც მინდა, ჩემს მკითხველებს ვუამბო.

(more…)

Read Full Post »

Le clan des siciliens

დღევანდელი Jeopardy!-ს კითხვების დაწერა-არდაწერაზე საკმაოდ დიდხანს ვფიქრობდი. მიუხედავად იმისა, რომ ჩემი ბლოგის მიმართულების გამო, რამდენიმე სხვა ბლოგერთან ერთად,  დანარჩენებისგან თეთრი ყვავივით გამოვირჩევი და ეს საკმაოდ ხშირად, რბილად რომ ვთქვათ, წამგებიანია პოპულარობის თვალსაზრისით, მაინც ვამჯობინე, ერთხელ არჩეულ გზას მივყოლოდი და მკითხველისთვის ამჯერადაც ინტელექტუალური პაექრობის საშუალება მიმეცა. ვინაიდან დღევანდელი პაკეტი კინემატოგრაფის თემაზეა დაწერილი, გასაკვირი არ უნდა იყოს, რომ უპირატესობა ფრანგულ კინოს მივანიჭე – ყველას კარგად გვახსოვს, რომ 1895 წლის 28 დეკემბერს პირველი სეანსი სწორედ  ფრანგმა ძმებმა – ლუმიერებმა მოაწყვეს კაპუცინების ბულვარზე, სინათლის ქალაქში. ვფიქრობ, ცუდი არ იქნება, რამდენიმე ათწლეულით უკან დავიხიოთ და მივიწყებული ფილმები და სახეები გავიხსენოთ.

Good luck!

(more…)

Read Full Post »

The Jade Rosary

მისი სახელი იაპონურად “ცუდ ადამიანს” ნიშნავს….

არადა, ეს კაცი იაპონელებმა ამომავალი მზის ორდენით დააჯილდოვეს…

არავინ იცის, რატომ აირჩია ასეთი ფსევდონიმი მწერალმა, რომლის მთავარი პერსონაჟი ყველაზე წესიერი, პრინციპული და კეთილშობილი მაძებარია მსოფლიოს გამოჩენილ დეტექტივთა გალერეაში…

ფსევდონიმის შესახებ სხვადასხვა ვერსია არსებობს და ყველაზე გავრცელებული ცნობილი ანარქისტის – მიხაილ ბაკუნინის პატივსაცემად სახელის არჩევაა, მაგრამ მთავარი ეს როდია.

ამ წვიმიან კვირა დღეს ბორის აკუნინის კრებული – “ნეფრიტის კრიალოსანი” გამახსენდა, სადაც მწერალმა გადაწყვიტა, დეტექტიური ჟანრის კლასიკოსთა მიმართ პატივისცემა გამოეხატა თავისებური, ორიგინალური მანერით და, ამავე დროს, ერასტ ფანდორინის ციკლში დარჩენილი ქრონოლოგიური ჭუჭრუტანები რამდენიმე მომცრო ზომის ნაწარმოებით შეეევსო.

(more…)

Read Full Post »

tbilisi international book festival 2010

ჩემს მკითხველს, ალბათ, არ გაუკვირდება, თუ ვიტყვი, რომ თბილისის წიგნის ფესტივალს ყოველთვის დიდი ინტერესით ველოდები ხოლმე. თუმცა ღონისძიება, რომელიც წელს, 26 მაისიდან 29 მაისის ჩათვლით გაიმართება, განსაკუთრებული იქნება და ჩვეულ მოლოდინს სხვა ინტრიგაც ემატება  – წიგნის გამომცემელთა და გამავრცელებელთა ასოციაციის ხელმძღვანელობის გადაწყვეტილებით, მოლი ბლუმის ბლოგი თბილისის წიგნის XIII საერთაშორისო ფესტივალის ექსკლუზიური მიმომხილველი ხდება.

პროექტი, უპირველეს ყოვლისა, წინ გადადგმული ნაბიჯია ჯერ ისევ ნეონატოლოგების მეთვალყურეობის ქვეშ მყოფი ბლოგისთვის. წინასაფესტივალო მზადებისთვის თვალყურის დევნება, შემდგომ კი უშუალოდ “ბრძოლის ველიდან” მომზადებული სპეციალური რეპორტაჟები, ვფიქრობ, ჩემს ბიბლიოფილ მკითხველსაც დააინტერესებს და, იმედი მაქვს, არც ორგანიზატორები დარჩებიან უკმაყოფილო.

კარგად მახსოვს შარშანდელი წიგნის ფესტივალი  – შუა კვირაში, სამუშაო საათებს ვიპარავდი და ფილარმონიის ფოიეს მონახულებას მაინც ვახერხებდი. მაშინ უბრალოდ მკითხველი ვიყავი – წელს უკვე თქვენი კორესპოდენტის ფუნქციასაც შევითავსებ, მერე კი ერთად განვსაჯოთ, რამდენად კარგად გავართვი ამას თავი.

(more…)

Read Full Post »

Older Posts »

%d bloggers like this: