Posted in მოლის ბიბლიოთეკა, tagged ამერიკელები, ბიბლიო-სერიები, გია ჭუმბურიძე, დიოგენე, ედგარ ბეროუზი, თანამედროვე ამერიკული ბიბლიოთეკა, ირმა ტაველიძე, მოლის ბიბლიოთეკა, პორტნოის სინდრომი, პროზა, სრული გასხივოსნება, ფილიპ როთი, ქართული თარგმანი, ქეთი ქანთარია, შეთქმულება ამერიკის წინააღმდეგ, ჯონათან საფრან ფოერი, ჰანთერ თომპსონი on April 19, 2013 | 25 Comments »
ბოლო პოსტებს ბიბლიო-სერიებზე ვწერ.
არა, საწინააღმდეგო არაფერი მაქვს – ტომეულების შეგროვება ბავშვობიდან მომწონს-მეთქი, უკვე გითხარით. თან, ისეთი სიახლეებია, რამდენი წიგნიც არ უნდა გეგულებოდეს შინ და რაც არ უნდა იწუწუნო, თაროების ადგილი აღარ მაქვსო, გვერდს ვერაფრით აუვლი. ჰოდა, მიეწყო ასე – გემრიელად და საინტერესოდ.
დღეს “დიოგენეს” ამბებს მოგიყვებით.
Posted in მოლის ბიბლიოთეკა, tagged ავსტრალია, ბიბლიო-სერიები, დიოგენე, დიოგენეს ბიბლიოთეკა, ერთი სიყვარულის ამბავი, ლალი ჭინჭარაული, მაიკლ ბოუნი, მოლის ბიბლიოთეკა, პიტერ კერი, პროზა, ქართული თარგმანი, ქეთი ქანთარია, ძარცვა on April 12, 2013 | 16 Comments »
სიმართლე გითხრათ, ახლად გამოცემულ წიგნებზე წერას ვერიდები – ადვილი შესაძლებელია, რაიმე წამომცდეს და რომელიმე თავგადაკლულ ბიბლიოფილს პირველად წაკითხვის სიამოვნება ჩავაშხამო. თუმცა “დიოგენეს ბიბლიოთეკის“ მორიგი ავტორით იმდენად მოხიბლული დავრჩი, ცდუნებას ვერ გავუძელი და ბოლო გვერდები ჩავათავე თუ არა, კომპიუტერს მივუჯექი პოსტის ჩასაწიკწიკებლად.
ახლა, რამდენად კარგად ჩავაწიკწიკე, უკვე სტუმრების შესაფასებელია, მაგრამ მთავარი ის არის, რომ ავსტრალიელი მწერლის – პიტერ კერის შემოქმედებას ჩემი სახით ერთგული მკითხველი შეემატა.
არადა, თხრობა, თავიდან, ცოტა არ იყოს, მოსაწყენი მომეჩვენა – თითქოს დინამიკა და სიმძაფრე აკლდა, მაგრამ ავტორის სტილმა მაინც მომხიბლა – ძალიან დახვეწილი, თავისუფალი და ლაღი წერის მანერა ჰქონდა, თანაც სიყალბის ნატამალი არ შეიმჩნეოდა.
ჰოდა, ვერც კი შევნიშნე, ისე ჩამითრია სახელგანთქმული ავსტრალიელი მხატვრის – მაიკლ ბოუნის ამბავმა, რომელსაც ჯერ კიდევ ცოტა ხნის წინ მომხიბვლელი ცოლიც ჰყავდა, უსაყვარლესი რვა წლის ბიჭუნაც და არც ფული აკლდა, არც პოპულარობა. ბედის უკუღმართობამ კი, ამ ყველაფრის დაკარგვას ვინ ჩივის, გისოსებს მიღმა ამოაყოფინა თავი.
Posted in მოლის ბიბლიოთეკა, tagged ბიბლიო-სერიები, დიოგენე, დიოგენეს ბიბლიოთეკა, ეპატაჟი, ლალი ქადაგიძე, ლეონარდო და ვინჩი, მებრძოლთა კლუბი, მოლის ბიბლიოთეკა, მონა ლიზა, ნიკა სამუშია, პროექტი ქაოსი, პროზა, ტაილერ დერდენი, ქართული თარგმანი, ჩაკ პალანიკი on April 5, 2013 | 53 Comments »
ზოგმა, შეიძლება, ზიზღითაც გადააგდოს გვერდზე – ეპატაჟი უკეთ შეფუთულიც მინახავსო.
მთავარი შეცდომაც, მგონი, სწორედ იმაშია, რომ მკითხველთა ნაწილი ჩაკ პალანიკის “მებრძოლთა კლუბს” თავის დამკვიდრების სკანდალურ მცდელობად თვლის.
იმედია, ჩემი ტონი მენტორულად არ მოგეჩვენებათ – ღმერთმა დამიფაროს. უბრალოდ, იმპრესიების გაზიარებას ვაპირებ.
მომკალით და ეპატაჟი აქ ვერ დავინახე. არც თემაა გაცვეთილი – საკუთარი თავის ძიებისა და შეცნობის უტყუარი გზისთვის ჯერ არავის მიუგნია. წიგნის გმირებიც სწორედ ამას ცდილობენ – ვისაც როგორ გამოსდის.
ერთმა კრიტიკოსმა ძალიან მოსწრებულად შენიშნა, რომ პალანიკის პერსონაჟები ყოველდღიურ ცხოვრებას ისე უყურებენ, როგორც თავსახურს მოთუხთუხე ორთქლის ქვაბზე, სადაც ადამიანთა სისასტიკე დუღს და გადმოსვლას ლამობს.
მართლაც ასეა.
Posted in მოლის ბიბლიოთეკა, tagged ასტრიდ ლინდგრენი, ბაკურ სულაკაურის გამომცემლობა, ბარონ მიუნჰაუზენი, ბოლონია, გამომცემლობები და წიგნის მაღაზიები, დიოგენე, დონალდ ბისეტი, კარლსონი, მაყვალა მრევლიშვილი, მერი პოპინსი, მოლის ბიბლიოთეკა, მოლის საბავშვო ბიბლიოთეკა, მსოფლიოს ხალხთა ზღაპრები, მუმინების ბიბლიოთეკა, ნატო დავითაშვილი, ნოდარ დუმბაძე, პატარა უფლისწული, პეპი გრძელიწინდა, საბავშვო ბიბლიოთეკა, საბავშვო ლიტერატურა, საბავშვო წიგნების ფესტივალი, სელმა ლაგერლოფი, ტელეფონით მოყოლილი ზღაპრები, ტუვე იანსონი, ქართული ხალხური ზღაპრები, ქარჩხაძის გამომცემლობა, ქინდლი, ჩიპოლინო, ძმები გრიმები, ჯანი როდარი, ჰანს ქრისტიან ანდერსენი on March 25, 2013 | 63 Comments »
სხვისი არ ვიცი და მე თუ მკითხავთ – მტკნარი სისულელეა.
ერთი, რომ ლინდგრენს, როდარის და ბისეტს მკითხველის ასაკი გემოს ოდნავადაც არ უკარგავს – შედევრი შედევრად რჩება.
მეორეც, საბავშვო ისეთ წიგნს ჰქვია, რომელსაც, რაც ადრე წაიკითხავ, მით უკეთესი, თორემ არავის დაუწესებია, უფროსებმა ხელი არ დააკარონო.
ჰოდა, მეც წიგნის მაღაზიიდან როგორ გამოვალ, ფერად-ფერადი გამოცემებით დახუნძლულ განყოფილებებს თუ არ ჩამოვუარე საგულდაგულოდ - ემანდ, ახალი არაფერი გამომრჩეს-მეთქი.
მე შენ გეტყვი, ცოტაა. პატარებისთვის მგონი, ყველაზე მეტს ბეჭდავენ გამომცემლობები და სწორადაც იქცევიან – ერთგულ მკითხველზე იმთავითვე ზრუნავენ. აბა, კერუაკის და კუტზეეს დამფასებელი ციდან ხომ არ ჩამოვარდება, შარლ პეროთი და ტუვე იანსონით თუ არ დაიწყო?!
ერთი სიტყვით, ძალიან მინდა, დღეს მოლის საბავშვო ბიბლიოთეკაზე გიამბოთ – გულის სიღრმეში ყველაზე მეტად რომ მიყვარს.
Posted in მოლის ბიბლიოთეკა, tagged აკრძალული ლიტერატურა, ბიბლიო-სერიები, დიოგენე, დიოგენეს ბიბლიოთეკა, თამარ ჯაფარიძე, კირჩხიბის ტროპიკი, მოლის ბიბლიოთეკა, მონოლოგი, პარიზი, პროზა, სექსი, ქართული თარგმანი, ჰენრი მილერი on March 22, 2013 | 31 Comments »
ამბობენ, ამ კაცს დიალოგები არ უყვარსო.
არ უყვარს რა… არ სჭირდება უბრალოდ. მუდმივად მონოლოგის რეჟიმშია ჩართული და ყველაფერი მშვენივრად გამოსდის. თანამოსაუბრეების გარეშეც ახერხებს, საზოგადოებას სიძულვილი და ფურთხი ხელთათმანივით ესროლოს სახეში.
ან რა დიალოგი უნდა ვესტიბიულში განცდილ ორგაზმს, მკბენარის წყალობით დამეგობრებულ ბორისს და ელზას, რომელიც “ყველას ფეხებზე ჰკიდია, მხოლოდ ხმარობენ”… კლოდს, რომელსაც მეძავისთვის დამღუპველი თვისებები ჰქონია – “გულიც, ნამუსიც და პეწიც”… ახლა ნანანთათი? აი, ის ინდუსი, ცირკ “მედრანოს” ადამიან-გველს რომ ჰგავს. მერე ვან ნორდენი, “ცხოვრებაში მხოლოდ კითხვა, ოცნება და წერაობა” რომ აინტერესებს…
სახეების ამ კალეიდოსკოპს მუდმივი შიმშილი, ხეტიალი, თავშესაფრის განუწყვეტელი ძიება ახლავს თან. ჰო, კიდევ ქალები, უამრავი ერთჯერადი ქალი და ბევრზე ბევრი სექსი. ამ ყველაფერს ავტორი ისე ოსტატურად გვიამბობს, ისეთი ლაღი თხრობის მანერა აქვს, რომ აქა–იქ მიმობნეული ძუნწი დიალოგები სულ არ გვეჩვენება ცოტა.
არავინ თქვას, ჰენრი მილერის “კირჩხიბის ტროპიკი” მომეწონაო, მაინც არ დავუჯერებ. აი, თუ მეტყვის, დავიწყე და ვეღარ მოვწყდიო, ეჭვიც არ შემეპარება და, ჩემი მხრიდან, იმასაც დავამატებ, რომ ეს წიგნი, ერთხელ მაინც, ყველამ უნდა წაიკითხოს.
Posted in მოლის ბიბლიოთეკა, tagged ბერტი ვუსტერი, ბრიტანული იუმორი, გია ჭუმბურიძე, გლოსოპი, დაიკიდე ჯივზ!, დიოგენე, დიოგენეს ბიბლიოთეკა, ინგლისი, იუმორი, ლალი ქადაგიძე, ლონდონი, მოლის ბიბლიოთეკა, პელემ ვუდჰაუსი, პრანჭიკა, პროზა, ქართული თარგმანი, ჯივზი on March 1, 2013 | 46 Comments »
მე სერიოზული ადამიანი გახლავართ.
უნდა ვაღიარო, ზოგჯერ ზედმეტად სერიოზულიც კი.
რას ვიზამთ – ულმობელმა ცხოვრებამ დამასვა დაღი. თან, არც პროფესია მაქვს ისეთი, ენის თლიფინით ლაპარაკს და ხუმრობას რომ მიმაჩვიოს.
ჰოდა, ხანდახან რამდენიმე ყლუპი იუმორი ჰაერივით მჭირდება. ეს კი ცოტა რთული საკითხია – ჯერ ერთი, ირგვლივ, ძირითადად, ჩემსავით სერიოზული ადამიანები მახვევია, მეორეც – ცხვირი სულ წიგნებში მაქვს ჩარგული.
“დიოგენეს” გაახარებს ღმერთი - “ბიბლიოთეკაში” ისეთი რომანი შეიტანა, ეს დეფიციტური იუმორი ყლუპებით კი არა, ჩაფებით მოიძებნება. სასაცილო საკითხავი აქამდეც არაერთხელ მომხვედრია ხელთ, მაგრამ, კარგა ხანია, არაფერს გავუხალისებივარ ისე, როგორც ვუდჰაუსის “დაიკიდე, ჯივზ!”-მა მოახერხა.
დასაწყისს ძლივს ვიყავი გაცდენილი და უკვე ისე ვხარხარებდი, ოჯახის წევრებმა ლამის სასწრაფო გამოიძახეს – ეგონათ, ნერვული აშლილობა დამემართა გადაღლილობის ფონზე.
გავიცინებდი, აბა, რას ვიზამდი! ჯერ მარტო შეყვარებული ადამიანის მენიუ ნახეთ:
‘მკაცრი დიეტა – არავითარი სოსისები, ნამცხვრები და, მით უმეტეს, ლორი!”
Posted in მოლის ბიბლიოთეკა, tagged 13¾, ანა ჭაბაშვილი, დიოგენე, დღიური, ედრიან მოული, ედრიან მოულის საიდუმლო დღიური, ინგლისი, მოლის ბიბლიოთეკა, პანდორა, პროზა, სიუ ტაუნსენდი, ქართული თარგმანი, ხათუნა ბასილაშვილი on February 22, 2013 | 58 Comments »
ბრიტანელები ყოველთვის სერიოზული ხალხი მეგონა.
ხომ გესმით – ტრადიციები, კონსერვატიზმი, ფაივ ო’ქლოქი, დედოფალი ვიქტორია და რამე…
მაგრამ 13¾ წლის ბიჭი ასეთი შინაგანი ტრაგიზმით აღსავსე თუ იქნებოდა, ნამდვილად ვერ წარმოვიდგენდი. ეტყობა, მის ასაკში სათანადო სიღრმე და ანალიზის უნარი მაკლდა.
სანაძლეოს დავდებ, ვერ მიხვდებით, ვისზე ვლაპარაკობ. იმიტომ, რომ ეს წიგნი სულ ცოტა ხნის წინ თარგმნეს ქართულად და გასულ კვირას ამაყად ვიდექი პირველი მყიდველების რიგში. იქამდე, უნდა გამოვტყდე, არც სიუ ტაუნსენდის სახელი გამეგონა და არც მის პერსონაჟზე – ედრიან მოულიზე მსმენოდა.
არადა, ნისლიან ალბიონზე ეს, ოჯახური პრობლემებისგან, უიღბლო სიყვარულისაგან და ვულგარული აკნესაგან გატანჯული მოზარდი თვით შერლოკ ჰოლმსივით ცნობილი და პოპულარული ყოფილა.
ცხონებული ბებია კი მასწავლიდა – “ნუ დასცინი სხვასაო, გადაგხდება თავსაო” – მაგრამ რა ვქნა, ეს ბიჭი ისე გვიყვება თავის პრობლემებზე, მეცინება და მომკალით, თუ გინდათ.
Posted in მოლის ბიბლიოთეკა, tagged აქ და ახლა, გამომცემლობები და წიგნის მაღაზიები, დიოგენე, დიოგენეს ბიბლიოთეკა, დოკუმენტური პროზა, კარლო მარია მარტინი, მოლის ბიბლიოთეკა, პოლ ოსტერი, პროზა, უმბერტო ეკო, ქართული თარგმანი, ჯონ მაქსველ კუტზეე, In cosa crede chi non crede, non fiction on February 11, 2013 | 26 Comments »
ძვირფასო ბიბლიოფილებო, გულზე ხელი დაიდეთ და მითხარით, რამდენჯერ გითქვამთ დანანებით, ესა და ეს წიგნი, ჰინდის და სუაჰილის ჩათვლით, ყველა ენაზე გადაუჭიკჭიკებიათ და მაინცდამაინც ქართული ვერსია არ მოგვეპოვებაო…
ან რამდენჯერ გაგხარებიათ, საყვარელი მწერლის ცინცხალ რომანს უმალ ჩვენეული თარგმანიც რომ მოჰყოლია…
და ინგლისურ ორიგინალს გადმოქართულებული ვარიანტი რომ დაასწრებს, ამაზე რას იტყვით?
ა, ბატონო, თუ არ გჯერათ – “აქ და ახლა“ დასავლურ ბუქსთორებში მხოლოდ მარტში გამოჩნდება, ქართულად კი უკვე აგერ მიდევს, მაგიდაზე.
როგორ მოახერხეს, “დიოგენეს” ჰკითხეთ – უკეთ აგიხსნიან. მე წიგნზე უნდა გიამბოთ.
